ଯୀଶୁ ଈଶ୍ବର ଅଟନ୍ତି କି? ଯୀଶୁ କେବେ ନିଜକୁ ଈଶ୍ବର ବୋଲି ଦାବି କରିଥିଲେ କି?


ପ୍ରଶ୍ନ: ଯୀଶୁ ଈଶ୍ବର ଅଟନ୍ତି କି? ଯୀଶୁ କେବେ ନିଜକୁ ଈଶ୍ବର ବୋଲି ଦାବି କରିଥିଲେ କି?

ଉତ୍ତର:
ଏହା ବାଇବଲରେ ସଠିକ୍ ରୂପେ ଲେଖାଯାଇନାହିଁ ଯେ ଯୀଶୁ କହିଲେ, “ମୁଁ ଈଶ୍ବର” । କିନ୍ତୁ ତାହାର ଅର୍ଥ ନୁହେଁ ଯେ, ସେ ଦାବି କରି ନ ଥିଲେ ଯେ ସେ ଈଶ୍ବର ଅଟନ୍ତି । ଉଦାହରଣ ସ୍ବରୁପେ, ଯୋହନ ୧୦:୩୦ରେ ଯୀଶୁଙ୍କ ବାକ୍ୟକୁ ଦେଖ, “ମୁଁ ଓ ମୋ ପିତା ଏକ” । ଆମେ କେବଳ ଯିହୂଦୀ ମାନଙ୍କ ପ୍ରତିକ୍ରିୟାକୁ ଦେଖିବା ଆବଶ୍ୟକ, ସେମାନେ କହିଲେ ଯୀଶୁ ଆପଣାକୁ ଈଶ୍ବର ବୋଲି ଦାବି କଲେ । କେବଳ ଏହି ପ୍ରତିକ୍ରିୟା ହେତୁ, ସେମାନେ ତାହାଙ୍କ ଉପରକୁ ପଥର ଫୋପାଡିବକୁ ଉଦ୍ୟମ କଲେ, “ଯିହୂଦୀମାନେ ତାହାଙ୍କୁ ଫୋପାଡିବା ନିମନ୍ତେ ଆଉ ଠାରେ ପଥର ଆଣିଲେ” (ଯୋହନ ୧୦:୩୩) । ଯିହୂଦୀମାନେ ପ୍ରକୃତରେ ବୁଝିପାରିଥିଲେ ଯେ ଯୀଶୁ କଅଣ ଦାବି କରୁଥିଲେ- ଈଶ୍ବରତ୍ବ ଭଲରେ । ଦେଖନ୍ତୁ, ଯୀଶୁ ଈଶ୍ବର ଦାବିକୁ ଖଣ୍ଡନ କରୁନାହାନ୍ତି । ଯେତେବେଳେ, ଯୀଶୁ କହିଲେ, “ମୁଁ ଓ ମୋ ପିତା ଏକ” (ଯୋହନ ୧୦:୩୦) । ସେ କହୁଥିଲେ ଯେ ପିତା ଓ ସେ ଏକ ସ୍ବଭାବ ଓ ଉପାଦାନର ଅଟନ୍ତି । ଯୋହନ ୮:୫୮ ହେଉଛି ଆଉ ଏକ ଉଦାହରଣ । ଯୀଶୁ କହିଲେ, “ଅବ୍ରାହମଙ୍କ ଜନ୍ମ ପୂର୍ବରୁ ମୁଁ ଅଛି”। ଏହି ବାକ୍ୟର ପ୍ରତିକ୍ରିୟା ସ୍ବରୁପେ ଯିହୂଦୀମାନେ ପଥର କାଡିବାକୁ ଲାଗିଲେ ଓ ତାହାଙ୍କୁ ଏହି ଈଶ୍ବର ନିନ୍ଦା ପାଇଁ ହତ୍ୟା ଉଦ୍ୟମ କଲେ, ଯେପରି କି ମୋଶାଙ୍କ ଲିଖିତ ବ୍ୟବସ୍ଥାରେ ଆଦେଶ ଦିଆଯାଇଛି (ଲେବୀୟ ୨୪:୧୫) ।

ଯୋହନ ଯୀଶୁଙ୍କ ଈଶ୍ବରତ୍ବକୁ ଗୁରୁତ୍ବଆରୋପ କରନ୍ତି: “ବାକ୍ୟ ପରମେଶ୍ବର ଥିଲେ” ଏବଂ “ବାକ୍ୟ ଦେହବନ୍ତ ହେଲେ” (ଯୋହନ ୧:୧,୧୪) । ଏହି ପଦଗୁଡିକ ସ୍ପଷ୍ଟଭାବରେ ସୂଚନା ଦିଅନ୍ତି ଯେ ଯୀଶୁ ମାନବ ଶରୀରରେ ପରମେଶ୍ବର ଥିଲେ । ପ୍ରେରିତ ୨୦:୨୮ ଆମକୁ କହେ ଯେ, “...ଆଉ ଯେଉଁ ମଣ୍ଡଳୀକି ଈଶ୍ବର ଆପଣା ନିଜ ରକ୍ତରେ କ୍ରୟ କରିଅଛନ୍ତି...”। କିଏ ମଣ୍ଡଳୀ- ଈଶ୍ବରଙ୍କ ମଣ୍ଡଳୀକି ତାହାଙ୍କ ରକ୍ତଦ୍ବାରା କ୍ରୟ କଲେ? ଯୀଶୁ ଖ୍ରୀଷ୍ଟ! ପ୍ରେରିତ ୨୦:୨୮ ଘୋଷଣା କରେ ଯେ ଈଶ୍ବର ତାହାଙ୍କ ମଣ୍ଡଳୀକୁ ତାହାଙ୍କ ରକ୍ତରେ କ୍ରୟ କଲେ, ତେଣୁ ଯୀଶୁ ଈଶ୍ବର ଅଟନ୍ତି! ।

