ମୋ’ପାଇଁ କେଉଁ ଧର୍ମ ଠିକ୍ ଅଟେ?


ପ୍ରଶ୍ନ: ମୋ’ପାଇଁ କେଉଁ ଧର୍ମ ଠିକ୍ ଅଟେ?

ଉତ୍ତର:
ଏକ ଭଲ ହୋଟେଲ ଆମକୁ ପ୍ରଲୋଭିତ କରିଥାଏ ଯେ ଆମେ ଯେଉଁ ପ୍ରକାର ଖାଦ୍ୟ ଚାହୁଁ, ଠିକ୍ ସେହି ପ୍ରକାରର ଖାଦ୍ୟ ଆମେ ଅଡର କରିପାରିବା । କେତେକ କଫି ଦୋକାନରେ ବିଭିନ୍ନ ସ୍ବାଦର ଓ ବିଭିନ୍ନ ପ୍ରକାରର କଫି ଉପଲବଧ ଥାଏ । ଯେତେବେଳେ ଆମେ ଘର ବା କାର୍ କିଣୁ, ଆମେ ବିଭିନ୍ନ ବିକଳ୍ପ ଓ ଗୁଣ ଦେଖିବାକୁ ଚେଷ୍ଟା କରିଥାଉ, ଯାହା କି ଆମେ ଇଚ୍ଛା କରୁ । ଆଉ ଆମେ ଚକୋଲେଟ୍, ଓ ଷ୍ଟ୍ରବେରୀ ଦୁନିଆରେ ବାସ କରୁନାହୁଁ. ଆଜିର ଦୁନିଆରେ ପସନ୍ଦ ହେଉଛି ରାଜା! ଯେ କୌଣସି ବିଷୟ ତୁମର ବ୍ୟକ୍ତିଗତ ପସନ୍ଦ ଥାଏ ଓ ଆବଶ୍ୟକତା ଅନୁସାରେ ଯାହା ତୁମେ ଚାହିଁ ଥାଅ, ତାହା ତୁମେ ଖୋଜି ପାରିବ ।

ତେବେ ତୁମ ନିମନ୍ତେ କେଉଁ ଧର୍ମ ଠିକ୍ ଅଟେ? ବିଚାର କର, ତୁମ ପାଇଁ ଏପରି ଏକ ଧର୍ମ ଅଛି କି ଯାହା ଦୋଷାରୋପ କରେ ନାହିଁ, କୌଣସି ଦାବି କରେ ନାହିଁ, ଏବଂ ଅନେକ “କର” ଓ “ନ କରିବା” (ନିୟମକାନୁନ) ରେ ବୋଝଗ୍ରସ୍ତ ନୁହେଁ? ଏପରି ଏକ ଧର୍ମ ବାସ୍ତବରେ ଅଛି ଯାହା ମୁଁ ବର୍ତ୍ତମାନ ବର୍ଣ୍ଣନା କଲି, କିନ୍ତୁ ଧର୍ମକୁ ଆଇସ୍-କ୍ରିମ୍ ସ୍ବାଦକୁ ବାଛିଲା ପରି ଚୟନ କରଯାଇପାରେ କି?

ଆମମାନଙ୍କୁ ଆକର୍ଷଣ କରିବା ପାଇଁ, ଦୁନିଆରେ ଅନେକ ସ୍ବର ଅଛନ୍ତି, ତେବେ ଜଣେ ବ୍ୟକ୍ତି କାହିଁକି ଯୀଶୁଙ୍କୁ, ଅନ୍ୟ ମାନଙ୍କ ଉପରେ ଯଥା- ମହମ୍ମଦ, କନଫୁସିଅସ୍, ବୁଦ୍ଧଦେବଙ୍କ ଉପରେ ପ୍ରାଧାନ୍ୟତା ଦେବା ଉଚିତ୍? ସବୁକଥା ବିଚାର କଲେ, ପ୍ରଶ୍ନ ଆସେ ଯେ, ସମସ୍ତ ରାସ୍ତା କଅଣ ସ୍ବର୍ଗକୁ କଢାଏ ନାହିଁ? ସମସ୍ତ ଧର୍ମ କଅଣ ସମାନ ନୁହନ୍ତି? ସତ୍ୟ ବିଷୟ ହେଉଛି ଯେ ସମସ୍ତ ଧର୍ମ ସ୍ବର୍ଗକୁ କଢାଏ ନାହିଁ, ଯେପରି ସମସ୍ତ ରାସ୍ତା ଦିଲ୍ଲୀକୁ କଢାଏ ନାହିଁ ।

