ମୋ ଖ୍ରୀଷ୍ଟିୟ ଜୀବନରେ ମୁଁ କିପରି ପାପ ଉପରେ ଜୟଲାଭ କରିପାରିବି?



ପ୍ରଶ୍ନ: ମୋ ଖ୍ରୀଷ୍ଟିୟ ଜୀବନରେ ମୁଁ କିପରି ପାପ ଉପରେ ଜୟଲାଭ କରିପାରିବି?

ଉତ୍ତର:
ପାପ ଉପରେ ଜୟଲାଭ କରିବା ନିମନ୍ତେ ଆମ ପ୍ରଚେଷ୍ଟାରେ ସହାୟକ ହେବା ନିମନ୍ତେ ବାଇବଲ ଆମ୍ଭମାନଙ୍କୁ ବିଭିନ୍ନ ଉତ୍ସ ଉପସ୍ଥାପନ କରିଛି | ଏହି ଜୀବନକାଳରେ, ଆମେ କେବେ ବି ପାପ ଉପରେ ସମ୍ପୂର୍ଣ୍ଣରୂପେ ଜୟଯୁକ୍ତ ଜୀବନ କାଟି ପାରିବାନାହିଁ (୧ଯୋହନ ୧:୮), କିନ୍ତୁ ଏହା ସତ୍ତ୍ବେ ପାପ ଉପରେ ଜୟଲାଭ କରିବା ହେଉଛି ଆମ୍ଭମାନଙ୍କର ଲକ୍ଷ୍ୟ | ଈଶ୍ବରଙ୍କ ସହାୟତାରେ ଏବଂ ତାଙ୍କ ବାକ୍ୟର ନିୟମସକଳ ଅନୁକରଣ କରିବା ଦ୍ବାରା ଆମେ ପ୍ରଗତିଶୀଳ ଭାବେ ପାପ ଉପରେ ଜୟଲାଭ କରିପାରିବା ଏବଂ ଅଧିକରୁ ଅଧିକ ଖ୍ରୀଷ୍ଟଙ୍କ ପରି ହେଉ |

ପାପ ଉପରେ ଜୟଲାଭ କରିବା ନିମନ୍ତେ ଆମ ପ୍ରଚେଷ୍ଟାର ବାଇବଲ ଲିଖିତ ପ୍ରଥମ ଉତ୍ସ ହେଉଛି ପବିତ୍ରଆତ୍ମା | ଈଶ୍ବର ଆମ୍ଭମାନଙ୍କୁ ପବିତ୍ରଆତ୍ମା ଦାନ କରିଅଛନ୍ତି ଯେପରିକି ଆମେ ଖ୍ରୀଷ୍ଟିୟ ଜୀବନଯାପନରେ ଜୟଯୁକ୍ତ ହୋଇପାରିବା | ଗାଲାତୀୟ ୫:୧୬-୨୫ରେ ଈଶ୍ବର ଶରୀରର କାର୍ଯ୍ୟଗୁଡିକ ସହ ଆତ୍ମାଙ୍କ ଫଳ ମଧ୍ୟରେ ଥିବା ବୈଷମ୍ୟତା ପ୍ରଦର୍ଶନ କରନ୍ତି | ସେହି ଶାସ୍ତ୍ରାଂଶରେ ଆତ୍ମାରେ ଚାଳିବା ନିମନ୍ତେ ଆମ୍ଭମାନଙ୍କୁ ଆହ୍ବାନ କରାଯାଇଛି | ସମସ୍ତ ବିଶ୍ବାସୀ ପବିତ୍ରଆତ୍ମାପ୍ରାପ୍ତ ଅଟନ୍ତି, କିନ୍ତୁ ଏହି ଶାସ୍ତ୍ରାଂଶ ଆମ୍ଭମାନଙ୍କୁ କୁହେ ଯେ ଆମେ ତାଙ୍କ ନିୟନ୍ତ୍ରଣର ବଶବର୍ତ୍ତୀ ହୋଇ ଆତ୍ମାରେ ଚାଲିବାର ଆବଶ୍ୟକତା ରହିଛି | ଏହାର ଅର୍ଥ ହେଉଛି ଶରୀରର ଅନୁକରଣ ନ କରି ଅବିରତ ଆତ୍ମାଙ୍କ ପ୍ରୋତ୍ସାହନର ଅନୁଧାବନ କରିବାର ବିକଳ୍ପ ଗ୍ରହଣ କରିବା |

