settings icon
share icon
سوال

حیاتی دا کیا مطلب ھے؟

جواب


حیاتی دا کیا مطلب ھے؟ میں اپݨی حیاتی دا مقصد ، تکمیل اتے اطمینان کیویں حاصل کر سڳداں؟ کیا میں کہیں چیز دے دائمی مطلب کوں پورا کرݨ دی طاقت رکھساں؟ ٻہوں سارے لوک کݙاہیں ایں گالھ تے غور کرݨ بند نئیں کریندے جو حیاتی دا کیا مطلب ھے ۔ او سالاں بعد پچھوں مُڑ تے ݙیکھدن اتے حیران تھیندن جو کیوں انہاں دے تعلقات خراب تھی ڳئے ہِن اتے کیوں او ٻہوں خالی پن محسوس کریندن اگرچہ او سبھ کجھ حاصل کر چکے ہن جو انہاں نے پورا کرݨ کیتے سوچیا ھا ۔ ہک بیس بال کھیڈݨ شروع کریندا تاں کوئی ہک اونکوں ݙسݨ والا ھوندا۔ اوں نے جواب ݙتا، " میݙی خواہش ہے جو کوئی میکوں ݙسیندے جو جݙاں میں ٻہوں اُچائی تے ہوساں تاں اُتھاں کجھ کائنا ھوسے"۔ ٻہوں سارے مقصد اپݨا خالی پن صرف اوں ویلے ظاہر کریندن جݙٓاں اُنہاں دے تعاقب اچ کئی سال برباد تھی ویندن۔

اساݙے انسانی معاشرے اچ ، لوک اپݨے ٻہوں سارے مقصداں دا پیچھا کریندن ، سوچ وچار نال او ایندا مقصد پیسن ۔ انہاں اچ کجھ انہاں چیزاں دا پیچھا کریندن جیویں: کاروبار اچ کامیابی ، دولت ،چنڳے تعلقات ، جنس آسودگی ، تفریح ، ݙوجھیں واسطے چنڳا کرݨا وغیرہ ۔ لوک گواہی ݙیندن جو جݙاں انہاں نے اپݨے مقاصد جو دولت تعلقات اتے خوشی کوں حاصل کیتا ، لیکن ول وی انہاں دے اندر خال پن موجود ھا خالی پن دا احساس جو کݙاہیں بھریندا نظر نئین آندا۔

کلامِ مقدس اچ واعظ دی کتاب کوں لکھݨ والا اپݨے ایں احساس کوں ایں بیان کریندے جو جݙاں اوں آکھیا ، "باطل ہی باطل ، باطل ھی باطل ، سب کجھ باط؛"۔ اوندے مصنف دی دولت کوں ڳݨیا نئیں ونڄ سڳدا ، حکمت اچ کوئی آدمی اوں جیہا کائنا ہا اوندے ویلے اچ اتے اساݙے وقت اچ ، اوندیاں سینکڑاں ذالیں ہن اتے اوں نے ہک جاہ تے آکھیا ، جیڑھی چیز کوں اوندا دل منیا ، اوں نے حاصل کیتا، اتے ہُݨ اوں نے نتیجہ کڈھیا " زمین دے سب کم خراب ہن " (جیویں اساں تمام حیاتی گزریندوں زندگی کیا ھے جو اساں ݙیکھدے ہیں اپݨی اکھیں نال اتے اوندی آزمائش اپݨی عقلاں نال کریندوں ) باطل ھے کیوں جو اے ایجھا خالی ہے؟ کیوں جو خدا نے اساکوں ایں واسطے بݨایا جو اساں کجھ چیزاں دی آزمائش کروں۔ سیلمان نے خدا کوں آکھا، " اوں نے ابدیت کوں وی انہاں دے دل اچ جاگزین کیتا"۔ اساں اپݨے دلیں اچ اوندے نال واقف ہیسے جو "اڄ" اتھاں ہے او سب کجھ کائنی۔

پیدائش: کلامِ مقدس دی پہلی کتاب ، اساں پیندوں جو خدا نے بنی نوع انسان کوں اپݨی صورت تے پیدا کیتے (پیدائش١ باب ٢٦ آیت)۔ ایندا مطلب ھے جو اساں خدا دی طرحاویں ہیں نہ تے کہیں ٻئیں شئے دے موجب ( کہیں ٻئی زندہ چیز دی طرحاں) اساں اے وی پیندوں جو بنی نوع انسان دے گناہ اچ ݙھہݨ نال پھلیے اتے زمین تے لعنت دے آوݨ توں پہلے ذیل اچ ݙتی ڳئی چیز سچیاں ہن: (١) خدا نے انسان کوں ملنسار مخلوق بݨایا (پیدائش ٣ باب ٢٥ آیت) (٢) خدا نے آدمی کوں کم ݙتا (پیدائش ٢ باب ١٥ آیت) (٣) خدا آدمی دے نال رفاقت رکھیندا ھے (پیدائش ٣ باب ٨ آیت) ، اتے (٤) خدا نے انسان کوں زمین تے اختیار ݙتا (پیدائش ١ باب ٢٦ آیت) ۔ انہاں چیزاں دا کیا مطلب ھے؟ میں یقین رکھیندا ہاں جو خدا نے انہاں چیزاں کوں اساݙی زندگی دی تکمیل کیتے رکھیا ہے پر انہاں سبھ اچ (خاص طور تے خدا دی انسان دے نال رفاقت) بری طرح متاثر تھئی ھے انسان دے گناہ اچ ڈھہݨ دی وجہ نال اتے ایں واسطے زمین لعنتی تھئی (پیدائش ٣ باب)۔

