ମୁଁ ନିଶ୍ଚିତରୂପେ କିପରି ଜାଣି ପାରିବି ଯେ, ମୃତ୍ୟୁ ଉତ୍ତାରେ ମୁଁ ସ୍ଵର୍ଗକୁ ଯିବି?


ପ୍ରଶ୍ନ: ମୁଁ ନିଶ୍ଚିତରୂପେ କିପରି ଜାଣି ପାରିବି ଯେ, ମୃତ୍ୟୁ ଉତ୍ତାରେ ମୁଁ ସ୍ଵର୍ଗକୁ ଯିବି?

ଉତ୍ତର:
ତୁମେ କଅଣ ନିଶ୍ଚିତରୂପେ ଜାଣ ଯେ, ତୁମ ପାଖରେ ଅନନ୍ତ ଜୀବନ ଅଛି ଏବଂ ଯେବେ ତୁମେ ମୃତ୍ୟୁବରଣ କରିବ, ତୁମେ ସ୍ଵର୍ଗକୁ ଯିବ? ଈଶ୍ଵର ଚାହାଁନ୍ତି ଯେ, ତୁମେ ଏହି ବିଷୟରେ ନିଶ୍ଚିତ ହୁଅ ! ବାଇବଲ କହେ, “ଈଶ୍ଵରଙ୍କ ନାମରେ ବିଶ୍ଵାସ କରୁଅଛ ଯେ ତୁମ୍ଭେମାନେ, ତୁମ୍ଭେମାନେ ଯେପରି ଜାଣ ଯେ, ତୁମ୍ଭେମାନେ ଅନନ୍ତଜୀବନ ପାଇଅଛ”(୧ ଯୋହନ ୫:୧୩) | ମନେକର, ବର୍ତ୍ତମାନ ତୁମେ ଈଶ୍ଵରଙ୍କ ସମ୍ମୁଖରେ ବର୍ତ୍ତମାନ ଠିଆ ହୋଇଥାନ୍ତ ଓ ସେ ତୁମକୁ ପଚାରିଥାନ୍ତେ, “ମୁଁ ସ୍ଵର୍ଗରେ ତୁମକୁ କାହିଁକି ସ୍ଥାନ ଦେବି?”, ତେବେ, ତୁମେ କଅଣ ଉତ୍ତର ଦେବ? ହୁଏତ, କଅଣ ଉତ୍ତର ଦେବାକୁ ହେବ ତୁମେ ଜାଣିଥାଇ ନପାର । କିନ୍ତୁ ତୁମେ ଏହା ଜାଣିବା ଉଚିତ୍ ଯେ, ଈଶ୍ଵର ଆମକୁ ପ୍ରେମ କରନ୍ତି ଓ ଆମ ନିମନ୍ତେ ଏକ ପଥ ଯୋଗାଇଅଛନ୍ତି ଯାହାଦ୍ଵାରା ଆମେ ନିଶ୍ଚିତରୂପେ ଜାଣିପାରିବା ଯେ ଆମେ କେଉଁଠାରେ ଅନନ୍ତକାଳ ବାସ କରିବା | ବାଇବଲ ଏହାକୁ ଏହି ପ୍ରକାରେ କୁହେ, “କାରଣ ଈଶ୍ଵର ଜଗତକୁ ଏଡ଼େ ପ୍ରେମ କଲେ ଯେ ସେ ଆପଣା ଏକମାତ୍ର ପୁତ୍ରଙ୍କୁ ଦାନ କଲେ, ଯେପରି ଯେ କେହି ତାହାଙ୍କଠାରେ ବିଶ୍ଵାସ କରେ, ସେ ବିନଷ୍ଟ ନ ହୋଇ ଅନନ୍ତ ଜୀବନ ପ୍ରାପ୍ତ ହୁଏ” ଯୋହନ ୩:୧୬ |

