କୈନଙ୍କ ସ୍ତ୍ରୀ କିଏ ଥିଲେ? କୈନଙ୍କ ସ୍ତ୍ରୀ କଅଣ ତାହାଙ୍କ ନିଜ ଭଉଣୀ ଥିଲେ?


ପ୍ରଶ୍ନ: କୈନଙ୍କ ସ୍ତ୍ରୀ କିଏ ଥିଲେ? କୈନଙ୍କ ସ୍ତ୍ରୀ କଅଣ ତାହାଙ୍କ ନିଜ ଭଉଣୀ ଥିଲେ?

ଉତ୍ତର:
ବାଇବଲ ନିର୍ଦ୍ଧିଷ୍ଟଭାବରେ କହେ ନାହିଁ ଯେ କୈନଙ୍କ ସ୍ତ୍ରୀ କିଏ ଥିଲେ? ସମ୍ଭାବତଃ ଉତ୍ତର ହେଉଛି ଯେ କୈନଙ୍କ ସ୍ତ୍ରୀ ତାହାଙ୍କ ଭଉଣୀ ଅବା ଝିଆରୀ, ଅବା ନାତୁଣୀ ଇତ୍ୟାଦି ଥିଲେ । ବାଇବଲ କହେ ନାହିଁ ଯେ ଯେବେ କୈନ ହେବଲଙ୍କୁ ହତ୍ୟା କଲେ ତାହାଙ୍କ ବୟସ କେତେ ହୋଇଥିଲା (ଆଦିପୁସ୍ତକ ୪:୮) । କାରଣ ସେମାନେ ଦୁହେଁ କୃଷକ ଥିଲେ, ସମ୍ଭବତଃ ଦୁହେଁ ବୟସ୍କ ଥିଲେ, ଏବଂ ସମ୍ଭବତଃ ଦୁହେଁଙ୍କର ନିଜର ପରିବାର ସୁଧା ଥିଲା । ନିଶ୍ଚିତରୂପେ ହେବଲଙ୍କୁ ହତ୍ୟା କରାଯିବା ସମୟରେ ଆଦମ ଓ ହବାଙ୍କର କୈନ ଓ ହେବଲଙ୍କ ଛଡା ଆହୁରି ଅନେକ ସନ୍ତାନସନ୍ତତି ଜନ୍ମ ହୋଇଥିଲେ ଏବଂ ନିଶ୍ଚିତରୂପେ ପରବର୍ତ୍ତୀ ସମୟରେ ସେମାନଙ୍କର ଆହୁରି ସନ୍ତାନସନ୍ତତି ହେଲେ (ଆଦିପୁସ୍ତକ ୫:୪) । ହେବଲକୁ ହତ୍ୟା କଲା ଉତ୍ତାରେ, କୈନ ନିଜ ଜୀବନ ପାଇଁ ଭୟଭୀତ ଥିଲେ (ଆଦିପୁସ୍ତକ ୪:୧୪) । ଏହି ସତ୍ୟତା ନିର୍ଦ୍ଦେଶ ଦିଏ ଯେ ପୃଥିବୀରେ ଆହୁରି ଅନେକ ସନ୍ତାନ ଥିଲେ ଓ ହୁଏତ ସେହି ସମୟରେ ଆଦମ ଓ ହବାଙ୍କ ନାତିନାତୁଣୀ ଥିଲେ । କୈନଙ୍କ ସ୍ତ୍ରୀ (ଆଦିପୁସ୍ତକ ୪:୧୭) ଆଦମ ଓ ହବାଙ୍କ ଝିଅ ବା ନାତୁଣୀ ଥିଲେ ।

କାରଣ ଆଦମ ଓ ହବା ପୃଥିବୀରେ ପ୍ରଥମ ମାନବ ଥିଲେ, ସେମାନଙ୍କ ସନ୍ତାନସନ୍ତତି ପରସ୍ପରକୁ ବିବାହ କରିବା ଛଡା ଆଉ କୌଣସି ବିକଳ୍ପ ନ ଥିଲା । ଈଶ୍ବର ପରସ୍ପର ମଧ୍ୟରେ ବିବାହକୁ ନିଷେଧ କରିଥିଲେ ସେହି ସମୟ ଯାଏ ଯେ ପର୍ଯ୍ୟନ୍ତ ପୃଥିବୀରେ ପରସ୍ପର ମଧ୍ୟରେ ବିବାହ ପାଇଁ ଯଥେଷ୍ଟ ଜନସଂଖ୍ୟା ବୃଦ୍ଧି ପାଇ ନ ଥିଲା (ଲେବୀୟ ୧୮:୬-୧୮) । ନିକଟ ଜ୍ଞାତି ମଧ୍ୟରେ ଯୌନ ସଂଗମ ଦ୍ବାରା ଅନେକ କୌଳିକ ଅସ୍ବାଭିବିକତା ହୋଇଥାଏ ଯେତେବେଳେ ଦୁଇ ସମ କୌଳିକ (ଭାଇ ଓ ଭଉଣୀ) ସନ୍ତାନସନ୍ତତି କରନ୍ତି, ସେମାନଙ୍କ ପ୍ରତିଗମନଶୀଳ ବିପଦର ସମ୍ଭାବନା ଅଧିକ । ଯେବେ ଦୁଇ ଭିନ୍ନ ପରିବାରର ସନ୍ତାନ ବିବାହ କରି ସନ୍ତାନସନ୍ତତି କରନ୍ତି, ତେବେ ସେଠାରେ ବହୁତ କମ ପ୍ରତିଗମନଶୀଳତାର ସମ୍ଭାବନା ଥାଏ । ବର୍ଷ ପ୍ରବାହରେ ମନୁଷ୍ୟର କୌଳିକ ସଂକେତ ଅତ୍ୟଧିକ “କଳୁଷିତ” ହୋଇଅଛି, କାରଣ କୌଳିକ ଗୁଣିତ, ଶକ୍ତିଯୁକ୍ତ ହୋଇ ବୃଦ୍ଧି ହେଉଅଛି ଏବଂ ଏକ ପିଢିରୁ ପିଢି ହସ୍ତାନ୍ତର ହୋଇ ଆସୁଅଛି । ଆଦମ ଓ ହବାଙ୍କ ପାଖରେ କୌଳିକ ତ୍ରୁଟି ନ ଥିଲା, ଏବଂ ଏହା ସେମାନଙ୍କୁ ଓ ତାହାଙ୍କ ପ୍ରଥମ ପିଢିକୁ ଉତ୍ତମ ସ୍ବାସ୍ଥ୍ୟ ପ୍ରଦାନ କରିଥିଲା । ଯଦି କୌଣସି କୌଳିକ ତ୍ରୁଟି ଥିଲା, ତେବେ ଏହା ଆଦମ ଓ ହବାଙ୍କ ପକ୍ଷରେ ଅତି କମ୍ ଥିଲା । ଫଳତଃ, ସେମାନଙ୍କ ପାଇଁ ପରସ୍ପର ମଧ୍ୟରେ ବିବାହ କରିବା ସୁରକ୍ଷିତର ବିଷୟ ଥିଲା ।



ଓଡିଆ ପେଜ୍ କୁ ପ୍ରତ୍ୟାବର୍ତ୍ତନ କରନ୍ତୁ



କୈନଙ୍କ ସ୍ତ୍ରୀ କିଏ ଥିଲେ? କୈନଙ୍କ ସ୍ତ୍ରୀ କଅଣ ତାହାଙ୍କ ନିଜ ଭଉଣୀ ଥିଲେ?