ପବିତ୍ରଆତ୍ମା କରିପାରୁଥିବା ଭିନ୍ନତା ପିତରଙ୍କ ଜୀବନରେ ପ୍ରଦର୍ଶିତ ହୋଇଛି ଯିଏକି ପବିତ୍ରଆତ୍ମାରେ ପରିପୂର୍ଣ୍ଣ ହେବା ପୂର୍ବରୁ ଯୀଶୁଙ୍କୁ ତିନିଥର ଅସ୍ବୀକାର କରିଥିଲେ - ଓ ଏହା ମଧ୍ୟ ମୃତ୍ୟୁ ପର୍ଯ୍ୟନ୍ତ ଖ୍ରୀଷ୍ଟଙ୍କର ଅନୁଗମନ କରିବି ବୋଲି କହିଲା ପରେ | ଆତ୍ମାରେ ପୂର୍ଣ୍ଣ ହୋଇ ସେ ଖୋଲାଖୋଲି ଏବଂ ଶକ୍ତ ଭାବେ ପେଣ୍ଟିକଷ୍ଟ ଦିବସରେ ଯିହୂଦୀମାନଙ୍କୁ କହିଥିଲେ |

ଆମେ ଯେତେବେଳେ ଆତ୍ମାଙ୍କ ପ୍ରୋତ୍ସାହନକୁ ନିର୍ବାଣ ନ କରିବାକୁ ଚେଷ୍ଟା କରିଥାଉ (ଯେପରି ୧ଥେସଲନିକୀୟ ୫:୧୯ ରେ କୁହାଯାଇଛି) ଏବଂ ତା' ପରିବର୍ତ୍ତେ ଆତ୍ମାରେ ପୂର୍ଣ୍ଣ ହେବାର ଅନ୍ବେଷଣ କରିଥାଉ (ଏଫିସୀୟ ୫:୧୮-୨୧) ସେତେବେଳେ ଆମେ ଆତ୍ମାରେ ଚାଲିଥାଉ | ଜଣେ ବ୍ୟକ୍ତି କିପରି ଭାବେ ଆତ୍ମାରେ ପରିପୂର୍ଣ୍ଣ ହୋଇଥାଏ? ସର୍ବପ୍ରଥମ, ଏହା ଈଶ୍ବରଙ୍କ ନିର୍ବାଚନରୁ ହୋଇଥାଏ, ଯାହାକି ଏପରିକି ପୁରାତନ ନିୟମରେ ମଧ୍ୟ ଦେଖିବାକୁ ମିଳିଥିଲା | ସେ କୌଣସି କାର୍ଯ୍ୟ ଜଣେ ବ୍ୟକ୍ତି ଦ୍ବାରା କରିବାକୁ ଇଛା କଲେ ତାକୁ ମନୋନୀତ କରୁଥିଲେ ଏବଂ ପବିତ୍ରଆତ୍ମାରେ ପୂର୍ଣ୍ଣ କରୁଥିଲେ (ଆଦି ୪୧:୩୮; ଯାତ୍ରା ୩୧:୩; ଗଣନା ୨୪:୨; ୧ଶାମୁୟେଲ ୧୦:୧୦) | ଏଫିସୀୟ ୫:୧୮-୨୧ ଓ କଲସୀୟ ୩:୧୬ରେ ପ୍ରମାଣ ଅଛି ଯେ ଯେଉଁମାନେ ନିଜ ନିଜକୁ ଈଶ୍ବରଙ୍କ ବାକ୍ୟରେ ପରିପୂର୍ଣ୍ଣ କରନ୍ତି ଈଶ୍ବର ସେମାନଙ୍କୁ ପରିପୂର୍ଣ୍ଣ କରିବା ନିମନ୍ତେ ମନୋନୀତ କରନ୍ତି | ଏହା ଆମ୍ଭମାନଙ୍କୁ ଦ୍ବିତୀୟ ଉତ୍ସକୁ କଢାଇ ନିଏ |

