Ano ang hukuman ni Kristo?

Tanong: "Ano ang hukuman ni Kristo?"

Sagot: Nakasaad sa Roma 14: 10-12. “Tayong lahat ay haharap sa hukuman ng Diyos…kaya’t lahat tayo ay magbibigay sulit sa Diyos.” Ang 2 Corinto 5:10 ay nagsasabing, “Sapagkat bawat isa ay haharap sa hukuman ni Kristo upang tumanggap ng kaukulang ganti sa kanyang ginawa, mabuti man o masama.” Sa ganitong kahulugan, maliwanag na ang parehong talata ay tumutukoy sa mga mga kristiano at hindi sa mga di-mananampalataya. Samakatuwid, ang hukuman ni Kristo ay sumasakop sa mga mananampalataya na nagbibigay sulit ng kanilang buhay kay Kristo. Ang hukuman ni Kristo ay hindi nagpapasya ng kaligtasan, ito ay napagpasyahan na sa pamamagitan ng pagpapakasakit ni Kristo alang-alang sa atin (1 Juan 2:2) at ng ating pananampalataya sa Kanya (Juan 3:16). Ang lahat ng ating kasalanan ay pinatawad na, at hindi na tayo kailanman mahahatulan (Roma 8:1). Hindi natin dapat tingnan ang hukuman ni Kristo bilang paghuhukom ng Dios laban sa ating kasalanan, manapay bilang pagbibigay ng gantimpala ng Dios sa ating buhay.Oo, tulad ng nakasaad sa Biblia, tayong lahat ay mabibigay sulit ng ating buhay. Bahagi nito ay ang pagsagot sa mga kasalanang ating nagawa. Datapuwa’t, hindi iyon ang pangunahing layunin ng hukuman ni Kristo.

Sa hukuman ni Kristo, ang mga mananampalataya ay ginagantimpalaan batay sa kanilang katapatan sa paglilingkod kay Kristo (1 Corinto 9:4-27; 2 Timoteo 2:5). Ang ilan sa mga bagay na maari tayong hatulan ay kung paano tayo sumunod sa pagtupad ng Dakilang Pagkatawag (Mateo 28: 18-20), paano tayo naging matagumpay laban sa kasalanan (Roma 6:1-4), at paano natin napigilan ang ating dila (Santiago 3:1-9). Ang Biblia ay nagsasaad patungkol sa mga mananampalataya na tumanggap ng mga iba’t-ibang korona (putong) ayon sa kanilang katapatan sa paglilingkod (1Corinto 9:4-27; 2 Timoteo 2:5). Ang iba’t ibang korona (putong) ay isinalarawan sa 2 Timoteo 2:5, 2 Timoteo 4:8, Santiago 1:12, 1 Pedro 5;4 at Pahayag 2:10. Ang Santiago 1:12 ay isang angkop na buod kung paano natin pagninilayin ang hukuman ni Kristo: “Mapalad ang taong nananatiling tapat, sa kabila ng mga pagsubok; sapagkat matapos silang subukin, tatanggap siya ng putong. Ito’y ang buhay na ipinangako ng Panginoon sa mga umiibig sa Kanya.

Balik sa Tagalog Home Page