ମୁଁ କାହିଁକି ସଂଗଠିତ ଧର୍ମରେ ବିଶ୍ବାସ କରିବା ଉଚିତ୍?



ପ୍ରଶ୍ନ: ମୁଁ କାହିଁକି ସଂଗଠିତ ଧର୍ମରେ ବିଶ୍ବାସ କରିବା ଉଚିତ୍?

ଉତ୍ତର:
"ଧର୍ମ"ର ଏକ ଭାଷାକୋଷ ସଂଜ୍ଞା "ପୂଜା ପାଇବାକୁ ଥିବା, ବିଶେଷତଃ ଆଚାରଣ ଏବଂ ଧର୍ମ ପଦ୍ଧତି; ବିଶ୍ବାସ, ଉପାସନା ଇତ୍ୟାଦିର କୌଣସି ନିର୍ଦ୍ଧିଷ୍ଟ ପଦ୍ଧତି, ଯାହା ଅନେକ ସମୟରେ ନୀତିର ଏକ ଈଶ୍ବର କିମ୍ବା ଈଶ୍ବରଗଣ ଅର୍ଥାତ୍ ଭ୍ରାନ୍ତ ଈଶ୍ବରଗଣଙ୍କଠାରେ ବିଶ୍ବାସ" ପରି ସମାନ ଥିବା କିଛି ବିଷୟ ହୋଇପାରେ | ଏହି ସଂଜ୍ଞାର ଦୃଷ୍ଟିକୋଣରୁ ବାଇବଲ୍ ସଂଗଠିତ ଧର୍ମ ବିଷୟରେ କୁହେ, କିନ୍ତୁ ଅନେକ କ୍ଷେତ୍ରରେ "ସଂଗଠିତ ଧର୍ମ" ପ୍ରଭାବର ଉଦ୍ଦେଶ୍ୟ ଈଶ୍ବର ସନ୍ତୋଷ ପାଇବା ପରି ବିଷୟ ନୁହେଁ |

ଆଦି ୧୧ ଅଧ୍ୟାୟ ବୋଧହୁଏ ସଂଗଠିତ ଧର୍ମର ପ୍ରଥମ ଘଟନା ଅଟେ, ଯେଉଁଠି ନୋହଙ୍କ ବଂଶଧରମାନେ ସମଗ୍ର ପୃଥିବୀରେ ପରିପୂର୍ଣ୍ଣ ହେବାକୁ ଥିବା ଈଶ୍ବରଙ୍କ ଆଦେଶକୁ ମାନ୍ୟ କରିବା ପରିବର୍ତ୍ତେ ବାବିଲ ଦୁର୍ଗ ନିର୍ମାଣ କରିବା ନିମନ୍ତେ ସେମାନେ ନିଜ ନିଜକୁ ସଂଗଠିତ କଲେ | ସେମାନେ ବିଶ୍ବାସ କଲେ ଯେ ଈଶ୍ବରଙ୍କ ସହ ସେମାନଙ୍କର ସମ୍ପର୍କ ଅପେକ୍ଷା ସେମାନଙ୍କ ଏକତା ଅଧିକ ଗୁରୁତ୍ବପୂର୍ଣ୍ଣ ଥିଲା | ଈଶ୍ବର ଓହ୍ଲାଇ ଆସିଲେ ଏବଂ ସେମାନଙ୍କ ଭାଷାରେ ବିଭେଦ ଜନ୍ମାଇଲେ, ଏହିପରି ଭାବରେ ସେମାନଙ୍କର ସଂଗଠିତ ଧର୍ମକୁ ଭଙ୍ଗ କଲେ |

ଆଦି ୬ ଅଧ୍ୟାୟ ଓ ପରବର୍ତ୍ତୀ ଅଂଶରେ, ଈଶ୍ବର ଇଶ୍ରାୟେଲ ଜାତି ନିମନ୍ତେ ଏକ ଧର୍ମ "ସଂଗଠିତ" କଲେ | ଦଶ ଆଜ୍ଞା, ସାକ୍ଷ୍ୟତମ୍ବୁ ବିଷୟକ ନିୟମସକଳ, ଏବଂ ବଳିଦାନ ପ୍ରଥା ଈଶ୍ବରଙ୍କ ଦ୍ବାରା ବର୍ଣ୍ଣନା କରାଯାଇଥିଲା ଏବଂ ଏହା ଇଶ୍ରାୟେଲୀୟମାନଙ୍କ ଦ୍ବାରା ଅନୁକରଣ କରାଯାଉଥିଲା | ନୂତନ ନିୟମର ଅଧିକ ଅଧ୍ୟୟନ ସ୍ବଷ୍ଟ କରେ ଯେ, ଧର୍ମର ଉଦ୍ଦେଶ୍ୟ ଜଣେ ଉଦ୍ଧାରକର୍ତ୍ତା-ମଶୀହ (ଗାଲାତୀୟ ୩; ରୋମୀୟ ୭)ଙ୍କ ଆବଶ୍ୟକତା ବିଷୟକୁ ନିର୍ଦ୍ଦେଶ କରୁଥିଲା | ଅଥଚ, ଅନେକେ ଏହାକୁ ଭୁଲ୍ ବୁଝିଛନ୍ତି ଏବଂ ଈଶ୍ବରଙ୍କ ଉପାସନା କରିବା ପରିବର୍ତ୍ତେ ନୀତିନିୟମ ଏବଂ ଧର୍ମକର୍ମର ଉପାସନା କଲେ |

