ଈଶ୍ବର କଅଣ ବାସ୍ତବ ଅଟନ୍ତି? ମୁଁ କିପରି ସୁନିଶ୍ଚିତ ଭାବରେ ଜାଣିପାରିବି ଯେ ଈଶ୍ବର ବାସ୍ତବରେ ଅଛନ୍ତି?


ପ୍ରଶ୍ନ: ଈଶ୍ବର କଅଣ ବାସ୍ତବ ଅଟନ୍ତି? ମୁଁ କିପରି ସୁନିଶ୍ଚିତ ଭାବରେ ଜାଣିପାରିବି ଯେ ଈଶ୍ବର ବାସ୍ତବରେ ଅଛନ୍ତି?

ଉତ୍ତର:
ଈଶ୍ବର ବାସ୍ତବରେ ଅଛନ୍ତି ବୋଲି ଆମେ ଜାଣୁ କାରଣ ସେ ତିନି ଶ୍ରେଣୀରେ ନିଜକୁ ପ୍ରକାଶ କରନ୍ତି: ସୃଷ୍ଟି, ତାହାଙ୍କ ବାକ୍ୟ ଓ ତାହାଙ୍କ ପୁତ୍ର, ଯୀଶୁ ଖ୍ରୀଷ୍ଟ ।

ତାହାଙ୍କ ବିଦ୍ୟମାନତାର ପ୍ରାଥମିକ ପ୍ରମାଣ ହେଉଛି ସେ ଯାହା ନିର୍ମାଣ କରିଅଛନ୍ତି, “ଜଗତର ସୃଷ୍ଟିକଳାବଧି ତାହାଙ୍କର ଅଦୃଶ୍ୟ ଗୁଣସମୂହ, ଅର୍ଥାତ୍ ତାହାଙ୍କର ଅନାଦି ଅନନ୍ତ ଶକ୍ତି ଓ ଈଶ୍ବରତ୍ବ, ସୃଷ୍ଟ ବସ୍ତୁ ଗୁଡିକ ଦ୍ବାରା ବୋଧଗମ୍ୟ ହୋଇ ସ୍ପଷ୍ଟ ରୂପେ ପ୍ରତୀୟମାନ ହେଉଅଛି, ଯେପରି ସେମାନଙ୍କର ଉତ୍ତର ଦେବାର ବାଟ ନ ଥାଏ” (ରୋମୀୟ ୧:୨୦) । “ଆକାଶମଣ୍ଡଳ ପରମେଶ୍ବରଙ୍କ ଗୌରବ ବର୍ଣ୍ଣନା କରେ; ଶୂନ୍ୟମଣ୍ଡଳ ତାହାଙ୍କ ହସ୍ତକୃତ କର୍ମ ପ୍ରକାଶ କରେ ।” (ଗୀତସଂହିତା ୧୯:୧) । ଯଦି କ୍ଷେତରେ ତୁମେ ଗୋଟିଏ ହାତଘଡି ପାଅ, ତେବେ ତାହା ଶୂନ୍ୟରୁ ଆସିଅଛି ବୋଲି ତୁମେ ମନେ କରିବ ନାହିଁ ଅବା ତାହା ସର୍ବଦା ସେଠାରେ ଥିଲା ବୋଲି ହାତଘଡିର ରୂପ ଓ ଡିଜାଇନକୁ ଦେଖି ତୁମେ ଏହାର ନିର୍ମାତା ବିଷୟରେ ବିଚାର କରିବ । କିନ୍ତୁ ତାହାଠାରୁ ମହାନ ଡିଜାଇନ ଓ କାରିଗରୀ ଆମ ଚତୁଃପାର୍ଶ୍ବରେ ଅଛି । ଆମ ହାତଘଡି ଆଧାରରେ ସମୟର ମୂଲ୍ୟାଙ୍କନ ହୁଏ ନାହିଁ, କିନ୍ତୁ ଏହା ଈଶ୍ବରଙ୍କ ହସ୍ତକୃତ କାର୍ଯ୍ୟ- ପୃଥିବୀର ପରିଭ୍ରମଣ (ଘୁର୍ଣ୍ଣନ) । ଏହି ଜଗତରେ ମହାନ କାରିଗରୀ ରହିଅଛି ଏବଂ ଏହା ମହାନ କାରୀଗରର ବିଦ୍ୟମାନତାର ସପକ୍ଷରେ ଯୁକ୍ତି କରେ ।

