كیه یسوع رب ہے؟ كیه یسوع نے كدی دعویٰ كیتا ہے بئی اوه رب ہے؟




سوال: كیه یسوع رب ہے؟ كیه یسوع نے كدی دعویٰ كیتا ہے بئی اوه رب ہے؟

جواب:
یسوع نوں كدی وی پاك کلام وچ اِن بِن ایہو جہے لفظاں وچ نہیں لكھیا گیا بئی "میں رب ہاں"۔ پر ایہدے مگروں وی ایہدا ایہہ مطلب نہیں اوہنے دعویٰ نہیں كیتا بئی اوه رب ہے۔ یوحنا باب 10 آیت 30 وچ یسوع دے لفظاں دی مثال لینے ہاں، "میں تے پیو اک ہاں"۔ ایہہ جانن لئی بئی اوہنے رب ہون دا دعویٰ کیتا سی سانوں اوہدے بیان تے اُکا یہودیاں دا ردِ عمل ویكھن دی لوڑ ہے۔ اوہناں نے ایس اکو وجہ پاروں اوہنوں سنگسار کرن دا اُپرالا کیتا۔ "۔۔ توں، بنده بشر ہو كے اپنے رب ہون دا دعویٰ کیتا ہے"﴿یوحنا باب 10 آیت 33﴾۔ یہودیاں نے یسوع دے بیان نوں اِن بِن اوہو ای دعویٰ سمجھیا – رب ہون دا۔ ویکھو بئی یسوع اپنے رب ہون دے دعوے نوں نہیں رد دا۔ جدوں یسوع اعلان کردا ہے۔ "میں تے پیو اک ہاں" ﴿یوحنا باب 10 آیت 30﴾، اوہدے آکھن دا مطلب ایہہ سی بئی اوہدی اتے پیو دی فطرت اتے ست اکو جہیا ہے۔ یوحنا باب 8 آیت 58 اک ہور مثال ہے۔ یسوع نے آكھیا، "میں تہانوں سچ دسنا بئی ابراہیم دے جمن توں پہلاں دا میں ہاں!" جیہڑے یہودیاں نے ایہہ بیان سنیا اوہناں دا ردعمل ایہہ سی بئی اوہناں نے یسوع نوں کفر دا کملہ کہن دے الزام وچ مارن لئی پتھر چُكے، کیوں جے موسیٰ دی شریعت وچ اوہناں نوں ایہو حکم سی (احبار باب 24 آیت 15)

یوحنا یسوع دے رب ہون دے نظریعے نوں دوہراؤندا ہے: "كلام رب سی" اتے "كلام مجسم ہویا" (یوحنا باب 1 آیت 1)۔ ایہہ آیتاں صاف طور تے ظاہر كردیاں ہین بئی یسوع ہی بندے دی جُون وچ رب ہے۔ اعمال باب 20 آیت 28 سانوں دسدی ہے، " رب دی كلیسیا دے چروال بنو جیہنوں اوہنے خاص اپنے خون دے نال مُل لیا ہے۔" كیہنے كلیسیا نوں اپنے خون نال خریدیا – رب دے کلیسا نوں – خاص اپنے لہو نال؟ یسوع مسیح نے۔ اعمال باب 20 آیت 28 اعلان كردی ہے بئی رب نے كلیسیا نوں خاص اپنے خون دے نال مُل لیا ہے۔ ایس لئی یسوع رب ہے!

توما رسول یسوع دے پاروں اعلان كردا ہے، "اے میرے خداوند اے میرے رب" ﴿یوحنا باب 20 آیت 28﴾۔ یسوع نے اوہنوں ایس توں روكیا نہیں۔ ططس باب 2 آیت 13 ساڈا حوصله ودھاؤندی ہے بئی اسیں اُڈیکیئے اپنے خداوند تے مكتی داتا، یسوع مسیح دے آؤن نوں۔ ﴿دیكھو 2 پطرس باب 1 آیت 1﴾۔ عبرانیوں باب 1 آیت 18 وچ پیو یسوع دا اعلان كردا ہے، "پر پُُتر بارے اوه كہندا ہے بئی، اے رب تیرا تخت ازلاں توں ابد تک رہے گا تے تیری بادشاہی دا عصا راستی دا عصا ہے۔'" پیو دا یسوع نوں "اے رب" آکھنا سینت ماردا ہے بئی یسوع اصل وچ رب ہے۔

مكاشفه وچ اک فرشتے نے یوحنا رسول نوں صرف رب نوں پوجن دی تعلیم دتی ﴿مكاشفه باب 19 آیت 10﴾۔ پاک کلام وچ كئی واری یسوع عبادت نوں قبول كردا ہے ﴿متی باب 2 آیت 11، باب 14 آیت 33، باب 28 آیت 9 اتے 17، لوقا باب 24 آیت 52، یوحنا باب 9 آیت 38﴾۔ اوہنے كدی وی لوکاں نوں اوہنوں پوجن توں نہیں ٹھاکیا۔ جے یسوع رب نہیں سی، اوه لوكاں نوں دس سكدا سی بئی مینوں نہ پُوجو، بالکل اوسے طرحاں جویں فرشتے نیں مكاشفه وچ کیتا۔ پاک کلام وچ بہت ساریاں آیتاں اتے پیرے ہین جیہڑے یسوع دے سدا رہن والے رب دی دلیل ہیں۔

سب توں بہتی اہم وجه یسوع دے رب ہون دی ایہہ ہے بئی جے اوه رب نہیں ہے، اوہدی موت سارے جہان دے پاپاں نوں دھون لئی گھٹ ہوندی﴿1 یوحنا باب 2 آیت 2﴾۔ جے یسوع رب نہیں تے فیر اوہ اک بنائی ہوئی مخلوق ہوندا تے اوہ اک بے حدے رب دے خلاف پاپ دی بے حدی سزا دا دین نہ دے سکدا۔ اُکا رب ہی جہان دے پاپاں نوں چُک سكدا ہے ﴿2 كرنتھیوں باب 5 آیت 21﴾، مرنا، تے جی اُٹھنا۔ اوہدی موت اتے پاپ تے جِت نوں ثابت كردا ہے۔



پنجابی دے مڈھلے صفحے تے جاؤ



كیه یسوع رب ہے؟ كیه یسوع نے كدی دعویٰ كیتا ہے بئی اوه رب ہے؟