کلام پاک جُوا کھیڈن بارے کیہ کہندا اے؟ کیہ جُوا کھیڈنا پاپ اے؟




سوال: کلام پاک جُوا کھیڈن بارے کیہ کہندا اے؟ کیہ جُوا کھیڈنا پاپ اے؟

جواب:
جُوا کھیڈن نوں انج بیان کیتا جاندا اے "خطرے وچ پینا مال نوں بہتا کرن دے جتناں وچ جو کہ قانون دے خلاف اے"۔ کلام پاک اُچیچا جُوا کھیڈن ، شرط لاؤن یا قرعہ اندازی نوں غلط نہیں کہندا۔ کلام پاک سانوں خبردار کردا اے، بہرحال مال دی یاری توں دور رہو (1۔تیمتھس 6 باب 10 آیت؛ عبرانیوں 13 باب 5 آیت)۔ کلام پاک ساڈی کنڈ تھاپڑدا اے کہ "چھیتی امیر ہون" دے جتن توں دور رہیئے (امثال 13 باب 11 آیت؛ 23 باب 5 آیت؛ واعظ 5 باب 10 آیت)۔ جُوا مال دی محبت نوں اپنے ساہمنے رکھ کے کھیڈیا جاندا اے تے لوبھی لوک چھیتی تے سوکھیاں ای امیر ہون لئی کراہے پے جاندے نیں۔

جُوا کھیڈن وچ کیہ بَھیڑ اے؟ جُوا کھیڈنا اک اوکھا کم اے کیونجے ایہہ میانہ روی نال کھیڈیا جاندا اے تے اُکا خاص موقعے تے ایہہ مال دا ضائع کرنا اے پر ایہہ ضروری طور تے "برائی" نہیں۔ لوک ہر طرحاں کماں وچ پیسے برباد کردے نیں۔ جُوا کھیڈنا گھٹ یاں بہتا پیسے نوں برباد کرنا اے فیر فلماں ویکھنا (بہت سارے معاملیاں وچ)، غیر ضروری مہنگا کھانا کھانا، بنا لوڑ دیاں شیواں خریدنیاں۔ اک ای ویلے وچ سچ اے کہ دوجیاں شیواں وچ پیسہ برباد کرنا جُوا کھیڈن نوں واجب نہیں ٹھہراؤندا۔ پیسے نوں برباد نہیں کرنا چاہیدا۔ وادھو پیسے نوں آؤن والے ویلے لئی تے لوڑاں لئی تے چنگے کم لئی بچا کے رکھنا چاہیدا اے جوئے وچ برباد نہیں کرنا چاہیدا۔

کلام پاک وچ جُوا کھیڈن بارے: جدوں کلام وچ جُوا کھیڈن بارے صاف صاف نہیں دسدا، ایہہ "قسمت" تے "موقعے" دے کماں نوں بیان کردا اے۔ مثال دے طور تے احبار دی کتاب وچ قرعہ راہیں نذر دی قربانی تے سوختنی قربانی لئی برے نوں وکھرا کیتا گیا۔ یسوع نے وکھرے وکھرے قبیلیاں دی دھرتی نوں ونڈن لئی قرعہ پایا۔ نحمیاہ نے ایہہ جانن لئی قرعہ پایا کہ کون یروشلیم دیاں کندھاں دے اندر رہے گا تے کون نہیں رہے گا۔ شاگرداں نے قرعہ پایا یہوداہ دے تھاں تے شاگرد چنن لئی۔ امثال 16 باب 33 آیت کہندی اے، "قرعہ گود وچ پایا جاندا اے پر ایہدا سارا پربندھ رب ولوں اے"۔ کلام پاک وچ کِتے وی جُوا کھیڈن یا موقعے دی ورتوں دل پرچاؤن لئی نہیں ہوئی یاں رب دے پیروکاراں نیں ایہنوں عادت دے طور تے پیش نہیں کیتا۔