ଇଶ୍ରାୟେଲର ଇତିହାସ ସାରା, ସଂଗଠିତ ଧର୍ମ ସଂପୃକ୍ତ ଅନେକ କଳହ ଇଶ୍ରାୟେଲୀୟମାନଙ୍କ ଦ୍ବାରା ଅନୁଭୂତ ହେଉଥିଲା | ଏହାର ଉଦାହରଣ ବାଲ୍ ଦେବତାର ପୂଜା (ବିଚାରକର୍ତ୍ତା ୬; ୧ରାଜାବଳୀ ୧୮), ଦାଗୋନର ପୂଜା (୧ଶାମୁୟେଲ ୫), ଏବଂ ମୋଲେଖର ପୂଜା (୨ରାଜାବଳୀ ୨୩:୧୦) | ଈଶ୍ବର ତାଙ୍କ ସାର୍ବଭୌମତ୍ବ ଏବଂ ସର୍ବଜ୍ଞାତ ଶକ୍ତିକୁ ପ୍ରଦର୍ଶନ କରି ଏହି ସମସ୍ତ ଧର୍ମର ଅନୁଗାମୀଗଣଙ୍କୁ ପରାଜୟ କଲେ |

ସୁସମାଚାର ପୁସ୍ତକଗୁଡିକରେ, ଫାରୁଶୀ ଓ ସାଦ୍ଦୂକୀମାନେ ଯୀଶୁଙ୍କ ସମୟରେ ସଂଗଠିତ ଧର୍ମର ପ୍ରତିନିଧିଗଣ ଭାବରେ ଚିତ୍ରିତ ହେଉଥିଲେ | ଯୀଶୁ ଲଗାତର ସେମାନଙ୍କର ଭ୍ରାନ୍ତ ଶିକ୍ଷା ଏବଂ କପଟୀ ଜୀବନ ଶୈଳୀ ବିଷୟରେ ସେମାନଙ୍କର ପ୍ରତିରୋଧ କରୁଥିଲେ | ପାଉଲଙ୍କ ଲେଖାଗୁଡିକରେ ସଂଗଠିତ ଦଳଗୁଡିକ ଥିଲେ ଯେଉଁମାନେ କାର୍ଯ୍ୟ ଏବଂ ଧର୍ମକର୍ମର ଆବଶ୍ୟକୀୟ ତାଲିକାଗୁଡିକ ସହ ସୁସମାଚାରକୁ ମିଶ୍ରଣ କରୁଥିଲେ | ସେମାନେ ବିଶ୍ବାସୀମାନଙ୍କୁ ଏହି ସମସ୍ତ "ଖ୍ରୀଷ୍ଟିୟାନ୍ ଯୁକ୍ତ ଅଧିକ କିଛି" କୁ ପରିବର୍ତ୍ତନ ଓ ଗ୍ରହଣ କରିବା ନିମନ୍ତେ ଚାପ ପ୍ରୟୋଗ କରିବାର ଅନ୍ବେଷଣ କରୁଥିଲେ | ଗାଲାତୀୟମାନେ ଏବଂ କଲସୀୟମାନେ ଏପରି ଧର୍ମ ବିଷୟରେ ସତର୍କ କରାଉଥିଲେ | ପ୍ରକାଶିତ ପୁସ୍ତକରେ ସଂଗଠିତ ଧର୍ମ ଜଗତରେ ଏକ ପ୍ରଭାବ ପକାଇବ ଯେହେତୁ ଖ୍ରୀଷ୍ଟାରୀ ଗୋଟିଏ ଏକ-ବିଶ୍ବ ଧର୍ମ ସ୍ଥାପନ କରିବ |