ଯଦି ତୁମେ ଏକ (ଏନକୋଡେଡ୍) ଅନାବୃତ ସମ୍ବାଦ ପାଇବ, ତେବେ ତାହାର ସମ୍ବାଦ ପାଇବାକୁ ତୁମେ ଚେଷ୍ଟା କରିବ । ତୁମର ଅନୁମାନ ହେବ ଯେ ସମ୍ବାଦ ପଛରେ ଏକ ପ୍ରେରକ ଅଛି, ଜଣେ ଯିଏ କି ଏହାକୁ ତିଆରି କରିଅଛି । ଡିଏନଏର କୋଡ୍ ବିଷୟରେ ଚିନ୍ତା କରନ୍ତୁ ଯାହା ଆମ ଶରୀରର କୋଷରେ ଦିଅଯାଇଅଛି? ଆମ ଶରୀର ଜଟିଳ ଓ ଉଦ୍ଦେଶ୍ୟମୂଳକ ଡିଏନଏ କୋଡକୁ କି ଏକ ବିଦ୍ବାନ୍ କାରିଗରୀର ବିଦ୍ୟମାନତା ସମ୍ପର୍କରେ ଯୁକ୍ତି କରେ ନାହିଁ?

କେବଳ ଈଶ୍ବର ଏକ ଶ୍ରୁଂଖଳା ଓ ଶାରୀରିକ ପୃଥିବୀ ତିଆରି କରିଛନ୍ତି ତାହା ନୁହେଁ, ସେ ପ୍ରତ୍ୟେକ ମନୁଷ୍ୟମାନଙ୍କ ହୃଦୟରେ ଅନନ୍ତ କାଳକୁ ପ୍ରଦାନ କରିଅଛନ୍ତି (ଉପଦେଶକ ୩:୧୧) । ମନୁଷ୍ୟର ଅନ୍ତରରେ ଏକ ବୋଧ ଦିଆଯାଇଅଛି ଯେ ଜୀବନରେ ବହୁତ୍ କିଛି ଅଛି ଯାହା ଆମ ଚକ୍ଷୁ ବାହାରେ ଅଟେ, ଏହି ଶାରୀରିକ ବିଷୟ ବାହାରେ ଏକ ଅନନ୍ତକାଳୀନ ବିଷୟବସ୍ତୁର ବିଦ୍ୟମାନତା ରହିଅଛି । ଅନନ୍ତକାଳୀନତାର ବୋଧ ଦୁଇ ଶ୍ରେଣୀରେ ପ୍ରକାଶ ପାଏ: ବ୍ୟବସ୍ଥାକରଣ ଓ ଆରଧନା ।

ଇତିହାସ ପ୍ରବାହରେ ପ୍ରତ୍ୟେକ ସଭ୍ୟତା, କେତେକ ନୈତିକ ବ୍ୟବସ୍ଥା ସମାଜକୁ ଅବଦାନ କରିଅଛି, ଯାହାକି ଏକ ସଂସ୍କୃତିରୁ ଅନ୍ୟ ସଂସ୍କୃତିରେ ଅଲଗା ଅଟେ । ଉଦାହରଣ ସ୍ବରୁପେ, ସାର୍ବଜନୀନ ଭାବରେ ପ୍ରେମର ଆଦର୍ଶତାକୁ ପ୍ରଶଂସା କରାଯାଇଅଛି, ଯେବେ କି ସାର୍ବଜନୀନ ମିଥ୍ୟା କହିବା ନିନ୍ଦା କରାଯାଇଅଛି । ଏହି ସଧାରଣ ନୈତିକତା- ଠିକ୍ ଓ ଭୁଲର, ଏହି ସାର୍ବଜନୀନ ଜ୍ଞାନର ସୂଚନା ଦିଏ ଯେ ଏକ ମହାନ ନୈତିକ ବ୍ୟକ୍ତି ଅଛନ୍ତି ଯେ ଏହି ଜ୍ଞାନର ବୋଧ ଆମକୁ ଦେଇଅଛନ୍ତି ।

