ମୁଁ କାହିଁକି ଆତ୍ମହତ୍ୟା କରିବା ଉଚିତ୍ ନୁହେଁ?



ପ୍ରଶ୍ନ: ମୁଁ କାହିଁକି ଆତ୍ମହତ୍ୟା କରିବା ଉଚିତ୍ ନୁହେଁ?

ଉତ୍ତର:
ଆମ୍ଭମାନଙ୍କ ହୃଦୟ ସେହିମାନଙ୍କ ପ୍ରତି ସହାନୁଭୂତିଶୀଳ ଅଟେ ଯେଉଁମାନେ ଆତ୍ମହତ୍ୟା ଦ୍ବାରା ସେମାନଙ୍କ ଜୀବନକୁ ଶେଷ କରିବା ନିମନ୍ତେ ଭାବିଛନ୍ତି | ଯଦି ଆପଣ ଏହିକ୍ଷଣି ସେପରି ଅଟନ୍ତି, ତେବେ ଏହା ଅନେକ ଭାବପ୍ରବଣତା କହିପାରେ, ଯେପରିକି ଆଶାଶୂନ୍ୟର ଅନୁଭବ ଏବଂ ହତାଶ | ଆପଣ ହୁଏତ ଅନୁଭବ କରୁଥାଇପାରନ୍ତି ଯେପରିକି ଆପଣ ଏକ ଗଭୀର ଖାତ ମଧ୍ୟରେ ପଡିଅଛନ୍ତି, ଏବଂ ସେଥିରୁ ଉଦ୍ଧାର ପାଇବାର କିଛି ଆଶା ପାଇବା ବିଷୟରେ ଆପଣ ସନ୍ଦିହାନ ଅଟନ୍ତି | ଆପଣ କେଉଁଠାରୁ ଆସୁଅଛନ୍ତି ସେ ବିଷୟରେ କେହି ବି ଆପଣଙ୍କର ଖାତିର୍ କଲା ପରି ଜଣାପଡେନାହିଁ | ଜୀବନ କେବଳ ଜୀଇଁବାର ଯୋଗ୍ୟ ନୁହେଁ.. କିମ୍ବା ଏହା କେବଳ ଜୀଇଁବାର ଯୋଗ୍ୟ ଅଟେ କି?

ଏହିକ୍ଷଣି ଈଶ୍ବର ବାସ୍ତବରେ ଆପଣଙ୍କ ଜୀବନରେ ଈଶ୍ବର ଅଟନ୍ତି ବୋଲି ବିବେଚନା କରିବା ନିମନ୍ତେ ଯଦି ଆପଣ କିଛି ସମୟ ନିଅନ୍ତି, ତେବେ ସେ କେତେ ମହାନ୍ ତାହା ପ୍ରମାଣିତ କରିବେ, "କାରଣ ଈଶ୍ବରଙ୍କଠାରେ କୌଣସି ବିଷୟ ଅସମ୍ଭବ ନୁହେଁ" (ଲୂକ ୧:୩୭) | ବୋଧହୁଏ ଅତୀତରୁ ରହିଆସିଥିବା ଦାଗଗୁଡିକ ପ୍ରତ୍ୟାଖ୍ୟାନ ବା ପରିତ୍ୟାଗର ଏକ ଦୁର୍ଭେଦ୍ୟ ବୋଧଶକ୍ତିରେ ପରିଣତ ହୋଇଛି | ତାହା ଆତ୍ମ-ଦୟା, କ୍ରୋଧ, ତିକ୍ତତା, ପ୍ରତିଶୋଧର ଭାବନା, କିମ୍ବା ଅସ୍ବାସ୍ଥ୍ୟକର ଭୟ ଆଡକୁ କଢାଇ ନେବ ଯାହା ଆପଣଙ୍କର ସବୁଠାରୁ ଅଧିକ ଗୁରୁତ୍ବପୂର୍ଣ୍ଣ ସମ୍ପର୍କରେ ସମାସ୍ୟା ସୃଷ୍ଟି କରିପାରେ |