ଈଶ୍ବରଙ୍କ ବାକ୍ୟ ବାଇବଲ କୁହେ ଯେ ପ୍ରତ୍ୟେକ ଉତ୍ତମ କାର୍ଯ୍ୟ ନିମନ୍ତେ ସୁସଜ୍ଜିତ କରିବା ନିମନ୍ତେ ସେ ଆମ୍ଭମାନଙ୍କୁ ତାଙ୍କ ବାକ୍ୟ ପ୍ରଦାନ କରିଅଛନ୍ତି (୨ତିମଥି ୩:୧୬-୧୭) | ଏହା କିପରି ଜୀବନଯାପନ କରିବାକୁ ହେବ ଓ କ'ଣ ବିଶ୍ବାସ କରିବାକୁ ହେବ ତାହା ଶିକ୍ଷା ଦିଏ, ଯେତେବେଳେ ଆମେ ଭୁଲ୍ ପଥ ଚୟନ କରିଛୁ ଏହା ସେବିଷୟ ପ୍ରକାଶ କରିଦିଏ, ଏହା ଠିକ୍ ପଥରେ ଆମକୁ ନେଇଥାଏ, ଏବଂ ସେହି ପଥରେ ରହିବାରେ ଆମକୁ ସାହାଯ୍ୟ କରିଥାଏ | ଏବ୍ରୀ ୪:୧୨ ଆମ୍ଭମାନଙ୍କୁ କୁହେ ଯେ ଈଶ୍ବରଙ୍କ ବାକ୍ୟ ହେଉଛି ଜୀବନ୍ତ ଏବଂ କାର୍ଯ୍ୟସାଧକ ପୁଣି ଦ୍ବିଧାର ଖଡ୍ଗଠାରୁ ତୀକ୍ଷ୍ଣତର, ଆଉ ପ୍ରାଣ ଓ ଆତ୍ମା, ଗ୍ରନ୍ଥି ଓ ମଜ୍ଜାର ବିଚ୍ଛେଦ ପର୍ଯ୍ୟନ୍ତ ପରିଭେଦକ ଏବଂ ହୃଦୟର ଚିନ୍ତା ଓ ଭାବର ସୂକ୍ଷ୍ମ ବିଚାରକ ଅଟେ | ଗୀତ ୧୧୯ର ଲେଖକ ଏହି ଗୀତରେ ଗଭୀରଭାବେ ଜୀବନ-ପରିବର୍ତ୍ତକ ଶକ୍ତି ବିଷୟରେ କୁହନ୍ତି | ଯିହୋଶୂୟଙ୍କୁ କୁହାଯାଇଥିଲା ଯେ ତାଙ୍କ ଶତ୍ରୁମାନଙ୍କୁ ଜୟ କରିବାର ଚାବିକାଠି ହେଉଛି ଏପରି ଏକ ଉତ୍ସ ଯାହା ଭୁଲିଯିବାର ବିଷୟ ନୁହେଁ କିନ୍ତୁ ଏହାକୁ ଦିବସ ଓ ରାତ୍ରି ଧ୍ୟାନ କରିବା ଓ ଏହାକୁ ପାଳନ କରିବା | ସେ ଏହା ସେତେବେଳେ କରିଥିଲେ ଯେତେବେଳେ କି ଈଶ୍ବର ଦେଇଥିବା ଆଦେଶ ମିଲିଟାରୀ ବିଷୟକୁ ବୁଝାଉନଥିଲା, ଏବଂ ପ୍ରତିଜ୍ଞାତ ଦେଶ ନିମନ୍ତେ ଥିବା ତାଙ୍କ ଯୁଦ୍ଧରେ ତାଙ୍କ ଜୟର ଚାବିକାଠି ଥିଲା |

