¿Dioschu Jesusqa? ¿Huk kutillataqa, Diosmi Kani nirqachu Jesusqa?




Tapukuy: ¿Dioschu Jesusqa? ¿Huk kutillataqa, Diosmi Kani nirqachu Jesusqa?

Kutichiy:
Chuya qellqapiqa manam kanchu “Ñoqa punim kani Dios” nispa Jesuspa nisqanqa. Ichaqa kaywanqa manam nichwanchu chuya qellqaqa Dios Jesucristo kasqanmantaqa manam rimancha nispaqa. Ejemplo: Jesusmi, rimanirqa Juan 10:30pi kaynata “ñoqawan taytayqa hukllam kaniku” nispa. Sichu apurawllaman kay Señor Jesuscristopa nisqanta qaway kuptinchikqa parecekuwanchik, Jesusqa Dios kasqanmanta mana rimachkaq hinam. Ichaqa Judio runakunamnirqaku Señorninchik Jesucristota kaynata: “Rumiwan chamqapaytaqa munaykiku manam allin rurasqaykimantachu, aswanqa rimaspayki Diosta piñachisqaykimantam chaynataq runa kachkaspayki Dios tukusqaykimantam” (Juan 10:33). Kaynataqa Judiokuna nirqaku Jesucristo “Diosmi Kani” nisqanta entenderuspankum. Qatiq patachanpiqa (versículos) manam Señorninchik Jesucristoqa kutipakunchu “ñoqaqa manam Dios kasqaytachhu nirqaykichik” nispaqa. Chaynataq (Juan 10:30 pi) “Ñoqawan taytayqa hukllam kaniku” nisqanwanqa Dios kasqantam nirchkarqa. Juan 8:58 pipas Jesucristoqa nichkantaqmi “cheqapta punim nikichik, manaraqpas Abraham kachkaptinqa ñamkarqaniña” nispa. Chaynata niptinmi mosoqmanta Judiokuna rumiwan chuqaparuyta munarqaku (Juan 8:59). ¿Imanasqataq Judiokunaqa rumiwan chuqaparuyta munarqaku Jesustaqa? ¿Mana paykunapa nisqankuman hina nisqanchu Judiokunapaq karqa mana allin? Icha ¿tayta Diospa nisqanman hinachu karqa?

Juan 1:1pim nin: “chay simiqa Diosmi”. Juan 1:14 piñataqami nin: “chay simim runallaruspan yacharqa ñoqanchikwan”. Kaymi qawachiwanchik Jesusqa Dios kasqanta hinaspan runallarusqanta. Hechos 20:28 pipas niwanchiktaqmi “Chuya Espiritum qamkunata akllasurqankichik Diosnichik Jesucristopa yawarninwan rantisqan iñiqkunata cuidanaykichikpaq”. Chaynaqa ¿Pitaq rantirqa paypi iñiqkunataqa? ¡Jesucristom! Hechos 20:28pim nin: “Kikin Dios Jesucristo yawarninwan iñiqkunata rantisqanmanta”. Chaynaqa ¡Diosmi Jesusqa!

Chaynallataqmi discípulon Thomaspas Jesustaqa nirqa: “Señorlláy, Dioslláy” nispa (Juan 20:28). Jesusqa manamá nirqachu “imapaqmi Diosllay niwanki” nispaqa. Tito 2:13pas “Kallpanchawanchikmi salvaqninchik Señor Jesucristota suyananchikpaq hinaspam niwanchiktaq payqa munayniyoq Diosmi”, nispa (qawaykuytaqyá 2 Pedro 1:1 tapas). Hebreros 1:8, pim taytapas churin Jesucristota nin kaynata: “Diosnilláy, qamqa wiña-wiñaypaqmi gobiernanki allin arregloman hinam gobiernanki”.

Apocalipsis 19:10 qellqapipas huk angelmi Apóstol Juanta kamachirqa Diosllata adoranampaq chaynallataq (Mateo 2:11; 14:33; 28:9,17; Lucas 24:52; Juan 9:38 pipas). Tarinchik adorachikusqanta payqa manam núnca michakurqachu. Sichu Jesucristo mana Dioschu kanman karqa hinaspaqa michakunmanmi karqa ama adoranankupaq imaynam Apocalipsis qellqapi huk ángel michakuchkan adoraptinku chaynachiki michakunman karqa. Rimachkantaqmi chuya Quellqapa wakin patachankunapipas (versículos) Dios Jesucristo kasqanmantaqa.

Astawanqa Diosmi Jesucristo ninanchikpaqa paymi huchanchikrayku ñoqanchikpaq wañurqa, sichu mana Dioschu kanman karqa hinaspaqa hukchu otinman karqa enteron mundopi llapayan runakunapa huchankunamanpata paqaytaqa (1 Juan 2:2). Ichaqa Diosllam chay mana pagay atina huchataqa atirqa pagaytaqa, Diosllam lliwpa huchanchikunata qepikuykuspan wañurqa hinaspan kawsarimurqa (2 Corintios 5:21). Chaywanmi vencerurqa huchatawan wañuytaqa.



Kutiriy Quechua simipi qallariy paginaman



¿Dioschu Jesusqa? ¿Huk kutillataqa, Diosmi Kani nirqachu Jesusqa?