Papaano ko maituturo ang Ebanghelyo sa aking mga kapatid at kasambahay na hindi sila magagalit, masasaktan, o itulak na papalayo?

Tanong: "Papaano ko maituturo ang Ebanghelyo sa aking mga kapatid at kasambahay na hindi sila magagalit, masasaktan, o itulak na papalayo?"

Sagot: Kung minsan at may mga pagkakataon, na ang isang Kristyano ay mayroong kasambahay, kaibigan, kasama sa trabaho, o di kaya ay kakilala na hindi Kristyano o hindi naniniwala kay Jesus. Ang pakikipagbahagi ng Ebanghelyo sa ibang tao ay mahirap, at minsan ito ay mas lalong mahirap kung ang taong ito ay malapit sa ating buhay. Ang Biblya ay nagsasabi sa atin na ang ibang tao ay masasaktan o magagalit sa Ebanghelyo (Lucas 12:51-53). Datapuwa’t tayo ay inuutusan na ibahagi and Ebanghelyo, at tayo ay walang dahilan para hindi natin ito gawin (Mateo 28:19-20; Ang Mga Gawa 1:8; 1 Ni Pedro 3:15).

Ganoon pa man, papaano natin ituturo ang Ebanghelyo sa ating mga kasambahay, kaibigan, kasama sa trabaho, at mga kakilala? Ang pinakamahalagang bagay na ating magagawa ay sila ay ating ipagdasal. Ipanalangin natin na ang Diyos ay baguhin ang kanilang mga puso at mabuksan and kanilang mga mata at pang-unawa (2 Mga Taga Corinto 4:4) sa katotohanan ng Ebanghelyo. Ipanalangin na sila ay kumbinsihin ng Diyos ng Kanyang pagmamahal para sa kanila at ng kanilang pangangailangan ng kaligtasan sa pamamagitan ni Hesukristo (Juan 3:16) Manalangin para magkaroon ng karunungan upang gamitin sa pagmiministro sa kanila (Santiago 1:5). At saka sa pagdadasal, tayo ay dapat na mamuhay na banal at Kristyanong pamumuhay sa kanilang harapan, upang kanilang makita ang mga pagbabago na ginawa ng Diyos sa ating buhay (1 Ni Pedro 3:1-2. At minsang sinabi ni Santo Francis ng Assisi, “Ipangaral ang Ebanghelyo sa lahat ng oras at kung kinakailangan gumamit ng mga Pananalita.”

Sa pangwakas, tayo ay dapat na sumunod at maging matapang sa ating tunay na pagbabahagi ng Ebanghelyo. Ipahayag ang mensahe ng kaligtasan sa pamamagitan ni Hesukristo sa ating mga kaibigan at kasambahay (Mga Taga Roma 10:9-10 Palaging maging handa na ipahayag ang inyong pananampalataya (1 Ni Pedro 3:15), gawin ito ng may kahinhinan at paggalang sa kapuwa. Sa hinaba-haba, dapat nating ibigay sa Diyos ang kaligtasan ng ating mga mahal sa buhay. Ang kapangyarihan at grasya ng Diyos ang magbibigay ng kaligtasan hingi an gating pagsisikap. Ang pinakamabuti at ang higit sa lahat na magagawa natin ay ipanalangin natin sila, sumaksi sa kanila, at mamuhay ng isang Kristyano upang kanilang makita ang ating pananampalataya sa Diyos.

Balik sa Tagalog Home Page