ପ୍ରଥମେ, ଆମକୁ ବୁଝିବାକୁ ହେବ ଯେ, କେଉଁ ବିଷୟ ଆମକୁ ସ୍ଵର୍ଗକୁ ଯିବାକୁ ପ୍ରତିରୋଧ କରୁଅଛି | ପ୍ରକୃତ ସମସ୍ୟା ହେଉଛି ଏହା – ଆମ ପାପମୟ ସ୍ଵଭାବ, ଆମକୁ ଈଶ୍ଵରଙ୍କ ସହ ସମ୍ପର୍କ ରଖିବାକୁ ପ୍ରତିରୋଧ କରୁଅଛି | ଆମେ ସ୍ଵାଭାବିକ ରୂପେ ଓ ଆମ ପସନ୍ଦ ଦ୍ଵାରା ପାପୀ ଅଟୁ | “କାରଣ ଅନୁଗ୍ରହରେ ବିଶ୍ଵାସ ଦ୍ଵାରା ତୁମ୍ଭେମାନେ ପରିତ୍ରାଣ ପାଇଅଛ; ତାହା ତୁମ୍ଭମାନଙ୍କ ନିଜ ଠାରୁ ହୋଇ ନାହିଁ, ତାହା ଈଶ୍ଵରଙ୍କ ଦାନ” ଏଫିସୀୟ ୨:୮-୯ | ଆମେ ମୃତ୍ୟୁ ଓ ନର୍କ ପାଇବାକୁ ଯୋଗ୍ୟ | “କାରଣ ପାପର ବେତନ ମୃତ୍ୟୁ” ରୋମୀୟ ୬:୨୩ |

ଈଶ୍ଵର ପବିତ୍ର, ନ୍ୟାୟବାନ ଓ ପାପକୁ ନିଶ୍ଚିତରୂପେ ଦଣ୍ଡ ଦିଅନ୍ତି, ତଥାପି ସେ ଆମକୁ ପ୍ରେମ କରନ୍ତି ଏବଂ ଆମ ପାପ ସକାଶେ କ୍ଷମା ଯୋଗାଇଛନ୍ତି | ଯୀଶୁ କହିଲେ: “ମୁଁ ପଥ, ସତ୍ୟ ଓ ଜୀବନ, ମୋ ଦେଇ ନଗଲେ କେହି ପିତାଙ୍କ ନିକଟକୁ ଯାଏ ନାହିଁ । “ (ଯୋହନ ୧୪:୬) | ଯୀଶୁ ଆମ ପାପ ପାଇଁ କୃଶରେ ମୃତ୍ୟୁଭୋଗ କଲେ: “ଯେଣୁ ଆମ୍ଭମାନଙ୍କୁ ଈଶ୍ଵରଙ୍କ ନିକଟକୁ ଆଣିବା ପାଇଁ ଖ୍ରୀଷ୍ଟ ମଧ୍ୟ ଧାର୍ମିକ ହୋଇ ଅଧାର୍ମିକ ମାନଙ୍କ ନିମନ୍ତେ ପାପ ହେତୁ ଥରେ ମୃତ୍ୟୁଭୋଗ କଲେ” (୧ ପିତର ୩:୧୮) | ଯୀଶୁ ମୃତମାନଙ୍କ ମଧ୍ୟରୁ ପୁନରୁତଥିତ ହେଲେ: “ସେହି ଯୀଶୁ ଆମ୍ଭମାନଙ୍କ ଅପରାଧ ନିମନ୍ତେ ସମର୍ପିତ ହେଲେ, ପୁଣି ଆମ୍ଭେମାନେ ଧାର୍ମିକ ଗଣିତ ହେବା ନିମନ୍ତେ ଉତଥାପିତ ହେଲେ”(ରୋମୀୟ ୪:୨୫) |

