ମୁଁ କାହିଁକି ସଂଗଠିତ ଧର୍ମରେ ବିଶ୍ବାସ କରିବା ଉଚିତ୍?


ପ୍ରଶ୍ନ: ମୁଁ କାହିଁକି ସଂଗଠିତ ଧର୍ମରେ ବିଶ୍ବାସ କରିବା ଉଚିତ୍?

ଉତ୍ତର:
“ଧର୍ମ”ର ଭାଷାକୋଷ ବା ଡିକ୍ସନାରୀ ସଂଜ୍ଞା ଏପରି ସମାନ ବିଷୟ ଯାହା “ଉପାସନାଯୋଗ୍ୟ ଈଶ୍ବର ବା ଈଶ୍ବରଗଣଙ୍କଠାରେ ବିଶ୍ବାସ କରିବା, ଯାହା ସାଧାରଣତଃ ଆଚାରବ୍ୟବହାର ଓ ଧର୍ମକର୍ମରେ ପ୍ରକାଶ କରାଯାଇଥାଏ; ଅନେକ ସମୟରେ ଏହା ନୀତିନିୟମରେ ବନ୍ଧା ଥିବା ବିଶ୍ବାସ, ଉପାସନା ଇତ୍ୟାଦିର ଯେକୌଣସି ନିର୍ଦ୍ଧିଷ୍ଟ ପଦ୍ଧତି ।” ଏହି ସଂଜ୍ଞା ପ୍ରକାରେ ବାଇବଲ ସଂଗଠିତ ଧର୍ମ ବିଷୟରେ ଶିକ୍ଷା ଦିଏ, କିନ୍ତୁ ଅନେକ କ୍ଷେତ୍ରରେ “ସଂଗଠିତ ଧର୍ମ”ର ଉଦ୍ଦେଶ୍ୟ ଓ ପ୍ରଭାବ ଏପରି କିଛି ବିଷୟ ନୁହେଁ ଯେଉଁଥିରେ ଈଶ୍ବର ସନ୍ତୁଷ୍ଟ ଅଟନ୍ତି ।

ଆଦି 11 ପର୍ବରେ ବୋଧହୁଏ ପ୍ରଥମେ ସଂଗଠିତ ଧର୍ମର ଉଦାହରଣ ଦେଖିବାକୁ ମିଳେ, ଯେଉଁଥିରେ ନୋହଙ୍କର ବଂଶଧରମାନେ ସମଗ୍ର ପୃଥିବୀକୁ ପରିପୂର୍ଣ୍ଣ କରିବା ନିମନ୍ତେ ଈଶ୍ବରଙ୍କ ଆଦେଶର ବାଧ୍ୟ ହେବା ପରିବର୍ତ୍ତେ ନିଜେ ନିଜେ ବାବିଲ ଗଡ ନିର୍ମାଣ କରିବା ନିମନ୍ତେ ସଂଗଠିତ ବା ଏକାଠି ହେଲେ । ସେମାନେ ବିଶ୍ବାସ କଲେ ଯେ ଈଶ୍ବରଙ୍କ ସହ ସେମାନଙ୍କ ସମ୍ପର୍କ ଅପେକ୍ଷା ସେମାନଙ୍କର ଏକତା ଅଧିକ ଗୁରୁତ୍ବପୂର୍ଣ୍ଣ । ଈଶ୍ବର ଏଥିରେ ହସ୍ତକ୍ଷେପ କରି ସେମାନଙ୍କ ଭାଷାରେ ଦ୍ବନ୍ଦ ସୃଷ୍ଟି କଲେ, ତେଣୁ ଏହି ସଂଗଠିତ ଧର୍ମକୁ ଭାଙ୍ଗିଦେଇଥିଲେ ।

ଯାତ୍ରା 6 ପର୍ବ ଓ ପରବର୍ତ୍ତୀ ପର୍ବରେ, ଈଶ୍ବର ଇଶ୍ରାୟେଲ ଦେଶ ନିମନ୍ତେ ଏକ ଧର୍ମ “ସଂଗଠିତ” କଲେ । ଦଶଆଜ୍ଞା, ସାକ୍ଷ୍ୟସିନ୍ଦୁକ ବିଷୟକ ନିୟମଗୁଡିକ ଏବଂ ବଳିପ୍ରଥା ସମସ୍ତ ଈଶ୍ବରଙ୍କ ଦ୍ବାରା ପ୍ରତିଷ୍ଠା କରାଯାଇଥିଲା ଯାହା ଇଶ୍ରାୟେଲୀୟମାନେ ପାଳନ କରିବେ । ନୂତନ ନିୟମକୁ ଅଧିକ ଅଧ୍ୟୟନ କଲେ ସ୍ବଷ୍ଟ ହୋଇଯାଏ ଯେ ଏହି ଧର୍ମର ଉଦ୍ଦେଶ୍ୟ ଥିଲା ଜଣେ ଉଦ୍ଧାରକର୍ତ୍ତା ମଶୀହଙ୍କର ଆବଶ୍ୟକତାକୁ ସୂଚୀତ କରିବା (ଗାଲାତୀୟ 3; ରୋମୀୟ 7) । ଅଥଚ, ଅନେକେ ଏହାକୁ ଭୁଲ୍‍ ବୁଝିଛନ୍ତି ଏବଂ ଈଶ୍ବରଙ୍କର ଉପାସନା କରିବା ପରିବର୍ତ୍ତେ ନୀତିନିୟମ ଓ ଧର୍ମକର୍ମ କରୁଅଛନ୍ତି ।

