ଆତ୍ମାଙ୍କ ଆଶ୍ଚର୍ଯ୍ୟକର୍ମର ଦାନସକଳ ଆଜି ବି ରହିଛି କି?



ପ୍ରଶ୍ନ: ଆତ୍ମାଙ୍କ ଆଶ୍ଚର୍ଯ୍ୟକର୍ମର ଦାନସକଳ ଆଜି ବି ରହିଛି କି?

ଉତ୍ତର:
ପ୍ରଥମ, ଈଶ୍ବର ଆଜି ଆଶ୍ଚର୍ଯ୍ୟକାର୍ଯ୍ୟ କରୁଅଛନ୍ତି ନା ନାହିଁ ଏହା ଯେ ସେବିଷୟକ ପ୍ରଶ୍ନ ନୁହେଁ ତାହା ଚିହ୍ନିତ କରିବା ଗୁରୁତ୍ବପୂର୍ଣ୍ଣ ଅଟେ | ଈଶ୍ବର ଲୋକମାନଙ୍କୁ ସୁସ୍ଥ କରନ୍ତି ନାହି., ଲୋକମାନଙ୍କୁ କଥା କୁହନ୍ତି ନାହିଁ ଏବଂ ଆଶ୍ଚର୍ଯ୍ୟଜନକ ଚିହ୍ନସକଳ ଏବଂ ଆଶ୍ଚର୍ଯ୍ୟକର୍ମସକଳ କରନ୍ତି ନାହିଁ ବୋଲି ଦାବୀ କରିବା ମୂର୍ଖତା ଏବଂ ବାଇବଲ ସମ୍ମତ ନୁହେଁ | ପ୍ରଶ୍ନଟି ହେଉଛି ମୁଖ୍ୟତଃ ୧କରିନ୍ଥୀୟ ୧୨-୧୪ ରେ ବର୍ଣ୍ଣନା କରାଯାଇଥିବା ଆଶ୍ଚର୍ଯ୍ୟକାର୍ଯ୍ୟର ଦାନସକଳ ଆଜି ବି ମଣ୍ଡଳୀରେ କାର୍ଯ୍ୟକ୍ଷମ ଅଛି କି? ଏହା ଏହି ପ୍ରଶ୍ନ ମଧ୍ୟ ନୁହେଁ ଯେ, ପବିତ୍ରଆତ୍ମା ଜଣେ ବ୍ୟକ୍ତିଙ୍କୁ ଆଶ୍ଚର୍ଯ୍ୟକର୍ମର ଦାନସକଳ ଦେଇପାରିବେକି? ଯେକୌଣସି ବିଷୟର ଉପରେ, ଆମେ ସାମଗ୍ରିକ ଭାବେ ଚିହ୍ନିପାରୁଛୁ ଯେ, ପବିତ୍ରଆତ୍ମା ତାଙ୍କ ଇଛାନୁଯାୟୀ ଦାନସକଳ ବିତରଣ କରନ୍ତି (୧କରିନ୍ଥୀୟ ୧୨:୭-୧୧) |

ପ୍ରେରିତ ପୁସ୍ତକ ଓ ପାଉଲଙ୍କ ପତ୍ରଗୁଡିକରେ, ଅଧିକ ସଂଖ୍ୟକ ପ୍ରେରିତମାନଙ୍କ ଓ ସେମାନଙ୍କ ଘନିଷ୍ଠ ସହଯୋଗୀଗଣଙ୍କ ଦ୍ବାରା ସମ୍ପାଦିତ ହୋଇଥିଲା | ଏହା କାହିଁକି, ପାଉଲ ତାହାର କାରଣ ଉଲ୍ଲେଖ କରନ୍ତି: "ଯେସମସ୍ତ ଚିହ୍ନ ଓ ଅଦ୍ଭୁତ କର୍ମ ପୁଣି ଶକ୍ତିର କାର୍ଯ୍ୟ ପ୍ରେରିତଙ୍କ ଲକ୍ଷଣସ୍ବରୂପ, ସେହିସବୁ ପ୍ରକୃତରେ ତୁମ୍ଭମାନଙ୍କ ମଧ୍ୟରେ ସମ୍ପୂର୍ଣ୍ଣ ଧୈର୍ଯ୍ୟ ସହକାରେ ସାଧିତ ହୋଇଅଛି" (୨କରିନ୍ଥୀୟ ୧୨:୧୨) | ଯଦି ଖ୍ରୀଷ୍ଟଙ୍କଠାରେ ଥିବା ପ୍ରତ୍ୟେକ ବିଶ୍ବାସୀ ଚିହ୍ନସକଳ, ଅଦ୍ଭୁତ କର୍ମ ଓ ଆଶ୍ଚର୍ଯ୍ୟକର୍ମସକଳ କରିବାରେ ସକ୍ଷମ ଥା'ନ୍ତେ ତେବେ ଚିହ୍ନସକଳ, ଅଦ୍ଭୁତ କର୍ମ ସକଳ ଏବଂ ଆଶ୍ଚର୍ଯ୍ୟକର୍ମସକଳ ଜଣେ ପ୍ରେରିତଙ୍କର ଚିହ୍ନସକଳକୁ ଚିହ୍ନିତ କରିବା ନିମନ୍ତେ ଏହା ଏକ ଉପାୟ ହୋଇନଥାନ୍ତେ | ପ୍ରେରିତ ୨:୨୨ ଆମ୍ଭମାନଙ୍କୁ କୁହେ ଯେ, "ନାନା ଶକ୍ତିର କାର୍ଯ୍ୟ, ଅଦ୍ଭୁତ କର୍ମ ଓ ଲକ୍ଷଣ" ଦ୍ବାରା ପ୍ରମାଣିତ ହେଲେ | ଠିକ୍ ସେହିପରି, ପ୍ରେରିତମାନେ ସେମାନେ ସମ୍ପାଦନ କରିଥିବା ଆଶ୍ଚର୍ଯ୍ୟକର୍ମଗୁଡିକ ଦ୍ବାରା ଈଶ୍ବରଙ୍କ ଦ୍ବାରା ପ୍ରେରିତ ସତ୍ୟ ବାର୍ତ୍ତାବହ ଭାବେ "ଚିହ୍ନିତ" ହୋଇଥିଲେ | ପ୍ରେରିତ ୧୪:୩ ପାଉଲ ଓ ବର୍ଣ୍ଣବ୍ବା ସମ୍ପାଦନ କରିଥିବା ଆଶ୍ଚର୍ଯ୍ୟକର୍ମଗୁଡିକ ଦ୍ବାରା ସୁସମାଚାର ବାର୍ତ୍ତା "ନିଶ୍ଚିତ" ହୋଇଆସୁଛି |

