میں اک مسلمان آں، میں مسیحی ہون لئی کیویں گوہ کراں؟




سوال: میں اک مسلمان آں، میں مسیحی ہون لئی کیویں گوہ کراں؟

جواب:
خورے سب توں بہتی سوادی صورت اسلام تے مسیحیت دے سانگے دے وچکار اے کہ قرآن یسوع بارے کیہ کہندا اے۔ قرآن کہندا اے کہ اللہ نے یسوع نوں گھلیا تے پاک روح دے نال اوہدی مدد کیتی (2 سورۃ 87 آیت)، اللہ نے یسوع نوں اُچا کیتا (2 سورۃ 253 آیت)، یسوع راست باز تے بے عیب سی (3 سورۃ 46 آیت؛ 6 سورۃ 85 آیت؛ 19 سورۃ 19 آیت)، یسوع مرن توں بعد جی اُٹھیا (19 سورۃ 33 تے 34 آیت)، اللہ نے یسوع نوں حکم کیتا کہ اوہ اک مذہب دی نینہہ رکھے (42 سورۃ 13 آیت)، تے یسوع آسمان تے چکیا گیا (4 سورۃ 157 تے 158 آیت)۔ جیہدے نتیجے وچ ایماندار مسلمان اپنے آپ نوں یسوع دی تعلیم دے عادی بناؤن تے تابعداری کرن (3 سورۃ 48 تے 49 آیت؛ 3 سورۃ 46)۔

یسوع دی تعلیمات اوہناں دے شاگرداں نے اناجیل وچ بڑی تفصیل دے نال درج کیتاں نیں۔ 5 سورۃ 111 آیت بیان کردی اے کہ شاگرد اللہ دے کہن تے یسوع تے اوہدے پیغام تے ایمان لیائے۔61 سورۃ 6 اتے 14 آیت یسوع تے اوہدے شاگرد دوہاں دی تصدیق کردی اے کہ اوہ اللہ دے مدد گار سن۔ اللہ دے مددگار ہوندے ہوئے یسوع دے شاگرداں نیں بڑی چنگی طرحاں یسوع دی تعلیمات نوں درج کیتا۔ قرآں مسلماناں نوں ہدایت کردا اے کہ اوہ دوہاں قرآن تے اناجیل نوں برقرار رکھن تے اوہناں دی تابعداری کرن (5 سورۃ 44 توں 48 آیت)۔ جے یسوع بے عیب سی تے جیہڑی شے دی وی اوہنے تعلیم دتی اوہ سچ سی۔ جے یسوع دے شاگرد اللہ دے مدد گار سی، تے اوہناں نے یسوع دی تعلیمات نوں چنگی طرحاں لکھیا ہوئے گا۔

محمد راہیں اللہ قرآن وچ مسلماناں نوں ہدایت کردا اے کہ اوہ اناجیل نوں پڑھن۔ جے اناجیل خراب ہوگئی سی تے اللہ ایس طرحاں دا حکم کدی وی نہ دیندا۔ ایس لئی اناجیل دی نقل محمد دے زمانے وچ یقین کرن دے قابل تے درست نہیں سی۔ اناجیل دی نقل وچ جو محمد دے آؤن توں 450 سال پہلے دی اے۔ ایتھے اصلی ہزاں ہتھ دے نال لکھیاں گئیاں اناجیل نیں۔ سب توں بہتی پرانی نقل دا موازنہ کرن نال جیہڑی محمد دے دور وچ کیتی گئی سی تے جیہڑی محمد دے دور توں مگروں کیتی گئی سی۔ ایہہ بہت صاف اے کہ اناجیل دیاں نقلاں اک دوجی نال بہت ملدیاں نیں کہ اوہ یسوع تے اوہدی تعلیمات دے پاروں کیہ کہندیاں نیں۔ ایتھے کوئی اجیہا ثبوت نہیں جیہدے نال ایہہ لگے کہ اناجیل خراب ہوگئی اے۔ ایس لئی اسیں یقین دے نال جان سکدے آں کہ یسوع دی ساری تعلیمات سچیاں نیں تے اوہدی تعلیمات اناجیل وچ درستگی دے نال لکھیاں گئیاں نیں، تے اللہ نے اناجیل نوں چنگی طرحاں محفوظ کیتا اے۔

