Ano ang Huling Paghuhukom sa harap ng malaking putting trono?

Tanong: "Ano ang Huling Paghuhukom sa harap ng malaking putting trono?"

Sagot: Ang huling paghuhukom sa harap ng malaking tronong puti ay isinalarawan sa Pahayag 20:11-15 at ito ang kahulihang paghuhukom bago itapon ang mga makasalanan sa lawang apoy. Napag-alaman natin mula sa Pahayag 20:7-15 na ang paghuhukom na ito ay magaganap pagkatapos ng milenyo (1000 taon) at ng pagtapon kay Satanas, ang halimaw at mga bulaang propeta sa lawang apoy (Pahayag 20:7-10) Ang mga aklat na binuksan ay naglalaman ng talaan ng mga nagawa, maging ito ay mabuti o masama, dahil alam ng Dios ang lahat ng nabanggit, nagawa o kahit naisip, at Kanyang gagantimpalaan o paparusahan ayon sa nararapat. (Awit 28:4; 62:12; Roma 2:6; Pahayag 2:23; 18:6; 22:12)

Sa panahon ding ito, may isa pang aklat na bubuksan na ang tawag ay “aklat ng buhay” (Pahayag 20:12). Ang aklat na ito ang magpapasiya kung ang isang tao ay tatanggap ng buhay na walang hanggang kapiling ang Dios o ng walang hanggang kaparusahan sa lawang apoy. Kahit ang mga Kristiano ay kailangang managot sa kanilang mga nagawa, sila ay pinatawad sa pamamagitan ni Kristo at ang kanilang pangalan ay nakasulat sa “aklat ng buhay mula pa nang lalangin ang sanlibutan” IPahayag 17:8). Napag-alaman din natin mula sa Banal na Kasulatan na sa paghuhukom na ito, ang mga namatay ay “hahatulan ayon sa kanilang mga ginawa” (Pahayag 20:12) ang :”sinumang pangalan” na “hindi nakasulat sa aklat ng buhay” ay “itatapon sa lawang apoy” (Pahayag 20:15).

Ang katunayan na meron huling paghuhukom sa lahat ng tao, mananampalataya man at di-mananampalataya, ay maliwanag na pinagtibay ng mga talata (sipi) ng Banal na Kasulatan. Sa araw na iyon, ang bawat isang katao ay haharap kay Kristo at hahatulan ayon sa kanyang mga ginawa. Bagama’t malinaw na ang paghatol sa harap ng malaking tronong puti ang huling paghuhukom, ang mga kristiano ay hindi nagkakaisa sa kaugnayan nito sa ibang paghuhukom na nabanggit sa Biblia, lalo na sa kung sino ba ang hahatulan sa huling paghuhukom sa harap ng malaking tronong puti.

May mga kristianong naniniwala na ang Banal na Kasulatan ay nagpapahayag ng tatlong (3) magkakaibang paghuhukom na magaganap. Ang una ay ang paghuhukom ng mga tupa at mga kambing o ang paghuhukom ng mga bansa (Mateo 25:31-36). Ito ay magaganap pagkatapos ng dakilang kapighatian subalit bago maganap ang milenyo; ang layunin nito ay upang mapagpasiyahan kung sino ang makakapasok sa kaharian ng milenyo. Ang pangalawa ay ang paghuhukom sa mga ginawa ng mga mananampalataya at kadalasang tinukukoy bilang “ang paghuhukom (berna) ni Kristo: (2 Corinto 5:10). Sa paghahatol na ito, ang mga kristiano ay makatatanggap ng iba’t ibang antas ng gantimpala dahil sa kanilang mga ginawa o paglilingkod para sa Dios. Ang pangatlo ay ang huling paghuhukom sa harap ng malaking tronong puti sa katapusan ng milenyo (Pahayag 20”11-15). Ito ang paghuhukom ng mga di-mananampalataya na kung saan ay hahatulan sila ayon sa kanilang ginawa at masesentensiyah ng walang hanggang kaparusahan sa lawang apoy.

Ang iba namang kristiano ay naniniwala na ang lahat ng tatlong paghuhukom ay tumutukoy lamang sa isang huling paghuhukom at hindi tatlong (3) magkakaibang paghahatol. Alaon baga’y ang huling paghuhukom sa harap ng malaking tronong puti sa Pahayag 20: 11-15 ay ang pagkakataon na ang mga mananampalataya at di-mananampalataya ay parehong hahatulan. Ang mga pangalan na nakasulat sa aklat ng buhay ay hahatulang ayon sa kanilang mga ginawa upang mapagpasiyahan kung ano ang gantimpalang matatanggap o mawawala. Ang mga pangalan na hindi nakasulat sa aklat ng buhay ay hahatulan ayon sa kanilang mga ginawa upang mapagpasyahan ang antas ng kaparusahang kanilang matatanggap sa lawang apoy. Ang mga taong nananangan sa pananaw na ito ay naniniwala na ang Mateo 25: 31-46 ay isang pagsasalarawan sa mangyayari sa huling paghuhukom sa harap ng malaking puting trono. Pinupuntos nila ang katunayan na ang resulta ng paghuhukom na ito ay katulad din ng makikita pagkatapos ng paghuhukom sa harap ng malaking puting trono na nakasulat sa Pahayag 20:11-15. Ang mga tupa (mananampalataya) ay papasok sa walang hanggang buhay, habang ang mga kambing (di-mananampalataya) ay itatapon sa “walang hanggang kaparusahan” (Mateo 25:46).

Ano mang pananaw ang panghawakan patungkol sa huling paghuhukom sa harap ng malaking tronong puti, ang mahalaga ay hindi mawawala ang paningin sa mga katunayan patungkol sa nalalapit na paghuhukom o mga paghuhukom. Una, si Jesu-Kristo ay tagapaghatol; lahat ng mga di-mananampalataya ay hahatulan ni Kristo at sila ay mapaparusahan ayon sa kanilang mga ginawa. Ang Biblia ay malinaw na nagsasabing ang mga di-mananampalataya ay pinabibigat ang parusang ipapataw laban sa kanila (Roma 2:5) at “gagantihan ng Dios ang bawat tao ayon sa kaniyang ginawa” (Roma 2:6). Ang mga mananampalataya ay hahatulan din ni Kristo, subalit dahil ang kabanalan ni Kristo ay ipinataw sa atin, at dahil ang ating pangalan ay nakasulat sa akat ng buhay, tayo at gagantimpalaan at hindi paparusahan ayon sa ating mga ginawa. Ang Roma 14:10-12 ay nagsasaad na tayong lahat ay haharap sa hukuman ni Kristo at bawat isa ay magbibigay sulit sa Dios.

Balik sa Tagalog Home Page