୧କରିନ୍ଥୀୟ ୧୨ ରୁ ୧୪ ଅଧ୍ୟାୟ ମୁଖ୍ୟତଃ ଆତ୍ମାଙ୍କର ଦାନସକଳର ବିଷୟରେ ପଦକ୍ଷେପ ନିଏ | "ସାଧାରଣ" ଶବ୍ଦରୁ ଜଣାଯାଏ ଯେ, ଖ୍ରୀଷ୍ଟିୟାନମାନେ ସମୟ ସମୟରେ ଆଶ୍ଚର୍ଯ୍ୟଜନକ ଦାନସକଳ ପ୍ରାପ୍ତ ହେଉଥିଲେ (୧୨:୮-୧୦, ୨୮-୩୦) | ଏହା କେତେ ସାଧାରଣ ସ୍ଥାନ ଥିଲା ତାହା ଆମ୍ଭମାନଙ୍କୁ କୁହାଯାଇନାହିଁ | ଉପରେ ଆମେ ଯାହା ଶିଖିଲୁ ତାହା ହେଉଛି, ପ୍ରେରିତମାନେ ଲକ୍ଷଣଗୁଡିକ ଓ ଅଦ୍ଭୁତ ଚିହ୍ନ ଗୁଡିକ ଦ୍ବାରା "ଚିହ୍ନିତ" ହେଉଥିଲେ, ସେଥିରୁ ଜଣାଯାଏ ଯେ, "ସାଧାରଣ" ଖ୍ରୀଷ୍ଟିୟାନମାନଙ୍କୁ ଦିଆଯାଉଥିବା ଆଶ୍ଚର୍ଯ୍ୟଜନକ ଦାନସକଳ ଏକ ନିୟମ ନ ହୋଇ ଏହା ଏକ ବ୍ୟତିକ୍ରମଣ ଥିଲା | ପ୍ରେରିତମାନେ ଓ ସେମାନଙ୍କ ଘନିଷ୍ଠ ସହଯୋଗୀମାନଙ୍କ ବ୍ୟତୀତ ନୂତନ କୌଣସି ସ୍ଥାନରେ ମଧ୍ୟ ଆତ୍ମାଙ୍କ ଆଶ୍ଚର୍ଯ୍ୟଜନକ ଦାନ ସକଳକୁ ବ୍ୟକ୍ତିବିଶେଷମାନେ (ସାଧାରଣ) କାର୍ଯ୍ୟ କରୁଥିଲେ ବୋଲି ନିର୍ଦ୍ଧିଷ୍ଟ ଭାବେ ଉଲ୍ଲେଖ ନାହିଁ |