ବାଇବଲ ଏକ ଉତ୍ସ ଯାହାକୁ ଅନେକ ସମୟରେ ଅତି ହାଲୁକା ଭାବେ ଧରିନିଆଯାଏ | ଆମେ ଆମ ବାଇବଲକୁ ଗୀର୍ଜାକୁ ନେଇ କିମ୍ବା ଏକ ଦୈନିକ ପାଠ ତାଲିକା ପାଠ କରି କିମ୍ବା ଦୈନିକ ଏକ ଅଧ୍ୟାୟ ପାଠ କରି ଆମର ନାମମାତ୍ର ସେବା ସାରିଦେଇଥାଉ, କିନ୍ତୁ ଆମେ ଏହାକୁ ମୁଖସ୍ତ କରିବା, ଏହାକୁ ଧ୍ୟାନ କରିବା କିମ୍ବା ଆମ ଜୀବନରେ ପ୍ରୟୋଗ କରିବାରେ ବିଫଳ ହୋଇଥାଉ; ଏହା (ଈଶ୍ବରଙ୍କ ବାକ୍ୟ ବାଇବଲ) ପ୍ରକାଶ କରୁଥିବା ପାପକୁ ଆମେ ସ୍ବୀକାର କରିବାରେ ବିଫଳ ହୋଇଥାଉ କିମ୍ବା ଏହା ପ୍ରକାଶ କରୁଥିବା ଈଶ୍ବରଙ୍କ ଦାନସକଳ ପାଇଁ ଈଶ୍ବରଙ୍କ ଧନ୍ୟବାଦ କରିବାରେ ବିଫଳ ହୋଇଥାଉ | ଯେତେବେଳେ ବାଇବଲ ବିଷୟରେ କୁହାଯାଏ, ଆମେ ଅନେକ ସମୟରେ ହୁଏତ କ୍ଷୁଧାହୀନ ହୋଇଥାଉ | ହୁଏତ ଆମେ ଆତ୍ମିକ ଭାବେ ନିଜକୁ ବଞ୍ଚାଇ ରଖିବା ପରିମାଣରେ ହିଁ ଈଶ୍ବରଙ୍କ ବାକ୍ୟରୁ ଖାଦ୍ୟ ଗ୍ରହଣ କରିଥାଉ (କିନ୍ତୁ ସ୍ବାସ୍ଥ୍ୟବାନ୍, ଉନ୍ନତ ଖ୍ରୀଷ୍ଟିୟାନ ହେବା ନିମନ୍ତେ କେବେ ବି ଅବଶୋଷଣ କରୁନାହୁଁ) କିମ୍ବା ଆମେ ଅନେକ ସମୟରେ ଖୁଆଇବାକୁ ଆସିଥାଉ କିନ୍ତୁ ସେଠାରୁ ଆତ୍ମିକ ପୁଷ୍ଟିକର ଖାଦ୍ୟ ପାଇବା ପରି ଅନେକ ସମୟ ଧରି କେବେ ବି ସେଠାରେ ଧ୍ୟାନ କରୁନାହୁଁ |

ଏହା ଗୁରୁତ୍ବପୂର୍ଣ୍ଣ, ଯଦି ଆପଣ ଈଶ୍ବରଙ୍କ ବାକ୍ୟକୁ ଦୈନିକ ଅଧ୍ୟୟନ ଓ ମୁଖସ୍ତ କରିବାର ଅଭ୍ୟାସ ରଖିନାହାନ୍ତି, ତେବେ ସେପରି କରିବାକୁ ଆପଣ ଆରମ୍ଭ କରନ୍ତୁ | କେତେକ ଏକ ସାମୟିକ ପତ୍ରିକା ଆରମ୍ଭ କରିବା ଦ୍ବାରା ଏ ବିଷୟରେ ସାହାଯ୍ୟ ପାଇଥାନ୍ତି | ଆପଣ ଈଶ୍ବରଙ୍କ ବାକ୍ୟରୁ କିଛି ପ୍ରାପ୍ତ ହୋଇ କିଛି ନ ଲେଖିବା ପର୍ଯ୍ୟନ୍ତ ବାକ୍ୟ ପାଠ ବନ୍ଦ ନ କରିବାର ଅଭ୍ୟାସ ରଖନ୍ତୁ | କେତେକ ବ୍ୟକ୍ତି ଈଶ୍ବର ସେମାନଙ୍କୁ କହିଥିବା ବିଷୟକ କ୍ଷେତ୍ରରେ ପରିବର୍ତ୍ତନ କରିବାରେ ସେମାନଙ୍କୁ ସାହାଯ୍ୟ କରିବା ନିମନ୍ତେ ଈଶ୍ବରଙ୍କୁ ପ୍ରାର୍ଥନା କରିବାର ବିବରଣୀ ରଖନ୍ତି | ବାଇବଲ ହେଉଛି ଏକ ଉପକରଣ ଯାହା ଆତ୍ମା ଆମ ଜୀବନରେ ବ୍ୟବହାର କରନ୍ତି (ଏଫିସୀୟ ୬:୧୭), ଏହା ସେହି ଅସ୍ତ୍ରଶସ୍ତ୍ରର ଏକ ଆବଶ୍ୟକୀୟ ଓ ମୁଖ୍ୟ ଅଂଶ ଯାହା ଈଶ୍ବର ଆମର ଆତ୍ମିକ ରଣକ୍ଷେତ୍ରରେ ଯୁଦ୍ଧ କରିବା ନିମନ୍ତେ ଆମ୍ଭମାନଙ୍କୁ ପ୍ରଦାନ କରନ୍ତି (ଏଫିସୀୟ ୬:୧୨-୧୮) |

