Ano ang Bagong Langit at ang Bagong Lupa?

Tanong: "Ano ang Bagong Langit at ang Bagong Lupa?"

Sagot: Karamihan sa mga tao ay may maling pakahulugan patungkol sa tunay na anyo ng langit. Ang Pahayag 21-22 ay nagbibigay sa atin ng detalyadong larawan patungkol sa bagong langit at bagong lupa. Pagkatapos ng mga pangyayari sa mga huling panahon, ang kasalukuyang langit at lupa ay mawawala at mapapalitan ng bagong langit at bagong lupa. Ang pangwalang-hanggang tirahan ng mga mananampalataya ay ang bagong lupa. Ang bagong lupa ay ang “langit” na kung saan ay ating gugulin ang walang hanggan. Sa bagong lupa matatagpuan ang Bagong Jerusalem, ang makalangit na lungsod. Sa bagong lupa din makikita ang pasukang yari sa perlas at mga lansangang yari sa ginto.

Langit – ang bagong lupa – ay isang materyal na dako na kung saan ay maninirahan tayo na may niluwalhating pangangatawan (I Corinto 15: 35 – 58). Ang palagay na ang langit ay “nasa alapaap” ay wala sa Biblia. Wala rin sa Biblia ang palagay na tayo ay “mga espiritung palutang-lutang sa kalangitan.” Ang langit na mararanasan ng mga mananampalataya ay isang bago at walang kapintasang planeta na kung saan tayo ay maninirahan. Ang bagong lupa ay magiging malaya mula sa kasalanan, kasamaan, karamdaman, kahirapan at kamatayan. Ito ay maaring kawangis ng ating kasalukayang mundo, at marahil ay muling pagkaliha ng ating kasalukuyang mundo, ngunit wala ng sumpa ng kasalanan.

Ano naman ang patungkol sa bagong langit? Mahalagang tandaan na sa sinaunang kaisipan, ang “langit” ay tumutukoy sa himpapawid at kalawakan, ganoon din sa kaharian na pinaninirahan ng Dios. Kung gayon, ang binabangit na bagong langit sa Pahayag 21:1 ay maaring nagpapahiwatig na ang buong sandaigdig ay muling lilikhain – isang bagong lupa, bagong himpapawid at bagong kalawakan. Tila waring ang buong kalangitan ng Dios ay muling lilikhain rin upang mabigyan ang lahat ng bagay sa sandaigdigan ng isang “panibagong panimula,” maging pang-katawan o pang-ispiritual. Maari ba tayong makapunta sa bagong langit? Marahil, subalit kailangan pa nating maghintay upang malaman ito. Nawa ay hayaan nating ang salita ng Dios ang siyang humubog sa ating pang-unawa patungkol sa langit.

Balik sa Tagalog Home Page