କୁମାରୀ ଜନ୍ମ କାହିଁକି ଏତେ ଗୁରୁତ୍ବପୂର୍ଣ୍ଣ?



ପ୍ରଶ୍ନ: କୁମାରୀ ଜନ୍ମ କାହିଁକି ଏତେ ଗୁରୁତ୍ବପୂର୍ଣ୍ଣ?

ଉତ୍ତର:
କୁମାରୀ ଜନ୍ମ ତତ୍ତ୍ବ ଅତି ଗୁରୁତ୍ବପୂର୍ଣ୍ଣ ଅଟେ (ଯିଶାଇୟ ୭:୧୪; ମାଥିଉ ୧:୨୩; ଲୂକ ୧:୨୭, ୩୪) | ପ୍ରଥମରେ, ଏହି ବିଷୟକୁ ଶାସ୍ତ୍ର କିପରି ବର୍ଣ୍ଣନା କରେ, ଆସନ୍ତୁ ସେ ବିଷୟରେ ଦେଖିବା | "ଏହା କିପରି ହେବ?" ବୋଲି ମରିୟମଙ୍କ ପ୍ରଶ୍ନ (ଲୂକ ୧:୩୪)ର ଉତ୍ତରରେ ଗାବ୍ରିୟେଲ୍ ଦୂତ କୁହନ୍ତି, "ପବିତ୍ରଆତ୍ମା ତୁମ୍ଭ ଉପରେ ଅବତରଣ କରିବେ ଓ ପରାତ୍ପରଙ୍କ ଶକ୍ତି ତୁମ୍ଭକୁ ଆବୋରିବ" (ଲୂକ ୧:୩୫) | "ତାଙ୍କର ଗର୍ଭ ପବିତ୍ରଆତ୍ମାଙ୍କ କର୍ତ୍ତୃକ ହୋଇଅଛି" (ମାଥିଉ ୧:୨୦) ବାକ୍ୟ କହି ଦୂତ ମରିୟମଙ୍କୁ ବିବାହ କରିବା ନିମନ୍ତେ ଭୟ ନ କରିବା ନିମନ୍ତେ ଯୋଷେଫଙ୍କୁ କହି ଉତ୍ସାହିତ କରନ୍ତି | ମାଥିଉ ଦର୍ଶାନ୍ତି ଯେ କୁମାରୀ "ପବିତ୍ରଆତ୍ମାଙ୍କ କର୍ତ୍ତୃକ ଗର୍ଭବତୀ ହୋଇଅଛନ୍ତି ବୋଲି ଜଣାପଡିଲା" (ମାଥିଉ ୧:୧୮) | ଗାଲାତୀୟ ୪:୪ ମଧ୍ୟ କୁମାରୀ ଜନ୍ମ ବିଷୟରେ ଶିକ୍ଷା ଦିଏ : "ଈଶ୍ବର ଆପଣା ନିକଟରୁ ନିଜ ପୁତ୍ରଙ୍କୁ ପ୍ରେରଣ କଲେ; ସେ ସ୍ତ୍ରୀଜାତ ହୋଇ.."

ଏହି ସମସ୍ତ ଶାସ୍ତ୍ରାଂଶଗୁଡିକରୁ ସ୍ବଷ୍ଟ ହୁଏ ଯେ ଯୀଶୁଙ୍କ ଜନ୍ମ ପବିତ୍ରଆତ୍ମା ମରିୟମଙ୍କ ଶରୀରରେ କାର୍ଯ୍ୟ କରିବାର ଫଳ | ଅଦୈହିକ (ଆତ୍ମା ବା ପବିତ୍ରଆତ୍ମା)ରୁ ଦୈହିକ (ମରିୟମଙ୍କ ଗର୍ଭ) ଉଭୟେ ସଂପୃକ୍ତ ଥିଲେ | ବାସ୍ତବରେ ମରିୟମ ନିଜକୁ ନିଜେ ଗର୍ଭବତୀ କରାଇନଥିଲେ, ଏବଂ ସେହି ଅର୍ଥରେ ସେ ସରଳ ଭାବେ କେବଳ ଏକ "ପାତ୍ରୀ" ଥିଲେ | କେବଳ ଈଶ୍ବର ହିଁ ସେହି ଦେହବନ୍ତର ଆଶ୍ଚର୍ଯ୍ୟକର୍ମ କରିପାରିବେ |

ଅଥଚ, ମରିୟମ ଏବଂ ଯୀଶୁଙ୍କ ମଧ୍ୟରେ ଥିବା ଶାରିରୀକ ସମ୍ପର୍କକୁ ଅସ୍ବୀକାର କରିବା ଦର୍ଶାଇବ ଯେ ଯୀଶୁ ପ୍ରକୃତରେ ମନୁଷ୍ୟ ନ ଥିଲେ | ଶାସ୍ତ୍ର ଶିକ୍ଷା ଦିଏ ଯେ, ଯୀଶୁ ଏକ ଅନନ୍ତକାଳୀନ ଏବଂ ପାପଶୂନ୍ୟ ପ୍ରକୃତି ସହ ସମ୍ପୂର୍ଣ୍ଣ ମାନବ ଥିଲେ (ଯୋହନ ୧:୧୪; ୧ତିମଥି ୩:୧୬; ଏବ୍ରୀ ୨:୧୪-୧୭) |

ଯୀଶୁ ପାପରେ ଜନ୍ମଗ୍ରହଣ କରି ନ ଥିଲେ; ତାହାର ଅର୍ଥ ହେଉଛି, ତାଙ୍କଠାରେ ପାପ ପ୍ରକୃତି ନ ଥିଲା (ଏବ୍ରୀ ୭:୨୬) | ଜଣାଯାଏ ଯେ, ପାପ ପ୍ରକୃତି ପୁରୁଷାନୁକ୍ରମେ ପିତା (ପୁରୁଷ)ଙ୍କ ଦ୍ବାରା ପ୍ରବାହିତ ହୋଇ ଆସୁଅଛି (ରୋମୀୟ ୫:୧୨, ୧୭, ୧୯) | କୁମାରୀ ଜନ୍ମ ପାପ ପ୍ରକୃତିର ସଂକ୍ରମଣ ଏଡାଇ ଦେଲା ଏବଂ ଅନନ୍ତକାଳୀନ ଈଶ୍ବରଙ୍କୁ ଏକ ସିଦ୍ଧ ମନୁଷ୍ୟ ହେବା ନିମନ୍ତେ ଅନୁମତି ଦେଲା |



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



କୁମାରୀ ଜନ୍ମ କାହିଁକି ଏତେ ଗୁରୁତ୍ବପୂର୍ଣ୍ଣ?