settings icon
share icon
Fesili

E moni ea le Atua? E faapefea ona ou iloa e moni le Atua?

Tali


Ua tatou iloa e moni le Atua aua e tolu ni mea o loo Ia faaali mai ai ia i tatou: I le foafoaga, i Lana Upu, ma Lona Alo o Iesu Keriso.

O le faamaoniga muamua lava e faamaumaututuina ai le soifua o le Atua, e iloa i Ana galuega. "Aua o ana mea e le vaaia talu ona faia o le lalolagi, e vaaia lava ia i le mafaufau i mea na faia, o lona mana lava lea e faavavau ma lona Atua; o lea foi ua le mautali ai i latou [e le talitonu]" (Roma 1:20). "Ua tala mai e le lagi le mamalu o le Atua... Ua faaalia foi e le va nimonimo le galuega a Ona aao" (Salamo 19:1).

Afai ou te maua se uati taulima i se fanua laugatasi, ou te le faapea ua ta'atia fua iina. Ou te iloa lelei lava i le iloiloina o le uati, e iai se tasi na ia fausia. Ua ou vaaia galuega ua sili mamao lona maoa'e ma le matautia i le lalolagi lenei o loo tatou iai. O le fua o taimi e le faatatau i ni uati taulima, ae e talafeagai ma galuega silisili a le Atua -- o le taamilosaga masani lea a le lalolagi (ma ona 'ave eseese o loo ola ma o loo faagaoioi ai le pomu sesiumi e 133). Ua talatala mai e le va nimonimo i lona felanulanua'i, ma o iina o loo faavae ai le finauga e iai le Tufuga Sili.

Afai ou te maua se feau ua tusia i ni mata'itusi ou te le iloa faitau, ou te sailia se na te iloa le ki ou te malamalama ma faitau ai lea feau. O iina foi ou te manatu ai i le maoa'e o le tomai o le na auina mai lea feau, ma lona natia lelei o le feau i le ki na ia faia. Pe mata o le a le faigata o le "ki" o loo i totonu o sela (cell) uma o o tatou tino? Pe le o tauivi mai ai i totonu o i tatou ia sela e faamaonia ai le tamaoiaga o le Poto o Le na fausia i tatou?

E le gata ina faia e le Atua se lalolagi e matua maopoopo ma atoatoa, a ua Ia tuuina atu foi i loto o tagata se faalagona e iloa ai le Atua e oo i le gataaga (Failauga 3:11). O loo iai i tagata ola uma se faalagona i totonu e iloa ai o loo sili atu le ola nai lo mea o loo vaaia, ma o loo iai se soifuaga e sili atu lona maualuga nai lo le taamilosaga masani a le lalolagi. O le tatou faalagona lena o loo faailoa mai ai ni ala se lua: O le faia o ni tulafono ma le tapuaiga.

O tala'aga o soo se atunuu tatou te maua ai le faatauaina o tulafono e taofia ai le amio leaga, ma e le o se mea e taumate ua tali tutusa uma tulafono a atunuu eseese. Faata'ita'iga, o le mataupu o le alofa ua matua faaeaina ma talia lelei i atunuu uma, ae e faapea foi ona faatoilalo ma tuueseina le pepelo. E tutusa lava nei amioga--lea malamalamaga lautele i le sa'o ma le sese--e faasino lava i Le o loo silisili Lona Maualuga o Le na aumaia lea poto maoa'e.

O le ala foi lea ua talitonu ai tagata i le lalolagi atoa, e tusa poo le a le aganuu, ia faatu ma faaolaolaina se faiga tapuaiga. E ui ina eseese faiga o tapuaga, ae o le faalagona lautele o loo siitia o le manatu o loo iai se "mana e sili ona maualuga" e le pine ona aumau i loto o tagata ola uma. O lo malosi o lo tatou naunau e tapua'i e tutusa lelei ma le manatu o le Atua na faia ai i tatou i "Lona lava faatusa" (Kenese 1:27).

Ua faaali mai foi le Atua ia te i tatou e ala i Lana Upu, le Tusi Paia. I lea Tusi o loo faamaonia ai le soifua o le Atua (Kenese 1:1; Esoto 3:14). I le taimi na tusia ai e Benjamin Franklin lona ia lava talaaga, e le'i maimauina sona taimi e faamaonia ai lona soifuaga. E faapena lelei lava le mea lea, e le tele se taimi o le Atua e tau faamaonia ai Lona Soifua i Lana foi Tusi. O le olaga suia ona o le natura o le Tusi Paia, o Le faamaonia o molimau o loo tusia ai atoa ma vavega na tutupu, ua lava ma totoe nei mea uma e ono suesue atili iai.

O le mea lona tolu o loo faaali mai ai le Atua e ala i Lona Alo, Iesu Keriso (Ioane 14:6-14). "Sa i le amataga le Lokou: Sa i le Atua le Lokou, o le Atua foi le Lokou. ...Ua liu tino tagata le Lokou, sa mau foi o Ia ma i tatou" (Ioane 1:1,14). Ia Iesu Keriso "o loo mau i totonu ia te Ia le tumu uma lava o le itu Atua ua i lona tino" (Kolose 2:9).

I le olaga mata'utia o Iesu, na Ia tausia ma faaatoatoaina ai ia te Ia lava le tulafono o i le Feagaiga Tuai atoa ma le faataunuuina o perofetaga uma e uiga i le Mesia (Mataio 5:17). Ua tele naua o mea na Ia faia ma Lona alofa mutimutivale atoa ma Ana vavega eseese na vaaia e le toatele o tagata ua faamaonia ai Lana feau ma faamautuina ai Lana molimau e uiga i Lona itu Atua (Ioane 21:24-25). O lea, o lona tolu o aso ina ua mae'a Lona maliu, na Ia toe tu ai nai e ua oti, o se mea moni lava ua faamaonia ma tautalagia e le fia selau o tagata sa molimauina (I Korinito 15:6). O talaaga tusitusia e tele o loo "faamaonia" ai le molimau ia Iesu. E pei ona fai mai le Aposetolo o Paulo, "Aua e le'i faia faalilolilo lenei mea" (Galuega 26:26).

Ua tatou iloa nei e iai lava e o loo taumatemate ona o o latou lava mafaufauga e uiga i le Atua ma latou te le faitau lelei i faamaoniga ua tusia. E iai foi niisi e le talitonu e tusa poo a mau faamaoniga e tuuina atu iai (Salamo 14:1). Ae tupu lava le talitonu i nei mea uma ina ua faatuatua (Eperu 11:6).

English



Toe taga'i i le itulau ua faaliliuina i le gagana Samoa

E moni ea le Atua? E faapefea ona ou iloa e moni le Atua?
© Copyright Got Questions Ministries