କେବଳ ଯୀଶୁ ଈଶ୍ବରଙ୍କ ଅଧିକାରର ସହ କଥା କହିପାରନ୍ତି କାରଣ ସେ ମୃତ୍ୟୁ ଉପରେ ବିଜୟ ହାସଲ କରିଅଛନ୍ତି । ମହମ୍ମଦ, କନଫୁସିଅସ୍ ଓ ଅନ୍ୟ ବ୍ୟକ୍ତିମାନେ ଆଜି ଯାଏ କବରଶାୟୀ ହୋଇ ରହିଅଛନ୍ତି । କିନ୍ତୁ ଯୀଶୁ ରୋମୀୟ କ୍ରୁଶରେ ଦାରୁଣ ଭାବରେ ମୃତ୍ୟୁବରଣ କଲା ଉତ୍ତାରେ ତାହାଙ୍କ ନିଜସ୍ବ ଶକ୍ତିରେ ତିନି ଦିନ ପରେ ପୁନର୍ଜୀବିତ ହୋଇଥିଲେ । ଯଦି ଏପରି କେହି ମୃତ୍ୟୁ ଉପରେ ବିଜୟ ହାସଲ କରିଥାନ୍ତି, ତେବେ ଆମ ଧ୍ୟାନ ତାହାଙ୍କ ଉପରେ କେନ୍ଦ୍ରିତ ହେବ ଉଚିତ୍ । ଯେ କେହି ମୃତ୍ୟୁ ଉପରେ ବିଜୟ ହାସଲ କରିଅଛି, ସେ ଶୁଣାଯିବା ଉଚିତ୍ ।

ଯୀଶୁଙ୍କ ପୁନରୁଥାନ ସପକ୍ଷରେ ଅନେକ ପ୍ରମାଣ ରହିଅଛି. ପ୍ରଥମତଃ, ୫୦୦ରୁ ଉର୍ଦ୍ଧ୍ବ ପୁନରୁଥିତ ଖ୍ରୀଷ୍ଟଙ୍କ ଚାକ୍ଷୁଷ ଥିଲେ! ଏହା ନିଶ୍ଚିତରୁପେ ଏକ ବଡ ସଂଖ୍ୟା । ୫୦୦ଟି ବ୍ୟକ୍ତିଙ୍କର ସ୍ବର ଅବହେଳିତ କରାଯାଇ ନ ପାରେ । ଶୁନ୍ୟ କବରର ବିଷୟ ମଧ୍ୟ ପୁନରୁଥାନର ଆଉ ଏକ ପ୍ରମାଣ । ଯୀଶୁଙ୍କ ଶତ୍ରୁମାନେ ଅତି ଆରାମରେ କ୍ଷୟ ପାଉଥିବା ମୃତ ଶରୀରରକୁ ସମସ୍ତଙ୍କୁ ଦେଖାଇ, ତାହାଙ୍କ ପୁନରୁଥାନକୁ ଭୁଲ ସାବ୍ୟସ୍ତ କରିପାରିଥାନ୍ତେ । କିନ୍ତୁ ସେମାନଙ୍କ ପାଖରେ ଉପସ୍ଥାପନା କରିବା ପାଇଁ ତାହାଙ୍କ ମୃତ ଶରୀର ହିଁ ନ ଥିଲା! କବର ଶୂନ୍ୟ ଥିଲା! ତାହେଲେ, କଅଣ ଶିଷ୍ୟମାନେ ତାହାଙ୍କ ଶରୀରକୁ ଚୋରି କରିଥାଇପାରନ୍ତି କି? ସମ୍ଭବ ନୁହେଁ । କାରଣ ସେହି ପ୍ରକାର ଘଟଣାକୁ ରୋକିବା ପାଇଁ, ଅନେକ ସିପାହୀମାନଙ୍କୁ ସେଠାରେ ନିଯୁକ୍ତ କରାଯାଇଥିଲା । ଯୀଶୁଙ୍କ ଘନିଷ୍ଠ ଅନୁଗାମୀମାନେ ତାହାଙ୍କୁ ଛାଡି ଚାଲିଯାଇଥିଲେ, ଏହି ବିଷୟକୁ ବିଚାରରେ ରଖି, ଏହା ଭାବିବା ଅସମ୍ଭବ ଯେ, ଭୟଭୀତ ମାଛୁଆମାନେ ସୁସଜ୍ଜିତ ସିପାହୀମାନଙ୍କ ସହ ଲଢାଇ କରିବାକୁ ପ୍ରସ୍ତୁତ ହୋଇଥିବେ । ଅଧିକତଃ, ଏକ ମନ୍ଦ ଅବା ଭୁଲ ବିଷୟକୁ ପ୍ରମାଣ କରିବାକୁ ଯାଇ କେହି ବି ନିଜ ଜୀବନର ବାଜି ଲଗାଇବେ ନାହିଁ ଓ ସହୀଦ ହେବାକୁ ପ୍ରସ୍ତୁତ ହେବ ନାହିଁ । ସରଳ ସତ୍ୟତା ହେଉଛି ଯେ ପୁନରୁଥାନକୁ କେହି ଲୁଚାଇ ପାରିବେ ନାହିଁ!

