ପାପୀର ପ୍ରାର୍ଥନା କଅଣ?


ପ୍ରଶ୍ନ: ପାପୀର ପ୍ରାର୍ଥନା କଅଣ?

ଉତ୍ତର:
ପାପୀର ପ୍ରାର୍ଥନା ହେଉଛି ଈଶ୍ବରଙ୍କଠାରେ ଏକ ବ୍ୟକ୍ତିର ପ୍ରାର୍ଥନା, ଯେବେ କି ଜଣେ ଏହା ବୁଝେ ଯେ, ସେ ଜଣେ ପାପୀ ଓ ଏକ ସେ ଏକ ଉଦ୍ଧାରକର୍ତ୍ତାଙ୍କର ଆବଶ୍ୟକ କରେ । କେବଳ ପାପୀର ପ୍ରାର୍ଥନା କରିବା ଦ୍ବାରା ଉଦ୍ଧାର ଆସେ ନାହିଁ । ପ୍ରକୃତ ପାପୀର ପ୍ରାର୍ଥନା ହେଉଛି ଯେତେବେଳେ ଜଣେ ବ୍ୟକ୍ତି ଜାଣେ, ବୁଝେ, ଓ ବିଶ୍ବାସ କରେ ଯେ ସେ ଜଣେ ପାପୀ ଓ ସେ ପରିତ୍ରାଣ ଆବଶ୍ୟକ କରେ ।

ପାପୀର ପ୍ରାର୍ଥନାର ପ୍ରଥମ ଭାଗ ହେଉଛି ଆମେ ସମସ୍ତେ ନିଜକୁ ପାପୀ ବୋଲି ବୁଝିବା । ରୋମୀୟ ୩:୧୦ କହେ, “ ଧାର୍ମିକ କେହି ନାହିଁ, ନା, ଜଣେ ସୁଦ୍ଧା ନାହିଁ” । ବାଇବଲ, ସ୍ପଷ୍ଟରୂପେ କହେ ଯେ, ଆମେ ସମସ୍ତେ ପାପ କରିଅଛୁ । ଆମେ ସମସ୍ତେ ପାପୀ ଅଟୁ ଓ ଆମେ ଈଶ୍ବରଙ୍କ ଦୟା ଓ ପାପକ୍ଷମା ଆବଶ୍ୟକ କରୁ (ତୀତସ ୩:୫-୭) । ଆମ ପାପ ସକାଶୁ, ଆମେ ଅନନ୍ତଦଣ୍ଡର ପାତ୍ର ଅଟୁ (ମାଥିଉ ୨୫:୪୬) । ପାପୀର ପ୍ରାର୍ଥନା ହେଉଛି ଦଣ୍ଡଜ୍ଞା ବଦଳରେ ଅନୁଗ୍ରହ ପାଇବା ପାଇଁ ପ୍ରାର୍ଥନା । ଏହା ହେଉଛି କ୍ରୋଧ ପରିବର୍ତ୍ତେ ଈଶ୍ବରଙ୍କ ଦୟା ପାଇବା ପାଇଁ ଅନୁରୋଧ ।

ପାପୀର ପ୍ରାର୍ଥନାର ଦ୍ବିତୀୟ ଭାଗ ହେଉଛି ଆମ ପାପମୟ ପରିସ୍ଥିତିରୁ ଆମକୁ ଉଦ୍ଧାର କରିବା ପାଇଁ ଈଶ୍ବର ଯାହା କରିଅଛନ୍ତି ତାହା ଜାଣିବା । ଈଶ୍ବର ଦେହବନ୍ତ ହେଲେ ଓ ଯୀଶୁ ଖ୍ରୀଷ୍ଟଙ୍କ ରୁପରେ ଆସିଲେ (ଯୋହନ ୧:୧,୧୪) । ଯୀଶୁ ଆମକୁ ଈଶ୍ବରଙ୍କ ସତ୍ୟତା ବିଷୟରେ ଶିକ୍ଷା ଦେଲେ ଏବଂ ସେ ଏକ ସମ୍ପୂର୍ଣ୍ଣ ଧାର୍ମିକ ଓ ପାପଶୂନ୍ୟ ଜୀବନଯାପନ କରିଥିଲେ (ଯୋହନ ୮:୪୬; ୨ କରିନ୍ଥୀୟ ୫:୨୧) । ତାପରେ, ଯୀଶୁ ଆମ ସ୍ଥାନରେ ମୃତ୍ୟୁଭୋଗ କଲେ, ଯେଉଁ ଦଣ୍ଡର ପାତ୍ର ଆମେ ଥିଲୁ (ରୋମୀୟ ୫:୮) । ପାପ, ନର୍କ ଓ ମୃତ୍ୟୁ ଉପରେ ନିଜ ବିଜୟର ପ୍ରମାଣ ଦେବା ପାଇଁ ଯୀଶୁ ପୁନରୁଥିତ ହେଲେ (କଲସୀୟ ୨:୧୫; ୧ କରନ୍ଥୀୟ ୧୫ ପର୍ବ) । ଏଥି ସକାଶୁ, ଆମ ପାପ କ୍ଷମା କରା ଯାଇପାରିବ ଓ ସ୍ବର୍ଗରେ ଅନନ୍ତକାଳ ଜୀବନର ପ୍ରତିଜ୍ଞା ଆମକୁ ମିଳିପାରିବ- ଯଦି ଯୀଶୁ ଖ୍ରଷ୍ଟଙ୍କଠାରେ ଆମେ ବିଶ୍ବାସ କରୁ । ଆମେ କେବଳ ବିଶ୍ବାସ କରିବାକୁ ହେବ ଯେ ସେ ଆମ ସ୍ଥାନରେ ମୃତ୍ୟୁଭୋଗ କଲେ ଓ ମୃତରୁ ଉତଥିତ ହେଲେ (ରୋମୀୟ ୧୦:୯-୧୦) । କେବଳ ଅନୁଗ୍ରହ ଦ୍ବାରା, କେବଳ ବିଶ୍ବାସ ଦ୍ବାରା ଓ କେବଳ ଯୀଶୁଙ୍କ ଠାରେ ଆମେ ଉଦ୍ଧାର ପାଇପାରିବା । ଏଫିସୀୟ ୨:୮ଘୋଷଣା କରେ ଯେ, “କାରଣ ଅନୁଗ୍ରହରେ ବିଶ୍ବାସ କରିବା ଦ୍ବାରା ତୁମ୍ଭେମାନେ ପରିତ୍ରାଣ ପାଇଅଛ; ତାହା ତୁମ୍ଭମାନଙ୍କ ନିଜଠାରୁ ହୋଇ ନାହିଁ, ତାହା ଈଶ୍ବରଙ୍କ ଦାନ” ।

