ବହୁଜାତି ବିବାହ ବିଷୟରେ ବାଇବଲ୍ କ'ଣ କୁହେ?



ପ୍ରଶ୍ନ: ବହୁଜାତି ବିବାହ ବିଷୟରେ ବାଇବଲ୍ କ'ଣ କୁହେ?

ଉତ୍ତର:
ପୁରାତନ ନିୟମରେ ଥିବା ନିୟମ ଇଶ୍ରାୟେଲୀୟମାନଙ୍କୁ ବହୁଜାତି ବିବାହରେ ସଂସ୍ଲିଷ୍ଟ ନ ହେବା ନିମନ୍ତେ ଆଦେଶ ଦେଇଛି (ଦ୍ବିତୀୟ ବିବରଣ ୭:୩-୪) | ଅଥଚ, ଏହାର କାରଣ ମୁଖ୍ୟତଃ ଜାତିଗତ ପ୍ରକୃତି ଯୋଗୁଁ ନୁହେଁ | ବରଂ, ଏହା ଧର୍ମଗତ କାରଣ ଅଟେ | ଈଶ୍ବର ବହୁଜାତି ବିବାହ ନ କରିବା ନିମନ୍ତେ ଆଦେଶ ଦେବାର କାରଣ ଏହା ଥିଲା ଯେ, ଅନ୍ୟ ଜାତିର ଲୋକେ ପ୍ରତିମାପୂଜକ ଓ ମିଥ୍ୟା ଦେବଗଣର ପୂଜକ ଥିଲେ | ଇଶ୍ରାୟେଲୀୟମାନେ ହୁଏତ ଅସଦ୍ ପଥରେ ଯାଇପାରିଥାନ୍ତେ ଯଦି ସେମାନେ ମୂର୍ତ୍ତି ପୂଜକ, ବିଜାତି ଓ ଅଧର୍ମୀମାନଙ୍କ ସହ ବିବାହ ବନ୍ଧନରେ ଆବଦ୍ଧ ହୋଇଥାନ୍ତେ | ଠିକ୍ ଏହିପରି ଶାସ୍ତ୍ରାଂଶ ନୂତନ ନିୟମରେ ଦିଆଯାଇଛି, କିନ୍ତୁ ଏକ ଅଧିକ ଭିନ୍ନ ସ୍ତରରେ ଏହା ଉଲ୍ଲିଖିତ ଅଛି: "ଅବିଶ୍ବାସୀମାନଙ୍କ ସହିତ ଅସମାନରୂପେ ଯୋଚା ନ ଯାଅ | କାରଣ ଧର୍ମ ଓ ଅଧର୍ମ ମଧ୍ୟରେ କି ସହଯୋଗିତା? ଅବା ଅନ୍ଧକାର ସହ ଆଲୋକର କି ସହଭାଗୀତା" (୨କରିନ୍ଥୀୟ ୬:୧୪) | ଠିକ୍ ଯେପରି ଇଶ୍ରାୟେଲୀୟମାନେ (ଏକମାତ୍ର ସତ୍ୟ ଈଶ୍ବରଙ୍କ ବିଶ୍ବାସୀଗଣ) ପ୍ରତିମାପୂଜକମାନଙ୍କ ସହ ବିବାହ ନ କରିବା ନିମନ୍ତେ ଆଦେଶପ୍ରାପ୍ତ ହୋଇଥିଲେ ଠିକ୍ ସେପରି ଖ୍ରୀଷ୍ଟିୟାନମାନେ (ଏକମାତ୍ର ସତ୍ୟ ଈଶ୍ବରଙ୍କଠାରେ ବିଶ୍ବାସକାରୀଗଣ) ଅବିଶ୍ବାସୀମାନଙ୍କ ସହ ବିବାହ ନ କରିବା ନିମନ୍ତେ ଆଦେଶପ୍ରାପ୍ତ ହୋଇଥିଲେ | ନିର୍ଦ୍ଧିଷ୍ଟ ଭାବେ ଏହି ପ୍ରଶ୍ନର ଉତ୍ତର ଦେବା ନିମନ୍ତେ, ଏହାର ଉତ୍ତର ହେଉଛି 'ନା', ଅର୍ଥାତ୍ ବାଇବଲ୍ କୁହେନାହିଁ ଯେ ବହୁଜାତି ବିବାହ ଭୁଲ୍ ଅଟେ |

