ମଣ୍ଡଳୀ କ’ଣ ଅଟେ?


ପ୍ରଶ୍ନ: ମଣ୍ଡଳୀ କ’ଣ ଅଟେ?

ଉତ୍ତର:
ଆଜି ଅନେକ ଲୋକ ମଣ୍ଡଳୀକୁ ଏକ ଗୀର୍ଜାଘର ଭାବରେ ବୁଝିଛନ୍ତି । ଏହା ମଣ୍ଡଳୀ ବିଷୟରେ ଥିବା ବାଇବଲ ଜ୍ଞାନ ନାହିଁ । ମଣ୍ଡଳୀ ଶବ୍ଦ ଗ୍ରୀକ୍‍ ଶବ୍ଦ ekklesia ରୁ ଆସିଛି ଯାହାକୁ “ସମବେତ ହୋଇଥିବା ଜନତା” ବା “ଆହ୍ବାନପ୍ରାପ୍ତ ଲୋକମାନେ” ଭାବରେ ବୁଝାଯାଇଛି । “ମଣ୍ଡଳୀ”ର ମୂଳ ଅର୍ଥ ଗୀର୍ଜାଘର ନୁହେଁ, କିନ୍ତୁ ଲୋକମାନେ । ଏକ ହାସ୍ୟାସ୍ପଦର କଥା ଯେ ଆପଣ ଯେତେବେଳେ ଲୋକମାନଙ୍କୁ ସେମାନେ କେଉଁ ମଣ୍ଡଳୀରେ ଯୋଗ ଦିଅନ୍ତି ବୋଲି ପଚାରନ୍ତି, ସେମାନେ ସାଧାରଣତଃ ଏକ ଗୀର୍ଜାଘରକୁ ଚିହ୍ନିତ କରନ୍ତି । ରୋମୀୟ 16:5 କୁହେ “...ସେମାନଙ୍କ ଗୃହରେ ଥିବା ମଣ୍ଡଳୀକୁ ନମସ୍କାର ଜଣାଅ ।” ପାଉଲ ସେମାନଙ୍କ ଘରେ ଥିବା ମଣ୍ଡଳୀ ବିଷୟରେ କହୁଅଛନ୍ତି – ସେ ଏକ ଗୀର୍ଜାଘର ବିଷୟରେ କହୁନାହାନ୍ତି, କିନ୍ତୁ ସମବେତ ବିଶ୍ବାସୀମାନଙ୍କୁ କହୁଅଛନ୍ତି ।

ମଣ୍ଡଳୀ ହେଉଛି ଖ୍ରୀଷ୍ଟଙ୍କ ଶରୀର, ଯାହାର ମସ୍ତକ ସେ ଅଟନ୍ତି । ଏଫିସୀୟ 1:22-23 କୁହେ “ଆଉ ସମସ୍ତ ବିଷୟ ତାହାଙ୍କ ପାଦତଳେ ବଶୀଭୂତକରି ରଖି ତାହାଙ୍କୁ ସର୍ବ ବିଷୟର ମସ୍ତକସ୍ବରୂପେ ମଣ୍ଡଳୀକୁ ଦାନ କଲେ; ସେହି ମଣ୍ଡଳୀ ତାହାଙ୍କ ଶରୀର ସ୍ବରୂପ, ଅର୍ଥାତ୍‍ ଯେ ସମସ୍ତ ବିଷୟକୁ ସର୍ବୋତଭାବରେ ପୂର୍ଣ୍ଣ କରନ୍ତି, ତାହାଙ୍କର ପୂର୍ଣ୍ଣତା ।” ପେଣ୍ଟିକଷ୍ଟ ଦିନ (ପ୍ରେରିତ 2 ପର୍ବ)ରୁ ଖ୍ରୀଷ୍ଟଙ୍କ ଦ୍ବିତୀୟ ଆଗମନ ପର୍ଯ୍ୟନ୍ତ ଥିବା ସମସ୍ତ ବିଶ୍ବାସୀମାନଙ୍କୁ ନେଇ ଖ୍ରୀଷ୍ଟଙ୍କ ଶରୀର ଗଠିତ । ଖ୍ରୀଷ୍ଟଙ୍କର ଶରୀର ଦୁଇଗୋଟି ବିଷୟକୁ ନେଇ ଗଠିତ:

(1) ଯୀଶୁଖ୍ରୀଷ୍ଟଙ୍କ ସହ ଯେଉଁମାନଙ୍କର ବ୍ୟକ୍ତିଗତ ସମ୍ପର୍କ ରହିଛି ସେ ସମସ୍ତଙ୍କୁ ନେଇ ସାର୍ବଜନୀନ ମଣ୍ଡଳୀ ଗଠିତ । “ଯେଣୁ ଆମ୍ଭେମାନେ ଯିହୂଦୀ ହେଉ ବା ଗ୍ରୀକ୍‍ ହେଉ, ଦାସ ହେଉ ବା ସ୍ବାଧୀନ ହେଉ, ସମସ୍ତେ ତ ଏକ ଆତ୍ମାଙ୍କ ଦ୍ବାରା ଏକ ଶରୀର ହେବା ଉଦ୍ଦେଶ୍ୟରେ ବାପ୍ତିଜିତ ହୋଇଅଛୁ; ଆଉ ସମସ୍ତେ ଏକ ଆତ୍ମାରୁ ପାନ କରିଅଛୁ” (1କରିନ୍ଥୀୟ 12:13) । ଏହି ପଦ କୁହେ ଯେ ବିଶ୍ବାସ କରୁଥିବା ଯେକୌଣସି ବ୍ୟକ୍ତି ଖ୍ରୀଷ୍ଟଙ୍କ ଶରୀରର ଏକ ଅଂଶ ଅଟନ୍ତି ଏବଂ ଏହାର ପ୍ରମାଣ ସ୍ବରୂପେ ଖ୍ରୀଷ୍ଟଙ୍କର ଆତ୍ମା ପାଇଥାଏ । ସାର୍ବଜନୀନ ମଣ୍ଡଳୀ ସେହିମାନେ, ଯେଉଁମାନେ ଯୀଶୁଖ୍ରୀଷ୍ଟଙ୍କଠାରେ ବିଶ୍ବାସ କରିବା ଦ୍ବାରା ପରିତ୍ରାଣ ପାଇଅଛନ୍ତି ।

