କିଏ କୟିନଙ୍କ ସ୍ତ୍ରୀ? କୟିନଙ୍କ ସ୍ତ୍ରୀ ତାଙ୍କ ଭଉଣୀକି?



ପ୍ରଶ୍ନ: କିଏ କୟିନଙ୍କ ସ୍ତ୍ରୀ? କୟିନଙ୍କ ସ୍ତ୍ରୀ ତାଙ୍କ ଭଉଣୀକି?

ଉତ୍ତର:
କୟିନଙ୍କ ସ୍ତ୍ରୀ କିଏ ସେ ବିଷୟରେ ବାଇବଲ ନିର୍ଦ୍ଧିଷ୍ଟ ଭାବେ କିଛି କୁହେ ନାହିଁ | ଏକମାତ୍ର ସାମ୍ଭାବ୍ୟ ଉତ୍ତର ହେଉଛି କୟିନଙ୍କ ସ୍ତ୍ରୀ ହେଉଛନ୍ତି ତାଙ୍କ ଭଉଣୀ କିମ୍ବା ଭାଣିଜୀ/ଝିଆରୀ କିମ୍ବା ଭାଣିଜୀ/ଝିଆରୀର ଝିଅ ଇତ୍ୟାଦି | କୟିନ ହେବଲଙ୍କୁ ହତ୍ୟା (ଆଦି ୪:୮) କଲା ସମୟରେ କୟିନଙ୍କୁ କେତେ ବର୍ଷ ବୟସ ହୋଇଥିଲା ସେ ବିଷୟରେ ବାଇବଲ କିଛି କୁହେନାହିଁ | ଯେହେତୁ ସେ ଦୁହେଁ କୃଷକ ଥିଲେ, ସେମାନେ ସମ୍ଭବତଃ ପୂର୍ଣ୍ଣ ବୟଃପ୍ରାପ୍ତ ବ୍ୟକ୍ତି ଥିଲେ, ପୁଣି ସମ୍ଭବତଃ ସେମାନଙ୍କ ନିଜ ନିଜର ପରିବାର ଥିଲା | ହେବଲ ହତ୍ୟାର ଶିକାର ହେଲା ସମୟରେ ଉଭୟ କୟିନ ଓ ହେବଲ ଯେତେ ସନ୍ତାନସନ୍ତତି ଜନ୍ମ କରିଥିଲେ ସେମାନଙ୍କଠାରୁ ଆଦମ ଓ ହବା ଅଧିକ ସନ୍ତାନସନ୍ତତିଙ୍କୁ ଜନ୍ମ ଦେଇଥିଲେ | ନିଶ୍ଚିତ ଭାବେ ପରବର୍ତ୍ତୀ ସମୟରେ ସେମାନଙ୍କର ଅଧିକ ସନ୍ତାନସନ୍ତତି ଜାତ ହୋଇଥିଲେ (ଆଦି ୫:୪) | ଘଟନାଟି ଏହିପରି ଯେ କୟିନ ହେବଲଙ୍କୁ ହତ୍ୟା କଲା ପରେ ସେ (କୟିନ) ନିଜ ଜୀବନ ପ୍ରତି ଭୟଭୀତ ହୋଇପଡିଥିଲେ (ଆଦି ୪:୧୪) ଏବଂ ଏହା ସୂଚାଏ ଯେ ସେହି ସମୟରେ ଆଦମ ଓ ହବାଙ୍କର ଆହୁରି ଅନେକ ପୁତ୍ରକନ୍ୟା ଓ ପୌତ୍ରପୌତ୍ରୀ ଜାତ ହୋଇଥିଲେ | କୟିନଙ୍କ ସ୍ତ୍ରୀ (ଆଦି ୪:୧୭) ଆଦମ ଓ ହବାଙ୍କର କନ୍ୟା ଥିଲେ କିମ୍ବା ପୌତ୍ରୀ ଥିଲେ |