ପୁନର୍ବାର, ଯେଉଁ ବ୍ୟକ୍ତି ମୃତ୍ୟୁ ଉପରେ ବିଜୟ ହାସଲ କରିଅଛି, ସେ ଶୁଣାଯିବା ଆବଶ୍ୟକ । ମୃତ୍ୟୁ ଉପରେ ତାହାଙ୍କ ଅଧିକାର ଅଛି ବୋଲି ଯୀଶୁ ପ୍ରମାଣ ଦେଲେ; ତେଣୁ, ସେ ଯାହା କହନ୍ତି ଆମେ ଶୁଣିବା ଆବଶ୍ୟକ । ଯୀଶୁ ଦାବି କରନ୍ତି ଯେ ସେ ପରିତ୍ରାଣର ଏକମାତ୍ର ପଥ (ଯୋହନ ୧୪:୬) । ସେ ଏକ ରାସ୍ତା ନୁହନ୍ତି; ଅନେକ ରାସ୍ତା ମଧ୍ୟରୁ ଏକ ରାସ୍ତା । କିନ୍ତୁ ଯୀଶୁ ହିଁ ଏକମାତ୍ର ପଥ ଅଟନ୍ତି ।

ସେହି ସମାନ ଯୀଶୁ କହନ୍ତି, “ହେ ପରିଶ୍ରାନ୍ତ ଓ ଭାରଗ୍ରସ୍ତ ଲୋକ ସମସ୍ତେ, ମୋ’ନିକଟକୁ ଆସ, ମୁଁ ତୁମ୍ଭମାନଙ୍କୁ ବିଶ୍ରାମ ଦେବି” (ମାଥିଉ ୧୧:୨୮) । ଏହି ଦୁନିଆ ଅତି କଠୋର ଓ ଏଠାରେ ଜୀବନ ବହୁତ କଷ୍ଟ ଅଟେ । ଆମ ମଧ୍ୟରୁ ଅନେକ ଦୁନିଆରେ ଦୁଃଖ, ଆଘାତ ଓ ପ୍ରତିଘାତ ପାଇଅଛୁ । ଏ କଥାରେ ରାଜି ଅଟନ୍ତି ନା? ତେବେ, ବର୍ତ୍ତମାନ ତୁମେ କଅଣ ଚାହଁ? ଈଶ୍ବରଙ୍କ ସହ ସମ୍ପର୍କର ପୁନଃସ୍ଥାପନ ନା କେବଳ ଧର୍ମ? ଏକ ଜୀବନ୍ତ ଉଦ୍ଧାରକର୍ତ୍ତା ନା ଭାବବାଦୀ ମାନଙ୍କ ମଧ୍ୟରୁ ଏକ ମୃତ ଭାବବାଦୀ? ଏକ ଅର୍ଥପୂର୍ଣ୍ଣ ସମ୍ପର୍କ ନା ତୁଚ୍ଛ ରୀତିନୀତି? ଯୀଶୁ ଏକ ବିକଳ୍ପ ନୁହନ୍ତି- ସେ ଏକମାତ୍ର ବିକଳ୍ପ ଅଟନ୍ତି!

ଯୀଶୁ ହେଉଛନ୍ତି ଠିକ୍ “ଧର୍ମ”, ଯଦି ତୁମେ ପାପକ୍ଷମାର ସନ୍ଧାନ କରୁଅଛ (ପ୍ରେରିତ ୧୦:୪୩), ଯଦି ତୁମେ ଈଶ୍ବରଙ୍କ ସହ ଅର୍ଥପୂର୍ଣ୍ଣ ସମ୍ପର୍କ ଖୋଜୁଅଛ, ତେବେ ଯୀଶୁ ହେଉଛନ୍ତି ଠିକ୍ “ଧର୍ମ” (ଯୋହନ ୧୦:୧୦) । ଯଦି ତୁମେ ସ୍ବର୍ଗରେ ଅନନ୍ତକାଳୀନ ବାସ ଖୋଜୁଅଛ, ତେବେ ଯୀଶୁ ହେଉଛନ୍ତି ଯୀଶୁ ହେଉଛନ୍ତି ଠିକ୍ “ଧର୍ମ” (ଯୋହନ ୩:୧୬) । ଯୀଶୁ ଖ୍ରୀଷ୍ଟଙ୍କୁ ନିଜର ଉଦ୍ଧାରକର୍ତ୍ତାରୁପେ ବିଶ୍ବାସ କର; ତୁମେ ନିରାଶ ହେବ ନାହିଁ! ତୁମର ପାପ କ୍ଷମା ପାଇଁ ତାହାଙ୍କଠାରେ ବିଶ୍ବାସ କର; ତୁମେ ନିରୁତ୍ସାହିତ ହେବ ନାହିଁ ।

