کیہ زنانیاں نوں پادری بن کے/ تبلغ کرن دی خدمت کرنی چاہیدی اے؟ کلام پاک کلیسیا وچ زنانیاں بارے کیہ کہندا اے؟




سوال: کیہ زنانیاں نوں پادری بن کے/ تبلغ کرن دی خدمت کرنی چاہیدی اے؟ کلام پاک کلیسیا وچ زنانیاں بارے کیہ کہندا اے؟

جواب:
ایتھے اج دی کلیسیا وچ خورے ایس توں بہتی بحث کسے ہور مسئلے تے نہیں ہوئی ہوئے گی کہ زنانیاں نوں کلیسیا وچ بطور پادری/تبلغ کرن دی خدمت کرنی چاہیدی اے۔ نتیجے دے طور تے، ایہہ بہت ضروری اے کہ ایس مسئلے نوں اُکا ایس لئی نہ ویکھیا جائے کہ مرد تے زنانی دے وچکار مقابلہ۔ ایتھے زنانیاں نیں جیہڑیاں یقین رکھدیاں نیں کہ زنانیاں نوں پادریاں وانگ خدمت نہیں کرنی چاہیدی تے کلام پاک کلیسیا وچ زنانیاں دی تبلغ تے روک لاؤندا اے تے ایتھے مرد نیں جیہڑے یقین رکھدے نیں کہ زنانیاں کلیسیا وچ تبلغ کرن دی خدمت کرسکدیاں نیں۔ ایہہ کوئی وڈے ہون یا فرق رکھن دا مسئلہ نہیں۔ ایہہ کلام پاک دے مطابق تشریح دا مسئلہ اے۔

پہلا تیمتھس 2 باب 11 تے 12 آیت دسدی اے، "زنانی نوں چپ چاپ کمال تابعداری دے نال سکھنا چاہیدا اے۔ تے میں ایس گل دی اجازت نہیں دیندا کہ زنانی سکھائے یاں مرد تے حکم چلائے سگوں چپ چاپ رہے"۔ کلیسیا وچ خدا مرداں تے زنانیاں لئی وکھرے قانوں مقرر کردا اے۔ ایس لئی انسان نوں پیدا کیتا گیا (1۔تیمتھس 2 باب 13 آیت) تے جس رستہ توں پاپ دنیا وچ آیا (2۔تیمتھس 2 باب 14 آیت)۔ خدا پولوس رسول دے نوشتے دے ذریعے زنانیاں دے مرداں نوں روحانی تعلیم دین تے روک لاؤندا اے۔ ایہہ زنانیاں نوں پادریاں دی خدمت کرن توں پرانہہ رکھدا اے، جیہدے وچ یقینی طور تے تبلغ وی شامل اے، تعلیم دنیا تے مرداں تے روحانی تعلیم دین دا اختیار وی۔

ایتھے زنانیاں نوں کلیسیا وچ خدمت / بطور پادری دی خدمت کرن تے بہت "اعتراض" نیں۔ اک خاص گل ایہہ کہ پولوس زنانیاں دے تعلیم دین تے پابندی لاؤندا اے کیونجے پہلی صدی وچ زنانیاں خاص طور تے ان پڑھ سی۔ بہرحال،1۔تیمتھس 2 باب 11 توں 14 آیت وچ کتے وی اوہناں دے تعلیمی معیار نوں بیان نہیں کیتا گیا، جے تعلیم کلیسیا وچ خدمت لئی ضروری سی تے یسوع دے بہتے شاگرد ایس معیار تے پورے نہیں اتردے سی۔ دوجا خاص اعتراض ایہہ کہ پولوس نے اُکا افسیوں دی زنانیاں نوں تعلیم دین توں روکیا (1۔تیمتھس دا خدا جیہڑا تیمتھس نوں لکھیا سی جیہڑا اوس ویلے افسیوں دی کلیسیا وچ پادری سی)۔ افسس دا شہر ارتمس دی دیوی دے مندر لئی مشہور سی اک جھوٹی یونانی / رومی دیوی۔ زنانیاں نوں ارتمس دی دیوی دی پرستش کرن دا اخیتار سی۔ بہرحال، 1۔تیمتھس دے خط وچ کِتے وی ارتمس دی دیوی نوں بیان نہیں کیتا گیا، نہ تے پولوس بیان کردا اے کہ ارتمس دی دیوی دی پرستش دی وجہ ایہہ سی 1۔تیمتھس 2 باب 11 تے 12 آیت وچ پابندی اے۔