ପାପ ଉପରେ ଯୁଦ୍ଧ କରିବାର ତୃତୀୟ ଅତ୍ୟନ୍ତ ଗୁରୁତ୍ବପୂର୍ଣ୍ଣ ଉତ୍ସ ହେଉଛି ପ୍ରାର୍ଥନା | ପୁନଶ୍ଚ, ଏହା ଏପରି ଏକ ଉତ୍ସ ଯେଉଁଠି ଖ୍ରୀଷ୍ଟିୟାନମାନେ ଅନେକ ସମୟରେ ଓଷ୍ଠାଧର ସେବା କରିଥାନ୍ତି କିନ୍ତୁ ଅତିଅଳ୍ପ ବ୍ୟବହାର କରିଥାନ୍ତି | ଆମେ ପ୍ରାର୍ଥନା ସଭା, ପ୍ରାର୍ଥନା ସମୟ ଇତ୍ୟାଦି ଅନୁଷ୍ଠିତ କରିଥାଉ, କିନ୍ତୁ ଆଦ୍ୟ ମଣ୍ଡଳୀଗଣ ଯେପରି କରୁଥିଲେ ସେପରି ଭାବେ ପ୍ରାର୍ଥନାକୁ ବ୍ୟବହାର କରୁନାହୁଁ (ପ୍ରେରିତ ୩:୧; ୪:୩୧; ୬:୪; ୧୩:୧-୩) | ପାଉଲ ଯେଉଁମାନଙ୍କ ନିକଟରେ ସେବାକାର୍ଯ୍ୟ କରୁଥିଲେ ସେମାନଙ୍କ ନିମନ୍ତେ ଯେ କେତେ ପ୍ରାର୍ଥନା କରୁଥିଲେ ସେ ବିଷୟରେ ଅନେକ ସମୟରେ ଉଲ୍ଲେଖ କରନ୍ତି | ପ୍ରାର୍ଥନା ବିଷୟରେ ଈଶ୍ବର ଆମ୍ଭମାନଙ୍କୁ ଅନେକ ଆଶ୍ଚର୍ଯ୍ୟନଜକ ପ୍ରତିଜ୍ଞାମାନ ପ୍ରଦାନ କରିଛନ୍ତି (ମାଥିଉ ୭:୭-୧୧; ଲୂକ ୧୮:୧-୮: ଯୋହନ ୬:୨୩-୨୭; ୧ଯୋହନ ୫:୧୪-୧୫), ଏବଂ ପାଉଲ ତାଙ୍କ ଆତ୍ମିକ ଯୁଦ୍ଧ ପ୍ରସ୍ତୁତରେ ଦେଇଥିବା ଶାସ୍ତ୍ରାଂଶସକଳରେ ପ୍ରାର୍ଥନାକୁ ଅନ୍ତର୍ଭୁକ୍ତ କରନ୍ତି (ଏଫିସୀୟ ୬:୧୮) |

