اک واری مکتی ہمیش لئی مکتی؟




سوال: اک واری مکتی ہمیش لئی مکتی؟

جواب:
اک واری کوئی بندہ جدوں مکتی پا لیندا اے تے کیہ اوہ ہمیش لئی مکتی پا لیندا اے؟ جدوں لوک مسیح نوں اپنے مکتی داتا دے طور تے جان لیندے نیں تے اوہ رب دے نال اک ساک بنا لیندے نیں جہیڑا اوہناں دی ہمیش دی مکتی نوں محفوظ کرن دی ضمانت دیندا اے۔ کلام پاک دے بہت سارے حوالے ایس سچائی دا اعلان کردے نیں، (ا) رومیوں 8 باب 30 آیت اعلان کردی اے، "تے جیہناں نوں اوہنے پہلاں مقرر کیتا اوہناں نوں بلایا وی تے جیہناں نوں بلایا اوہناں نوں راستباز وی ٹھہرایا تے جیہناں نوں راستباز ٹھہرایا اوہناں نوں جلال وی دتا"۔ ایہہ آیت دسدی اے کہ جدوں رب سانوں چُن لیندا اے، ایہہ انج ای جیویں اسیں آسمان وچ اوہدی ہوند وچ اوہدی تمجید کردے آں۔ ایتھے کجھ وی نہیں جو اک ایماندار نوں جلالی ہون توں ہٹک سکے کیونجے رب پہلاں ای اوہنوں فردوس وچ رکھن دا ارادہ رکھدا اے۔ اک واری جدوں اک بندہ راستباز ٹھہریا تے اوہدی مکتی دی ضمانت دے دتی گئی۔ اوہ انج ای محفوظ اے جیویں جے اوہ پہلاں فردوس وچ جلالی سی۔

(ب) پولوس رومیوں 8 باب 33 تے 34 آیت وچ دو نتارن والے سوال پچھدا اے، "رب دے پیاریاں تے کون نالش کرے گا؟ رب اوہ اے جہیڑا اوہناں نوں راستباز ٹھہراؤندا اے۔ کون اے جہیڑا مجرم ٹھہرائے گا؟ مسیح یسوع اوہ جہیڑا مر گیا سگوں مُردیاں وچوں وی جی اُٹھیا تے رب دے سجے پاسے اے تے ساڈی شفاعت وی کردا اے"۔ رب دے پیاریاں تے کون نالش کریگا؟ کوئی نہیں کرے گا کیونجے مسیح ساڈا صلاح کار اے۔ کون سانوں مجرم ٹھہرائے گا؟ کوئی نہیں کیونجے مسیح جیہڑا ساڈے لئی مریا جیہڑا ساڈے لئی مجرم بنیا۔ اسیں صلاح کار تے نیائیں دوویں رکھدے آں جیویں ساڈا مکتی داتا۔

(پ) ایماندار فیر پیدا ہوندے نیں "فیر پیدا ہونا" جدوں اوہ ایمان لیاندے نیں (یوحنا 3 باب 3 آیت؛ ططس 3 باب 5 آیت)۔ اک مسیحی لئی اپنی مکتی گنوا دینا انج ای کہ فیر اوہ پیدا ای نہیں ہوئے گا۔ کلام پاک وچ کوئی انج دی گواہی نہیں ملدی کہ نویں پیدائش گنوا دتی جائے۔ (ت) پاک روح سارے ایمانداراں دے وچ رہندا اے (یوحنا 14 باب 17 آیت؛ رومیوں 8 باب 9 آیت) تے مسیح دے پنڈے وچ سارے ایمانداراں نوں بپتسمہ دتا جاندا اے (1۔کرنتھیوں 12 باب 13 آیت)۔ ایماندار لئی غیر مکتی یافتہ ہونا انج اے جیویں اوہ "باہر کڈھ" دتا جائے تے مسیح دے پنڈے توں وکھ کر دتا جائے۔

(ٹ) یوحنا 3 باب 15 آیت دسدی اے کہ جہیڑا وی یسوع مسیح تے ایمان لیاؤندا اے "ہمیش دی حیاتی پائے گا"۔ جے تسیں اج مسیح تے ایمان لیاؤندے او تے ہمیش دی حیاتی رکھدے او پر کل کھوہ دیندے او فیر ایہہ کدی وی ہمیش لئی نہیں سی۔ فیر وی جے تسیں اپنی مکتی کھوہ دیندے او تے کلام پاک وچ ہمیش دی حیاتی دا وعدہ غلط ہوئے گا۔ (ث) سب توں بہتی نتارے والی دلیل میرے وچار وچ کلام پاک آپ چنگی طرحاں دسدا اے، "کیونجے مینوں یقین اے کہ رب دی جیہڑی محبت ساڈے خداوند مسیح یسوع وچ اے اوہدے کولوں سانوں نہ موت جدا کر سکدی اے نہ حیاتی۔ نہ فرشتے نہ حکومتاں ۔ نہ حال دیاں نہ استقبال دیاں شیواں۔ نہ قدرتاں تے اچیاناں نہ نیواناں نہ کوئی ہور مخلوق" (رومیوں 8 باب 38 تے 39 آیت)۔ چیتے رکھو اک ای رب نے تہانوں مکتی دتی اے تے اک ای رب تہانوں بچا سکدا اے۔ اک واری اسیں مکتی پاؤنے آں تے ہمیش لئی مکتی پاؤنے آں۔ ساڈی مکتی یقینا ہمیش لئی محفوظ اے۔



پنجابی دے مڈھلے صفحے تے جاؤ



اک واری مکتی ہمیش لئی مکتی؟