اوہ کیہڑیاں کجھ شیواں نیں جیہڑیاں اناجیل وچ یسوع دے بارے وچ نیں؟ یوحنا 14 باب 6 آیت وچ یسوع نے اعلان کیتا اے، "راہ تے حق تے حیاتی وچ آں۔ کوئی میرے توں بغیر پیو دے کول نہیں آ سکدا"۔ یسوع نے تعلیم دتی کہ اوہ رب دے کول جان دا اکو رستہ اے۔ متی 20 باب 19 آیت وچ یسوع نے آکھیا کہ اوہنوں صلیب دتی جائے گی، قتل کیتا جائے گا، تے تیجے دن مردیاں وچوں جی اُٹھے گا۔ اناجیل وچ ایہہ صاف طور تے موجود اے کہ ایہہ انج ای ہویا جیویں یسوع نے پیش گوئی کیتی سی (متی 27 اتے 28 باب، مرقس 15 اتے 16 باب، لوقا 23 اتے 24 باب، یوحنا 19 توں21 باب)۔ یسوع اللہ دا اک عظیم پیغمبر ہو کے کیویں اپنے آپ نوں مارن دی اجازت دیوے گا؟ اللہ ایہدی اجازت کیویں دے گا؟ یسوع نے آکھیا کہ ایس توں بہتی محبت کوئی نہیں کردا کہ اپنے یاراں لئی اپنی جان دے دیوے (یوحنا 15 باب 13 آیت)۔ یوحنا 3 باب 16 آیت کہندی اے کہ رب نے ساڈے نال بہت پیار کیتا اے تے یسوع نوں گھلیا کہ اوہ ساڈے لئی قربان ہوئے۔

سانوں کیوں لوڑ اے کہ یسوع اپنی جان دی قربانی ساڈے لئی دیوے؟ ایہہ اسلام تے مسیحیت وچ اک وڈا فرق اے۔ اسلام تعلیم دیندا اے کہ اللہ ساڈا نیاں ایس مڈھ تے کردا اے کہ ساڈے چنگے عملاں دا بھار بہتا اے یاں بھیڑے عملاں دا۔ مسیحیت تعلیم دیندی اے کہ کوئی اک وی لائق نہیں کہ چنگے عملاں دے نال اپنے بھیڑے اعمال دے بھار نوں گھٹ کر سکے۔ سگوں جے ایہہ ہو سکدا ہوندا کہ اسیں اپنے چنگے عملاں دی وجہ توں اپنے بھیڑے عملاں دا بھار گھٹ کرسکیے، اللہ بہت زیادہ تے مکمل طور تے پاک اے ایس لئی اوہ کسے نوں جنت وچ جان دی اجازت نہیں دیندا جیہنے کسے نے چھڑا اک پاپ وی کیتا ہوئے۔ اللہ مکمل تے پاک اے، کسے اجیہی شے نوں جنت وچ آؤن دی اجازت نہیں دیوے گا جیہدے وچ کجھ کجی ہوئے۔ ایہہ سانوں اک اجیہے رستے ول لے جاندا اے جو ہمیش لئی دوزخ اے۔ اللہ دی پاکیزگی پاپ لئی ہمیش دی عدالت دی منگ کردی اے۔ ایس لئی یسوع نے ساڈے لئی قربانی دتی اے۔

جیویں قرآں تعلیم دیندا اے کہ یسوع بے عیب سی۔ کیویں کوئی بندہ اپنی پوری حیاتی اک وی پاپ کیتے بنا گزار سکدا اے؟ ایہہ انہونی اے۔ یسوع نے ایہنوں کیویں پورا کیتا؟ یسوع اک انسان توں ودھ کے سی۔ یسوع نے دعویٰ کیتا کہ اوہ رب دے نال اک اے (یوحنا 10 باب 30 آیت)۔ یسوع نے آپ اعلان کیتا کہ اوہ توریت دا رب اے (یوحنا 8 باب 58 آیت)۔ اناجیل صاف تعلیم دیندیاں نیں کہ یسوع انسانی بھیس وچ رب سی (یوحنا 1 باب 1 اتے 14 آیت)۔ رب جان دا سی کہ اسیں ساریاں نے پاپ کیتا اے تے ایس لئی اوہدی بادشاہی وچ داخل نہیں ہو سکدے سی۔ رب جان دا سی کہ سانوں چھڑا اک ای راہ توں معافی مل سکدی سی تے ساڈے پاپ دا قرض ادا کیتا گیا۔ رب جان دا سی کہ اوہ ای ایہہ بے حدّا مُل تار سکدا سی۔ رب انسان بنیا۔ یسوع مسیح۔ بے عیب حیاتی گزاری (3 سورۃ 46 آیت؛ 6 سورۃ 85 آیت؛ 19 سورۃ 19 آیت)، کامل سنیہے دی تعلیم دتی، تے ساڈے لئی مریا، تے ساڈے پاپاں دا جرمانہ بھریا۔ رب نے ایہہ ایس لئی کیتا کیونجے اوہ ساڈے نال پیار کردا اے، کیونجے اوہ چاہوندا اے کہ اسیں آسمان تے اوہدے نال ہمیش دی حیاتی گزاریئے۔

