اپنی موت تے جی اُٹھن دے وچکار تِن دناں وچ یسوع کتھے سی؟




سوال: اپنی موت تے جی اُٹھن دے وچکار تِن دناں وچ یسوع کتھے سی؟

جواب:
1 پطرس 3 باب 18 تے 19 آیت بیان کردی اے، "ایس لئی کہ مسیح نے وی یعنی راستباز نے ناراستاں لئی پاپاں دے باعث اک واری دُکھ چُکیا تانجے سانوں رب دے کول لے جائے۔ اوہ پنڈے دے لحاظ نال تے مر گیا پر روح دے لحاظ نال جیوندا کیتا گیا۔ ایس لئی اوہنے جا کے اوہناں قیدی روحاں وچ منادی کیتی"۔

فقرہ "روح دے لحاظ نال" 18 آیت دی بنتر بالکل اوس فقرے دے مطابق اے جیویں، "پنڈے دے لحاظ نال"۔ ایس لئی اک ای ویلے وچ لفظ "روح" دا سانگا لفظ "پنڈے" دے نال ملاؤنا بہت ڈھکواں اے۔ پنڈا تے روح مسیح دے پنڈا تے روح نیں۔ لفظ "روحانی لحاظ دے نال جیوندا کرنا"، ایس سچائی ول دھیان دواؤندا اے کہ مسیح جس نے پاپاں نوں برداشت کیتا تے موت نے اوہدے پنڈے دی روح نوں پیو توں وکھ کر دتا (متی 27 باب 46 آیت)۔ پنڈے تے روح دے وچکار فرق اے، جیویں متی 27 باب 41 آیت تے رومیوں 1 باب 3 تے 4 آیت، تے نہ ایہہ کہ مسیح دے پنڈے تے پاک روح دے وچکار۔ جدوں مسیح دی پاپ لئی قربانی پوری ہو گئی، اوہدی روحانی بھیالی فیر بحال ہوگئی جہیڑی ٹٹ گئی سی۔

پہلا۔پطرس 3 باب 18 توں 22 آیتاں بیان کردیاں نیں کہ اسیں اک اچیچے سانگے نوں جہیڑا مسیح دیاں اوکڑاں (آیت 18) تے اوہدے جلال (آیت 22) دے وچکار اے۔ اُکا پطرس ای ایس بارے صحیح جانکاری دیندا اے کہ اوہناں دوہاں واپریاں وچ کیہ ہویا سی۔ لفظ "منادی" آیت 19 وچ کوئی عام لفظ نہیں جہیڑا نویں عہد نامے وچ انجیل دی خوشخبری لئی ورتیا گیا اے۔ ایہدے لغوی معنی نیں سنیہا دین والا۔ یسوع نے دکھ چُکیا تے صلیب تے جان دتی، اوہدے جُثے نوں قبر وچ رکھیا گیا، تے اوہدی روح نے مرنا سی جدوں اوہنے پاپ کرنا سی۔ پر اوہدی روح جیوندی ہو گئی تے اوہنوں پیو نوں دتا گیا۔ پطرس دے مطابق، کجھ ویلے لئی اپنی موت تے جی اُٹھن دے وچکار یسوع نے اک خاص اعلان کیتا" قیدی روحاں" وچ جا کے۔

مُڈھ وچ پطرس لوکاں نوں حوالہ دیندا اے کہ "جان"۔ "روح" نہیں (1۔پطرس 3 باب 20 آیت)۔ نویں عہد نامے وچ لفظ "روحاں" دی ورتوں فرشتاں تے بُریاں روحاں نوں بیان کردا اے، انسان نوں نہیں؛ تے 22 آیت ایہدے ٹھیک مطلب نوں ظاہر کردی اے۔ ہور کلام پاک وچ کتے وی نہیں دسیا گیا کہ یسوع دوزخ وچ گیا۔ اعمال 2 باب 31 آیت کہندی اے کہ اوہ "عالم ارواح" وچ گیا (نویں امریکن معیاری بائبل)، پر "عالم ارواح" دوزخ نہیں۔ لفظ "عالم ارواح" مُردیاں دے عالم دا حوالہ دیندا اے، اک عارضی تھاں جتھے اوہ فیر جی اُٹھن نوں اڈیکدے نیں۔ مکاشفہ 20 باب 11 توں 15 آیت (نویں امریکن معیاری بائبل) یاں نواں بین الاقوامی ایڈیشن دوہاں دے وچکار صاف فرق دسدا اے۔ دوزخ ہمیش رہن والی تے آخری تھاں اے کراہے پئے لوکاں لئی۔ عالم ارواح اک عارضی تھاں اے۔

ساڈے رب نے اپنی روح پیو نوں دے دتی، مر گیا تے کجھ ویلے لئی موت تے فیر جی اُٹھن دے وچکار موت دی وادی وچ گیا جتھے اوہنے روحانی حالت وچ سنیہا دتا (یقینی طور تے پاپی فرشتیاں نوں؛ ویکھو یہوداہ 6 آیت) جہیڑے کسے نہ کسے طرحاں نال نوح دے وارے دے طوفان توں پہلاں نال سانگا رکھدے سن۔ آیت 20 دسدی اے۔ پطرس سانوں دسدا اے کہ اوہ اوہناں قیدی روحاں بارے کیہ اعلان کردا اے، پر ایہہ چھٹکارے دا سنیہا نہیں ہو سکدا جدوں تیکر فرشتے مکتی نہیں پاؤندے (عبرانیوں 2 باب 16 آیت)۔ ایہہ یقینی طور تے شیطان تے اوہدے لشکر تے فتح دا اعلان سی (1۔پطرس 3 باب 22 آیت؛ کلسیوں 2 باب 15 آیت)۔ افسیوں 4 باب 8 توں 10 آیت وی ظاہر کردی اے کہ مسیح "فردوس" وچ گیا (لوقا 16 باب 20 آیت؛ 23 باب 43 آیت) تے اوہناں ساریاں نوں آسمان وچ لے گیا جہیڑے مرن توں پہلاں اوہدی موت تے یقین رکھدے سن۔ ایہہ حوالہ ایس واپری نوں تفصیل دے نال نہیں دسدا کہ کیہ ہویا سی، پر کلام پاک دے بہتے عالم ایہدے مطلب دے نال اک مت نیں "قیدیاں نوں قید چوں چھڈایا"۔

بس، سارے ای کہندے نیں کہ کلام پاک پورے طور تے صاف نہیں دسدا کہ مسیح نے اپنی موت تے فیر جی اُٹھن دے وچکار تِن دن وچ کیہ کیتا۔ ایہہ ظاہر کردا اے، بھاویں اوہ ڈگے ہوئے فرشتاں تے بے ایماناں تے فتح دی تبلغ کردا پیا سی۔ کیہ اسیں ایہہ یقین نال جان سکدے آں کہ یسوع لوکاں نوں مکتی لئی دوجا موقع نہیں دے رہیا سی۔ کلام پاک سانوں دسدا اے کہ موت مگروں عدالت دا ساہمنا کرن گے (عبرانیوں 9 باب 27 آیت)، دوجا موقع نہیں اے۔ ایتھے کوئی اصل تے صاف جواب نہیں اے کہ یسوع نے اپنے مرن تے جی اُٹھن دے وچکار کیہ کیتا۔ خورے ایہہ اوہ راز اے جیہنوں اسیں اوس ویلے جاناں گے جدوں اسیں اوہدے جلال وچ جاواں گے۔



پنجابی دے مڈھلے صفحے تے جاؤ



اپنی موت تے جی اُٹھن دے وچکار تِن دناں وچ یسوع کتھے سی؟