settings icon
share icon
Fesili

Pe mata e o manu lalata / manu vaefa i le Lagi? E iai ni agaga o manu lalata / manu vaefa?

Tali


E le o iai se aoaoga faapitoa a le Tusi Paia e uiga i le iai o ni "agaga" o manu lalata / manu vaefa ae pe sao foi i latou i le lagi. Ae peita'i, e mafai ona tatou aumaia ni Upu faavae e faamalamalamaina ai lea mataupu. O loo ta'ua i le Tusi Paia o le tagata (Kenese 2:7) atoa ma manu vaefa (Kenese 1:30; 6:17; 7:15,22) o loo iai le manava o le ola. O le eseesega muamua lava O le tagata ma manu, o le tagata ua faia i le faatusa ma foliga o le Atua (Kenese 1:26-27). O manu e le'i faia i latou i le faatusa ma foliga o le Atua. Taluai ona ua faia tagata ola i le faatusa ma foliga o le Atua, o lona uiga e pei i latou o le Atua, e iai le itu faaleagaga, o le mafaufau, o lagona, ma le loto fuatia ifo - ma - loo iai foi le vaega o le tagata e ola pea i talaatu o le oti. Afai e iai agaga o manu lalata / manu vaefa po'o niisi foi tulaga, pe mata e ese foi pe faaitiitia lo latou 'taua'. A o le eseesega foi lea pe tonu e le o'o atu ai le ola o "agaga" o manu lalata / manu vaega i talaatu o le oti.

O se tasi foi itu e tau i lea fesili, e le'i faia e le Atua manu vaefa o se vaega o lana foafoaga i le Kenese. Sa faia e le Atua manu uma ma ua Ia silasila iai, ua lelei. O lea, e leai se mafua'aga e ala ai ona le iai ni manu i le lalolagi fou (Faaaliga 21:1). O le mea moni e iai manu i le taimi o le malo faa-meleniuma (Isaia 11:6; 65:25). E le mafai ona tatou iloa po'o nei manu o manu sa iai i lenei lava lalolagi. Tatou te iloa e amiotonu le Atua ma afai tatou te taunu'u i le Lagi ona tatou iloa ai lea ua tatou tutu faatasi ma Ia i Lana filifiliga e uiga i lea lava mataupu, po'o le a lava le tulaga.

English



Toe taga'i i le itulau ua faaliliuina i le gagana Samoa

Pe mata e o manu lalata / manu vaefa i le Lagi? E iai ni agaga o manu lalata / manu vaefa?
© Copyright Got Questions Ministries