ଏହି ପ୍ରକାରେ, ସାରା ଦୁନିଆରେ ଲୋକମାନେ, ସଂସ୍କୃତି ନିର୍ବିଶେଷରେ ଏକ ଆରାଧନା ଅଭ୍ୟାସ ଓ ଜିଜ୍ଞାସାକୁ ଉନ୍ନତକ୍ରମେ ବଢାଇଅଛନ୍ତି । ଆରାଧନାର ଉଦ୍ଦେଶ୍ୟ ଭିନ୍ନ ହୋଇ ପାରେ , କିନ୍ତୁ ମହାନ୍ ଶକ୍ତି ର ବୋଧ ମନୁଷ୍ୟ ହେବାର ଅନିର୍ବାର୍ଯ୍ୟ ଅଂଶ ଅଟେ । ଆମ ଆରାଧନା କରିବାର ଗଭୀରତା ଏହି ସତ୍ୟତାର ପ୍ରମାଣ ଯେ ଈଶ୍ବର ଆମକୁ ତାହାଙ୍କ ପ୍ରତିମୂର୍ତ୍ତିରେ ନିର୍ମାଣ କରିଅଛନ୍ତି (ଆଦିପୁସ୍ତକ ୧:୨୭) ।

ଈଶ୍ବର ମଧ୍ୟ ତାହାଙ୍କ ବାକ୍ୟ, ବାଇବଲ ଦ୍ବାରା ନିଜକୁ ପ୍ରକାଶ କରିଅଛନ୍ତି । ସମଗ୍ର ଭାଗର ଧର୍ମଶାସ୍ତ୍ରରେ ଈଶ୍ବରଙ୍କ ବିଦ୍ୟମାନତାକୁ ସ୍ବପ୍ରକାଶିତ ସତ୍ୟତା ଭାବରେ ଦେଖାଯାଇଅଛି (ଆଦିପୁସ୍ତକ ୧:୧; ଯାତ୍ରାପୁସ୍ତକ ୩:୧୪) । ଯେତେବେଳେ ଜଣେ ମନୁଷ୍ୟ ନିଜର କାହାଣୀ ଅବା ଆତ୍ମ ଜୀବନୀ ଲେଖେ, ସେ ନିଜର ବିଦ୍ୟମାନତାକୁ ପ୍ରମାଣ କରିବା ପାଇଁ ସମୟ ଅପଚୟ କରେ ନାହିଁ । ସେହି ପ୍ରକାରେ, ଈଶ୍ବର ତାହାଙ୍କ ପୁସ୍ତକରେ ନିଜର ବିଦ୍ୟମାନତାକୁ ପ୍ରମାଣ କରିବା ପାଇଁ ବହୁ ସମୟ ବିନିଯୋଗ କରନ୍ତି ନାହିଁ । ବାଇବଲର ଜୀବନ ପରିବର୍ତ୍ତନ କରିବାର ଚରିତ୍ର ଓ ସ୍ବଭାବ, ଏହାର ଏକାଗ୍ରତା ଏବଂ ଯେଉଁ ଆଶ୍ଚର୍ଯ୍ୟ କର୍ମ ଏଠାରେ ଲିପିବଦ୍ଧ ଅଛି, ଏହା ହିଁ ତାହାର ପ୍ରମାଣ ପାଇଁ ଯଥେଷ୍ଟ ।

ତୃତୀୟତଃ, ଈଶ୍ବର ନିଜକୁ ତାହାଙ୍କ ପୁତ୍ର, ଯୀଶୁ ଖ୍ରୀଷ୍ଟଙ୍କ ଦ୍ବାରା ପ୍ରକାଶ କରିଅଛନ୍ତି (ଯୋହନ ୧୪:୬-୧୧) । “ଆଦ୍ୟରେ ବାକ୍ୟ ଥିଲେ...ପୁଣି ସେହି ବାକ୍ୟ ଦେହବନ୍ତ ହେଲେ” (ଯୋହନ ୧:୧, ୧୪, ଦେଖନ୍ତୁ କଲସୀୟ ୨:୯) ।

