Papaano ko mapagtagumpayan ang kasalanan sa aking buhay Kristiyano?

Tanong: "Papaano ko mapagtagumpayan ang kasalanan sa aking buhay Kristiyano?"

Sagot: Sinasabi ng Bibliya na kailangan nating mapagtagumpayan ang ating pagiging makasalanan.

(1) Ang Banal na Espiritu – Ang isang regalo na binigay sa atin ng Diyos upang maging matagumpay tayo sa ating pamumuhay bilang Kristiyano. Inihahambing ng Diyos ang gawa ng laman at ang bunga ng Banal na Espiritu sa aklat ng Galacia 5:16-25. Sa nasabing talata tayo’y tinawag upang lumakad sa Espiritu. “Ang lahat ng mga mananampalataya ay mayroon nang Banal na Espiritu, subalit nabanggit sa nasabing talata na tayo ay dapat lumakad sa Espiritu at handang sumunod sa kanyang kalooban. Ibig sabihin nito handang sumunod sa gabay at kalooban ng Banal na Espiritu sa halip ng sumunod sa kagustuhan ng ating laman.

Ang pagkakaiba na magagawa ng Banal na Espiritu sa buhay ng isang mananampalataya ay ipinakita sa buhay ni Pedro, bago pa man siya napuspos ng Banal na Espiritu pinabulaanan na niyang kilala niya si Hesus sa loob ng tatlong beses, matapos ito sinabi ni Pedro, sinabi niyang susundin niya si Kristo hanggang sa kanyang kamatayan. Matapos siya mapuspos ng Banal na Espiritu, Nagsalita siya ng buong tapang sa harap ng mga hudyo tungkol sa Tagapagligtas.

Ang isang tao ay naglalakad sa Espiritu kung hindi niya binabalewala ang gabay nito (“kagaya sa sinasabi ng 1 Thesalonica 5:19) sa halip mas hinahanap niyang mapuspos siya ng Espiritu (Efeso 5:18-21). Papaano ba mapupuspos ng Espiritu ang isang tao? Una sa lahat, ito ay naaayon sa pagpili ng Diyos. Pinili Niya ang ilang tao at pangyayari sa Lumang Tipan at inilagay Niya roon ang mga napili Niya at inatasan ang mga ito na tapusin ang trabaho na gusto Niyang matapos. (Genesis 41:38; Exodo 31:3; Mga Bilang 24: 2; 1 Samuel 10: 10; at iba pa.) Naniniwala ako na mayroong ebidensiya sa aklat ng Efeso 5: 18-21 at Colossas 3:16 na pinipili ng Diyos ang mga taong pinupuspos ang kanilang mga sarili sa Salita ng Diyos. At ito ang nagdadala sa atin sa ating susunod na talata.

(2) Ang Salita ng Diyos, Ang Bibliya – Sinasabi sa aklat ng 2 Timoteo 3: 16-17 na binigay sa atin ng Diyos ang Kanyang Salita upang maging handa tayo sa lahat ng mabubuting gawa. Itinuturo sa atin kung paano mabuhay at kung ano ang paniniwalaan, inihahayag din sa atin kung maling landas na ang pinili natin, tinutulungan tayong makabalik sa tamang landas, at ginagabayan tayong manatili sa tamang landas. Sinasabi sa aklat ng Hebreo 4:12 Sapagkat ang salita ng Diyos ay buhay at mabisa, higit na matalas kaysa alinmang tabak na magkabila’y talim. Ito’y tumatagos maging sa pinaghihiwalayan ng kaluluwa at espiritu, ng mga kasukasuan at ng utak sa buto, at nakakataho ng mga iniisip at binabalak ng tao. Sinasabi din ng Salmista ang kapangyarihan nitong makapag-bago ng buhay ng tao sa aklat ng Mga Awit 119: 9, 11, 105 at iba pang mga talata. Sinabihan rin si Joshue na ang susi sa kanyang tagumpay laban sa kanyang mga kalaban ay huwag kalimutan ang mga Salita ng Diyos sa halip pagbulay-bulayan ito araw man at gabi upang masunod niya ito. Sinunod niya ito, at ito ang naging susi ng kanyang tagumpay sa kanyang pakikipaglaban upang makamit ang lupang ipinangako ng Diyos.

Ang Salita ng Diyos kung minsan ay hindi natin sineseryoso, Ipinapakita natin na dinadala natin ang ating mga Bibliya sa bahay sambahan, nagbabasa tayo ng mga aklat debosyonal o nagbabasa tayo ng isang kabanata bawat araw, subalit nabigo tayong isaisip, pagnilay-nilayan at isabuhay ang mga ito. hindi rin tayo humihingi ng tawad sa mga kasalanang inihahayag ng Bibliya sa atin at higit sa lahat nabigo rin tayong papurihan ang Diyos sa mga regalong sinabi ng Bibliya na ibinigay Niya sa atin. Hindi natin pinagtutuonan ng pansin ang pagbabasa at pagbubulay-bulay sa Salita ng Diyos. Maaaring nagbabasa lang tayo kung pumupunta tayo sa simbahan o di kaya nagbabasa nga tayo ng Bibliya ng madalas subalit hindi naman natin ito pinag-aaralan at pinagbubulay-bulayan ng mas matagal upang mas lalong lumago ang ating buhay espiritwal.

Napaka-importante na kung hindi mo pa nakaugaliang pag-aralan ang salita ng Diyos sa araw-araw na paraan, at hindi mo pa rin itinatanim sa isip ang mga talata sa Bibliya na inihahayag sa iyong puso ng Banal na Espiritu, dapat simulan mo na itong gawin sa iyong buhay.