ଆପଣ କାହିଁକି ଆତ୍ମହତ୍ୟା କରିବା ଉଚିତ୍ ନୁହେଁ? ବନ୍ଧୁ, ଆପଣଙ୍କ ଜୀବନରେ କେତେ ଖରାପ ବିଷୟଗୁଡିକ ଥାଉନା କାହିଁକି, ପ୍ରେମର ଈଶ୍ବର ଅଛନ୍ତି ଯିଏକି ଆପଣଙ୍କ ହତାଶର ସୁଡଙ୍ଗ ଦେଇ ତାହାଙ୍କ ଆଶ୍ଚର୍ଯ୍ୟଜନକ ଆଲୋକ ମଧ୍ୟକୁ ଆପଣଙ୍କୁ ଦିଗଦର୍ଶନ ଦେବା ନିମନ୍ତେ ଆପଣ ଅନୁମତି ଦିଅନ୍ତୁ ବୋଲି ଅପେକ୍ଷା କରନ୍ତି | ସେ ଆପଣଙ୍କର ନିଶ୍ଚିତ ଆଶା ଅଟନ୍ତି | ତାଙ୍କ ନାମ ହେଉଛି ଯୀଶୁ |

ଈଶ୍ବରଙ୍କର ଏହି ପୁତ୍ର ଯୀଶୁ ଆପଣଙ୍କର ପ୍ରତ୍ୟାଖ୍ୟାନ ଏବଂ ଅପମାନର ସମୟରେ ଆପଣଙ୍କୁ ଚିହ୍ନଟ କରନ୍ତି | ଯିଶାଇୟ ୫୩:୨-୬ରେ ଯିଶାଇୟ ଭବିଷଦ୍ ବକ୍ତା ଈଶ୍ବରଙ୍କ ବିଷୟରେ ଲେଖିଲେ, ଯେଉଁଥିରେ ସେ ସମସ୍ତଙ୍କ ଦ୍ବାରା "ଅବଜ୍ଞାତ ଓ ତ୍ୟକ୍ତ" ହୋଇଥିବା ବ୍ୟକ୍ତି ଭାବରେ ତାଙ୍କୁ ବର୍ଣ୍ଣନା କରନ୍ତି | ତାଙ୍କ ଜୀବନ ଦୁଃଖ ଓ ଯାତନାରେ ପୂର୍ଣ୍ଣ ଥିଲା | କିନ୍ତୁ ସେ ଧାରଣ କରିଥିବା ଦୁଃଖ ତାଙ୍କ ନିଜର ନ ଥିଲା; ସେସବୁ ଆମ୍ଭମାନଙ୍କର ଥିଲା | ତାଙ୍କୁ ବିଦ୍ଧ କରାଯାଇଥିଲା, କ୍ଷତ କରାଯାଇଥିଲା ଏବଂ ଚୂର୍ଣ୍ଣ କରାଯାଇଥିଲା, ଏବଂ ତାଙ୍କୁ ଏହି ସମସ୍ତ ବିଷୟ ଆମ୍ଭମାନଙ୍କ ପାପ ନିମନ୍ତେ କରାଯାଇଥିଲା | ତାଙ୍କ ଯାତନା ଯୋଗୁଁ ଆମ୍ଭମାନଙ୍କ ଜୀବନ ମୁକ୍ତିପ୍ରାପ୍ତ ହେବ ଏବଂ ଅକ୍ଷତ କରାଯିବ |