ଅନେକ ଘଟନାରେ, ସଂଗଠିତ ଧର୍ମର ଶେଷ ଫଳ ହେଉଛି ଈଶ୍ବରଙ୍କ ଅଭିପ୍ରାୟରୁ ଅମନଯୋଗୀ | ଅଥଚ, ବାଇବଲ ସଂଗଠିତ ବିଶ୍ବାସୀମାନଙ୍କ ବିଷୟରେ କୁହେ ଯେଉଁମାନେ କି ତାଙ୍କ ଯୋଜନାର ଅଂଶ ଅଟନ୍ତି | ଈଶ୍ବର ଏହି ସଂଗଠିତ ବିଶ୍ବାସୀମାନଙ୍କର ଦଳଗୁଡିକୁ "ମଣ୍ଡଳୀ" କୁହନ୍ତି | ପ୍ରେରିତ ପୁସ୍ତକ ଏବଂ ଅନ୍ୟ ପାଳକୀୟ ଲେଖାର ବର୍ଣ୍ଣନାରୁ ଦର୍ଶାଇଦିଆଯାଇଛି ଯେ, ମଣ୍ଡଳୀ ସଂଗଠିତ ହେବାକୁ ଏବଂ ପରସ୍ପର ନିର୍ଭରଶୀଳ ହେବାକୁ ହେବ | ସଂଗଠନ ସୁରକ୍ଷା, ଉତ୍ପାଦନକ୍ଷମ ଏବଂ ଆଉଟରିଚ୍ ଆଡକୁ କଢାଇ ନେଇଥାଏ (ପ୍ରେରିତ ୨:୪୧-୪୭) | ମଣ୍ଡଳୀର କ୍ଷେତ୍ରରେ, ଏହାକୁ "ସଂଗଠିତ ସମ୍ପର୍କ" କୁହାଯିବାର ଅଧିକ ଉତ୍ତମ ହେବ |

ଈଶ୍ବରଙ୍କ ସହ ଘନିଷ୍ଠ ସମ୍ପର୍କ ସ୍ଥାପନ କରିବା ନିମନ୍ତେ ଧର୍ମ ହେଉଛି ମନୁଷ୍ୟର ପ୍ରଚେଷ୍ଟା ଅଟେ | ଖ୍ରୀଷ୍ଟିୟାନ ବିଶ୍ବାସ ହେଉଛି ଈଶ୍ବର ଯୀଶୁଖ୍ରୀଷ୍ଟଙ୍କ ବଳିଦାନ ମାଧ୍ୟମରେ ଯାହା କରିଅଛନ୍ତି ସେହି କାରଣରୁ ହୋଇଥିବା ଈଶ୍ବରଙ୍କ ସହିତ ସମ୍ପର୍କ | ଈଶ୍ବରଙ୍କ ନିକଟବର୍ତ୍ତୀ ହେବା ନିମନ୍ତେ କୌଣସି ଯୋଜନା ନାହିଁ (ସେ ଆମ୍ଭମାନଙ୍କର ନିକଟବର୍ତ୍ତୀ ହେଲେ - ରୋମୀୟ ୫:୮) | ସେଥିରେ କୌଣସି ଗର୍ବ କରିବାର କିଛି ନାହିଁ (ସମସ୍ତ ବିଷୟ ଅନୁଗ୍ରହରୁ ପ୍ରାପ୍ତ କରାଯାଇଛି - ଏଫିସୀୟ ୨:୮-୯) | ନେତୃତ୍ବରେ କିଛି ଦ୍ବନ୍ଦ ରହିବା ଉଚିତ୍ ନୁହେଁ (ଖ୍ରୀଷ୍ଟ ମସ୍ତକ ଅଟନ୍ତି - କଲସୀୟ ୧:୧୮) | କୌଣସି ପକ୍ଷପାତ ରହିବା ଉଚିତ୍ ନୁହେଁ (ଆମେ ସମସ୍ତେ ଖ୍ରୀଷ୍ଟଙ୍କଠାରେ ଏକ ଅଟୁ - ଗାଲାତୀୟ ୩:୨୮) | ସଂଗଠିତ ହେବା ଏକ ସମାସ୍ୟା ନୁହେଁ | ସମାସ୍ୟାଟି ହେଉଛି ଏକ ଧର୍ମର ନୀତିଗୁଡିକ ଏବଂ ଧର୍ମକର୍ମଗୁଡିକ ଉପରେ ଦୃଷ୍ଟି କେନ୍ଦ୍ରୀଭୂତ କରିବା |



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ମୁଁ କାହିଁକି ସଂଗଠିତ ଧର୍ମରେ ବିଶ୍ବାସ କରିବା ଉଚିତ୍?