اک تیجا خاص اعتراض ایہہ کہ پولوس اُکا ویاہے ہوئے مرداں تے ویاہیاں زنانیاں دا حوالہ دیندا اے، عام مرداں تے زنانیاں دا نہیں۔ یونانی لفظاں وچ 1۔تیمتھس 2 باب 11 توں 14 آیت وچ ویاہے مرد تے ویاہی زنانیاں دا حوالہ دیندا اے۔ بہرحال، الفاظ دا مڈھلا مطلب اے مرد تے زنانی۔ ہور انج دے یونانی لفظ آیت 8 توں 10 وچ ورتے گئے نیں۔ کیہ اُکا کھسم ای بغیر غصہ تے تکرار دے پاک ہتھاں نوں چُک کے دعا کریا کرے (آیت 8)؟ کیہ اُکا زنانیاں ای حیادار کپڑے پاؤن، چنگے کم کرن، تے خدا دی پرستش کرن (آیت 9 تے 10)؟ یقیناً نہیں۔ 8 توں 10 آیت صاف طور تے مرداں تے زنانیاں دا حوالہ دیندیاں نیں، اُکا کھسماں تے تیویاں دا حوالہ نہیں دیندیاں۔ ایتھے سیاق وچ کجھ وی انج دا نہیں اے جیہڑا ایہہ ظاہر کردا اے کہ جیہڑا کھسم تے تیویں نوں روکے آیت11 توں 14 وچ۔

ایہدے علاوہ اک ہور اعتراض جیہڑا زنانیاں نوں پادری تے تبلغ کرن والیاں دے رشتے دی تشریح کردا اے، مریم، دبورہ، خُلدہ، پرسکہ، فیبے تے ہور۔ زنانیاں جیہڑیاں کلام پاک دے مطابق خدمت کردیاں سی۔ ایہہ اعتراض ناکام ہو جاندا اے جدوں معنی خیز گل نوں جانیا جاندا اے۔ دبورہ دے تعلق نال، تیرہ مرد منصفاں وچ اوہ کلی زنانی منصف سی۔ خُلدہ دے تعلق نال، اوہ کلی نبیہ سی درجن توں بہتے نبیاں وچوں جیہڑے کلام پاک وچ درج نیں۔ مریم دا خدمت دا تعلق اُکا ایس لئی سی کہ اوہ موسیٰ تے ہارون دی بھین سی۔ عتلیاہ تے ایزبل چنگیاں پکیاں مثالاں نیں جیہڑیاں اپنے آپ نوں دیوی دی طرح منواؤندیاں سن۔

اعمال دی کتاب 18 باب وچ پرسکلہ تے اکولہ نوں مسیح دی وفادار خدمت کرن والیاں وانگ پیش کیتا گیا اے۔ پرسکلہ دا ناں پہلاں دسیا گیا اے غالباً ایہدا مطلب اے کہ اوہ خدمت وچ اپنے گھر والے توں بہت آگے سی۔ بہرحال، پرسکلہ نے کتے وی ایہہ نہیں دسیا کہ اوہ کلیسیا وچ خدمت کردی سی ایہہ 1۔تیمتھس 2 باب 11 توں 14 آیت دے الٹ اے۔ پرسکلہ تے اکولہ اپلوس نوں اپنے گھر لے کے آئیاں تے اوہ دوویں اوہنوں تعلیم دین لگیاں، خدا دے کلام نوں بہت چنگے طریقے دے نال اوہنوں دسیا (اعمال 18 باب 26 آیت)۔

رومیوں 16 باب 1 آیت وچ فیبے نوں"پادری" سمجھیا جائے بجائے ایہدے کہ "خادمہ"۔ ایہدا ایہہ مطلب نہیں کہ فیبے کلیسیا وچ تعلیم دیندی سی۔ "تعلیم دے قابل" بزرگاں دی قابلیت دتی گئی، پر پادری دی نہیں (1۔تیمتھس 3 باب 1 توں 13 آیت؛ ططس 1 باب 6 توں 9 آیت)۔ ایلڈر/پشپ/ڈیکن نوں انج بیان کیتا گیا اے جیویں "اک تیویں دا کھسم"، "اک بندہ جیہدے بال یقین رکھدے ہون"، تے "بندہ جیہڑا عزت دے قابل ہوئے"۔ ہور ایہہ کہ، 1۔تیمتھس 3 باب 1 توں 13 آیت وچ تے ططس 1 باب 6 توں 9 آیت وچ مردانہ ناواں دی اچیچی ورتوں کیتی گئی اے جیہڑی حوالہ دین لئی ایلڈر/پشپ/ڈیکن۔