ଯଦି ତୁମେ ଈଶ୍ବରଙ୍କ ସହ ଠିକ୍ ସମ୍ପର୍କ ସ୍ଥାପନ କରିବାକୁ ଚାହଁ, ତେବେ ନିମ୍ନରେ ଏକ ସରଳ ପ୍ରାର୍ଥନା ଦିଆଯାଇଅଛି । ମନେ ରଖନ୍ତୁ, ଏହି ପ୍ରାର୍ଥନା କରିବା ଦ୍ବାରା ଅବା ଏହି ପରି ଅନ୍ୟ କୌଣସି ପ୍ରାର୍ଥନା ତୁମକୁ ଉଦ୍ଧାର ଦେଇପାରିବ ନାହିଁ କିନ୍ତୁ କେବଳ ଖ୍ରୀଷ୍ଟଙ୍କ ଠାରେ ବିଶ୍ବାସ କଲେ ତୁମେ ପାପରୁ ଉଦ୍ଧାର ପାଇପାରିବ । ଏହି ପ୍ରାର୍ଥନାର ଉଦ୍ଦେଶ୍ୟ ହେଉଛି, ତୁମେ ଏହା ଦ୍ବାରା ଈଶ୍ବରଙ୍କ ଠାରେ ତୁମର ବିଶ୍ବାସକୁ ପ୍ରକାଶ କରି ପାରିବ ଓ ତୁମର ପରିତ୍ରାଣ ନିମନ୍ତେ ଈଶ୍ବର ଯାହା ସାଧନ କରିଅଛନ୍ତି ସେଥି ସକାଶେ ତାହାଙ୍କୁ ଧନ୍ୟବାଦ ଦେଇ ପାରିବ । ପ୍ରାର୍ଥନା - “ହେ ଈଶ୍ବର, ମୁଁ ଜାଣେ ଯେ ମୁଁ ତୁମ ବିରୁଦ୍ଧରେ ପାପ କରିଅଛି ଏବଂ ମୁଁ ଦଣ୍ଡ ପାଇବା ପାଇଁ ଯୋଗ୍ୟ । କିନ୍ତୁ ମୁଁ ବିଶ୍ବାସ କରେ ଯେ ପ୍ରଭୁ ଯୀଶୁ ଖ୍ରୀଷ୍ଟ ମୋର ପାପର ଦଣ୍ଡକୁ କ୍ରୁଶରେ ଭୋଗ କରି ଅଛନ୍ତି । ତାହାଙ୍କ ଠାରେ ବିଶ୍ବାସ କରିବା ଦ୍ବାରା ମୋର ପାପକ୍ଷମା ହୋଇପାରିବ । ପରିତ୍ରାଣ ପାଇବା ପାଇଁ ମୁଁ ତୁମ ଠାରେ ବିଶ୍ବାସ କରୁଅଛି । ତୁମର ମହା ଅନୁଗ୍ରହ, କ୍ଷମା ଓ ଅନନ୍ତ ଜୀବନ ପାଇଁ ମୁଁ ତୁମକୁ ଧନ୍ୟବାଦ ଦେଉଅଛି” ଆମେନ୍ ।

ଆପଣ ଏଠାରେ ଯାହା ପଢିଲେ, ସେଥି ସକାଶେ ଆପଣ ଖ୍ରୀଷ୍ଟଙ୍କୁ ଅନୁଗମନ କରିବାର ନିଷ୍ପତି ନେଇଅଛନ୍ତି କି? ଯଦି “ହଁ”, ତେବେ “ଆଜି ମୁଁ ଖ୍ରୀଷ୍ଟଙ୍କୁ ଗ୍ରହଣ କରିଅଛି” ବଟନ୍ ରେ କ୍ଲିକ୍ କରନ୍ତୁ ।



ଓଡିଆ ପେଜ୍ କୁ ପ୍ରତ୍ୟାବର୍ତ୍ତନ କରନ୍ତୁ



ମୋ’ପାଇଁ କେଉଁ ଧର୍ମ ଠିକ୍ ଅଟେ?