ଜଣେ ଖ୍ରୀଷ୍ଟିୟାନ ପରିତ୍ରାଣ ପୂର୍ବ ବା ପର ସମୟରେ ପୂର୍ବ ପାପ ବିଷୟରେ ଥିବା ଦୋଷ ଅନୁଭବ କରିବା ବିଷୟରେ କି ପଦକ୍ଷେପ ଗ୍ରହଣ କରିବା ଉଚିତ୍?



ପ୍ରଶ୍ନ: ଜଣେ ଖ୍ରୀଷ୍ଟିୟାନ ପରିତ୍ରାଣ ପୂର୍ବ ବା ପର ସମୟରେ ପୂର୍ବ ପାପ ବିଷୟରେ ଥିବା ଦୋଷ ଅନୁଭବ କରିବା ବିଷୟରେ କି ପଦକ୍ଷେପ ଗ୍ରହଣ କରିବା ଉଚିତ୍?

ଉତ୍ତର:
ସମସ୍ତେ ପାପ କରିଅଛନ୍ତି, ଏବଂ ପାପର ଫଳଗୁଡିକ ମଧ୍ୟରୁ ଗୋଟିଏ ହେଉଛି ଦୋଷ ଅନୁଭବ କରିବା | ଦୋଷୀ ଅନୁଭବ ଯୋଗୁଁ ଆମେ ଧନ୍ୟବାଦୀ ହେବା ଉଚିତ୍ ଯେହେତୁ ସେଗୁଡିକ କ୍ଷମା ପାଇବାର ଅନ୍ବେଷଣ କରିବା ନିମନ୍ତେ ଆମ୍ଭମାନଙ୍କୁ ସେ ଦିଗରେ କଢାଇ ନେଇଥାଏ | ଜଣେ ବ୍ୟକ୍ତି ଥରେ ପାପରୁ ବିଶ୍ବାସରେ ଯୀଶୁଖ୍ରୀଷ୍ଟଙ୍କ ନିକଟକୁ ଫେରିଲେ, ତା' ପାପ କ୍ଷମା ହୋଇଥାଏ | ଅନୁତାପ ହେଉଛି ସେହି ବିଶ୍ବାସର ଏକ ଅଂଶ ଯାହା ପରିତ୍ରାଣ ଆଡକୁ ପଥ କଢାଇଥାଏ (ମାଥିଉ ୩:୨; ୪:୧୭; ପ୍ରେରିତ ୩:୧୯) |

ଖ୍ରୀଷ୍ଟଙ୍କଠାରେ ଏପରିକି ସବୁଠାରୁ କଦର୍ଯ୍ୟ ପାପଗୁଡିକ ମଧ୍ୟ କାଟି ହୋଇଯାଏ (୧କରିନ୍ଥୀୟ ୬:୯-୧୧ ରେ କ୍ଷମା ହୋଇପାରୁଥିବା ଅଧର୍ମ କାର୍ଯ୍ୟଗୁଡିକର ତାଲିକା ଦେଖନ୍ତୁ) | ପରିତ୍ରାଣ ଅନୁଗ୍ରହରୁ ଆସିଥାଏ, ଏବଂ ଅନୁଗ୍ରହ କ୍ଷମା ପ୍ରଦାନ କରିଥାଏ | ଜଣେ ବ୍ୟକ୍ତି ଉଦ୍ଧାରପ୍ରାପ୍ତ ହେଲାପରେ, ସେ ତଥାପି ପାପ କରିବ, ଏବଂ ସେ ଯେତେବେଳେ ପାପ କରିବ, ଈଶ୍ବର ତଥାପି କ୍ଷମାର ପ୍ରତିଜ୍ଞା କରିଅଛନ୍ତି | "କିନ୍ତୁ କେହି ଯଦି ପାପ କରେ, ତାହାହେଲେ ପିତାଙ୍କ ଛାମୁରେ ଆମ୍ଭମାନଙ୍କର ଜଣେ ସପକ୍ଷବାଦୀ ଅଛନ୍ତି, ସେହି ଧାର୍ମିକ ଯୀଶୁଖ୍ରୀଷ୍ଟ" (୧ଯୋହନ ୨:୧) |

ଅଥଚ, ପାପରୁ ମୁକ୍ତି ସର୍ବଦା ଦୋଷୀ ଅନୁଭବରୁ ମୁକ୍ତିକୁ ବୁଝାଏନାହିଁ | ଏପରିକି ଯେତେବେଳେ ଆମର ପାପସବୁ କ୍ଷମା ହୁଏ, ଆମେ ସେସବୁକୁ ତଥାପି ସ୍ମରଣ କରୁ | ପୁଣି, "ଆମ୍ଭମାନଙ୍କ ଭ୍ରାତୃବୃନ୍ଦଙ୍କ ଅପବାଦକାରୀ" ଭାବେ ଜଣାଶୁଣା (ପ୍ରକାଶିତ ୧୨:୧୦) ଏକ ଆତ୍ମିକ ଶତ୍ରୁ ରହିଛି ଯିଏକି ଅବିଶ୍ରାନ୍ତ ଭାବେ ଆମ୍ଭମାନଙ୍କର ବିଫଳତାସବୁ, ଦୋଷଗୁଡିକ, ପାପସବୁକୁ ସ୍ମରଣ କରାଇଥାଏ | ଯେତେବେଳେ ଜଣେ ଖ୍ରୀଷ୍ଟିୟାନ ଦୋଷୀ ଅନୁଭବର ଅନୁଭୂତିପ୍ରାପ୍ତ ହୁଏ, ସେ ନିମ୍ନ କାର୍ଯ୍ୟଗୁଡିକ କରିବା ଉଚିତ୍ |