ଇଶ୍ରାୟେଲର ପୁରା ଇତିହାସରେ, ଇଶ୍ରାୟେଲୀୟମାନେ ଅନୁଭବ କରିଥିବା ଯୁଦ୍ଧଗୁଡିକ ମଧ୍ୟରୁ ଅନେକ ଯୁଦ୍ଧରେ ସଂଗଠିତ ଧର୍ମର ସଂପୃକ୍ତି ଥିଲା । ଏଗୁଡିକ ମଧ୍ୟରୁ ବାଲ୍‍ (ବିଚାରକର୍ତ୍ତା 6; 1ରାଜାବଳୀ 18), ଦାଗୋନ୍‍ (1ଶାମୁୟେଲ 5) ଓ ମୋଲେକ୍‍ (2ରାଜାବଳୀ 23:10)ର ପୂଜା କରିବା । ଈଶ୍ବର ତାଙ୍କର ସାର୍ବଭୌମତ୍ବ ଓ ସର୍ବଜ୍ଞାନ ଦେଖାଇ ଏହି ସମସ୍ତ ଧର୍ମର ଅନୁଗାମୀମାନଙ୍କୁ ପରାସ୍ତ କଲେ ।

ସୁସମାଚାର ପୁସ୍ତକଗୁଡିକରେ, ଫାରୁଶୀମାନେ ଓ ସାଦ୍ଦୂକୀମାନେ ଖ୍ରୀଷ୍ଟଙ୍କ ସମୟରେ ସଂଗଠିତ ଧର୍ମର ପ୍ରତିନିଧି ଭାବରେ ଦେଖାଦେଇଥିଲେ ଅର୍ଥାତ୍‍ ସେମାନଙ୍କୁ ସେପରି ଚିତ୍ରଣ କରାଯାଉଥିଲା । ଯୀଶୁ ସେମାନଙ୍କୁ ବାରମ୍ବାର ସେମାନଙ୍କର ଭ୍ରାନ୍ତ ଶିକ୍ଷା ଓ କପଟ ଜୀବନଶୈଳୀ ବିଷୟରେ ସେମାନଙ୍କ ସହ ଯୁକ୍ତି କରୁଥିଲେ । ପ୍ରେରିତିକ ଲେଖାଗୁଡିକରେ, ସଂଗଠିତ ଦଳଗୁଡିକ ରହିଥିଲେ ଯେଉଁମାନେ ନିର୍ଦ୍ଧିଷ୍ଟ ଆବଶ୍ୟକୀୟ କାର୍ଯ୍ୟ ଓ ଧର୍ମକର୍ମ ସହ ସୁସମାଚାରକୁ ମିଶାଇଦେଇଥିଲେ । ଆଉ ଏହି ସମସ୍ତ “ଖ୍ରୀଷ୍ଟଧର୍ମ ଓ କିଛି”କୁ ଯେପରି ବିଶ୍ବାସୀମାନେ ଗ୍ରହଣ କରିବେ ସେଥିପାଇଁ ସେମାନେ ଚାପ ପ୍ରୟୋଗ କରିବାକୁ ଖୋଜୁଥିଲେ । ଗାଲାତୀୟ ମଣ୍ଡଳୀ ଓ କଲସୀୟ ମଣ୍ଡଳୀକୁ ଏପରି ଧର୍ମ ବିଷୟରେ ସତର୍କ କରାଇଦିଆଯାଇଥିଲା । ପ୍ରକାଶିତ ପୁସ୍ତକର ଲେଖା ଅନୁଯାୟୀ ଯେତେବେଳେ ଭଣ୍ଡଖ୍ରୀଷ୍ଟ ଏକ-ବିଶ୍ବ ଧର୍ମ ସ୍ଥାପନ କରିବେ, ସେତେବେଳେ ଜଗତ ଉପରେ ସଂଗଠିତ ଧର୍ମର ପ୍ରଭାବ ପଡିବ ।