مکاشفہ ، کلامِ مقدس دی چھیکڑی کتاب ، آخر اچ اتے آخرت اچ ، خدا ظاہر کریندے جو او موجودہ زمین اتے اَسمان کوں تباہ کر ݙیسے جیکوں اساں ڄاݨدے ہیں اتے او ابدی حیاتی اچ خالق بݨ تے نویں اَسمان اتے نویں زمین کوں پیدا کریسے ۔ اوں ویلے ،او ول مکمل رفاقت بحال کریسے نجات یافتہ بنی نوع انسان دے نال ، جو انسان لائق نہ تھے انہاں دی عدالت ھوسے اتے او بھاہ دی جھیل اچ سٹے ویسن ۔ (مکاشفہ ٢٠ باب ١١ تاں ١٥ آیت) اتے گناہ دی لعنت انہاں توں دور کر ݙتی ویسے ، اہاں تے گناہ ، ہنجوں ، بیماری ، موت ، درد وغیرہ نہ ہوسے ۔ (مکاشفہ ٢١ باب ٤ آیت) ۔ اتے ایماندار انہاں چیزاں دے وارث ہوسن ، خدا انہاں دے نال سکونت کریسے اتے اتے انہاں دے پُتر ہوسن (مکاشفہ) ٢١ باب ٤ آیت) ۔ بس ، اساں خدا دے مکمل دائرے اچ آندے ہیں جیئں اپݨے نال رفاقت رکھݨ کیتے اساکوں بݨایا ، آدمی نے گناہ کیتا ، رفاقت کوں تروڑیا ، خدا ایں رفاقت کوں مکمل طور تے بحال کریندا ھے جو خدا توں ہمیشاں کیتے انج کریندی ھے بدتر تے بے کار تھی ویسے لیکن خدا نے ہک رستہ بݨایا ۔ ہُݨ کیویں اے ابدی روحانی خوشی اتے اساکوں " زمین تے جنت" ݙیندا ھے؟

زندگی دا مطلب یسوع مسیح دے ذریعے بحالی

جیویں اُتے ݙسایا ڳیا ھے ، ݙوہیں حقیقی مطلب ہُن اتے ابدیت خدا دے نال تعلق بحال رکھݨ نال ملدن جیڑھا تُرٹ ڳیا ھا جݙاں آدم اتے حوا نے گناہ کیتا ھا۔ اَڄ ، خدا دے نال او رشتہ صرف اوندے پُتر یسوع مسیح دے ذریعے ممکن ھے (اعمال ٤ باب ١٢ آیت ، یوحنا ١٤ باب ٦ آیت ، یوحنا ١ باب ١٢ آیت) ۔ ابدی حیاتی اوں مرد یا تریمت کوں ملدی ہے جو اپݨے گناہاں توں توبہ کریندا ھے (جو او اپݨی گناہ آلودہ زندگی کوں ودھیک گزارݨا نئیں چاہندے لیکن چاہندن جو مسیح انہاں کوں بدل ݙیوے اتے ہک نویں مخلوق بݨا ݙیوے) اتے یسوع مسیح تے بطور نجات دھندہ یقین کرݨا شروع کرو (ݙیکھو سوال" نجات دا کیا منصوبہ ہے؟ " ایں اہم نقطہ دے بارے اچ مزید ڄاݨݨ کیتے۔)

ہُݨ ، زندگی دا اصل مطلب صرف اے نئیں جو یسوع کوں اپݨا نجات دھندہ پا گھنو( جیویں حیرت انگیز او ھے) ۔ بھلکہ زندگی دا اصل مطلب اے پاوݨا ھے جو مسیح دا شاگرد اوندی پیروی کریندا ، اوندے توں سکھو ، اوندے کلام دے ذریعے اوندے نال ویلا گزارو ، کلامِ مقدس ، دعا اچ اوندے نال ڳالھ مہاڑ کرو ، اتے اوندے نال چلدے ھوئے تابعداری دے نال اوندے حُکماں تے عمل کرو۔ اگر تُساں ایماندار نئیں ( یا شاید ہک نواں ایماندار) تُساں غالباً اپݨے آپ کوں آکھسو: اے میݙے واسطے ٻہوں خوشی دی ڳالھ کائنی یا میں کوئی تابعداری نئیں کیتی ۔ لیکن ، برائے مہربانی تھوڑا جیہا ٻیا اڳوں ودھو۔ یسوع ذیل اچ فرمیندن :