ଯୀଶୁଙ୍କ ଆଶ୍ଚର୍ଯ୍ୟମୟ ଜୀବନରେ, ସେ ସମ୍ପୂର୍ଣ୍ଣ ପୂରାତନ ନିୟମକୁ ସମ୍ପୂର୍ଣ୍ଣରୁପେ ପାଳନ କରିଥିଲେ ଓ ମଶୀହ ସମ୍ପର୍କରେ ଭାବବାଣୀକୁ ସଫଳ କରିଥିଲେ (ମାଥିଉ ୫:୧୭) । ତାହାଙ୍କ ସମ୍ବାଦ ଓ ଈଶ୍ବରତ୍ବକୁ ପ୍ରମାଣ କରିବା ପାଇଁ, ସେ ଅସଂଖ୍ୟ କରୁଣାମୟ କାର୍ଯ୍ୟ କରିଥିଲେ ଓ ଲୋକଙ୍କ ସମ୍ମୁଖରେ ଆଶ୍ଚର୍ଯ୍ୟକର୍ମ କରିଥିଲେ (ଯୋହନ ୧:୨୪-୨୮) । ତତ୍ପରେ, କ୍ରୁଶୀୟ ମରଣର ତିନି ଦିନ ଉତ୍ତାରେ, ସେ ପୁନର୍ଜୀବିତ ହେଲେ, ଏହିପରି ଏକ ସତ୍ୟତା ଯାହାକୁ ଶହ ଶହ ଚାକ୍ଷୁଷ ଦ୍ବାରା ଦୃଢୀବୃତ କରାଯାଇଅଛି (୧ କରନ୍ଥୀୟ ୧୫:୬) । ଐତିହାସିକ ତଥ୍ୟ ସୁଧା ଯୀଶୁ କିଏ ତାହାର ପ୍ରମାଣ ଦିଏ । ଯେପରି ପ୍ରେରିତ ପାଉଲ କହିଲେ, ଏହି ବିଷୟ “ଗୋଟିଏ କୋଣରେ” କରାଯାଇନାହିଁ” (ପ୍ରେରିତ ୨୬:୨୬) ।

ଆମେ ହୃଦୟଂଗମ କରୁ ଯେ ସର୍ବଦା ସନ୍ଦେହୀମାନେ ରହିବେ ଯେଉଁମାନେ ଈଶ୍ବରଙ୍କ ବିଷୟରେ ନିଜର ବ୍ୟକ୍ତିଗତ ମତ ରଖନ୍ତି ଓ ସେମାନେ ସ୍ଵଇଚ୍ଛାରେ ପ୍ରମାଣ ଗୁଡିକୁ ନିଜ ଦୃଷ୍ଟିକୋଣରୁ ପଢିବେ ଏବଂ ଏପରି ଲୋକମାନେ ରହିବେ ଯେ ଯେତେ ପ୍ରମାଣ ଦେଲେ ସୁଧା ସେମାନେ ମନ ଫେରଣ କରିବେ ନାହିଁ (ଗୀତସଂହିତା ୧୪:୧) । ଏହି ସମସ୍ତ ବିଷୟ କେବଳ ବିଶ୍ବାସ ଦ୍ବାରା ହିଁ ସମ୍ଭବ ଅଟେ (ଏବ୍ରୀ ୧୧:୬) ।



ଓଡିଆ ପେଜ୍ କୁ ପ୍ରତ୍ୟାବର୍ତ୍ତନ କରନ୍ତୁ



ଈଶ୍ବର କଅଣ ବାସ୍ତବ ଅଟନ୍ତି? ମୁଁ କିପରି ସୁନିଶ୍ଚିତ ଭାବରେ ଜାଣିପାରିବି ଯେ ଈଶ୍ବର ବାସ୍ତବରେ ଅଛନ୍ତି?