settings icon
share icon
Pregunta

Kon mi por vensé piká den mi bida Kristian?

Kontesta


Beibel ta presenta varios diferente rekurso pa yuda nos den nos esfuerso pa vensé piká. Den e bida aki, nunka nos lo no por ta perfektamente viktorioso riba piká (1 Huan 1:8), pero tòg esei mester keda nos meta. Ku yudansa di Dios, i dor di sigui e prinsipionan di Su Palabra, nos por vensé piká progresivamente i bira mas i mas manera Kristu.

E promé rekurso ku Beibel ta menshoná pa yuda nos vensé piká ta e Spiritu Santu. Dios a duna nos Spiritu Santu pa asina nos por ta viktorioso den nos bida Kristian. Dios ta kompará e obranan di karni ku e frutanan di Spiritu den Galatanan 5:16-25. Den e pasashi ei nos ta wòrdu yamá pa kana den Spiritu. Tur kreyente ta posesá di Spiritu Santu kaba, pero e pasashi aki ta bisa nos ku nos mester kana den Spiritu, i entregá nos mes na Su kontròl. Esaki ta nifiká ku nos mester skohé konsistentemente pa sigui e inspirashon di Spiritu Santu den nos bida, na luga di sigui nos propio karni.

E diferensha ku Spiritu Santu por hasi ta wòrdu demostrá den bida di Pedro, kual, promé ku e tabata yená ku Spiritu Santu, el a nenga Hesus tres bia – anto el a hasi esaki despues ku el a bisa ku lo e sigui Kristu te na morto. Despues ku el a wòrdu yená ku e Spiritu, el a papia klaramente i balentemente ku e Hudionan riba dia di Pentekostu.

Nos ta kana den Spiritu mientras nos ta purba di no paga e kandela di e Spiritu (manera a wòrdu menshoná den 1 Tesalonisensenan 5:19), nos tinku buska pa wòrdu yená ku e Spiritu (Efesionan 5:18-21). Kon un hende por wòrdu yená ku Spiritu Santu? Promé ku tur kos, ta Dios ta skohé esaki, mesun kos ku El a hasi den tempu di Tèstamènt Bieu. El a selektá individualnan pa kumpli ku e trabounan ku E tabata ke pa wòrdu realisá i El a yena nan ku Su Spiritu Santu (Génesis 41:38; Éksodo 31:3; Numbernan 24:2; 1 Samuel 10:10). Tin evidensia den Efesionan 5:18-21 i Kolosensenan 3:16 ku Dios ta skohé esnan ku ta yena nan mes ku e Palabra di Dios. Esaki ta trese nos na e di dos rekurso.

E palabra di Dios, Beibel, ta bisa ku Dios a duna nos Su Palabra pa ekipá nos pa asina nos por hasi tur sorto di bon obra (2 Timoteo 3:16-17). E ta siña nos kon pa biba i kiko pa kere den dje, e ta mustra nos ora nos skohé kamindanan robes, e ta yuda nos bini bek riba e kaminda korekto, i e ta yuda nos keda riba e kaminda ei. Hebreonan 4:12 ta bisa nos ku e Palabra di Dios ta bibu i poderoso, e ta kapas di penetrá den nos kurasonnan pa saka i vensé e pikánan di mas profundo di nos kurason i aktitud. Den Salmonan 119, e salmista ta papia detayadamente tokante di e poder ku ta kambia bida. Yozue a bisa ku e yabi di éksito pa vensé su enemigunan ta pa no lubida riba e rekurso aki, sino meditá dia i nochi riba dje i obedes’é. El a hasi esaki asta ora Dios a mandé hasi kosnan ku no tin masha sentido den asuntunan militar, i esaki tabata e yabi di su viktorianan durante e batayanan pa e Tera Prometido.

Beibel ta un rekurso ku hopi bia nos ta subestimá. Nos ta uzé pa bai misa kun’é òf diariamente nos ta lesa un deboshon òf un kapítulo pa dia, pero nos ta keda sin memoris’é, meditá riba dje, òf aplik’é den nos bida; nos ta keda sin konfesá e pikánan ku e ta revelá òf alabá Dios pa e regalonan ku e ta revelá na nos. Ora ta trata di Beibel, hopi bia nos ta manera un hende ku ta sufri di anoreksia of bulimia. Sea nos ta apsorbé nèt sufisiente pa mantené nos spiritualmente na bida dor di kome fo’i dje Palabra (pero nunka nos no ta guli sufisiente pa ta salú, Kristiannan fuerte), òf nos ta alimentá nos mes hopi bia, pero nos ta keda sìn meditá riba dje sufisientemente pa haña nutrishon spiritual di dje.

