Ano ba ang mangyayari ayon sa propesiya ng katapusan ng panahon?

Tanong: "Ano ba ang mangyayari ayon sa propesiya ng katapusan ng panahon?"

Sagot: Maraming masasabi ang Bibliya tungkol sa katapusan ng panahon. Halos lahat ng mga aklat sa Bibliya ay naglalaman ng mga propesiya na ukol sa katapusan ng panahon. Ang pagtitipon sa lahat ng mga propesiyang ito at pag-oorganisa nito ay maaaring maging mahirap. Ang mga sumusunod ay isang maikling buod sa kung ano ang idinedeklara ng Bibliya na mangyayari sa katapusan ng panahon.

Kukunin ni Kristo ang lahat ng mga mananampalataya na parte ng simbahan (mananampalataya sa Bagong Tipan) mula sa mundo sa pamamagitan ng isang pangyayari na kilala bilang “the rapture” (1 Thessalonica 4:13-18; 1 Corinto 15:51ff). Ang mga mananampalatayang ito ay bibigyan ng gantimpala sa harapan ng Trono ni Kristo dahil sa kanilang mga mabubuting ginawa at serbisyo habang sila ay nandirito pa sa mundo o maaari ring mawalan sila ng gantimpala, subalit hindi mawawala ang kanilang buhay na walang hanggan, dahil sa kanilang hindi pagsunod o kakulangan sa pagsisilbi sa Diyos (1 Corinto 3:11-15; 2 Corinto 5:10).

Ang anti-kristo ay ang mamumuno at lalagda ng kasunduang pangkapayapaan sa Israel sa loob ng pitong taon (Daniel 9:27). Ang pitong taong ito ay kilala bilang “the Tribulation.” Sa ganitong panahon, may mangyayaring matinding digmaan, tag-gutom, mga salot, at mga natural na mga trahedya. Ibubuhos ng Diyos ang kanyang poot sa kasalanan, kademonyohan at kasamaan. Ang “tribulation” ay naglalaman ng apat na mangangabayo ng apokalipsis, at ang pitong selyo, trumpeta at mangkok ng hatol.

Kalagitnaan ng pitong taon, puputulin ng anti-kristo ang kasunduan pangkapayapaan nito sa Israel at magsasagwa ng digmaan laban dito. Magsasagawa ang anti-kristo ng abominasyon ay magtatayo ito ng imahe ng kanyang sarili upang ito ang sambahin sa mga templo (Daniel 9:27; 2 Thessalonica 2:3-10). Ang ikalawang bahagi ng “tribulation” ay kilala bilang “the great tribulation” at ang pagtatapos ng suliranin ni Jacob.

Ang katapusan ng pitong taong “tribulation,” ay aatakehin ng anti-kristo ang Jerusalem, at magsisimula ang pinakamatinding labanan ng Armageddon. Babalik na si Kristo, lulupigin ang anti-kristo at ang kanyang mga tauhan at itatapon sila sa lawa ng apoy (Pahayag 19:11-21). Pagkatapos nito’y tatalian ni Kristo si satanas sa kailalimlaliman ng mundo sa loob ng isan-libong taon at Siya’y maghahari sa mundo sa loob ng isan-libong taon (Pahayag 20:1-6).

Sa katapusan ng isan-libong taon, pakakawalan si satanas, matatalo uli, at pagkatapos itatapon sa lawa ng impiyerno (Pahayag 20:7-10). Pagkatapos ay hahatulan ni Kristo ang lahat ng mga hindi mananampalataya (Pahayag 20:10-15) sa harap ng dakilang puting trono, at itatapon silang lahat sa lawa ng apoy. Pagkatapos nito’y aakayin ni Kristo sa bagong langit, bagong mundo at bagong Jerusalem – ang walang katapusang tahanan ng mga mananampalataya. Wala nang mga kasalanan, paghihinagpis, o kamatayan (Pahayag Kabanata 21-22).

Balik sa Tagalog Home Page

Ano ba ang mangyayari ayon sa propesiya ng katapusan ng panahon?