ତେଣୁ, ଆମେ ପ୍ରଥମ ପ୍ରଶ୍ନକୁ ଫେରିଯିବା- ମୁଁ କିପରି ନିଶ୍ଚିତରୂପେ ଜାଣିବି ଯେ, ମୃତ୍ୟୁବରଣ କଲା ଉତ୍ତାରେ, ମୁଁ ସ୍ଵର୍ଗକୁ ଯିବି? ଉତ୍ତର ହେଉଛି – ଯୀଶୁ ଖ୍ରୀଷ୍ଟଙ୍କଠାରେ ବିଶ୍ୱାସ କର ଏବଂ ତୁମେ ଉଦ୍ଧାର ପାଇବ (ପ୍ରେରିତ ୧୬:୩୧) | “ମାତ୍ର ଯେତେ ଲୋକ ତାହାଙ୍କୁ ଗ୍ରହଣ କଲେ, ଅର୍ଥାତ୍ ଯେଉଁମାନେ ତାହାଙ୍କ ନାମରେ ବିଶ୍ୱାସ କଲେ, ସେସମସ୍ତଙ୍କୁ ସେ ଈଶ୍ଵରଙ୍କ ସନ୍ତାନ ହେବା ନିମନ୍ତେ ଅଧିକାର ଦେଲେ; ସେମାନେ ରକ୍ତରୁ, ଶରୀରର ଇଚ୍ଛାରୁ ଅବା ମନୁଷ୍ୟର ଇଚ୍ଛାରୁ ଜାତ ହେଲେ ନାହିଁ, ବରଂ ଈଶ୍ଵରଙ୍କଠାରୁ ଜାତ ହେଲେ” (ଯୋହନ ୧:୧୨) | ଆପଣ ବିନାମୂଲ୍ୟରେ ଅନନ୍ତଜୀବନକୁ ଉପହାର ସ୍ଵରୂପେ ଗ୍ରହଣ କରିପାରିବେ | “କିନ୍ତୁ ଈଶ୍ଵରଙ୍କ ଅନୁଗ୍ରହଦାନ ଆମ୍ଭମାନଙ୍କ ପ୍ରଭୁ ଯୀଶୁ ଖ୍ରୀଷ୍ଟଙ୍କ ସହଭାଗିତାରେ ଅନନ୍ତଜୀବନ ଅଟେ”(ରୋମୀୟ ୬:୨୩) | ଆପଣ ବର୍ତ୍ତମାନ ଏକ ପରିପୂର୍ଣ୍ଣ ଓ ଅର୍ଥପୂର୍ଣ୍ଣ ଜୀବନ ଯାପନ କରି ପାରିବେ | ଯୀଶୁ କହିଲେ: “ଚୋର କେବଳ ଚୋରୀ, ବଧ ଓ ବିନାଶ କରିବା ନିମନ୍ତେ ଆସେ; ସେମାନେ ଯେପରି ଜୀବନ ପାଆନ୍ତି ଓ ପ୍ରଚୁର ଭାବରେ ପାଆନ୍ତି ଏଥିନିମନ୍ତେ ମୁଁ ଆସିଅଛି”(ଯୋହନ ୧୦:୧୦) | ସ୍ଵର୍ଗରେ ତୁମେ ଯୀଶୁଙ୍କ ସହ ଅନନ୍ତକାଳ ପାଇଁ ବାସ କରିପାରିବ, କାରଣ ସେ ପ୍ରତିଜ୍ଞା କରିଥିଲେ: “ପୁଣି, ମୁଁ ଯାଇ ତୁମ୍ଭମାନଙ୍କ ନିମନ୍ତେ ସ୍ଥାନ ପ୍ରସ୍ତୁତ କଲେ ପୁନର୍ବାର ଆସିବି, ଆଉ, ମୁଁ ଯେଉଁ ସ୍ଥାନରେ ଥାଏ, ତୁମ୍ଭେମାନେ ମଧ୍ୟ ଯେପରି ସେହି ସ୍ଥାନରେ ରହିବା, ସେଥି ନିମନ୍ତେ ତୁମ୍ଭମାନଙ୍କୁ ଆପଣା ନିକଟକୁ ଘେନିଯିବି” (ଯୋହନ ୧୪:୩) |