جُوا خانے تے قرعہ اندازیاں: جُوا خانے ہر طرحاں دیاں کاروباری ڈھنگاں راہیں جُوا کھیڈن والیاں نوں بہتا پیسہ کماؤن لئی کراہے پاؤندے نیں۔ اوہ اوہناں نوں گھٹ مُل یاں مفت شراب دیندے نیں، جیہڑی شرابیاں دی کنڈ تھاپڑدی اے تے ایس طرحاں اوہناں دی شعوری فیصلہ کرن دی قوت لِسی پے جاندی اے۔ جُوا خانے وچ ہر شے بڑی ہشیاری دے نال بہتے پیسے کماؤن لئی تیار کیتی ہوندی اے تے فیر مگروں کوئی شے نہیں لبھدی، سوائے نہ رہن والی تے کھوکھلی خوشی دے۔ قرعہ اندازیاں راہیں انج دیاں شیواں نوں بنا کے پیش کیتا جاندا اے جیویں تعلیم لئی چندہ کٹھا کرنا یاں سماجی پروگرام لئی۔ بہرحال کاڈھ نال ایہہ پتہ لگا اے کہ قرعہ اندازی وچ رلتی ہون والے اکثر اوہ لوک ہوندے نیں جیہڑے قرعہ اندازی دی ٹکٹ لئی پیسے خرچ سکدے نیں۔ "چھیتی امیر ہون" دا سبز باغ ویکھنا ایہناں لوکاں لئی بہت جوش دا کم اے جیہڑے بے حد مایوسی دا شکار نیں۔ جتن دے موقعے بہت گھٹ ہوندے نیں، جیہدی وجہ توں بہت سارے لوک اپنی حیاتی وی تباہ کر دیندے نیں۔

قرعہ اندازی کھیڈنا کیویں خدا نوں خوش نہیں کردا: بہت سارے لوک ایہہ دعویٰ کردے نیں کہ اوہ قرعہ اندازی کھیڈدے نیں یا جُوا کھیڈدے نیں ایہدے وچوں اوہ گرجا گھر نوں چندہ وی دیندے نیں یا کجھ ہور چنگے کم کردے نیں۔ جدوں کہ ایہہ چنگا مقصد وی ہو سکدا اے، اصل وچ ایہہ کہ کجھ جُوا کھیڈن والے جت دی رقم نوں چنگے کماں تے خرچ کردے نیں۔ کھوج نال پتہ لگا اے کہ بہت سارے لوک جیہڑے قرعہ اندازی وچ جتدے نیں اوہ بہت ای بُرے مالی حالات دا شکار ہوندے نیں تے قرعہ اندازی دے انعام نوں جتن دے کجھ سالاں مگروں ای اوہ اوس طرحاں ای ہو جاندے نیں جیویں اوہ پہلاں سی۔ کجھ جے کوئی اے، اصل وچ پیسے نوں چنگے کماں لئی دیندا اے۔ ہور، خدا نوں ساڈا پیسہ نہیں چاہیدا اپنے کم نوں دنیا وچ کرن لئی۔ امثال 13 باب 11 آیت کہندی اے، "جیہڑے پیسے غلط طریقے نال حاصل کیتے جان اوہ گھٹ ہو جان گے۔ پر محنت دے نال جمع کرن والیاں دی دولت ودھدی رہے گی"۔ خدا حاکم کل اے تے اوہ کلیسیا دی لوڑ لئی چنگے تے ایماندار وسیلے نال مہیا کردا اے۔ کیہ تمجید ہوئے گی جے اوہنوں انج دا پیسہ دتا جائے جیہڑا منشیات نال کمایا ہوئے اوہ پیسہ جیہڑا بینک توں چوری کیتا گیا ہوئے؟ رب نوں کوئی لوڑ نہیں یاں اوہ انج دا پیسہ چاہوندا جیہڑا "چوری دا" ہوئے غریباں توں چھیتی امیر ہون دے لالچ وچ۔

پہلا تیمتھس 6 باب 10 آیت سانوں دسدا اے، "کیونجے مال دی یاری ہر طرحاں دی برائی دی جڑھ اے جیہدی تانگھ وچ بعض نے ایمان توں دور ہو کے اپنے دلاں نوں ہور ہور طرحاں دے غماں نال چھاننی کرلیا اے"۔ عبرانیوں 13 باب 5 آیت اعلان کردی اے، "مال دی یاری توں خالی رہو تے جو کجھ تہاڈے کول اے اوس تے ای شکر کرو کیونجے اوہنے آپ آکھیا اے کہ میں تہاڈے توں پرانہہ نہیں ہواں گا تے کدی تہانوں نہ چھڈاں گا"۔ متی 6 باب 24 آیت اعلان کردی اے، "کوئی بندہ دو مالکاں دی خدمت نہیں کر سکدا کیونجے یاں تے اک نال دشمنی رکھے گا تے دوجے نال پیار۔ یاں اک نال ملیا رہے گا تے دوجے نوں حقیر جانے گا۔ تسیں رب تے دولت دوہاں دی خدمت نہیں کرسکدے"۔



پنجابی دے مڈھلے صفحے تے جاؤ



کلام پاک جُوا کھیڈن بارے کیہ کہندا اے؟ کیہ جُوا کھیڈنا پاپ اے؟