Ano ang ibig sabihin na manalangin sa pangalan ni Jesus?

Tanong: "Ano ang ibig sabihin na manalangin sa pangalan ni Jesus?"

Sagot: And panalangin sa pangalan ni Jesus ay itinuro sa atin sa Juan 14:13-14, “At ang anomang inyong hingin sa Aking pangalan, ay yaon ang Aking gagawin, upang ang Ama ay lumuwalhati sa Anak. Kung kayo’y magsisihingi ng anoman sa pangalan Ko, ay yaon ang Aking gagawin.” Mayroong namang iba na mali ang paggamit sa bersikulong ito, at kanilang iniisip na kapag kanilang sinabi ang “sa pangalan ni Jesus” sa katapusan ng kanilang panalangin ay gagawin ng Diyos ang ating mga hinihiling sa kanya. Ang ganitong paniniwala ay katotohanang itinuturing ang mga salitang “sa pangalan ni Jesus” na may kababalaghang pormula. Ito ay walang pasubali na hindi sangayon sa turo ng Biblya.

Ang ibig sabihin ng panalangin sa pamamagitan ng pangalan ni Jesus ay panalangin na may kapangyarihan ni Jesus at hinihingi ang Amang Diyos na Siya ay kumilos doon sa ating mga hinihingi dahil tayo ay dumudulog sa pangalan ng Kanyang Anak, si Jesus. Ang panalangin sa pangalan ni Jesus ay katulad din ng panalangin ayon sa kalooban ng Diyos. “At ito ang nasa ating pagkakatiwala sa Kaniya, na kung tayo’y humingi ng anomang bagay na ayon sa kaniyang kalooban, ay dinidinig tayo Niya. At kung ating nalalaman na tayo’y dinidinig Niya sa anomang ating hingin, ay nalalaman natin na nasa atin ang mga kahilingang sa Kaniya’y ating hiningi.” (1 Ni Juan 5:14-15). Ang panalangin sa pangalan ni Jesus ay panalangin para sa mga bagay na magbibigay ng karangalan at kaluwalhatian kay Jesus.

Pag sinabi natin ang “sa pangalan ni Jesus” sa katapusan ng ating panalangin ay hindi makababalaghang pormula. Kung ang ating hinihingi sa ating panalangin ay hindi magbibigay ng kaluwalhatian sa Diyos at hindi rin ito ayon sa Kaniyang kalooban, kahit sabihin pa natin ang “sa pangalan ni Jesus” ay walang kabuluhan. Ang matapat na panalangin sa pangalan ni Jesus at ang panalangin na magbibigay sa Kanya ng kaluwalhatian ay mas mahalaga, hindi iyong pagdadagdag ng mga salita sa katapusan ng panalangin. Hindi ang mga salita sa panalangin ang mahalaga, kundi ang layunin ng panalangin. Ang panalangin para sa mga bagay na sang-ayon sa kalooban ng Diyos ay ang diwa ng panalangin sa pangalan ni Jesus.

Balik sa Tagalog Home Page

Ano ang ibig sabihin na manalangin sa pangalan ni Jesus? Ito bang Manalangin Jesus pangalan ay mas makapangyarihan o mabisa kaysa sa pananalangin ng isang tao na nag-iisa?