ଯଦି ଆପଣ ଯୀଶୁ ଖ୍ରୀଷ୍ଟଙ୍କୁ ନିଜର ଉଦ୍ଧାରକର୍ତ୍ତା ରୂପେ ଗ୍ରହଣ କରିବାକୁ ଚାହାଁନ୍ତି ଏବଂ ଈଶ୍ଵରଙ୍କଠାରୁ ପାପକ୍ଷମା ପାଇବାକୁ ଇଚ୍ଛା କରନ୍ତି, ତେବେ ନିମ୍ନରେ ପ୍ରାର୍ଥନାର ଏକ ନମୁନା ଦିଆଯାଇଅଛି | ମନେ ରଖନ୍ତୁ, ଏହି ପ୍ରାର୍ଥନା କରିବା ଦ୍ଵାରା ଅବା ଏହି ପରି ଅନ୍ୟ କୌଣସି ପ୍ରାର୍ଥନା ଆପଣଙ୍କୁ ଉଦ୍ଧାର କରି ପାରିବ ନାହିଁ କିନ୍ତୁ କେବଳ ଖ୍ରୀଷ୍ଟଙ୍କ ଠାରେ ବିଶ୍ଵାସ କରିବା ଦ୍ଵାରା ହିଁ ପାପରୁ ଉଦ୍ଧାର ପାଇପାରିବେ |

ଏହି ପ୍ରାର୍ଥନାର ଉଦ୍ଦେଶ୍ୟ ହେଉଛି, ଇଶ୍ଵରଙ୍କଠାରେ ନିଜ ବିଶ୍ଵାକୁ ପ୍ରକାଶ କରିବ। ଓ ସେ ତୁମ ପାଇଁ ପରିତ୍ରାଣ ଯୋଗାଇ ଥିବାରୁ ତାହାଙ୍କ ପ୍ରତି ଧନ୍ୟବାଦୀ ହେବ| । ପ୍ରାର୍ଥନା - “ହେ ଇଶ୍ଵର, ମୁଁ ଜାଣେ ଯେ ମୁଁ ତୁମ ବିରୁଦ୍ଧରେ ପାପ କରିଅଛି ଏବଂ ମୁଁ ଦଣ୍ଡ ପାଇବା ପାଇଁ ଯୋଗ୍ୟ | କିନ୍ତୁ ମୁଁ ବିଶ୍ଵାସ କରେ ଯେ ପ୍ରଭୁ ଯୀଶୁ ଖ୍ରୀଷ୍ଟ ମୋର ପାପର ଦଣ୍ଡକୁ କୃଶରେ ଭୋଗ କରି ଅଛନ୍ତି | ତାହାଙ୍କ ଠାରେ ବିଶ୍ଵାସ କରିବା ଦ୍ଵାରା ମୋର ପାପକ୍ଷମା ହୋଇପାରିବ | ପରିତ୍ରାଣ ପାଇବା ପାଇଁ ମୁଁ ତୁମ୍ଭଠାରେ ବିଶ୍ଵାସ କରୁଅଛି | ତୁମର ମହା ଅନୁଗ୍ରହ, କ୍ଷମା ଓ ଅନନ୍ତ ଜୀବନ ପାଇଁ ମୁଁ ତୁମକୁ ଧନ୍ୟବାଦ ଦେଉଅଛି” ଆମେନ୍ |

ଯଦି “ହଁ”, ତେବେ “ଆଜି ମୁଁ ଖ୍ରୀଷ୍ଟଙ୍କୁ ଗ୍ରହଣ କରିଅଛି” ବଟନ୍ ରେ ଟିକ୍ କରନ୍ତୁ



ଓଡ଼ିଆ ପେଜ୍ କୁ ଫେରି ଯାଅନ୍ତୁ



ମୁଁ ନିଶ୍ଚିତରୂପେ କିପରି ଜାଣି ପାରିବି ଯେ, ମୃତ୍ୟୁ ଉତ୍ତାରେ ମୁଁ ସ୍ଵର୍ଗକୁ ଯିବି?