پس ایہدا تہاڈے لئی کیہ مطلب اے؟ یسوع ساڈے پاپاں دی کامل قربانی سی۔ رب سانوں ساریاں نوں معافی تے مکتی دی پیشکش کردا اے جے اسیں اوہدے تحفے نوں سادگی دے نال اپنے لئی قبول کرنے آں (یوحنا 1 باب 12 آیت)، یسوع دے مکتی داتا ہون دا یقین کرئیے جیہنے اپنے یاراں لئی اپنی جان دتی۔ جے اسی اپنا ایمان یسوع تے رکھنے آں کہ اوہ ساڈا مکتی داتا اے، تے تسیں آسمان تے ہمیش دی حیاتی دی پکی ضمانت رکھو گے۔ رب تہاڈے پاپاں نوں معاف کرے گا، تہاڈی روح نوں نواں کردیوے گا، تہانوں ایس دنیا وچ کثرت دے نال حیاتی دیوے گا، تے ہمیش دی حیاتی آؤن والے جہان وچ۔ اسیں کیویں ایس وڈ مُلے تحفے نوں رد کرسکدے آں؟ اسیں کیویں رب توں منہ موڑ سکنے آں جیہنے ساڈے نال اینا پیار کیتا کہ اپنے آپ نوں قربان کر دتا اے؟

جے تہانوں تہاڈے ایمان تے یقین نہیں کہ تہاڈا ایمان کیہ اے، اسیں تہانوں سدّا دینے آں تھلے دتی ہوئی دعا رب دے نال کرو؛ "ربا میری مدد کر کہ سچ کیہ اے۔ میری مدد کر تانجے میں جان سکاں کہ کیہ غلط اے۔ میری مدد کر تانجے میں جان سکاں کہ مکتی دا ٹھیک راہ کیہ اے"۔ خدا ہمیش اجیہی دعا نوں پسند کردا اے۔

جے تسیں یسوع نوں اپنا مکتی داتا قبول کرنا چاہوندے او، سادگی دے نال رب دے نال گلاں کرو، بول کے یاں من وچ ای، تے اوہنوں دسو کہ تسیں مکتی دا تحفہ یسوع دے راہیں حاصل کیتا اے۔ جے تسیں دعا کرنا چاہوندے او، ایتھے اک مثال اے: "ربا، تیرا شکر اے کہ توں مینوں پیار کیتا اے۔ شکر کہ توں اپنے آپ نوں میرے لئی قربان کیتا۔ شکر کہ توں میری معافی تے مکتی لئی اپنے آپ نوں پیش کیتا۔ میں مکتی دا تحفہ یسوع راہیں حاصل کردا آں۔ میں یسوع تے اپنا مکتی داتا ہون دا یقین کردا آں۔ ربا میں تیرے نال پیار کردا آں تے اپنے آپ نوں تیرے حوالے کردا آں۔ آمین

جو کجھ تسیں ایتھے پڑھیا ہے اوہدے پاروں کیہ تسیں مسیح لئی کوئی فیصلہ کر لیا ہے؟ جے انج ہے، مہربانی کرکے ہیٹھاں "میں اج مسیح نوں قبول کیتا" دے بٹن تے کلک کرو۔



پنجابی دے مڈھلے صفحے تے جاؤ



میں اک مسلمان آں، میں مسیحی ہون لئی کیویں گوہ کراں؟