ଥୋମା, ଶିଷ୍ୟ ଯୀଶୁଙ୍କ ନିକଟରେ ଏହା ଘୋଷଣା କଲେ, “ମୋ ପ୍ରଭୁ ଓ ମୋ ଈଶ୍ବର” (ଯୋହନ ୨୦:୨୮) । ଯୀଶୁ ତାହାଙ୍କୁ ଏହି ବିଷୟ ନେଇ ସଂଶୋଧନ କରନ୍ତି ନାହିଁ । ତୀତସ ୨:୧୩ ଉତ୍ସାହିତ କରେ ଯେ ଆମେ ଯେପରି ଆମର ଈଶ୍ବର ଓ ତ୍ରାଣକର୍ତ୍ତା, ଯୀଶୁ ଖ୍ରୀଷ୍ଟଙ୍କ ଆଗମନକୁ ଅପେକ୍ଷା କରୁ (ଦେଖ ୨ ପିତର ୧:୧) । ଏବ୍ରୀ ୧:୮ରେ ପିତା ପରମେଶ୍ବର ଯୀଶୁଙ୍କ ବିଷୟରେ ଏହା ଘୋଷଣା କରନ୍ତି, “ହେ, ଈଶ୍ବର, ତୁମର ସିଂହାସନ ଅନନ୍ତକାଳସ୍ଥାୟୀ, ପୁଣି, ନ୍ୟାୟର ଦଣ୍ଡ ତୁମ୍ଭର ରାଜଦଣ୍ଡ ଅଟେ” । ପିତା ଈଶ୍ବର ଯୀଶୁଙ୍କୁ “ହେ ଈଶ୍ବର” ବୋଲି ସମ୍ବୋଧନ କରନ୍ତି ଯାହା ଯୀଶୁଙ୍କ ଈଶ୍ବରତ୍ବର ପ୍ରମାଣ ଦିଏ ।

ପ୍ରକାଶିତ ପୁସ୍ତକରେ, ଏକ ଦୂତ ପ୍ରେରିତ ଯୋହନଙ୍କୁ କେବଳ ଈଶ୍ବରଙ୍କ ଆରାଧନା କରିବାକୁ ଆଂଜ୍ଞା ଦେଲେ (ପ୍ରକାଶିତ ୧୯:୧୦) । ବାଇବଲରେ ଅନେକ ଥର, ଯୀଶୁ ଆରାଧନା ଗ୍ରହଣ କରନ୍ତି (ମାଥିଉ ୨:୧୧; ୧୪:୩୩; ୨୮:୯, ୧୭; ଲୂକ ୨୪:୫୨; ଯୋହନ ୯:୩୮) । ସେ କଦାପି ଲୋକମାନଙ୍କୁ ତାହାଙ୍କ ଆରଧନା କରିବାରୁ ଭତ୍ସନା କରନ୍ତି ନାହିଁ । ଯଦି ଯୀଶୁ ଈଶ୍ବର ହୋଇ ନ ଥାନ୍ତେ, ସେ ଲୋକମାନଙ୍କୁ ତାହାଙ୍କ ପୂଜା ନ କରିବା ପାଇଁ କହିଥାନ୍ତେ, ଯେପରି କି ଏକ ଦୂତ ପ୍ରକାଶିତ ପୁସ୍ତକରେ କରିଥିଲେ । ବାଇବଲରେ ଆହୁରି ଅନେକ ପଦ ଓ ଶାସ୍ତ୍ରାଂସ ରହିଅଛି ଯାହା ଯୀଶୁଙ୍କ ଈଶ୍ବରତ୍ବର ଯୁକ୍ତି କରେ ।

ଯଦି ଯୀଶୁ, ଈଶ୍ବର ନୁହଁନ୍ତି, ତେବେ ତାହାଙ୍କ ମୃତ୍ୟୁ ସମସ୍ତ ଜଗତର ପାପର ଦଣ୍ଡକୁ ପେୟ କରିବାକୁ ଯଥେଷ୍ଟ ହେବ ନାହିଁ (୧ ଯୋହନ ୨:୨) । ଜଣେ ସୃଷ୍ଟ ବ୍ୟକ୍ତି, ଯଦି ଯୀଶୁ ନୁହଁନ୍ତି ତେବେ ସେ କେବଳ ତାହା ହିଁ ହେବେ, ଅସୀମ ଈଶ୍ବର ବିରୋଧରେ ପାପର ଅସୀମ ବେତନକୁ ପେୟ କରିପାରିବେ ନାହିଁ । କେବଳ ଈଶ୍ବର ହିଁ ଏହି ପ୍ରକାର ଅସୀମ ପେୟକୁ ପରିଶୋଧ କରିପାରିବେ । କେବଳ ଈଶ୍ବର ଏହି ଜଗତର ସମସ୍ତ ପାପକୁ ନେଇ ପାରିବେ (୨ କରନ୍ଥିୟ ୫:୨୧), ମୃତ୍ୟୁଭୋଗ କରିପାରିବେ, ଏବଂ ପୁନରୁଥିତ ହୋଇପାରିବେ, ଏବଂ ପାପ ଓ ମୃତ୍ୟୁ ଉପରେ ଆପଣାର ବିଜୟ ପ୍ରମାଣ ଦେଇପାରିବେ ।



ଓଡ଼ିଆ ପେଜ୍ କୁ ଫେରି ଯାଅନ୍ତୁ



ଯୀଶୁ ଈଶ୍ବର ଅଟନ୍ତି କି? ଯୀଶୁ କେବେ ନିଜକୁ ଈଶ୍ବର ବୋଲି ଦାବି କରିଥିଲେ କି?