ଆମ ଜୀବନରେ ପାପ ଉପରେ ଜୟଲାଭ କରିବା ବିଷୟରେ ପ୍ରାର୍ଥନା କେତେ ଗୁରୁତ୍ବପୂର୍ଣ୍ଣ ନ ଅଟେ? ପିତରଙ୍କ ଅସ୍ବୀକାରର ଠିକ୍ ପୂର୍ବରୁ ଗେଥସିମାନୀ ଉଦ୍ୟାନରେ ଖ୍ରୀଷ୍ଟ ପିତରଙ୍କୁ କହିଥିବା କଥା ବିଷୟରେ ଅବଗତ ଅଟୁ | ଯେତେବେଳେ ଯୀଶୁ ପ୍ରାର୍ଥନା କରୁଥିଲେ ସେତେବେଳେ ପିତର ଶୋଇପଡିଥିଲେ | ଯୀଶୁ ତାଙ୍କୁ ନିଦରୁ ଉଠାଇ କୁହନ୍ତି, "ପରୀକ୍ଷାରେ ଯେପରି ନ ପଡ ସେଥିପାଇଁ ଜାଗିରହି ପ୍ରାର୍ଥନା କର; ଆତ୍ମା ଇଛୁକ ସତ୍ୟ, ମାତ୍ର ଶରୀର ଦୁର୍ବଳ" (ମାଥିଉ ୨୬:୪୧) | ଆମେ ପିତରଙ୍କ ପରି ଯାହା ଠିକ୍ ବୋଲି ଭାବୁ ତାହା କରିବାକୁ ଇଛା କରିଥାଉ କିନ୍ତୁ ଆମେ ଶକ୍ତି ଖୋଜୁନାହୁଁ | ଖୋଜୁଥିବା, ଦ୍ବାରରେ ମାରୁଥିବା, ମାଗୁଥିବା ବିଷୟରେ ଆମେ ଈଶ୍ବରଙ୍କ ଅନୁଶାସନର ଅନୁଧାବନ କରିବାକୁ ପଡିବ - ଏବଂ ଆମେ ଆବଶ୍ୟକ କରୁଥିବା ବଳ ସେ ଯୋଗାଇବେ (ମାଥିଉ ୭:୭) | ପ୍ରାର୍ଥନା ଏକ ମ୍ୟାଜିକ୍ ଫର୍ମୁଲା ନୁହେଁ | ସରଳ ଭାବେ କହିଲେ ପ୍ରାର୍ଥନା ହେଉଛି ଆମ ନିଜ ସୀମିତତାକୁ ଏବଂ ଈଶ୍ବରଙ୍କ ଅସରନ୍ତି ଶକ୍ତିକୁ ସ୍ବୀକାର କରିବା ଏବଂ ଆମେ ଯାହା ଇଛା କରୁ ତାହା ନ କରି ସେ କ'ଣ ଇଛା କରନ୍ତି ତାହା କରିବା ନିମନ୍ତେ ଶକ୍ତି ଦେବା ନିମନ୍ତେ ତାଙ୍କ ନିକଟକୁ ଫେରିବା (୧ଯୋହନ ୫:୧୪-୧୫) |

ପାପ ଉପରେ ଜୟଲାଭ କରିବା ନିମନ୍ତେ ଚତୁର୍ଥ ଉତ୍ସ ହେଉଛି ମଣ୍ଡଳୀ ଯାହା ଅନ୍ୟ ବିଶ୍ବାସୀଗଣଙ୍କର ସହଭାଗୀତା | ଯେତେବେଳେ ଯୀଶୁ ତାଙ୍କ ଶିଷ୍ୟମାନଙ୍କୁ ପ୍ରେରଣ କଲେ, ସେ ଦୁଇ ଦୁଇ କରି ସେମାନଙ୍କୁ ପ୍ରେରଣ କଲେ (ମାଥିଉ ୧୦:୧) | ପ୍ରେରିତ ପୁସ୍ତକରେ ଥିବା ମିଶନାରୀମାନେ ଏକ ସମୟରେ ଜଣେ ଜଣେ ହୋଇ ଯାଇ ନ ଥିଲେ, କିନ୍ତୁ ଦୁଇ କିମ୍ବା ଅଧିକ ଦଳ ହୋଇ ଯାଇଥିଲେ | ଯୀଶୁ ଆମ ନିଜ ନିଜର ଏକତ୍ରୀକରଣ ପରିତ୍ୟାଗ ନ କରିବା ନିମନ୍ତେ ଆଦେଶ ଦେଇଥିଲେ କିନ୍ତୁ ସେହି ସମୟକୁ ପ୍ରେମରେ ପରସ୍ପର ଉତ୍ସାହ ଦେବା ଏବଂ ଉତ୍ତମ କାର୍ଯ୍ୟ କରିବା ନିମନ୍ତେ କହିଥିଲେ (ଏବ୍ରୀ ୧୦:୨୪) | ସେ ପରସ୍ପର ନିକଟରେ ଦୋଷ ସ୍ବୀକାର କରିବାକୁ କହିଥିଲେ (ଯାକୁବ ୫:୧୬) | ପୁରାତନ ନିୟମରେ ବୁଦ୍ଧିର ପୁସ୍ତକରେ ଆମକୁ କୁହାଯାଇଛି ଯେ, ଯେପରି ଲୁହା ଲୁହାକୁ ସତେଜ କରେ, ସେପରି ମନୁଷ୍ୟ ଆପଣା ବନ୍ଧୁର ମୁଖ ସତେଜ କରେ (ହିତୋପଦେଶ ୨୭:୧୭) | ସଂଖ୍ୟାରେ ବଳ ଅଛି (ଉପଦେଶକ ୪:୧୧-୧୨) |