ବନ୍ଧୁ, ଯୀଶୁଖ୍ରୀଷ୍ଟ ଏହି ସମସ୍ତ ସହ୍ୟ କଲେ ଯେପରିକି ଆପଣ ଆପଣଙ୍କର ସମସ୍ତ ପାପରୁ କ୍ଷମାପ୍ରାପ୍ତ ହେବେ | ଆପଣ ଯେତେ ଓଜନର ଦୋଷ ଧାରଣ କରିଥାନ୍ତୁ ନା କାହିଁକି, ଆପଣ ଜାଣି ରଖନ୍ତୁ ଯେ ସେ ଆପଣଙ୍କୁ କ୍ଷମାପ୍ରଦାନ କରିବେ ଯଦି ଆପଣ ନମ୍ର ଭାବରେ ତାଙ୍କୁ ଆପଣଙ୍କର ଉଦ୍ଧାରକର୍ତ୍ତା ଭାବରେ ଗ୍ରହଣ କରିବେ | "...ସଙ୍କଟ ଦିନରେ ଆମ୍ଭକୁ ଡାକ; ତହିଁରେ ଆମ୍ଭେ ତୁମ୍ଭକୁ ରକ୍ଷା କରିବା..." (ଗୀତ ୫୦:୧୫) | ଆପଣ ଏପରି କୌଣସି ମନ୍ଦ କାର୍ଯ୍ୟ କରିନାହାନ୍ତି ଯାହା ଯୀଶୁ କ୍ଷମା ଦେଇପାରିବେ ନାହିଁ | ତାଙ୍କ କେତେକ ମନୋନୀତ ବ୍ୟକ୍ତିଗଣ ବହୁତ ବଡ ବଡ ପାପ କରିଥିଲେ, ଯେପରିକି ନରହତ୍ୟା (ମୋଶା), ନରହତ୍ୟା ଏବଂ ବ୍ୟଭିଚାର (ରାଜା ଦାଉଦ), ଏବଂ ଶାରିରୀକ ଏବଂ ଭାବପ୍ରବଣତାର ନିର୍ଯ୍ୟାତନା (ପ୍ରେରିତ ପାଉଲ) | ତଥାପି ସେମାନେ ପ୍ରଭୁଙ୍କଠାରେ କ୍ଷମା ଏବଂ ଏକ ନୂତନ ପ୍ରଚୁର ଜୀବନ ପ୍ରାପ୍ତ ହୋଇଥିଲେ | "ଅତଏବ ଯଦି କେହି ଖ୍ରୀଷ୍ଟଙ୍କଠାରେ ଅଛି, ତେବେ ସେ ନୂତନ ସୃଷ୍ଟି ହୋଇଅଛି; ପୁରାତନ ବିଷୟସବୁ ଲୋପପାଇଅଛି, ଦେଖ ନୂତନ ବିଷୟସବୁ ହୋଇଅଛି!" (୨କରିନ୍ଥୀୟ ୫:୧୭) |

ଆପଣ କାହିଁକି ଆତ୍ମହତ୍ୟା କରିବା ଉଚିତ୍ ନୁହେଁ? ବନ୍ଧୁ, ଯାହା "ଭାଙ୍ଗି ଯାଇଛି" ତାହା ମରାମତି କରିବା ନିମନ୍ତେ ଈଶ୍ବର ପ୍ରସ୍ତୁତ ହୋଇ ରହିଛନ୍ତି, ଯେପରିକି ଆପଣଙ୍କର ବର୍ତ୍ତମାନ ଜୀବନ, ଆପଣ ଆତ୍ମହତ୍ୟା ଦ୍ବାରା ଶେଷ କରିବାକୁ ଚାହୁଁଥିବା ଆପଣଙ୍କ ଜୀବନ | ଯିଶାଇୟ ୬୧:୧-୩ରେ ଭାବବାଦୀ ଲେଖିଲେ, "ପ୍ରଭୁ, ସଦାପ୍ରଭୁଙ୍କର ଆତ୍ମା ମୋଠାରେ ଅଧିଷ୍ଠାନ କରନ୍ତି; କାରଣ ନମ୍ର ଲୋକମାନଙ୍କ ନିକଟରେ ସୁସମାଚାର ପ୍ରଚାର କରିବା ପାଇଁ ସଦାପ୍ରଭୁ ମୋତେ ଅଭିଷିକ୍ତ କରିଅଛନ୍ତି, ସେ ଭଗ୍ନାନ୍ତକରଣ ଲୋକମାନଙ୍କର କ୍ଷତ ବାନ୍ଧିବାକୁ, ବନ୍ଦୀ ଲୋକମାନଙ୍କ ପ୍ରତି ମୁକ୍ତି ଓ କାରାବଦ୍ଧ ଲୋକମାନଙ୍କ ପ୍ରତି କାରାଗାର ମୁକ୍ତ ହେବାର କଥା ପ୍ରଚାର କରିବାକୁ, ସଦାପ୍ରଭୁଙ୍କ ଗ୍ରାହ୍ୟ ବର୍ଷ ଓ ଆମ୍ଭମାନଙ୍କ ପରମେଶ୍ବରଙ୍କର ପ୍ରତିଶୋଧର ଦିନ ଘୋଷଣା କରିବାକୁ ; ଶୋକାର୍ତ୍ତ ସମସ୍ତଙ୍କୁ ସାନ୍ତ୍ବନା କରିବାକୁ, ସୀୟୋନର ଶୋକାର୍ତ୍ତ ଲୋକମାନଙ୍କ ପାଇଁ ନିରୂପଣ କରିବାକୁ, ଅର୍ଥାତ୍, ଭସ୍ମର ପରିବର୍ତ୍ତେ ଭୂଷଣ, ଦୁଃଖର ପରିବର୍ତ୍ତେ ସୁଖରୂପ ତୈଳ; ଅବସନ୍ନ ଆତ୍ମାର ପରିବର୍ତ୍ତେ ପ୍ରଶଂସାରୂପ ବସ୍ତ୍ର ପ୍ରଦାନ କରିବାକୁ ସେ ମୋତେ ପ୍ରେରଣ କରିଅଛନ୍ତି; ତହିଁରେ ସଦାପ୍ରଭୁ ଯେପରି ଗୌରବାନ୍ମିତ ହେବେ, ଏଥିପାଇଁ ସେମାନେ ଧର୍ମରୂପ ବୃକ୍ଷ ଓ ତାହାଙ୍କର ଉଦ୍ୟାନ ବୋଲି ବିଖ୍ୟାତ ହେବ " |

