Ano ba ang sinasabi ng Bibliya tungkol sa pagiging bakla? Ang pagiging bakla ba ay kasalanan?

Tanong: "Ano ba ang sinasabi ng Bibliya tungkol sa pagiging bakla? Ang pagiging bakla ba ay kasalanan?"

Sagot: Paulit-ulit at palaging sinasabi sa atin ng Bibliya na ang gawaing bakla ay isang kasalanan (Genesis 19: 1-13; Levitico 18:22; Roma 1: 26-27; 1 Corinto 6:9). Partikular na itinuturo ng Roma 1: 26-27 na ang pagiging bakla ay resulta ng pagtanggi at pagsuway sa Diyos. Kung ang isang tao ay patuloy na gumagawa ng kasalanan at patuloy na hindi nananampalataya, sinasabi ng Bibliya sa atin na “ipinagkakaloob sila ng Diyos” sa mas matindi pang kasalanan upang ipakita sa kanila ang kawalang saysay at kawalang pag-asa ng buhay na hiwalay sa Diyos. Ipinapahayag ng 1 Corinto 6:9 na ang mga baklang makasalanan ay hindi magiging bahagi ng kaharian ng Diyos. Hindi nilalang ng Diyos ang isang tao na may pagnanasa sa kanyang kahalintulad na kasarian. Sinasabi sa atin ng Bibliya na nagiging bakla ang isang tao dahil sa kasalanan (Roma 1: 24-27), at sa kahuli-hulihan dahil sa ito’y kanilang sariling kagustuhan. Ang isang tao ay maaaring isilang na mas malaki ang posibilidad na maging bakla, kagaya na lang halimbawa ng ang tao ay isinilang na may malaking posibilidad na gumawa ng dahas at iba pang mga kasalanan. Subalit hindi ito dahilan para sa mga taong mas piniling sundin ang kanilang mga makasalanang pagnanasa. Kung ang isang tao ay ipinanganak na mas may malaking posibilidad na madaling magalit, tama ba na magpa-alipin at sumunod siya sa naturang pagnanasa? Ang sagot ay Hindi! Katulad rin ito ng pagiging bakla. Subalit, hindi inilalarawan ng Bibliya ang pagiging bakla bilang “pinakamalaking” kasalanan kumpara sa iba. Ang lahat ng kasalanan ay nakagagalit sa Diyos. Ang pagiging bakla ay isa lamang sa maraming bagay na nakalista sa 1 Corinto 6: 9-10 na nagsasabing ito ang magiging hadlang para sa isang tao upang maging bahagi ng kaharian ng Diyos.

Ayon pa sa Bibliya, ang pagpapatawad ng Diyos ay maaaring kunin o tanggapin ng isang bakla, kagaya ng puwede rin itong tanggapin ng mga mamamatay tao, sumasamba sa diyus-diyosan, magnanakaw at iba pa. Nangako rin ang Diyos ng kalakasan para mapagtagumpayan ang kasalanan, kasali na ang pagiging bakla, at para sa lahat ng mananampalataya kay Hesu Kristo para sa kanilang kaligtasan (1 Corinto 6: 11; 2 Corinto 5: 17).

Balik sa Tagalog Home Page