ପାପୀର ପ୍ରାର୍ଥନା ଦ୍ବାରା ତୁମେ ଈଶ୍ବରଙ୍କୁ ନିଜର ଉଦ୍ଧାରକର୍ତ୍ତା ରୁପେ ବିଶ୍ବାସ କରୁଅଛ, ତେବେ ଜାଣି ରଖ ଯେ ଏହି ପ୍ରାର୍ଥନାରେ ଅଲୌକିକ ଶକ୍ତି ନାହିଁ ଯଦ୍ବାରା ପରିତ୍ରାଣ ସମ୍ଭବ ହୋଇପାରିବ । କେବଳ ଯୀଶୁଙ୍କ ମୃତ୍ୟୁ ଓ ପୁନରୁଥାନରେ ବିଶ୍ବାସ କରିବା ଦ୍ବାରା ଆମେ ଉଦ୍ଧାର ପାଇପାରିବା । ଯଦି ତୁମେ ବୁଝିପାରୁଛ ଯେ ତୁମେ ଜଣେ ପାପୀ ଅଟ ଓ ଯୀଶୁ ଖ୍ରୀଷ୍ଟଙ୍କ ଦ୍ବାରା ତୁମେ ପରିତ୍ରାଣ ଆବଶ୍ୟକ କର, ତେବେ ଏକ ପାପୀର ପ୍ରାର୍ଥନା ଦିଆଯାଇଛି ଯାହା ତୁମେ ଈଶ୍ବରଙ୍କ ନିକଟରେ କହିପାରିବ: “ହେ ଈଶ୍ବର, ମୁଁ ଜାଣେ ଯେ ମୁଁ ତୁମ ବିରୁଦ୍ଧରେ ପାପ କରିଅଛି ଏବଂ ମୁଁ ଦଣ୍ଡ ପାଇବା ପାଇଁ ଯୋଗ୍ୟ । କିନ୍ତୁ ମୁଁ ବିଶ୍ବାସ କରେ ଯେ ପ୍ରଭୁ ଯୀଶୁ ଖ୍ରୀଷ୍ଟ ମୋର ପାପର ଦଣ୍ଡକୁ କୃଶରେ ଭୋଗ କରି ଅଛନ୍ତି । ତାହାଙ୍କ ଠାରେ ବିଶ୍ବାସ କରିବା ଦ୍ବାରା ମୋର ପାପକ୍ଷମା ହୋଇପାରିବ । ପରିତ୍ରାଣ ପାଇବା ପାଇଁ ମୁଁ ତୁମ ଠାରେ ବିଶ୍ବାସ କରୁଅଛି । ତୁମର ମହା ଅନୁଗ୍ରହ, କ୍ଷମା ଓ ଅନନ୍ତ ଜୀବନ ପାଇଁ ମୁଁ ତୁମକୁ ଧନ୍ୟବାଦ ଦେଉଅଛି” ଆମେନ୍ ।

ଆପଣ ଏଠାରେ ଯାହା ପଢିଲେ, ସେଥି ସକାଶେ ଆପଣ ଖ୍ରୀଷ୍ଟଙ୍କୁ ଅନୁଗମନ କରିବାର ନିଷ୍ପତି ନେଇଅଛନ୍ତି କି? ଯଦି “ହଁ”, ତେବେ “ଆଜି ମୁଁ ଖ୍ରୀଷ୍ଟଙ୍କୁ ଗ୍ରହଣ କରିଅଛି” ବଟନ୍ ରେ କ୍ଲିକ୍ କରନ୍ତୁ ।



ଓଡିଆ ପେଜ୍ କୁ ପ୍ରତ୍ୟାବର୍ତ୍ତନ କରନ୍ତୁ



ପାପୀର ପ୍ରାର୍ଥନା କଅଣ?