୧) ସମସ୍ତ ଜଣା ଓ ପୂର୍ବେ ସ୍ବୀକାର ହୋଇନଥିବା ପାପ ସ୍ବୀକାର କରନ୍ତୁ | କିଛି କ୍ଷେତ୍ରରେ, ଦୋଷୀ ଅନୁଭବ ଉପଯୁକ୍ତ ହୁଏ, ଯେହେତୁ ସ୍ବୀକାର ଆବଶ୍ୟକ ହୋଇଥାଏ | ଅନେକ ସମୟରେ, ଆମେ ଦୋଷୀ ଅନୁଭବ କରୁ, ଯେହେତୁ ଆମେ ଦୋଷୀ ଅଟୁ! (ଦୋଷୀ ଅନୁଭବ ବିଷୟରେ ଦାଉଦଙ୍କ ବର୍ଣ୍ଣନ ଏବଂ ଗୀତ ୩୨:୩-୫ରେ ଏହାର ସମାଧାନ ଦେଖନ୍ତୁ |)

୨) ଅନ୍ୟ କୌଣସି ସ୍ବୀକାରଯୋଗ୍ୟ ପାପ ପ୍ରକାଶ କରାଇବା ନିମନ୍ତେ ପ୍ରଭୁଙ୍କୁ ପ୍ରାର୍ଥନାରେ କୁହନ୍ତୁ | ପ୍ରଭୁଙ୍କ ସମ୍ମୁଖରେ ସମ୍ପୂର୍ଣ୍ଣରୂପେ ମୁକ୍ତ ଓ ସଚ୍ଚୋଟ ହେବାର ସାହସ ରଖନ୍ତୁ | "ହେ ପରମେଶ୍ବର, ମୋହର ଅନୁସନ୍ଧାନ କର ଓ ମୋ' ଅନ୍ତଃକରଣର ପରିଚୟ ନିଅ; ମୋତେ ପରୀକ୍ଷା କର ଓ ମୋହର ସଂକଳ୍ପସବୁ ଜ୍ଞାତ ହୁଅ; ଆଉ, ମୋ' ଅନ୍ତରରେ ଦୁଷ୍ଟତାର କୌଣସି ମାର୍ଗ ଅଛି କି ନାହିଁ, ଏହା ଦେଖ, ପୁଣି ଅନନ୍ତ ପଥରେ ମୋତେ ଗମନ କରାଅ" (ଗୀତ ୧୩୯:୨୩-୨୪) |

୩) ଖ୍ରୀଷ୍ଟଙ୍କ ରକ୍ତ ଆଧାରରେ ଈଶ୍ବର ଯେ ପାପ କ୍ଷମା କରିବେ ଏବଂ ଦୋଷୀ ମନୋଭାବ ଦୂର କରିବେ ଈଶ୍ବରଙ୍କର ଏହି ପ୍ରତିଜ୍ଞା ରେ ଭରସା ରଖନ୍ତୁ (୧ଯୋହନ ୧:୯; ଗୀତ ୮୫:୨; ୮୬:୫; ରୋମୀୟ ୮:୧) |

୪) ପାପ କ୍ଷମା ହୋଇସାରିଥିଲେ ଏବଂ ପାପକୁ ଆପଣ ପରିତ୍ୟାଗ କରିଥିବା ସ୍ଥଳେ ଦୋଷୀ ମନୋଭାବ ଉତ୍ଥିତ ହେଲେ ଏହି ସମସ୍ତ ଦୋଷୀ ମନୋଭାବକୁ ଭ୍ରାନ୍ତ ଦୋଷୀ ମନୋଭାବ ଭାବେ ପ୍ରତ୍ୟାଖ୍ୟାନ କରନ୍ତୁ | ଈଶ୍ବର କ୍ଷମା ଦେବା ନିମନ୍ତେ ତାଙ୍କ ପ୍ରତିଜ୍ଞାରେ ସତ୍ୟ ହୋଇଆସିଛନ୍ତି | ଗୀତ ୧୦୩:୮-୧୨କୁ ପାଠ କରି ଧ୍ୟାନ କରନ୍ତୁ |

୫) ଆପଣଙ୍କ ଅପବାଦକ ଶୟତାନକୁ ଧମକ ଦେବା ନିମନ୍ତେ ପ୍ରଭୁଙ୍କୁ କୁହନ୍ତୁ, ଏବଂ ଦୋଷୀ ମନୋଭାବରୁ ମୁକ୍ତିରୁ ଆସୁଥିବା ଆନନ୍ଦ ପୁନଃପ୍ରତିଷ୍ଠିତ କରିବା ନିମନ୍ତେ ପ୍ରଭୁଙ୍କୁ କୁହନ୍ତୁ (ଗୀତ ୫୧:୧୨) |

