ଅନନ୍ତ ନିରାପତ୍ତା କ’ଣ ପାପ କରିବା ନିମନ୍ତେ ଏକ “ଲାଇସେନ୍ସ” ଅଟେ?


ପ୍ରଶ୍ନ: ଅନନ୍ତ ନିରାପତ୍ତା କ’ଣ ପାପ କରିବା ନିମନ୍ତେ ଏକ “ଲାଇସେନ୍ସ” ଅଟେ?

ଉତ୍ତର:
ଅନନ୍ତ ନିରାପତ୍ତା ତତ୍ତ୍ବ ବିରୁଦ୍ଧରେ ଅଧିକ ସମୟ ଆପତ୍ତି କରୁଥିବା ବିଷୟ ହେଉଛି ଲୋକମାନେ ସେମାନଙ୍କ ଇଛାନୁସାରେ ଜୀବନଯାପନ କଲେ ସୁଦ୍ଧା ଏହା ସେମାନଙ୍କୁ ଉଦ୍ଧାର କରିଥାଏ । ଯଦିଓ ଏହା “ତତ୍ତ୍ବ ଅନୁଯାୟୀ” ସତ ଅଟେ, ତଥାପି ଏହା ବାସ୍ତବତା ଦୃଷ୍ଟିକୋଣରୁ ସତ ନୁହେଁ । ଯୀଶୁଖ୍ରୀଷ୍ଟଙ୍କ ଦ୍ବାରା ପ୍ରକୃତରେ ମୁକ୍ତି ପାଇଥିବା ଜଣେ ବ୍ୟକ୍ତି ସବୁବେଳେ ଜାଣିଶୁଣି ଜୀବନଯାପନ କରିବ ନାହିଁ । ଜଣେ ଖ୍ରୀଷ୍ଟିୟାନ କିପରି ଜୀବନଯାପନ କରିବା ଉଚିତ ଓ ପରିତ୍ରାଣ ପାଇବା ନିମନ୍ତେ ଜଣେ ବ୍ୟକ୍ତି ନିହାତି କେଉଁ ବିଷୟଗୁଡିକ କରିବାକୁ ହେବ ସେଥିମଧ୍ୟରେ ଆମେ ନିହାତି ପାର୍ଥକ୍ୟ ଦେଖିବାକୁ ହେବ ।

ବାଇବଲ ସ୍ବଷ୍ଟ ଭାବରେ କୁହେ ଯେ କେବଳ ଅନୁଗ୍ରହରେ ଯୀଶୁଖ୍ରୀଷ୍ଟଙ୍କଠାରେ ବିଶ୍ବାସ କରିବା ଦ୍ବାରା ପରିତ୍ରାଣ ମିଳିଥାଏ (ଯୋହନ 3:16; ଏଫିସୀୟ 2:8-9; ଯୋହନ 14:6) । ଜଣେ ବ୍ୟକ୍ତି ପ୍ରକୃତରେ ଯୀଶୁଖ୍ରୀଷ୍ଟଙ୍କଠାରେ ବିଶ୍ବାସ କରିବାକ୍ଷଣି ଉଦ୍ଧାର ପାଇଥାଏ ଓ ସେହି ପରିତ୍ରାଣରେ ସୁରକ୍ଷିତ ହୋଇଥାଏ । ପରିତ୍ରାଣ ବିଶ୍ବାସ ଦ୍ବାରା ମିଳିଲା ଉତ୍ତାରେ ପରବର୍ତ୍ତୀ ସମୟରେ ଏହା କାର୍ଯ୍ୟ ଦ୍ବାରା ରକ୍ଷା ହୋଇ ନଥାଏ । ପାଉଲ ଗାଲାତୀୟ ମଣ୍ଡଳୀକୁ ଯେତେବେଳେ ତଳେ ଦିଆଯାଇଥିବା ପଦରେ ପ୍ରଶ୍ନ ପଚାରିଛନ୍ତି, ସେହି ସମୟରେ ସେ ଏହି ବିଷୟକୁ ଲେଖିଛନ୍ତି, " ତୁମ୍ଭେମାନେ କ’ଣ ଏପରି ନିର୍ବୋଧ? ଆତ୍ମାରେ ଆରମ୍ଭ କରି ତୁମ୍ଭେମାନେ କି ଏବେ ଶରୀରରେ ସିଦ୍ଧ ହେବାକୁ ଯାଉଅଛ?" ଯଦି ଆମେ ବିଶ୍ବାସ ଦ୍ବାରା ପରିତ୍ରାଣ ପାଇଛୁ, ତେବେ ଆମର ପରିତ୍ରାଣ ରକ୍ଷା କରିବା ମଧ୍ୟ ବିଶ୍ବାସ ଦ୍ବାରା ହିଁ ହେବ । ଆମେ ନିଜ ପରିତ୍ରାଣକୁ ଅର୍ଜନ କରିପାରିବା ନାହିଁ । ଅତଏବ, ଆମେ ପରିତ୍ରାଣ ଅର୍ଜନ କରିପାରିବା ନାହିଁ କିମ୍ବା ଏହାକୁ ରକ୍ଷା କରିପାରିବା ନାହିଁ । ଈଶ୍ବର ହିଁ ଆମ୍ଭମାନଙ୍କର ପରିତ୍ରାଣକୁ ରକ୍ଷା କରିଥାନ୍ତି (ଯିହୂଦା 24) । ଈଶ୍ବରଙ୍କ ହସ୍ତ ହିଁ ତାହାଙ୍କ ହସ୍ତ ମୁଠାରେ ଆମ୍ଭମାନଙ୍କୁ ଦୃଢ ଭାବରେ ରଖିଥାଏ (ଯୋହନ 10:28-29) । କେବଳ ଈଶ୍ବରଙ୍କ ପ୍ରେମ ହିଁ ଆମ୍ଭମାନଙ୍କୁ ତାହାଙ୍କଠାରୁ ଅଲଗା କରିପାରିବ ନାହିଁ (ରୋମୀୟ 8:38-39) ।

