Ano ba ang ipinahahayag ng Biblia patungkol sa pornograpya? Kasalanan ba ang pagtingin sa pornograpya?

Tanong: "Ano ba ang ipinahahayag ng Biblia patungkol sa pornograpya? Kasalanan ba ang pagtingin sa pornograpya?"

Sagot: Sa pagkaka-alam ko, ang pinaka-madalas na mga salita na hinahanap sa internet ay kaugnay sa pornograpya. Ang pornograpya ay laganap sa mundo sa kapanahunang ito. Marahil, higit pa sa anumang bagay, naging matagumpay si Satanas sa pagbaluktot at sa pagbibigay ng maling kahulugan sa pagtatalik. Kinuha niya ang isang maganda at tama (ang pagtatalik na may pagmamahal sa mag-asawang lalaki at babae) at pinalitan ng kalibugan, pornograpya, pangangalunya, panggagahasa at ang pagiging homoseksuwal. Ang pornograpya ay maaring maging unang hakbang sa isang napakadulas na dalusdos sa palala ng palalang kasamaan at imoralidad (Roma 6:19). Ang nakakagumong katangian ng pornograpya ay dokumentado. Tulad sa isang taong gumagamit ng bawal na gamot na kinakailangang gumamit ng mas marami at mas matapang na gamot upang maabot ang inaasaman na “high,” ang pornograpya ay humihila sa tao palalim ng palalim patungo sa matinding sekswal na pagkagumon at sa hindi maka-Dios na hangarin.

Ang tatlong pangunahing kategorya ng kasalanan ay ang pita ng laman, pita ng mata at kapalaluan sa buhay (1 Juan 2:16). Ang pornograpya ay tahasang dahilan na pumupukaw sa pita ng laman, at ng hindi maikakailang pita ng mata. Ang pornograpya ay tahasang hindi karapat-dapat at hindi kapuri-puring maging laman ng ating isip ayon sa Filipos 4:8. Ang pornograpya ay umaalipin(1 Corinto 6:12; 1 Pedro 2:19) at mapaminsala ( Kawikaan 6: 25-28; Ezekiel 20:30; Efeso 4:19). Ang mahalay na pagnanasa sa isang tao sa ating isipan, na siyang diwa ng pornograpya, ay nakagagalit sa Dios (Mateo 5:28). Kapag ang isang tao ay kilala na may pinagkagawiang pagkalinga sa pornograpya , ito ay patunay na ang taong ito ay hindi ligtas (1 Corinto 6:9)

Para naman sa mga taong nasangkot sa pornograpya, kaya ng Dios na pagkalooban ka ng katagumpayan. Ikaw ba ay nasangkot sa pornograpya at nagnanais na magkaroon ng kalayaan mula dito? Narito ang ilang mga hakbang patungo sa katagumpayan:

1) Ipahayag ang iyong kasalanan sa Dios (1 Juan 1:9); 2) Hilingin sa Dios na linisin, pag-ibahin at baguhin ang iyong pag-iisip (Roma 12:2); 3) Hilingin sa Dios na punuin Niya ang iyong isipan ng mga bagay na karapat-dapat at kapuri-puri ayon sa Filipos 4:8;

4) Pag-aralang angkinin ang katawan para kabanalan (1 Tesalonica 4:3-4); 5) Unawain ang tamang kahulugan ng pagtatalik at ipagkatiwala sa iyong asawa lamang ang pagtupad ng pangangailangang ito (1 Corinto 7: 1-5); 6) Kilalanin na kung ikaw ay lalakad sa patunubay ng Espiritu, hindi mo susundin ang pita ng laman (Galacia 5:16);

7) Gumawa ng kapaki-pakinabang na mga hakbang upang mabawasan ang pagkakalantad sa mga di-kaaya-ayang mga larawan. Maglagay ng mga programang hahadlang sa pornograpya sa inyong kompyuter; bawasan ang panonood ng telebisyon at video; at humanap ng kapwa kristiano na ipapanalangin, tutulungan at pangangalagaan ka upang maging katiwa-tiwala.

Balik sa Tagalog Home Page

Ano ba ang ipinahahayag ng Biblia patungkol sa pornograpya? Kasalanan ba ang pagtingin sa pornograpya?