ଯୀଶୁଙ୍କ ନିକଟକୁ ଆସନ୍ତୁ, ଏବଂ ଆପଣଙ୍କ ଜୀବନରେ ଏକ ନୂତନ କାର୍ଯ୍ୟ ଆରମ୍ଭ କରିବା ନିମନ୍ତେ ଆପଣ ଯେତେବେଳେ ତାଙ୍କଠାରେ ବିଶ୍ବାସ କରନ୍ତି ସେତେବେଳେ ଆପଣଙ୍କ ଆନନ୍ଦ ଓ ବ୍ୟବହାରଯୋଗ୍ୟତା ପୁନଃସ୍ଥାପନ କରିବା ନିମନ୍ତେ ତାହାଙ୍କୁ ଅନୁମତି ଦିଅନ୍ତୁ | ଆପଣ ହରାଇଥିବା ଆନନ୍ଦ ପୁନଃସ୍ଥାପନ କରିବା ନିମନ୍ତେ ଏବଂ ଆପଣଙ୍କୁ ବଞ୍ଚାଇ ରଖିବା ନିମନ୍ତେ ଏକ ନୂତନ ଆତ୍ମା ପ୍ରଦାନ କରିବା ନିମନ୍ତେ ପ୍ରତିଜ୍ଞା କରନ୍ତି | ଆପଣଙ୍କ ଭଗ୍ନ ହୃଦୟ ତାଙ୍କ ନିମନ୍ତେ ବହୁମୂଲ୍ୟ ଅଟେ : "ଭଗ୍ନ-ଆତ୍ମା ପରମେଶ୍ବରଙ୍କର ଗ୍ରାହ୍ୟ ବଳି, ହେ ପରମେଶ୍ବର, ତୁମ୍ଭେ ଭଗ୍ନ ଓ ଚୂର୍ଣ୍ଣ ଅନ୍ତଃକରଣ ତୁଚ୍ଛ କରିବ ନାହିଁ" (ଗୀତ ୫୧:୧୨, ୧୫-୧୭) |