ଆଜି ଆମ୍ଭମାନଙ୍କ ନିକଟରେ ଯେପରି ସମ୍ପୂର୍ଣ୍ଣ ବାକ୍ୟ ଅଛି (୨ତିମଥି ୩:୧୬-୧୭) ଆଦ୍ୟ ମଣ୍ଡଳୀ ନିକଟରେ ଯେ, ସମ୍ପୂର୍ଣ୍ଣ ବାଇବଲ ନ ଥିଲା ତାହା ହୃଦୟଙ୍ଗମ କରିବା ମଧ୍ୟ ଏକ ଗୁରୁତ୍ବପୂର୍ଣ୍ଣ ବିଷୟ ଅଟେ | ଅତଏବ, ଭାବବାଣୀ କହିବା, ଜ୍ଞାନ, ବୁଦ୍ଧି ଇତ୍ୟାଦିର ଦାନସକଳ ଆଦ୍ୟ ଖ୍ରୀଷ୍ଟିୟାନମାନଙ୍କ ନିମନ୍ତେ ଆବଶ୍ୟକ ଥିଲା ଯେପରିକି ସେମାନେ ଈଶ୍ବର ସେମାନଙ୍କୁ କ'ଣ କରିବା ଚାହାନ୍ତି ତାହା ସେମାନେ ଜାଣିପାରନ୍ତି | ଭାବବାଣୀର ଦାନ ବିଶ୍ବାସୀମାନଙ୍କୁ ଈଶ୍ବରଙ୍କଠାରୁ ପ୍ରାପ୍ତ ନୂତନ ସତ୍ୟତା ଏବଂ ପ୍ରକାଶନ ଜଣାଇବା ନିମନ୍ତେ ସକ୍ଷମ କରାଉଥିଲା | ବର୍ତ୍ତମାନ ବାଇବଲରେ ଈଶ୍ବରଙ୍କ ପ୍ରକାଶନ ସମ୍ପୂର୍ଣ୍ଣ ଅଟେ, ତେଣୁ "ପ୍ରକାଶକାତ୍ମକ" ଦାନସକଳର ଆଉ ଆବଶ୍ୟକ ନାହିଁ, ଅନ୍ତତଃ ଏହି ଦାନ ଆଦ୍ୟ ମଣ୍ଡଳୀରେ ଯେଉଁ ମାତ୍ରାରେ ଆବଶ୍ୟକ ହେଉଥିଲା ସେପରି ମାତ୍ରାରେ ବର୍ତ୍ତମାନ ଆବଶ୍ୟକ ନାହିଁ |

ଈଶ୍ବର ଆର୍ଶ୍ବର୍ଯ୍ୟଜନକ ଭାବରେ ଲୋକମାନଙ୍କୁ ସୁସ୍ଥ କରୁଅଛନ୍ତି | ଈଶ୍ବର ତଥାପି ଆମ୍ଭମାନଙ୍କୁ କଥା କହୁଅଛନ୍ତି, ହୋଇପାରେ ଏହା ଏକ ଶ୍ରବଣଯୋଗ୍ୟ ରବ, ହୋଇପାରେ ଏହା ଆମ୍ଭମାନଙ୍କ ମନରେ, କିମ୍ବା ମନର ଚାଳନା ବା ଅନୁଭବ ଦ୍ବାରା | ଈଶ୍ବର ଏବେ ବି ଆଶ୍ଚର୍ଯ୍ୟଜନକ କାର୍ଯ୍ୟ, ଲକ୍ଷଣଗୁଡିକ ଏବଂ ଅଦ୍ଭୁତକର୍ମମାନ କରୁଅଛନ୍ତି ଏବଂ ବେଳେବେଳେ ଏହି ସମସ୍ତ ଆଶ୍ଚର୍ଯ୍ୟକର୍ମକୁ ଜଣେ ଖ୍ରୀଷ୍ଟିୟାନ ଦ୍ବାରା କରନ୍ତି | ଅଥଚ, ଏହି ସମସ୍ତ ଆତ୍ମାଙ୍କ ଅପରିହାର୍ଯ୍ୟ ଭାବେ ଆତ୍ମାଙ୍କ ଆଶ୍ଚର୍ଯ୍ୟକର୍ମର ଦାନ ହୋଇ ନ ପାରେ | ଆଶ୍ଚର୍ଯ୍ୟକର୍ମର ମୂଳ ଉଦ୍ଦେଶ୍ୟ ଏହା ଥିଲା ଯେ, ଯେପରି ଏହା ସୁସମାଚାର ଯେ ସତ୍ୟ ତାହା ପ୍ରମାଣ କରିବ ଏବଂ ପ୍ରେରିତମାନେ ଯେ ଈଶ୍ବରଙ୍କଠାରୁ ପ୍ରକୃତ ଆନୀତ ବ୍ୟକ୍ତି ତାହା ପ୍ରମାଣିତ କରିବା | ବାଇବଲ ରୋକ୍ ଠୋକ୍ ଭାବେ କୁହେନାହିଁ ଯେ, ଆତ୍ମାଙ୍କର ଆଶ୍ଚର୍ଯ୍ୟକର୍ମର ଦାନସକଳ ବନ୍ଦ ହୋଇଯାଇଛି, କିନ୍ତୁ ସେଗୁଡିକ ନୂତନ ନିୟମର ଆଦ୍ୟରେ ଯେପରି ଦେଖାଯାଉଥିଲା ସେହି ପରିମାଣରେ ଯେ ବର୍ତ୍ତମାନ ଆଉ ଦେଖାଯିବ ନାହିଁ ତାହାର ଭିତ୍ତିମୂଳ ପକାଏ |



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ଆତ୍ମାଙ୍କ ଆଶ୍ଚର୍ଯ୍ୟକର୍ମର ଦାନସକଳ ଆଜି ବି ରହିଛି କି?