اے محنت کرݨ والو اتے بوجہ نال دٻے ھوئے لوکو سبھ میݙے کول آوو۔ میں تہاکوں آرام ݙیساں۔ میݙا جُوا اپݨے اُتے چا گھنو اتے میں توں سکھو ۔ کیوں جو میں حلیم ہاں اتے دل دا فروتن ۔ تاں تہاݙیاں جاناں آرام پیسن ۔ کیوں جو میرا جُوا ملائم ھے اتے میرا بوجہ ہلکا" (متی ١١ باب ٢٨ توں ٣٠ آیت) " میں ایں واسطے آیا جو او زندگی پاون اتے کثرت نال پاون: (یوحنا ١٠ باب ١٠ آیت) " اگر کوئی میݙے پچھوں آوݨ چاہے تاں اپݨی خودی دا انکار کرے اتے اپݨی صلیب چاوے اتے میݙے پچھوں تھیوے ۔ کیوں جو جیڑھا اپݨی جان بچاوݨ چاہے اونکوں ونڄیسے اتے جو کوئی میݙی خاطر اپݨی جان ونڄیسے اونکوں پا گھنسے " (متی ١٦باب ٢٤ توں ٢٥ آیت) ۔ " خداوند اچ مسرور رہ اتے او تیݙے دل دیاں مُراداں پوریاں کریسے" (٣٧ زبور ٤ آیت)

اے تمام آیات کیا آہدین جو اساں پسند کریندوں ، اپݨیں دی راھنمائی کیتے ایں تلاش کوں جاری رکھ سڳدوں (خالی زندگی گزارݨ دے نتیجے نال) یا اساں منتخب کر سڳدوں خدا دی پیروی کرݨ کوں اتے اپݨے سارے دل نال جو اوندی مرضی اساݙی زندگیاں اچ پوری ہوون( جو کہ بھرپور زندگی گزارن دا نتیجہ ہوسے ، تہاݙے دل دیاں تمنائیں پوریاں تھیسن ، اتے تُساں اطمینان اتے تسلی پیسو)۔۔ اے ایں واسطے ھے جو اساݙا پیدا کرݨ والا اساݙے نال پیار کریندے اتے اساݙے واسطے چنڳائی دی خواہش رکھیندے (ضروری نئیں جو اے آسان زندگی ہووے ، لیکن زیادہ بھرپور)۔

چھیکڑ اچ ، میں تہاکوں ہک مثال ݙساوݨ چاہساں جو ہک پادری دوست توں گھدی ڳئی ھے ۔ اگر تُساں کھیݙاں کوں پسند کرݨ آلے ھیوے اتے تُساں فیصلہ کیتے جو تُساں پیشہ وارانہ طور تے کھیݙ اچ ونڄݨ چاہندے ہیوے ، تاں تساں کجھ ڈالر خرچ کرن نال کھیݙ دے میدان اچ سبھ توں اڳوں آلی قطار اچ سیٹ گھن سڳدے ھیوے یا کجھ سو مزید ڈالر خرچ کرن نال تُساں ذاتی طور تے ایندے اچ حصہ گھن سڳدو۔ مسیحی زندگی اچ وی ایہو ہوندے ۔ خدا دے تازہ اتے نویں کم اتواری مسیحاں کیتے نئں ۔ انہاں قیمت ادا نئیں کیتی ، خدا دے تازہ اتے نویں کم انہاں شاگرداں کیتے ہن جو پورے دل نال مسیح تے ایمان رکھیندن جو مرد اتے تریمت واقعی اپنی دنیاوی خواہشات دی پیروی کرݨ چھوڑ چکے ہن ۔ ایں واسطے جو او مرد اتے عورت اپݨی زندگی اچ خدا دے مقصد دی پیروی کریندے پن ، انہاں نے قیمت ادا کیتی ھے ( انہاں نے اپݨے آپ کوں مکمل طور تے مسیح اتے اوندی مرضی دے تابع کر ݙتا ھے ) او پورے طور تے زندگی دا تجربہ کریندے پن ، او انہاں دا سامݨا کر سڳدن ، انہاں دے جیویں انسان ، اتے انہاں دے بݨاوݨ والیں کوں کوئی افسوس نئیں جو کیا تُساں قیمت ادا کر ݙتی؟ کیا تُساں آمادہ ہیوے؟ اگر ہیوے ، تہاݙی زندگی دے مقصد دے بارے اچ دوبارہ بُھکے کائناں راہسو

English



واپس سراییکی / ملتانی زبان دے پہلے صفے تے

حیاتی دا کیا مطلب ھے؟
Facebook icon Twitter icon Pinterest icon Email icon
© Copyright Got Questions Ministries