ପ୍ରଭୁଙ୍କୁ ଆପଣ ଆପଣଙ୍କର ଉଦ୍ଧାରକର୍ତ୍ତା ଓ ମେଷପାଳକ ଭାବେ ଗ୍ରହଣ କରିବେ କି? ସେ ଆପଣଙ୍କର ଭାବନାସକଳ ଓ ପଦକ୍ଷେପସକଳକୁ ତାହାଙ୍କ ବାକ୍ୟ ବାଇବଲ ଦ୍ବାରା ଏକ ଦିନ ଏକ ସମୟରେ ଦିଗ୍ ଦର୍ଶନ ଦେବେ | "ମୁଁ ତୁମ୍ଭକୁ ଉପଦେଶ ଦେବି ଓ ତୁମ୍ଭର ଗନ୍ତବ୍ୟ ମାର୍ଗ ଶିଖାଇବି; ମୁଁ ତୁମ୍ଭ ଉପରେ ଆପଣା ଦୃଷ୍ଟି ରଖି ତୁମ୍ଭକୁ ମନ୍ତ୍ରଣା ଦେବି" (ଗୀତ ୩୨:୮) "ପୁଣି, ତୁମ୍ଭ ସମୟରେ ସୁସ୍ଥିର ହେବ; ପରିତ୍ରାଣର ଓ ଜ୍ଞାନର ଓ ବୁଦ୍ଧିର ବାହୁଲ୍ୟ ହେବ; ସଦାପ୍ରଭୁ ବିଷୟକ ଭୟ ତାହାର ଭଣ୍ଡାର" (ଯିଶାଇୟ ୩୩:୬) | ଖ୍ରୀଷ୍ଟଙ୍କଠାରେ ରହିଲେ ଆପଣଙ୍କର ସଂଘର୍ଷ ହେବ, କିନ୍ତୁ ଆପଣ ବର୍ତ୍ତମାନ ଆଶା ପ୍ରାପ୍ତ ହେବେ | ସେ "ଏକ ପ୍ରେମକାରୀ, ଯେ ଭାଇ ଅପେକ୍ଷା ଅଧିକ ନିକଟ ଲାଗି ରହନ୍ତି" (ହିତୋପଦେଶ ୧୮:୨୪) | ପ୍ରଭୁଯୀଶୁଙ୍କ ଅନୁଗ୍ରହ ଆପଣଙ୍କ ନିଷ୍ପତ୍ତିର ସମୟରେ ଆପଣଙ୍କ ସହିତ ରୁହନ୍ତୁ |

ଯଦି ଆପଣ ଯୀଶୁଖ୍ରୀଷ୍ଟଙ୍କୁ ଆପଣଙ୍କର ଉଦ୍ଧାରକର୍ତ୍ତା ଭାବରେ ବିଶ୍ବାସ କରନ୍ତି, ଆପଣଙ୍କ ହୃଦୟରେ ଏହି ବାକ୍ୟ ଈଶ୍ବରଙ୍କୁ କୁହନ୍ତୁ: "ଈଶ୍ବର, ମୋ ଜୀବନରେ ମୁଁ ତୁମକୁ ଆବଶ୍ୟକ କରେ | ମୁଁ ଯାହା କରିଛି ସେଇଥିଯୋଗୁଁ ମୋତେ କ୍ଷମା କରନ୍ତୁ | ମୁଁ ମୋର ବିଶ୍ବାସକୁ ଯୀଶୁଖ୍ରୀଷ୍ଟଙ୍କଠାରେ ସ୍ଥାପନ କରୁଅଛି ଏବଂ ବିଶ୍ବାସ କରୁଅଛି ଯେ ସେ ମୋର ଉଦ୍ଧାରକର୍ତ୍ତା | ଦୟାକରି ମୋତେ ଶୁଚି କର, ମୋତେ ସୁସ୍ଥ କର, ଏବଂ ମୋ ଜୀବନରେ ଥିବା ଆନନ୍ଦ ମୋତେ ଫେରାଅ | ମୋ ନିମନ୍ତେ ତୁମ ପ୍ରେମ ଯୋଗୁଁ ଓ ମୋ ସ୍ଥାନରେ ଯୀଶୁଙ୍କ ମୃତ୍ୟୁ ଯୋଗୁଁ ତୁମକୁ ଧନ୍ୟବାଦ ଦିଏ |"

ଏଠାରେ ଆପଣ ଯାହା ପଢିଲେ ସେହି କାରଣରୁ ଖ୍ରୀଷ୍ଟଙ୍କ ନିମନ୍ତେ ଗୋଟିଏ ନିଷ୍ପତ୍ତି ନେଲେ କି ? ଦୟାକରି ନିମ୍ନରେ ଥିବା "ମୁଁ ଆଜି ଖ୍ରୀଷ୍ଟଙ୍କୁ ଗ୍ରହଣ କଲି" ବୋତାମକୁ କ୍ଲିକ୍ କରନ୍ତୁ



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



ମୁଁ କାହିଁକି ଆତ୍ମହତ୍ୟା କରିବା ଉଚିତ୍ ନୁହେଁ?