Hinihikayat rin kitang magsimula kang sumulat sa isang talaarawan, maaring sa kompyuter man o hindi kaya sa isang kuwaderno. gawin mo palagi ang paraang hindi mo iiwanan ang Salita ng Diyos na wala kang naisulat na makakatulong sa paglago ng iyong buhay espiritwal. Sinusulat ko palagi ang mga panalangin ko sa Diyos na humihinging tulungan Niya akong baguhin ang bahagi ng aking buhay na inihayag Niya sa akin na dapat ko nang baguhin. Ang Bibliya ay isang bagay na ginagamit ng Espiritu sa ating buhay at sa buhay ng iba (Efeso 6:17), isang mahalaga at pangunahing parte ng kalasag na binigay sa atin ng Diyos upang tulungan tayo sa ating pakikipaglaban sa ating buhay espiritwal (Efeso 6: 12-18)!

(3) Panalangin – Ito ay isa pang napakahalagang bagay na binigay ng Diyos. Ito ay palaging lumalabas sa bibig ng mga Kristiyano subalit nabigo naman silang gawin ito. Mayroon tayong mga pagtitipon-tipon para manalangin, panahon ng panalangin at iba pa, subalit hindi natin nasumpungan ang totoong gamit nito kagaya ng ibinigay na halimbawa ng mga naunang katawan ng mananampalataya (Mga Gawa 3:1; 4:31; 6:4; 13:1-3 at iba pa.). Paulit-ulit na binanggit ni Pablo kung paano siya nananalangin para sa mga taong kanyang mini-ministeryohan. Tayo kaya, kailan kaya natin gagamitin ang napakalaking prebilihiyo para manalangin na binigay sa atin ng Diyos. Binigyan tayo ng Diyos ng pangako tungkol sa panalangin (Mateo7:7-11; Lucas 18: 1-8; John 6: 23-27; 1John 5:14-15, at iba pa). Inilakip din ito ni Pablo sa kanyang isinulat bilang paghahanda sa labanang espiritwal (Efeso 6:18).

Gaano ba ito ba ito ka-importante? Kung titingnan natin muli si Pedro, makikita natin ang Salita ni Hesus sa kanya sa hardin ng Gethsemane bago pa man niya pabulaaanan na kilala niya si Hesus. Doon, habang nananalangin si Hesus, natutulog naman si Pedro. Ginising siya ni Hesus at sinabihang, Magpuyat kayo at manalangin para hindi kayo madaig ng tukso. Ang Espiritu’y nakahanda subalit mahina ang laman (Matthew 26:41). Ikaw, kagaya ni Pedro, gustong gawin kung ano ang tama subalit walang lakas na gawin ito. Kailangan nating sundin ang paalala ng Diyos na patuloy na hanapin, patuloy na kumatok, patuloy na humingi.. at ibibigay Niya ang kinakailangan nating lakas (Mateo 7:7f.).

Hindi ko sinasabing ang panalangin ay mahika. Ito’y hindi isang mahika. Ang Diyos ay kahanga-hanga. Ang panalangin ay isang simpleng pag-amin sa ating limitasyon at sa hindi nauubos na kapangyarihan ng Diyos at ang pagdulog sa Kanya para sa kalakasang magawa natin ang mga bagay na gusto Niyang gawin natin (hindi ang mga bagay na gusto nating gawin) (1 Juan 5:14-15).

(4) Ang Simbahan – Ang Simbahan ay kung minsan binabalewala rin natin. Noong pina-alis na ni Hesus ang Kanyang mga disipulo, pina-alis Niya ang mga ito ng dala-dalawa (Mateo 10:1). Kung babasahin natin ang misyonerong paglalakbay sa aklat ng mga Gawa, hindi sila umalis ng nag-iisa, sa halip umalis sila ng grupo, dala-dalawa o mas higit pa. Sinabi ni Hesus na kung mayroon mang dalawa o tatlo na nagtitipon sa Kanyang Pangalan, naroon Siya sa kalagitnaan nila (Mateo 18:20). Inutusan rin tayo ni Hesus na huwag talikuran ang pagtitipon tipon ng mga mananampalataya, at gamitin ang pagkakataong iyon na palakasin ang loob ng ilan sa pamamagitan ng pagmamahal at mabuting gawa (Hebreo 10:24-25). Sinabi rin ni Hesus na ipangumpisal natin ang ating mga pagkakamali sa iba (Santiago 5:16). Sinasabi sa Lumang Tipan, “Bakal ang nagpapatalim sa kapwa bakal at isip ang nagpapatalas sa kapwa isipan”(Proverbs 27:17) "Ang lubid na may tatlong pilipit ay hindi agad nalalagot." May lakas ang mas marami (Ecclesiastes 4:11-12).

Ang ilan sa mga nakilala ko ay nakasumpong ng kapatid sa pananampalataya at nagtitipon-tipon sila ng personal o sa pamamagitan ng telepono at ibinabahagi nila ang kani-kanilang mga karanasan sa kanilang buhay Kristiyano, kung papaano sila nahihirapan at iba pa. at nangakong manalangin para sa isa’t-isa upang ma-isabuhay ang mga salita ng Diyos sa kanilang mga relasyon.

Kung minsan ang pagbabago ay napakabilis kung dumating, kung minsan, dumarating ito ng mabagal. Subalit ipinangako sa atin ng Diyos na kung gagamitin natin ang Kanyang mga Salita, babaguhin Niya ang ating mga buhay. Magtiyaga tayo dahil alam naman nating tapat ang Diyos sa Kanyang mga pangako!

Balik sa Tagalog Home Page