Ko e ha nai hono ‘uhinga ke te tali ai ‘a Sisu ko hoto fakamo’ui fakaekita ia?




Fehu’i: Ko e ha nai hono ‘uhinga ke te tali ai ‘a Sisu ko hoto fakamo’ui fakaekita ia?

Tali:
Kuo ke tali nai ‘a Sisu Kalaisi ko ho fakamo’ui fakaekita ia? Ke mahino lelei kiate koe ‘a e fehu’i ko eni, kuopau ke ke tomu’a mahino’i ‘a e fo’I lea ko e “Sisu Kalaisi,” “fakaekita” pea mo e “fakamo’ui”.

Ko hai ‘a Sisu Kalaisi? Tokolahi e kakai te nau fakaha ko Sisu Kalaisi ko e tangata lelei, ko e faiako lelei, pea ko e palofita ‘a e ‘Otua. Ko e ngaahi me’a kotoa ko eni ‘oku matu’aki mo’oni ‘aupito ia felave’i mo Sisu, ka ‘oku ‘ikai ke kakato ai ‘a hono fakamatala’i koia pe ko hai ia. ‘Oku tala mai ‘e he tohitapu kiate kitautolu, ko Sisu ko e ‘Otua ia ‘oku ha kakano mai, pe ko e ‘Otua ia kuo ‘ai kakano (vakai kia Sione 1:1, 14). Ne ha’ele mai ‘a e ‘Otua ki mamani ke ne ako’i kitautolu, fakamo’ui kitautolu, fakatonutonu kitautolu, fakamolemole’i kitautolu-pea mo pekia ma’a kitautolu! Ko Sisu kalaisi ko e ‘Otua, ko e Fakatupu, pea ko e ‘Eiki mafimafi. Kuo ke tali nai ‘a Sisu ko eni?

Ko e ha ‘a e fakamo’ui, pea ko e ha nai ‘a e ‘uhinga ‘oku tau fiema’u ai ha fakamo’ui? ‘Oku talamai ‘e he tohitapu kuo tau fai angahala kotoa; kuo tau fai hala hono kotoa (Loma 3:10-18). Pea ko hono ola leva ‘o ‘etau fai angahala, ‘oku tuha ke tau a’usia ‘a e houhau mo e fakamaau ‘a e ‘Otua. Ko e tautea totonu pe ‘o e ngaahi angahala kuo tau fakahoko ‘o talangata ki he ‘Otua ‘oku laui kuonga pea ta’engata, ko e tautea ‘oku ta’engata mo ta’e fa’alaua. (Loma 6:23; Tohi Fakaha 20:11-15). Ko e ‘uhinga ia ‘oku tau fiema’u ai ha tokotaha ko hotau taukapo mo fakamo’ui.

Na’e hifo mai ‘a Sisu ki mamani ‘o pekia ia ma’a tautolu. Ko e pekia koia ‘a Sisu, ko e totongi ta’engata aipe ia ‘o ‘etau ngaahi angahala. (2 Kolinito 5:21). Na’e pekia ‘a Sisu ke totongi’aki ‘a e tautea ‘o ‘etau ngaahi angahala (Loma 5:8). Kuo totongi ‘e Sisu ia ‘a ‘etau mo’ua, ko e ‘uhii ka e ‘oua te tau to e totongi. Ko e toetu’u koia ‘a Sisu mei he pekia ke fakamahino na’e fe’unga ‘anoa pe ‘a ‘ene pekia ki hono totongi’aki ‘a e tautea ‘o ‘etau ngaahi angahala. Ko e ‘uhinga ia ‘oku hoko tokotaha aipe ‘a Sisu ko hotau fakamo’ui (Sione 14:6; Ngaue 4:12)! ‘Oku k etui kia Sisu ko ho fakamo’ui ia?

Ko Sisu nai ‘a ho’o “ taukapo mo e fakamo’ui fakaekita? ‘Oku pehee ‘e he kakai ‘e ni’ihi ko e Kalisitiane,ko e ma’u lotu, fakahoko ‘a e ngaahi ouau ‘a e lotu pea mo faka’ehi’ehi mei fai angahala. ‘Oku ‘ikai ko e Kalisitiane ia. Ko e Kalisitiane mo’oni ia, ko e vaa fakaekita ia pea mo Sisu Kalaisi. Tali ‘a Sisu ko ho taukapo mo fakamo’ui fakaekita, pea ‘oku ‘uhinga ia ke ‘oatu ‘a ‘ete tui mo ‘ete falala fakaekita kia Sisu Kalaisi. ‘Oku ‘ikai ke fakahaofi kita ia ‘e ha tui ‘a ha kakai kehe. ‘Oku ‘ikai ke fakamolemole’i kitautolu ia ko e ‘uhi ko ha’atau fakahoko ha fa’ahinga ngaue. Ko e founga pe ke fai’aki hotau fakamo’ui, ko ho’o tali ‘e koe ‘a Sisu ko ho fakamo’ui, tui ko ‘ene pekia ko e totongi ia ‘o ‘etau ngaahi angahala pea ko ‘ene toetu’u ko hono fakapapau’i aipe ia ‘o ho’o ma’u ‘a e mo’ui ta’engata (Sione 3:16). Ko Sisu nai ‘a ho’o taukapo mo fakamo’ui fakaekita?

“Kapau leva ‘oku ke fie tali ‘a Sisu Kalaisi ko ho taukapo ia mo fakamo’ui fakaekita, pea ke lau ‘a e ‘u lea ko eni ki he ‘Otua. Manatu’I, ko ho’o fai ‘a e lotu ko eni pe ko ha to e lotu ange ‘e ‘ikai ke ne fakahaofi ‘eia koe. Ko e tui pe kia Sisu Kalaisi pea mo e ngaahi ngaue kuo ne lava’I ‘I he funga kolosi ma’au, ko e me’a pe ia te ne fakahaofi ko e mei ho’o angahala. Ko e lotu ia ko eni, ko e founga pe ia ‘a ho’o fakaha ki he ‘Otua ‘a ho’o tui kiate ia, pea mo fakamalo kiate ia ‘I he’ene hoko ko e fakamo’ui pea mo e taukapo. “ ‘Eiki, ‘oku ou ‘ilo pe kuo u fai angahala ki he ‘afio na pea ‘oku tuha mo taau ke tautea’i au. Ka ‘oku ou tui na’e fua kotoa ‘e Sisu Kalaisi ia ‘a hoku ‘u tautea na’e totonu ke u fua, ko e ‘uhi ke fou ‘i he tui kiate ia, ‘e fai ai ‘a hoku fakamolemole’i. ‘Oku ou tali ‘a ho’o fakamolemole pea ‘oku foaki atu ‘a ‘eku falala kiate koe ke fai hoku fakamo’ui. ‘Oku ou tali ‘a Sisu ko hoku taukap ia! Malo ‘a e ma’u kelesi fungani pea mo e fakamolemole – ko e me’a’ofa ia ‘o e mo’ui ta’engata!”

Kuo ke fai nai ha’o fakakaukau fekau’aki mo Kalaisi ko e ‘uhi pe ko e me’a koia kuo ke lau ‘I heni, Kapau leva koia, pea ke kataki mu’a ‘o lomi’i ‘a e fo’I me’a lomi ko ena ‘I lalo ‘oku pehee “Kuo u tali ‘a Sisu ‘i he ‘aho ni.”



Foki ki he peesi mu’a Faka-Tonga



Ko e ha nai hono ‘uhinga ke te tali ai ‘a Sisu ko hoto fakamo’ui fakaekita ia?