Chi ssignifica accittari Cristu comu u tò Sarvaturi pirsonali?



Dumanna: Chi ssignifica accittari Cristu comu u tò Sarvaturi pirsonali?

Risposta:
Accittasti Cristu comu u tò Sarvaturi pirsonali? Pi ccapìri bbeni sta ddumanna, prima avìti a ccapìri i palori “Cristu”, “pirsonali”, i “Sarvaturi”.

Cu è Cristu? Tanti cristiani diciunu ca è na brava pirsona, nu bravu nzignanti, oppuri un profeta ri Ddiu. Sti cosi su Ccristu sù vveri, ma unn’i ricinu completamenti cu era pi ddaveru. A Bibbia nni nzigna ca Cristu è Ddiu nna carni, Ddiu nta na forma umana (liggìti Giuvanni 1:1, 14). Ddiu vinni nto munnu pi nzignàrinni, curàrinni, curriggìrinni, pirdunàrinni – e mòriri pi nnuiautri! Cristu è Ddiu, u Criaturi, u Signuri sovranu. Accittasti stu Cristu?

Soccu è un Sarvaturi, i picchì nni serbi un Sarvaturi? A Bibbia nni nzigna ca tutti amu fattu piccati; tutti amu fattu cosi storti (Rumani 3:10-18). U risurtatu ri nostri piccati è ca nni meritàmu a rràggia i u giudiziu ri Ddiu. L’unica punizioni ggiusta pi piccati fatti contra un Diu nfinitu i eternu è na punizioni nfinita (Rumani 6:23; Rivelazioni 20:11-15). Pi cchissu nni serbi un Sarvaturi!

Cristu vinni nto munnu i muriu ‘o nostru postu. A sò morti fu un pagamentu nfinitu pi nostri piccati (2 Corinzi 5:21). Cristu muriu pi ppaiari a pena ri nostri piccati (Rumani 5:8). Cristu paiò u prezzu picchì un vulìa ca l’avevamu a ppaiari nuiautri. A risurrizzioni i Cristu ra morti nn’ammustrò ca a Sò morti bastò pi ppaiari a pena pi nostri piccati. Pi cchissu Cristu è l’unicu Sarvaturi (Giuvanni 14:6; Atti 4:12)! Hai firucia ca Cristu è u tò Sarvaturi?

Cristu è u tò Sarvaturi “pirsonali”? Tanti pirsoni pensanu ca èssiri Cristianu significa ìri a chiesa, vìdiri a Missa, i/o un fari certi piccati. Ma chissu un boli riri èssiri Cristiani. A vera Cristianità è un rapportu pirsonali cu Ccristu. Accittari Cristu comu u tò Sarvaturi pirsonali significa ca iai fedi i firucia nn’Iddu. Nuddu è sarvatu pi menzu ra fedi i l’autri. Nuddu è perdonatu si fa certi cosi. Nni potemu sarvari sulu si accettamu Cristu comu nostru Sarvaturi pirsonali, cridennu nna Sò morti comu paiamentu pi nostri piccati i nna Sò resurrezioni comu garanzia ra vita eterna (Giuvanni 3:16). Cristu è u tò Sarvaturi pirsonali?

Si bbo accittari Cristu comu u tò Sarvaturi pirsonali, à ddiri sti palori a Ddiu. T’à ricurdari ca riri sta preghiera o qualchi nn’autra preghiera un ti sarva. Sulu crìdiri ‘n Cristu i nta Sò suffirenza pi ttia nna cruci ti pò ssarvari ru piccatu. Cu sta preghiera esprimi a Ddiu a tò fedi i U ringrazzi picchì pensa o tò sarvamentu. “Oh Ddiu, sacciu ca fici piccati contra i tia i ca mi meritu na punizioni. Ma criu ca Cristu suffriu a punizioni ca mi meritava iò, picchì vulìa cà pi menzu ra me fedi nn’Iddu iò putissi èssiri pirdunato. Ricevu a Tò offerta ri pirdunu i Ti dugnu firucia pu mè sarvamentu. Accettu Cristu comu u mè Sarvaturi pirsonali! Ti ringrazzio picchì mi facisti na maravigghiusa razia i mi pirdunasti – i picchì mi facisti u rrialu ra vita eterna! Amen!”

T’addicidisti su Cristu pì cchiddu ca liggisti cà? Sì successi accussì, pi ffauri clicca u buttuni “Accittai Cristu oggi” ccà ssutta.



Torna à prima paggina n sicilianu



Chi ssignifica accittari Cristu comu u tò Sarvaturi pirsonali?