پہلا تیمتھس 2 باب 11 توں 14 آیت دی حالت ایس "وجہ" نوں پورے طور تے صاف دسدی اے۔ آیت 13 شروع ہوندی اے "لئے" تے "وجہ" توں شروع ہوندی اے کہ پولوس نے آیت 11 تے 12 وچ کیہ دسیا اے۔ کیویں زنانی تعلیم نہیں دے سکدی یاں مرد دے اُتے اخیتار نہیں رکھ سکدی؟ کیونجے "پہلاں آدم بنایا گیا اوہدے مگروں حوا۔ تے آدم نے دھوکا نہیں کھاہدا سگوں زنانی دھوکا کھا کے پاپ وچ پے گئی"۔ ایہو وجہ اے ۔ خدا نے پہلاں آدم نوں بنایا تے فیر حوا نوں جیہڑی آدم دی "مددگار" سی۔ پیدائش دی ایہہ عالمگیر ترتیب انسانی وسیب وچ خانداناں تے وی لاگو ہوندی اے (افسیوں 5 باب 22 تے 23 آیت) تے کلیسیا تے وی۔ ایہہ سچ جیہدے توں حوا نے دھوکا کھاہدا اک ہور وجہ اے جیہدے توں زنانیاں پادریاں وانگ خدمت نہیں کر سکدیاں یاں مرداں تے روحانی اخیتار نہیں رکھ سکدیاں۔ ایہہ لوکاں نوں ایس گل تے یقین کرن لئی آمادہ کردا اے کہ زنانیاں تعلیم نہیں دے سکدیاں کیونجے اوہ آسانی دے نال پاپ وچ ڈگ سکدیاں نیں۔ ایہدے تے گل کیتی جا سکدی اے، پر جے زنانیاں بہت آسانی دے نال پاپ وچ ڈگ جاندیاں نیں تے کیوں اوہناں نوں بالاں نوں تعلیم دین دی اجازت دتی گئی (جیہڑے آسانی دے نال پاپ وچ ڈگ جاندے نیں) تے دوجے زنانیاں توں (جیہڑی ہور وی بہتی آسانی دے نال پاپ وچ پے سکدیاں نیں)؟ ایہہ اوہ نہیں جو لفظاں وچ دسیا گیا اے۔ زنانیاں تعلیم نہیں دے سکدیاں یاں مرداں تے روحانی اخیتار نہیں رکھ سکدیاں کیونجے حوا پاپ وچ ڈگ گئی سی۔ جیہدے نتیجے وچ خدا نے مرداں نوں شروع دی کلیسیا نوں تعلیم دین دا اخیتار دتا۔

زنانیاں آگے نکل جاندیاں نیں اوہناں برکتاں وچ جیویں مہمان نوازی، پیار، سکھاؤنا تے مدد کرن وچ۔ بہت ساری کلیسیاواں وچ خدمت دا دارومدار زنانیاں تے اے۔ کلیسیا وچ جیہڑیاں زنانیاں دعا یاں نبوت کردیاں نیں اوہناں تے کوئی روک نہیں (1۔کرنتھیوں 11 باب 5 آیت)، اُکا مرداں تے روحانی تعلیم دا اخیتار نہیں رکھدیاں۔ کلام پاک وچ کتے وی زنانیاں نوں پاک روح دیاں برکتاں نوں ورتن تے کوئی روک نہیں (1۔کرنتھیوں 12 باب)۔ زنانیاں انج ای نیں جیویں مرد دوجیاں نوں تربیت دین لئی بلائے جاندے نیں پاک روح دے پھلاں نوں ظاہر کردیاں نیں (گلتیوں 5 باب 22 تے 23 آیت)، تے گواچے ہویاں لئی خوشخبری دا اعلان کرنا (متی 28 باب 18 توں 20 آیت؛ اعمال 1 باب 8 آیت؛ 1۔پطرس 3 باب 15 آیت)۔

خدا نے اُکا مرداں نوں مقرر کیتا کہ اوہ کلیسیا وچ روحانی تعلیم دا اختیار رکھ کے خدمت کرن۔ ایہہ ایس لئی نہیں کہ مرد چنگے استاد ہوندے نیں یاں کیونجے زنانیاں گھٹیا یاں گھٹ ذہین ہوندیاں نیں (جیہڑا کہ کوئی مسئلہ نہیں) ۔ سادہ لفظاں وچ ایہہ کہ خدا نے کلیسیا نوں ایس طرحاں کم کرن لئی مقرر کیتا۔ مرد روحانی پیشوائی لئی مقرر کیتے گئے نیں۔ اپنی حیاتی وچ اپنے لفظاں دے ذریعے۔ زنانیاں نوں گھٹ اخیتار دے کردار وچ پیش کیتا گیا اے۔ زنانیاں دی حوصلہ افزائی کیتی گئی اے کہ اوہ دوجیاں زنانیاں نوں تعلیم دین (ططس 2 باب 3 توں 5 آیت)۔ کلام پاک زنانیاں دے بالاں نوں تعلیم دین توں نہیں روکدا۔ اُکا اک شے توں زنانیاں نوں منع کیتا گیا اے کہ اوہ نہ تے مرداں نوں تعلیم دین یاں مرداں تے روحانی اخیتار رکھن۔ ایس طرحاں منطقی طور تے ایہدے وچ زنانیاں دا پادریاں وانگ کم کرنا/تبلغ کرنا وی رلتی اے۔ ایہہ کسے وی طرحاں نال زنانیاں نوں گھٹ اہمیت نہیں دیندا، جیہدا مطلب اے کہ اوہناں نوں کلیسیا وچ خدمت لئی مقرر کردا اے کہ اوہ ایس عہد تے نظر کرن کہ کیویں خدا نے اوہناں نوں اپنی برکتاں نال نوازیا اے۔



پنجابی دے مڈھلے صفحے تے جاؤ



کیہ زنانیاں نوں پادری بن کے/ تبلغ کرن دی خدمت کرنی چاہیدی اے؟ کلام پاک کلیسیا وچ زنانیاں بارے کیہ کہندا اے؟