Ta importante, si ainda bo no tin e habito di studia i memorisá Palabra di Dios diariamente, pa bo kuminsá hasi’é. Tin hende ta haña e idea di kuminsá ku un diario hopi útil. Hasi un habito di no kaba di lesa E palabra sin ku bo a skirbi algu ku b’a siña fo’i dje. Tin hende ta graba nan mes resando na Dios, nan ta pidi Dios pa E yudanan kambia e areanan di nan bida ku E a bisa nan pa kambia. Beibel ta un hèrmènt ku Spiritu ta uza den nos bida (Efesionan 6:17), e ta un gran parti esensial di e armadura ku Dios a duna nos pa asina nos por bringa nos batayanan spiritual (Efesionan 6:12-18).

E terser rekurso krusial den nos bataya kontra piká ta orashon. Atrobe, e ta un rekurso ku Kristiannan hopi bia ta papia di dje pero nan no ta hasi bon uzo di dje. Nos tin reunionnan di orashon, orarionan kaminda nos ta hasi orashon, etc, pero nos no ta hasi uzo di orashon n’e mesun manera ku e misanan di antes tabata hasi (Echonan 3:1; 4:31; 6:4; 13:1-3). Kadabes Pablo tabata menshoná kon e tabata resa pa esnan ku e tabata duna enseñansa. Dios a duna nos promesanan maravioso ku ta konserní orashon (Mateo 7:7-11; Lukas 18:1-8; Huan 6:23-27; 1 Huan 5:14-15), i Pablo ta inkluhí orashon den su pasashi ora e tabata prepará pa batayanan spiritual (Efesionan 6:18).

Kon importante orashon ta pa vensé piká den nos bida? Nos tin e palabranan ku Kristu a bisa Pedro den e Hardín di Getsémani, nèt promé ku Pedro a neng’É. Segun ku Hesus tabata resa, Pedro tabata drumí. Hesus a lant’é fo’i soño, i El a bisa,”Boso mester keda lantá i resa pa boso no kai den tentashon. Spiritu di hende tin boluntat sí, ma ta hende mes ta débil.” (Mateo 26:41). Nos, meskos ku Pedro, ke hasi lokual ta korekto, pero nos no por haña e forsa pa hasi esei. Nos mester sigui Dios Su konseho dor di keda buska, keda bati na e porta, keda pidi – i E lo duna nos e forsa ku nos mester (Mateo 7:7). Orashon no ta un fórmula mágiko. Orashon ta simplemente rekonosé ku nos tin nos propio limitashonnan i ku Dios semper ta poderoso, i si nos busk’É, lo E duna nos forsa pa hasi lokual E kier pa nos hasi, i no lokual nos ke hasi (1 Huan 5:14-15).

E di kuater rekurso den nos guera pa vensé piká ta misa, komunion ku otro kreyentenan. Ora Hesus a manda Su disípulonan bai evangelisá, El a manda nan bai dos-dos (Mateo 10:1). E misionarionan den Echonan no a sali bai unu unu, sino den grupo di dos òf mas. Hesus a duna nos e mandato pa no neglishá di reuní nos mes ku otro kreyentenan, sino pa nos uza e tempu ei pa enkurashá otro den amor i bon obranan (Hebreonan 10:24). E ta bisa nos tambe pa nos konfesá nos erornan na otro (Hakobo 5:16). Den e sabiduria di e literatura di Tèstamènt Bieu, nos a siña ku heru ta mula heru, asina hende ta hasi punta di bista di su amigu mas krítiko (Proverbionan 27:17). Tin poder den numbernan (Predikador 4:11-12).

Hopi Kristiannan ta haña ku un partner ku nos por duna kuenta na dje, por ta di gran benefisio pa yuda vensé pikánan ku ta difísil pa derotá. Tentashon ta algu hopi komún pa nos tur (1 Korintionan 10:13). Si nos tin un partner of un grupo ku nos por duna kuenta na dje, nan por duna nos e dósis final di e enkurashamentu i motivashon ku nos mester pa por vensé asta e pikánan di mas fèrfelu.

Tin bia viktoria riba piká ta wòrdu lográ hopi lihé. Otro ora por tarda mas pa haña viktoria. Dios a prometé nos ku segun ku nos ta hasi uzo di Su rekursonan, lo E trese kambionan progresivamente den nos bida. Nos por perseverá den nos esfuersonan pa vensé piká, pasobra nos sa ku E ta fiel na Su promesanan.

English



Bai bèk na home page di Papiamentu

Kon mi por vensé piká den mi bida Kristian?
Facebook icon Twitter icon Pinterest icon Email icon
© Copyright Got Questions Ministries