¿Imaynatan Qaypachwan wiña-wiñay kawsakuytaqa?




Tapukuy: ¿Imaynatan Qaypachwan wiña-wiñay kawsakuytaqa?

Kutichiy:
Chuya qellqam qawachiwanchik huk sumaq wiñay kawsayman riq ñanta chay wiñay kawsayman challanapaqa puntatas riqsikuykumanchik Tayta Diosta mana kasuspa huchapakurusqanchiktas: “Llapallanchik huchallikuruspam Diospa suma-sumaq qayllanmanta karunchakurunchik” (Romanos 3:23). Lliwmi Tayta Diospa mana munayninkuna ruraq kanchik. Chaymi castigota merecenchik. Wiña wiñay Tayta Diospa contranpi lliw hucha pakuqmi kanchik chaymi wiñay castigotaqa merecenchik. Chuya qellqa nin: “Huchallikuypa pagonqa wañuymi. Diospa qowasqanchikmi ichaqa Señorninchik Cristo Jesuswan kuska wíñaypaq kawsakuy” (Romanos 6:23).

Chayraykum mana hucha riqsiq (1 Pedro 2:22), wiña-wiñaypaq Diospa churin Jesucristo runallarqa (Juan 1:1, 14) hisnaspa wañurqa huchanchikmanta paganampaq “ichaqa Diosmi kuyawasqanchikta qawachiwarqanchik huchasaparaq kach kaptinchikpas Cristo wañupuwasqanchikwan” (Romanos 5:8). Jesucristom chakatasqa wañurqa (Juan 19:31-42) ñoqanchikraykum huchanchikunata qepirqa (2 Corintios 5:21) hinaspam wañusqanmanta kimsa punchaw pasaruptin qatarimurqa (1 Corintios 15:1-4) chaywanmi payqa qawachiwanchik huchatawan wañuytaqa vencerusqanta “...hatun kuyapayakuyninman hina mosoqmanta nacechiwarqanchik, Jesucristopa kawsarimusqanwanmi confianzawan kawsachiwanchik” (1 Pedro 1:3).

Jesucristopi iñikusqanchikraykum rakikunanchik huchamantaqa hinaspam kutikunanchik Señor Jesucristoman salvaykuwanan chikpaq (Hechos 3:19). Sichu paypi iñuspa confiankusun cruzpi chakatachikuspa wañuyninwan huchanchikuna pagasqampi hinaptinga huchanchikmantam pampachasqa kasunchik hinaspam chaskisunchik Tayta Diosmanta hanaq pachapi wiña wiñay kawsakuyta. “Diosqa ancha-anchatam kuyarqa runakunata, chaymi sapallan churinta qomurqa pipas paypi iñiqqa manaña puchukasqa wiñaypaqña kawsananpaq” (Juan 3:16). “Jesusqa Señor kasqanta willakuspaykiqa chaynataq paypa Dios kawsachimusqanta tukuy sonqoykiwan creespaykiqa salvasqam kanki” (Romanos 10:9). Jesucristo chakatachikuspan rurasqallampi creeyllanchikmi wiñay kawsayma pusawaqninchik cheqaq ñanqa. “Favorninraykullam iñpitikichik Diosqa Salvaykusurqankichik, chayqa manam qamkunamantachu aswanqa mana imallapaq Diospa qosusqaykichikmi. Manataqmi imapas rurasqaykichikray kuchu chaynapi pipas mana alabakunanpaq” (Efesios 2:8-9).

Sichu qam Jesucristota Salvadornikipaq hina chaskikuyta munaptikiqa kaypim kachkan imayna orakunaykipaq. Yuyanaykim kay oracionkunaqa otaq huk oracionkunapas manam salvasunkichu ichaqa Señor Jesucristollapi confiakusqaykim huchaykimantaqa horqoykusunki. Kay oracionqa Tayta Diosman paypi iñikusqaykita nisqallaykim hinaspa Salvación qosusqaykimanta agradecikusqallaykim chaynaqa kaynata orakuy: “Dioslláy, riqsikunim qamta mana kasukus qanrayku huchallikurusqayta chaymanta castigo merecesqayta. Ichaqta Jesucristom chay castigoitaqa aparun, chaynapi paypi iñikusqanrayku ñoqaqa huchaymanta pampachasqa kanaypaq. Chaymi huchaymanta rakikuspay qampi confiankuni salvawanaykipaq. Dioslláy agradecekuykim suma sumaqta kuyawasqaykimanta hinaspa pampachaykuwaspayki wiñay kawsayta qoykuwasqaykimanta. ¡Amén!”.

¿Ñachutantiakurumkiña Señorñinchi Jesucristuta hatikuyta kaypi yachaykuspaykiman hinaqa? Chayna kayptinqa kay orayniqpi kaq botonta llapiykuy: “Ñoqa chaskini kunan Señor Jesusta”



Kutiriy Quechua simipi qallariy paginaman



¿Imaynatan Qaypachwan wiña-wiñay kawsakuytaqa?