ମାର୍ଟିନ୍ ଲୁଥର୍ କିଙ୍ଗ୍ ଯେପରି ଉଲ୍ଲେଖ କରନ୍ତି, ସେପରି ଜଣେ ବ୍ୟକ୍ତି ତା'ର ଚର୍ମର ରଙ୍ଗ ଅନୁଯାୟୀ ବିଚାରିତ ହୁଏନାହିଁ କିନ୍ତୁ ତା'ର ଚରିତ୍ର ଦ୍ବାରା ବିଚାରିତ ହୁଏ | ଜାତି ଆଧାରରେ ମୁଖାପେକ୍ଷା କରିବା ନିମନ୍ତେ ଏକ ଖ୍ରୀଷ୍ଟିୟାନ ଜୀବନରେ ବାଇବଲରେ ସ୍ଥାନ ନାହିଁ (ଯାକୁବ ୨:୧-୧୦) | ଯେତେବେଳେ ଜଣେ ଜୀବନସାଥୀଙ୍କୁ ଚୟନ କରାଯାଏ, ଜଣେ ଖ୍ରୀଷ୍ଟିୟାନ ସର୍ବଦା ଦେଖିବା ଉଚିତ୍ ଯେ, ସାମ୍ଭାବ୍ୟ ଜୀବନସାଥୀ ଯୀଶୁଖ୍ରୀଷ୍ଟଙ୍କଠାରେ ବିଶ୍ବାସ ସ୍ଥାପନ କରି ପୁନଃଜନ୍ମ ପ୍ରାପ୍ତ ହୋଇଛନ୍ତି କି ନାହିଁ (ଯୋହନ ୩:୩-୫) | ଜଣେ ଜୀବନସାଥୀ ଚୟନ କରିବା ନିମନ୍ତେ ବାଇବଲର ମାନ ଚର୍ମର ରଙ୍ଗ ନୁହେଁ କିନ୍ତୁ ଖ୍ରୀଷ୍ଟଙ୍କଠାରେ ବିଶ୍ବାସ | ବହୁଜାତି ବିବାହ ଠିକ୍ ବା ଭୁଲର ବିଷୟ ନୁହେଁ, କିନ୍ତୁ ଏହା ବୁଦ୍ଧି, ଚିହ୍ନିବାର ଶକ୍ତି ଏବଂ ପ୍ରାର୍ଥନାର ବିଷୟ ଅଟେ |

ଏକମାତ୍ର କାରଣ ଯେଉଁଥିପାଇଁ ବହୁଜାତି ବିବାହକୁ ସାବଧାନତାର ସହିତ ବିଚାର କରାଯିବା ଉଚିତ ହେଉଛି ମିଶ୍ରିତ ଜାତିରେ ବିବାହ କରିଥିବା ସ୍ବାମୀ ଓ ସ୍ତ୍ରୀ ଅନ୍ୟମାନଙ୍କ ଯୋଗୁଁ ସମାସ୍ୟାର ସମ୍ମୁଖୀନ ହୋଇପାରନ୍ତି ଯେଉଁମାନେ କି ସେହି ଦମ୍ପତ୍ତିଙ୍କୁ ଗ୍ରହଣ କରିବାରେ କ୍ବିଚିତ୍ ସମୟ ପାଇଥାନ୍ତି | ଅନେକ ବହୁଜାତି ଦମ୍ପତ୍ତି ଭେଦଭାବ ଓ ଉପହାସର ସମ୍ମୁଖୀନ ହୁଅନ୍ତି, ବେଳେବେଳେ ଏପରିକି ସେମାନଙ୍କ ପରିବାରଗୁଡିକ ଦ୍ବାର ଏପରି ସମ୍ମୁଖୀନ ହୁଅନ୍ତି | କେତେକ ବହୁଜାତୀୟ ଦମ୍ପତ୍ତି ସେମାନଙ୍କର ସନ୍ତାନସନ୍ତତି ପିତାମାତଙ୍କ ଠାରୁ କିମ୍ବା/ଏବଂ ଭାଇ ଭଉଣୀମାନଙ୍କଠାରୁ ଚର୍ମର ବିଭିନ୍ନ ରଙ୍ଗ ଆପଣାଇ ଥାନ୍ତି, ସେତେବେଳେ ଉକ୍ତ ଦମ୍ପତ୍ତି ସମାସ୍ୟା ଅନୁଭବ କରନ୍ତି |. ଏକ ବହୁଜାତି ଦମ୍ପତ୍ତି ଏହି ସମସ୍ତ ବିଷୟକୁ ବିଚାରକୁ ଆଣିବା ଉଚିତ୍ ଏବଂ ସେଗୁଡିକ ନିମନ୍ତେ ପ୍ରସ୍ତୁତ ହୋଇ ରହିଥିବା ଆବଶ୍ୟକ ଅଟେ, ସେମାନେ ବିବାହ କରିବା ନିମନ୍ତେ ନିଷ୍ପତ୍ତି କରିବା ଉଚିତ୍ | ପୁନଶ୍ଚ, ଜଣେ ଖ୍ରୀଷ୍ଟିୟାନ ଯାହାଙ୍କୁ ବିବାହ କରିବ, ତା' ନିମନ୍ତେ ଏକମାତ୍ର ବାଇବଲ୍ ସମ୍ମତ ନିଷେଧାଜ୍ଞା ଉକ୍ତ ବ୍ୟକ୍ତି ଖ୍ରୀଷ୍ଟଙ୍କ ଶରୀରର ଜଣେ ସଭ୍ୟ ନା ନାହିଁ ତା' ଉପରେ ପର୍ଯ୍ୟବେସିତ ଅଟେ |



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ବହୁଜାତି ବିବାହ ବିଷୟରେ ବାଇବଲ୍ କ'ଣ କୁହେ?