ଅନେକ ଖ୍ରୀଷ୍ଟିୟାନ ଦେଖିଛନ୍ତି ଯେ ଅନମନୀୟ ପାପ ଉପରେ ଜୟଲାଭ କରିବା ନିମନ୍ତେ ଜଣେ ଦାୟିତ୍ବବାନ୍ ସହଯୋଗୀ ଅଧିକ ଲାଭର କାରଣ ହୋଇପାରେ | ଆପଣଙ୍କ ସହ କଥାବାର୍ତ୍ତା କରିପାରୁଥିବା, ଆପଣଙ୍କ ସହ ପ୍ରାର୍ଥନା କରିପାରୁଥିବା, ଆପଣଙ୍କୁ ଉତ୍ସାହିତ କରିପାରୁଥିବା, ଏପରିକି ଆପଣଙ୍କୁ ଅନୁଯୋଗ କରିପାରୁଥିବା ଅନ୍ୟ ଏକ ବ୍ୟକ୍ତିର ମୂଲ୍ୟ ମହାନ୍ ଅଟେ | ପରୀକ୍ଷା ସମସ୍ତଙ୍କ ପ୍ରତି ସାଧାରଣ ଅଟେ (୧କରିନ୍ଥୀୟ ୧୦:୧୩) | ଜଣେ ଦାୟିତ୍ବବାନ୍ ସହଯୋଗୀ କିମ୍ବା ଏକ ଦାୟିତ୍ବବାନ୍ ଦଳ ଯିଏକି ଏପରିକି ଆମ୍ଭମାନଙ୍କର ସବୁଠାରୁ ଅଧିକ ପାପ ଉପରେ ଜୟଲାଭ କରିବା ଆବଶ୍ୟକ କରିବାର ଉତ୍ସାହ ଓ ପ୍ରେରଣାର ଚୂଡାନ୍ତ ମାତ୍ରା ଦେଇପାରନ୍ତି |

ଅନେକ ସମୟରେ ପାପ ଉପରେ ବିଜୟ ଶୀଘ୍ର ଆସିଥାଏ | ଅନ୍ୟ ସମୟରେ, ବିଜୟ ଅଧିକ ଧୀରେ ଆସିଥାଏ | ଈଶ୍ବର ପ୍ରତିଜ୍ଞା କରିଅଛନ୍ତି ଯେ ଯଦି ଆମେ ତାଙ୍କ ଉତ୍ସସକଳର ବ୍ୟବହାର କରୁ, ସେ ପ୍ରଗତିଶୀଳ ଭାବେ ଆମ୍ଭମାନଙ୍କ ଜୀବନକୁ ପରିବର୍ତ୍ତିତ କରିବେ | ପାପ ଉପରେ ଜୟଲାଭ କରିବା ନିମନ୍ତେ ଆମେ ଆମ ପ୍ରଚେଷ୍ଟାସମୂହରେ ଅଧ୍ୟବସାୟୀ ହୋଇପାରିବା କାରଣ ଆମେ ଜାଣୁ ଯେ ସେ ତାଙ୍କ ପ୍ରତିଜ୍ଞା ସକଳରେ ବିଶ୍ବସ୍ତ ଅଟନ୍ତି |



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ମୋ ଖ୍ରୀଷ୍ଟିୟ ଜୀବନରେ ମୁଁ କିପରି ପାପ ଉପରେ ଜୟଲାଭ କରିପାରିବି?