ଅନେକ କ୍ଷେତ୍ରରେ, ସଂଗଠିତ ଧର୍ମର ଶେଷ ଫଳ ହେଉଛି ଈଶ୍ବରଙ୍କ ଉଦ୍ଦେଶ୍ୟରୁ ଦୃଷ୍ଟି ହଟାଇବା । ଅଥଚ, ବାଇବଲ ସଂଗଠିତ ବିଶ୍ବାସୀମାନଙ୍କ ବିଷୟରେ କୁହେ ଯେଉଁମାନେ ତାହାଙ୍କ ଯୋଜନାର ଅଂଶ ଅଟନ୍ତି । ଈଶ୍ବର ଏହି ସମସ୍ତ ସଂଗଠିତ ବିଶ୍ବାସୀମାନଙ୍କୁ “ମଣ୍ଡଳୀ(ଗୁଡିକ)” କୁହନ୍ତି । ପ୍ରେରିତ ପୁସ୍ତକ ଓ ପ୍ରେରିତିକ ପତ୍ରରେ ଥିବା ବର୍ଣ୍ଣନା ଦର୍ଶାଏ ଯେ ମଣ୍ଡଳୀ ସଂଗଠିତ ଓ ପରସ୍ପର ନିର୍ଭରଶୀଳ ହେବାକୁ ପଡିବ । ସଂଗଠନ ସୁରକ୍ଷା, ଉତ୍ପାଦନକ୍ଷମ ଓ ପହଞ୍ଚିବା କାର୍ଯ୍ୟ କରାଇଥାଏ (ପ୍ରେରିତ 2:41-47) । ମଣ୍ଡଳୀ କ୍ଷେତ୍ରରେ, ଏହାକୁ “ସଂଗଠିତ ସମ୍ପର୍କ” କହିବା ସବୁଠାରୁ ଭଲ ହେବ ।

ଈଶ୍ବରଙ୍କ ସହ ଆତ୍ମିକ ସମ୍ପର୍କ ରଖିବାର ଚେଷ୍ଟା ହେଉଛି ଧର୍ମ । ଖ୍ରୀଷ୍ଟିୟ ବିଶ୍ବାସ ହେଉଛି ଯୀଶୁଖ୍ରୀଷ୍ଟଙ୍କ ବଳିଦାନ ଦ୍ବାରା ସେ ଯାହା ଆମ୍ଭମାନଙ୍କ ନିମନ୍ତେ କରିଅଛନ୍ତି ସେହି କାରଣ ଯୋଗୁଁ ଈଶ୍ବରଙ୍କ ସହ ସମ୍ପର୍କ ରଖିବା । ଈଶ୍ବରଙ୍କ ନିକଟରେ ପହଞ୍ଚିବା ନିମନ୍ତେ (ସେ ଆମ୍ଭମାନଙ୍କ ନିକଟରେ ପହଞ୍ଚିଲେ – ରୋମୀୟ 5:8) କୌଣସି ଯୋଜନା ନାହିଁ । ଗର୍ବ କରିବାର କୌଣସି ବିଷୟ ନାହିଁ (ସମସ୍ତ ବିଷୟ ଅନୁଗ୍ରହରୁ ହୋଇଛି – ଏଫିସୀୟ 2:8-9) । ନେତୃତ୍ବ ବିଷୟରେ କୌଣସି ଦ୍ବନ୍ଦ ରହିବ ନାହିଁ (ଖ୍ରୀଷ୍ଟ ମସ୍ତକ ଅଟନ୍ତି- କଲସୀୟ 1:18) । କୌଣସି ପକ୍ଷପାତ ହେବନାହିଁ (ଆମେ ସମସ୍ତେ ଖ୍ରୀଷ୍ଟଙ୍କଠାରେ ଏକ ଅଟୁ – ଗାଲାତୀୟ 3:28) । ସଂଗଠିତ ହେବା ସମସ୍ୟା ନୁହେଁ । ନୀତିନିୟମ ଓ ଧର୍ମକର୍ମ ଉପରେ ଅଧିକ ଦୃଷ୍ଟି ଦେବା ହେଉଛି ସମସ୍ୟା ।



ଓଡିଆ ପେଜ୍ କୁ ପ୍ରତ୍ୟାବର୍ତ୍ତନ କରନ୍ତୁ



ମୁଁ କାହିଁକି ସଂଗଠିତ ଧର୍ମରେ ବିଶ୍ବାସ କରିବା ଉଚିତ୍?