Papaano ba ako mapupuno ng Banal na Epiritu?

Tanong: "Papaano ba ako mapupuno ng Banal na Epiritu?"

Sagot: Ang talata sa Bibliya na tumatalakay sa pagpupuno ng Banal na Espiritu sa panahong ito ay ang Juan 14: 6, na kung saan ipinangako ni Hesus na mananahan sa mga mananampalataya ang Banal na Espiritu at ang pananahan na iyon ay permanente. Importanteng malaman natin ang kaibahan ng pananahan at pagpupuspos ng Espiritu. Ang permanenteng pananahan ng Espiritu ay hindi lamang para sa ilang mga piniling mananampalataya, sa halip para sa lahat ng mga mananampalataya. Mayroong ilang mga katibayan sa Bibliya na sumusuporta sa ganitong konklusyon. Ang una ay ang Banal na Espiritu ay isang regalo na ibinibigay sa lahat ng mga mananampalataya kay Kristo ng walang eksepsiyon at walang kondisyong inilalagay sa ganitong regalo maliban na lang sa pananampalataya kay Kristo (Juan 7:37-39). Ang pangalawa ay ang Banal na Espiritu ay ibinibigay sa panahon ng kaligtasan. Ipinapakita ng Efeso 1: 13 na ang Banal na Espiritu ay ibinibigay sa panahong nagkamit ng kaligtasan ang isang tao. Sinasabi rin ng aklat ng Galacia 3: 2 ang ganitong kahalintulad na katotohanan na ang pag-seselyo at ang pananahan ng Espiritu ay nangyayari sa oras ng pananampalataya. Pangatlo, ang Banal na Espiritu ay nananahan sa mananampalataya ng permanente. Ang Banal na Espiritu ay binigay sa mga mananampalataya bilang paunang bayad, o beripikasyon ng kanilang paparating na kaluwalhatian kay Kristo (2 Corinto 1:22; Efeso 4:30).

Ito ay kasalungat sa pagpupuno ng Espiritu na makikita sa aklat ng Efeso 5: 18. Dapat tayong lubos na magpasailalim sa Banal na Espiritu upang tayo ay Kanyang lubos na mapuspos. Sinasabi ng Roma 8:9 at Efeso 1:13-14 na Siya ay nananahan sa lahat ng mga mananampalataya, subalit maaari siyang malungkot (Efeso 4: 30), ang Kanyang aktibidad sa atin ay maaaring maubos (1 Tesalonica 5: 19). Kung ating papahintulutan na mangyari ito hindi natin mararanasan ang kabuuan ng trabaho at kapangyarihan ng Banal na Espiritu sa ating mga buhay. Upang mapuspos tayo ng Espiritu nangangahulugan ito ng kalayaan para sa Kanya na ukupahin ang lahat ng bahagi ng ating mga buhay, gagabayan at kokontrolin tayo. Ang pagpupuno ng Banal na Espiritu ay hindi lamang naaayon sa panlabas nating ginagawa; naaayon rin ito sa kailalim-laliman ng ating mga iniisip at motibo ng ating mga aksiyon. Sinasabi ng Awit 19: 14, “Nawa’y itong salita ko at ang aking kaisipan, sa Iyo ay makalugod, Panginoon ko at kanlungan, O Ikaw na kublihan kong ang dulot ay kaligtasan.”

Ang kasalanan ay ang siyang naghihiwalay sa atin sa pagpupuno ng Banal na Espiritu, at ang tapat na pagsunod sa Diyos ay ang paraan ng pagpapanatili sa Espiritu. Kahit na ang ating layunin ay mapuspos ng Banal na Espiritu kagaya ng sinasabi ng Efeso 5: 18, ang pananalangin na mapuno tayo ng Banal na Espiritu ay hindi nagreresulta sa pagpuspos sa ating ng Espiritu. Tanging ang ating tapat na pagsunod sa mga utos ng Diyos ang siyang nagbibigay ng kalayaan sa Espiritu na magtrabaho sa ating mga buhay. Sapagkat tayo ay mga makasalanang nilalang, napaka-imposible para sa atin na mapuno tayo ng Banal na Espiritu sa lahat ng oras. Dapat nating harapin ang mga kasalanan sa ating mga buhay, at isabuhay muli ang ating pangako na mapuspos at mapangunahan ng Banal na Espiritu.

Balik sa Tagalog Home Page