ସାର ଭାବରେ କହିବାକୁ ଗଲେ, ଅନନ୍ତ ନିରାପତ୍ତା ବିଷୟରେ ଅସ୍ବୀକାର କରିବା ହେଉଛି ଆମେ ଆମ୍ଭମାନଙ୍କ ନିଜ ଭଲ କାମ ଓ ଚେଷ୍ଟା ଦ୍ବାରା ନିଜର ପରିତ୍ରାଣକୁ ରକ୍ଷା କରିବା ବୋଲି ବିଶ୍ବାସ କରିବା । ଏହା ଅନୁଗ୍ରହରେ ପରିତ୍ରାଣ ବିଷୟରେ ଥିବା ବିଷୟର ବିପରୀତ ଅଟେ । ଆମେ ନିଜର ଗୁଣଗୁଡିକ ଦ୍ବାରା ଉଦ୍ଧାର ନ ପାଇ ଖ୍ରୀଷ୍ଟଙ୍କ ଗୁଣଗୁଡିକ ଦ୍ବାରା ଉଦ୍ଧାର ପାଇଛୁ (ରୋମୀୟ 4:3-8) । ଆମ୍ଭମାନଙ୍କ ପରିତ୍ରାଣକୁ ରକ୍ଷା କରିବା ନିମନ୍ତେ ଆମେ ନିହାତି ଈଶ୍ବରଙ୍କ ବାକ୍ୟ ପାଳନ କରିବାକୁ ହେବ କିମ୍ବା ଈଶ୍ବରୀୟ ଜୀବନଯାପନ କରିବାକୁ ହେବ ବୋଲି ଦାବୀ କରିବା ହେଉଛି ଆମ୍ଭମାନଙ୍କ ପାପର ଦଣ୍ଡର ପାଉଣାକୁ ପରିଶୋଧ କରିବା ନିମନ୍ତେ ଯୀଶୁଙ୍କ ମରଣ ଯଥେଷ୍ଟ ନୁହେଁ ବୋଲି କହିବା । ଯୀଶୁଙ୍କ ମରଣ ସମ୍ପୂର୍ଣ୍ଣରୂପେ ଆମ୍ଭମାନଙ୍କ ପୂର୍ବ ପାପ, ବର୍ତ୍ତମାନ ପାପ, ଭବିଷ୍ୟତ ପାପ, ପରିତ୍ରାଣ ପୂର୍ବରେ କରିଥିବା ପାପ ଓ ପରିତ୍ରାଣ ପରେ କରୁଥିବା ପାପର ପାଉଣା ପରିଶୋଧ କରିବା ନିମନ୍ତେ ଯଥେଷ୍ଟ ଥିଲା (ରୋମୀୟ 5:8; 1କରିନ୍ଥୀୟ 15:3; 2କରିନ୍ଥୀୟ 5:21) ।