ଗୀତସଂହିତା ୩୨ ଏକ ଅତି ଲାଭଦାୟକ ଅଧ୍ୟୟନ | ଯଦିଓ ଦାଉଦ ଅତି ଭୟଙ୍କର ପାପ କରିଥିଲେ, ସେ ଉଭୟ ପାପ ଏବଂ ଦୋଷୀ ମନୋଭାବରୁ ମୁକ୍ତି ପାଇଥିଲେ | ସେ ଦୋଷୀ ମନୋଭାବର କାରଣ ଏବଂ କ୍ଷମାର ବାସ୍ତବତାରେ ପଦକ୍ଷେପ ନେଲେ | ଏହା ଅନୁସନ୍ଧାନ କରିବା ନିମନ୍ତେ ଗୀତସଂହିତା ୫୧ ହେଉଛି ଆଉ ଏକ ଉତ୍ତମ ଶାସ୍ତ୍ରାଂଶ | ଏଠାରେ ପାପ ସ୍ବୀକାରକୁ ଗୁରୁତ୍ବ ଦିଆଯାଇଛି, ଯେହେତୁ ଦାଉଦ ଏକ ଦୋଷୀ ମନୋଭାବ ଓ ଦୁଃଖରେ ଭରା ହୃଦୟରୁ ଈଶ୍ବରଙ୍କ ନିକଟରେ ଅନୁନୟ କରୁଛନ୍ତି | ଏହାର ଫଳ ହେଉଛି ପୁନଃସ୍ଥାପନ ଏବଂ ଆନନ୍ଦ |

ପରିଶେଷରେ, ଯଦି ପାପ ସ୍ବୀକାର କରାଯାଇଛି, ପାପ ଯୋଗୁଁ ଅନୁତାପ କରାଯାଇଛି, ଏବଂ ପାପ କ୍ଷମା ହୋଇଛି ତେବେ ଆଗେଇ ଚାଲିବା ନିମନ୍ତେ ଏହା ଏକ ସମୟ ଅଟେ | ସ୍ମରଣ କରନ୍ତୁ ଯେ, ଆମେ ଯେଉଁମାନେ ଖ୍ରୀଷ୍ଟଙ୍କଠାକୁ ଆସିଛୁ, ତାଙ୍କଠାରେ ନୂତନ ସୃଷ୍ଟି ହୋଇଅଛୁ | "ଏଣୁ ଯଦି କେହି ଖ୍ରୀଷ୍ଟଙ୍କଠାରେ ଅଛି, ପୁରାତନ ବିଷୟସବୁ ଲୋପପାଇଅଛି; ଦେଖ ନୂତନ ବିଷୟ ବିଷୟ ହୋଇଅଛି!" (୨କରିନ୍ଥୀୟ ୫:୧୭) | ଲୋପପାଇଥିବା "ପୁରାତନ" ର କିଛି ଅଂଶ ହେଉଛି ସେଗୁଡିକ ଉତ୍ପନ୍ନ କରୁଥିବା ପୂର୍ବକୃତ ପାପ ଓ ଦୋଷର ସ୍ମରଣ | ଦୁଃଖର କଥା ଯେ, କିଛି ଖ୍ରୀଷ୍ଟିୟାନ ସେମାନଙ୍କ ପାପପୂର୍ଣ୍ଣ ଜୀବନ, ସ୍ମୃତିଗୁଡିକୁ ତୁଷ୍ଟ କରିବାର ସମ୍ଭାବନା ଦେଖାଦେଇଥାଏ, ଯାହାକି ବହୁ ପୂର୍ବରୁ ମୃତ ଓ ସମାଧିସ୍ଥ ହେବାର ଥିଲା | ଏହା ଅର୍ଥଶୂନ୍ୟ ଏବଂ ଈଶ୍ବର ଚାହୁଁଥିବା ବିଜୟୀ ଜୀବନ ନିମନ୍ତେ ଏକ ସମାସ୍ୟା ଭାବରେ ଦେଖାଦିଏ | ଏକ ବୁଦ୍ଧିର ପ୍ରବାଦ ହେଉଛି "ଯଦି ଈଶ୍ବର ଆପଣଙ୍କୁ ଏକ ନାଳରୁ ରକ୍ଷା କରିଛନ୍ତି, ପୁନର୍ବାର ସେହି ନାଳକୁ ଡେଇଁ ପହଁରନ୍ତୁ ନାହିଁ |"



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ଜଣେ ଖ୍ରୀଷ୍ଟିୟାନ ପରିତ୍ରାଣ ପୂର୍ବ ବା ପର ସମୟରେ ପୂର୍ବ ପାପ ବିଷୟରେ ଥିବା ଦୋଷ ଅନୁଭବ କରିବା ବିଷୟରେ କି ପଦକ୍ଷେପ ଗ୍ରହଣ କରିବା ଉଚିତ୍?