ଯେହେତୁ ଆଦମ ଓ ହବା ପ୍ରଥମ (ଏବଂ କେବଳ) ମାନବ ଥିଲେ, ସେମାନଙ୍କର ସନ୍ତାନସନ୍ତତିମାନେ ପରସ୍ପର ବିବାହ କରିବା ବ୍ୟତୀତ ଆଉ କିଛି ବିକଳ୍ପ ନ ଥିଲା | ଜ୍ଞାତି ବିବାହର ଆବଶ୍ୟକତା ନ ଥିଲା ପରି ଯଥେଷ୍ଟ ଲୋକ ହେଲା ପର୍ଯ୍ୟନ୍ତ (ଲେବୀୟ ୧୮:୬-୧୮) ଈଶ୍ବର ଜ୍ଞାତି ବିବାହକୁ ନିଷେଧ କରି ନ ଥିଲେ | ନିକଟ ଜ୍ଞାତି ମଧ୍ୟରେ ଯୌନ ସଙ୍ଗମ ଅନେକ ସମୟରେ ଜିନଗତ ଅସ୍ବାଭାବିକତା ହେବା ଫଳର କାରଣ ହେଉଛି ଯେତେବେଳେ ସମାନ ଜିନ୍ ଥିବା ଦୁଇଜଣ ବ୍ୟକ୍ତି (ଯାହା ଏକ ଭାଇ ଓ ଏକ ଭ ଉଣୀ) ଯେତେବେଳେ ମିଳି ସନ୍ତାନ ଉତ୍ପନ୍ନ କରନ୍ତି, ସେତେବେଳେ ସେମାନଙ୍କର ପ୍ରଭାବଶାଳୀ ଲକ୍ଷଣର ଉପସ୍ଥିତି ଯୋଗୁଁ ଲୁଚିଯାଇଥିବା ପୈତୃକ ଗୁଣସମୂହ ପ୍ରଭାବଶାଳୀ ହୋଇଯିବାର ଏକ ଗୁରୁତର ଆଶଙ୍କା ସୃଷ୍ଟି ହୋଇଥାଏ | ଯେତେବେଳେ ଭିନ୍ନ ଭିନ୍ନ ପରିବାରର ଲୋକେ ମିଳି ସନ୍ତାନ ଉତ୍ପନ୍ନ କରନ୍ତି ସେତେବେଳେ ଉଭୟ ପିତାମାତା ଯେ ସେହି ଗୋଟିଏ ଲୁଚିଯାଇଥିବା ପୈତୃକ ଗୁଣଥିବା ଚରିତ୍ରର ବୈଶିଷ୍ଟ୍ୟ ବହନ କରିବାର କମ୍ ସମ୍ଭାବନା ଥାଏ | କିଛି ଶହ ବର୍ଷ ଧରି ମାନବ ଜିନ୍ କୋଡ୍ "କଳୁଷିତ" ହେବାର ବୃଦ୍ଧିପ୍ରାପ୍ତ ହେଉଛି କାରଣ ଜିନଗତ ଦୋଷ ବହୁଗୁଣିତ, ସଂପ୍ରସାରିତ ଏବଂ ପୀଢି ପରେ ପୀଢି ଦେଇ ଗତି କରୁଛି | ଆଦମ ଓ ହବାଙ୍କର କୌଣସି ଜିନଗତ ଦୋଷ ନ ଥିଲା, ଏବଂ ତାହା ସେମାନଙ୍କୁ ସକ୍ଷମ କରାଇଲା ଏବଂ ସେମାନଙ୍କର ପ୍ରଥମ ଅଳ୍ପ କେତୋଟି ପୀଢି ଆମ ଠାରୁ ବହୁଗୁଣରେ ଉତ୍ତମ ଗୁଣର ସ୍ବାସ୍ଥ୍ୟ ଥିଲା | ଆଦମ ଏବଂ ହବାଙ୍କ ସନ୍ତାନସନ୍ତତିଙ୍କର ଯଦି କିଛି ଜିନଗତ ଦୋଷ ଥିଲା, ତେବେ ତାହା ଅତି ଅଳ୍ପ ଥିଲା | ଫଳ ସ୍ବରୂପ, ସେମାନେ ନିଜ ଜ୍ଞାତି ମଧ୍ୟରେ ବିବାହ କରିବା ନିରାପଦ ଥିଲା |



ଓଡିଆ ହୋମ୍ ପେଜକୁ ପ୍ରତ୍ୟାବର୍ତ୍ତନ କରନ୍ତୁ



କିଏ କୟିନଙ୍କ ସ୍ତ୍ରୀ? କୟିନଙ୍କ ସ୍ତ୍ରୀ ତାଙ୍କ ଭଉଣୀକି?