E faapefea ona ou mautinoa le finagalo o le Atua mo lo'u olaga? O le a le aoaoga a le Tusi Paia ou te malamalama lelei ai i le finagalo o le Atua?




Fesili: E faapefea ona ou mautinoa le finagalo o le Atua mo lo'u olaga? O le a le aoaoga a le Tusi Paia ou te malamalama lelei ai i le finagalo o le Atua?

Tali:
E lua ki e mautinoa ai e le tagata le finagalo o le Atua mo soo se tulaga e o'o mai. (1) Ia e mautinoa lelei o loo faatagaina e le Tusi Paia se mea o loo e ole atu ai. (2) Ia e mautinoa lelei foi, e maua le viiga o le Atua i le mea o loo e ole atu ai ia te Ia, ma e ola ai foi ma lou olaga faaleagaga. Afai e moni nei mea ae e le o tali mai le Atua e tusa o le mea o loo e ole atu ai--ona e iloa lea e le o le finagalo o le Atua e avatu lea mea ia te oe. O le isi mea, e mafai foi ona mana'omia e le Atua lou faatalitali seia o'o i se taimi. E iai taimi e faigata ai ona mautinoa lelei le finagalo o le Atua. E manana'o tagata ia ta'u atu e le Atua ia te i latou mea uma e fai--o fea e tatau ona faigaluega ai, pe nofo ai, o ai e faaipoipo iai, ma isi lava mea faapena. Fai mai le Roma 12:2, "Aua foi tou te amio faatasi ma lenei lalolagi, a e peitai ia liliuina i le toe fuataiina o outou loto, ina ia outou suesue pe se a le finagalo o le Atua -- o mea ua lelei, ma le malie, ma le atoatoa."

E seasea lava ona avea e le Atua i tagata se faatonuga tu sa'o ma le patino. E faaavanoaina e le Atua se taimi e faia ai la tatou filifiliga e uiga i mea o loo tatou ole atu ai ia te Ia. E pau lava le filifiliga e le mana'omia e le Atua ona tatou faia o le filifiliga ina ia agasala pe tetee i Lona finagalo. E mana'o le Atua ia tatou filifili ina ia laina tutusa i tatou ma Lona finagalo. O lea, pe faapefea ona e mautinoa le finagalo o le Atua mo oe? Afai o loo e savalivali faatasi ma le Alii ma e naunau ia faia Lona finagalo i lou olaga -- e tuulima atu e le Atua Lona finagalo atoa i lou lava loto. O le ki, o lou naunau e faia le finagalo o le Atua, ae le o lou lava loto. "Ia e fiafia lava oe ia Ieova, ona foaiina lea e Ia ia te oe o mea e mana'o iai lou loto" (Salamo 37:4). Afai e le o fetalai ai le Tusi Paia, ae e te iloa e maua ai le alualu i luma o lou olaga faaleagaga -- ona tuuina atu lea e le Tusi Paia ia te oe le "faatagana" e fai ai lava lau filifiliga ma e mulimuli i lou lava loto.


Toe taga'i i le itulau ua faaliliuina i le gagana Samoa

E faapefea ona ou mautinoa le finagalo o le Atua mo lo'u olaga? O le a le aoaoga a le Tusi Paia ou te malamalama lelei ai i le finagalo o le Atua?