ଏହାର ଅର୍ଥ କ’ଣ ଏହା ଅଟେ କି ଯେ ଜଣେ ଖ୍ରୀଷ୍ଟିୟାନ ନିଜ ଚାହିଁବା ମୁତାବକ ଜୀବନଯାପନ କରି ସୁଦ୍ଧା ଉଦ୍ଧାର ପାଇବ? ଏହା ମୁଖ୍ୟତଃ ଏକ ପରିକଳ୍ପନା କରିବା ବିଷୟକ ଏକ ପ୍ରଶ୍ନ, କାରଣ ବାଇବଲ ସ୍ବଷ୍ଟ ଭାବରେ କୁହେ ଯେ ଜଣେ ପ୍ରକୃତ ଖ୍ରୀଷ୍ଟିୟାନ “ନିଜ ଇଛା ଅନୁଯାୟୀ” ଜୀବନଯାପନ କରିବାକୁ ଇଛା କରିବ ନାହିଁ । ଖ୍ରୀଷ୍ଟିୟାନମାନେ ନୂତନ ସୃଷ୍ଟି ହୋଇଅଛନ୍ତି (2କରିନ୍ଥୀୟ 5:17) । ଖ୍ରୀଷ୍ଟିୟାନମାନେ ଶାରିରୀକ ଅଭିଳାଷ (ଗାଲାତୀୟ 5:19-21) ପ୍ରକାଶ ନ କରି ଆତ୍ମାଙ୍କ ଫଳ (ଗାଲାତୀୟ 5:22-23) ପ୍ରକାଶ କରିଥାନ୍ତି । ପ୍ରଥମ ଯୋହନ 3:6-9 ସ୍ବଷ୍ଟ ଭାବରେ ଦେଖାଏ ଯେ ଜଣେ ପ୍ରକୃତ ଖ୍ରୀଷ୍ଟିୟାନ ସବୁବେଳେ ପାପ କରି ଜୀବନଯାପନ କରିବ ନାହିଁ । ଅନୁଗ୍ରହ ଦ୍ବାରା ପାପ କରିବା ହୁଏ ବୋଲି ଯେଉଁ ଅଭିଯୋଗ ଥିଲା, ତାହାକୁ ଉତ୍ତର ଦେଇ ପ୍ରେରିତ ପାଉଲ ଲେଖନ୍ତି, "ତେବେ ଆମ୍ଭେମାନେ କ’ଣ କହିବା, ଅନୁଗ୍ରହ ଯେପରି ପ୍ରଚୁର ହୁଏ ଏଥିପାଇଁ କି ପାପରେ ରହିଥିବା? ତାହା କେବେହେଁ ନ ହେଉ । ପାପ ପ୍ରତି ମୃତ ଯେ ଆମ୍ଭେମାନେ, ଆମ୍ଭେମାନେ ସେଥିରେ ଆଉ କିପରି ଜୀବନ କାଟିବା?" (ରୋମୀୟ 6:1-2) ।

ଅନନ୍ତ ନିରାପତ୍ତା ପାପ କରିବା ନିମନ୍ତେ ଏକ ଲାଇସେନ୍ସ ନୁହେଁ । ବରଂ, ଯେଉଁମାନେ ଖ୍ରୀଷ୍ଟଙ୍କଠାରେ ଭରସା ରଖନ୍ତି ସେମାନଙ୍କ ନିମନ୍ତେ ଈଶ୍ବରଙ୍କ ପ୍ରେମ ଯେ ରହିଛି ତାହା ଜାଣିବାର ସୁରକ୍ଷା । ଈଶ୍ବରଙ୍କ ପରିତ୍ରାଣର ଆଶ୍ଚର୍ଯ୍ୟଜନକ ଦାନକୁ ଜାଣିବା ଓ ବୁଝିବା ଦ୍ବାରା ଏହା ପାପ କରିବା ନିମନ୍ତେ ଲାଇସେନ୍ସ ଦେବାର ଠିକ୍‍ ବିପରୀତ ବିଷୟ କରିଥାଏ । ଯୀଶୁଖ୍ରୀଷ୍ଟ ଆମ୍ଭମାନଙ୍କ ପାପର ପରିଶୋଧ କରିଥିବା ଜାଣିସାରିଲା ପରେ, କୌଣସି ବ୍ୟକ୍ତି କିପରି ପାପରେ ଜୀବନଯାପନ କରିପାରିବ (ରୋମୀୟ 6:15-23)? ଯେଉଁମାନେ ବିଶ୍ବାସ କରନ୍ତି ସେମାନଙ୍କୁ ଈଶ୍ବର ବିନା ସର୍ତ୍ତରେ ଯେ ନିଶ୍ଚିତ ପ୍ରେମ କରନ୍ତି ଏହି ବିଷୟକୁ ଜଣେ ବୁଝିସାରିଲା ପରେ କିପରି ସେହି ପ୍ରେମକୁ ନେଇ ଈଶ୍ବରଙ୍କ ମୁହଁରେ ଫୋପାଡି ଦେବ? ଅନନ୍ତ ନିରାପତ୍ତା ଏପରି ଜଣେ ବ୍ୟକ୍ତିକୁ ପାପ କରିବା ନିମନ୍ତେ ଲାଇସେନ୍ସ ଦେଇଛି ବୋଲି ଦେଖାଏ ନାହିଁ, ବରଂ ସେ ପ୍ରକୃତରେ ଯୀଶୁଖ୍ରୀଷ୍ଟଙ୍କଠାରେ ପରିତ୍ରାଣ ପାଇନାହିଁ । "ଯେକେହି ତାହାଙ୍କଠାରେ ରହେ, ସେ ପାପ କରେ ନାହିଁ; ଯେକେହି ପାପ କରେ, ସେ ତାହାଙ୍କୁ ଦେଖିନାହିଁ, କିମ୍ବା ତାହାଙ୍କୁ ଜାଣିନାହିଁ" (1 ଯୋହନ 3:6) ।



ଓଡ଼ିଆ ପେଜ୍ କୁ ଫେରି ଯାଅନ୍ତୁ



ଅନନ୍ତ ନିରାପତ୍ତା କ’ଣ ପାପ କରିବା ନିମନ୍ତେ ଏକ “ଲାଇସେନ୍ସ” ଅଟେ?