(2) ସ୍ଥାନୀୟ ମଣ୍ଡଳୀକୁ ଗାଲାତୀୟ 1:1-2ରେ ବର୍ଣ୍ଣନା କରାଯାଇଛି: “...ପାଉଲ, ଜଣେ ପ୍ରେରିତ...ମୋହର ସାଙ୍ଗରେ ଭାଇ ସମସ୍ତେ ଗାଲାତୀୟ ମଣ୍ଡଳୀ ସମୂହକୁ ଲେଖୁଅଛୁ ।” ଏଠାରେ ଆମେ ଦେଖୁ ଯେ ଗାଲାତୀୟ ପ୍ରଦେଶରେ ଅନେକ ମଣ୍ଡଳୀ ରହିଛନ୍ତି ଯେଉଁଗୁଡିକୁ ଆମେ ସ୍ଥାନୀୟ ମଣ୍ଡଳୀ କହୁ । ଏକ ବାପ୍‍‍ଟିଷ୍ଟ ମଣ୍ଡଳୀ, ଲୁଥରାନ୍‍ ମଣ୍ଡଳୀ, କ୍ୟାଥୋଲିକ ମଣ୍ଡଳୀ ଇତ୍ୟାଦି ସାର୍ବଜନୀନ ମଣ୍ଡଳୀ ପରି ମଣ୍ଡଳୀ ନୁହଁ କିନ୍ତୁ ସେଗୁଡିକ ସମବେତ ସ୍ଥାନୀୟ ବିଶ୍ବାସୀ ଅଟନ୍ତି । ଯେଉଁମାନେ ଖ୍ରୀଷ୍ଟଙ୍କର ଅଟନ୍ତି ଓ ଯେଉଁମାନେ ପରିତ୍ରାଣ ନିମନ୍ତେ ତାହାଙ୍କଠାରେ ଭରସା ରଖିଅଛନ୍ତି ସେମାନଙ୍କୁ ନେଇ ସାର୍ବଜନୀନ ମଣ୍ଡଳୀ ଗଠିତ । ସାର୍ବଜନୀନ ମଣ୍ଡଳୀରେ ଥିବା ଏହି ସଭ୍ୟମାନେ ସ୍ଥାନୀୟ ଏକ ମଣ୍ଡଳୀର ସହଭାଗୀତା ଓ ନିଷ୍ଠା ଚାହିଁବା ଆବଶ୍ୟକ ।

ସାରାଂଶରେ କହିବାକୁ ଗଲେ, ମଣ୍ଡଳୀ ଏକ ଘର କିମ୍ବା ଏକ ଅନୁଷ୍ଠାନ ନୁହେଁ । ବାଇବଲ ଅନୁଯାୟୀ, ମଣ୍ଡଳୀ ହେଉଛି ଖ୍ରୀଷ୍ଟଙ୍କ ଶରୀର ଓ ତାହାଙ୍କ ଶରୀର ହେଉଛି ସେମାନେ ଯେଉଁମାନେ ପରିତ୍ରାଣ ନିମନ୍ତେ ଯୀଶୁଖ୍ରୀଷ୍ଟଙ୍କଠାରେ ସେମାନଙ୍କର ବିଶ୍ବାସ ରଖିଅଛନ୍ତି (ଯୋହନ 3:16; 1କରିନ୍ଥୀୟ 12:13) । ସ୍ଥାନୀୟ ମଣ୍ଡଳୀ ହେଉଛି ତାହା, ଯେଉଁଠି ସାର୍ବଜନୀନ ମଣ୍ଡଳୀରେ ଥିବା ସଭ୍ୟମାନେ 1କରିନ୍ଥୀୟ 12 ପର୍ବରେ ଥିବା “ଶରୀର” ନୀତିକୁ ସମ୍ପୂର୍ଣ୍ଣ ଭାବରେ ପ୍ରୟୋଗ କରିବେ ଓ ସେହି ନୀତିଗୁଡିକ ହେଉଛି: ଉତ୍ସାହିତ କରିବା, ଶିକ୍ଷା ଦେବା ଏବଂ ପ୍ରଭୁ ଯୀଶୁଖ୍ରୀଷ୍ଟଙ୍କ ଜ୍ଞାନ ଓ ଅନୁଗ୍ରହରେ ପରସ୍ପରକୁ ଗଢି ତୋଳିବା ।



ଓଡିଆ ପେଜ୍ କୁ ପ୍ରତ୍ୟାବର୍ତ୍ତନ କରନ୍ତୁ



ମଣ୍ଡଳୀ କ’ଣ ଅଟେ?