میرے لئے صحیح مذہب کونسا ہے؟



سوال: میرے لئے صحیح مذہب کونسا ہے؟

جواب:
اصلی کھانے کے علاوہ جو دیگر کھانے ہوتے ہیں جیسے پیزا، چاؤ مین، بر گر وغیرہ وہ ہوٹلیں جہاں یہ دستیاب ہو تے ہیں وہ ہمیں پھسلا تے ہیں کہ ہم ان کھانوں کو مینیو کے مطابق اپنے گھروں پر منگوا سکتےہیں۔ کچھ کافی کی بڑی دکانیں اپنی بڑائی منوانے کے لئے سو سے زیادہ ذائقوں اور اقسام کی کافی پیش کرنے کا دعوی کرتے ہیں۔ یہاں تک کہ گاڑیاں اور مکان خریدتے وقت بھی ہم ان ہی گاڑیوں اور مکانوں کا چناؤ کرتے ہیں جن میں ہماری پسند کی خصوصیتیں اور سہولیتیں پائی جائیں۔ موجودہ زمانہ میں ہم صرف چاکلیٹ، وینیلا اور اسٹرا بیری پر ہی منحصر نہیں رہ سکتے۔ چناؤ بادشاہ ہے! آج دنیاوی چیزیں ویسے ہی دستیاب ہیں جیسے آپکی شخصی خواہشات اور ضرورت کے مطابق ہوں۔

سو اسی طرح مذہب کے بارے میں بھی جو آپ کے لئے صحیح ہو۔ کیا آپ کسی ایک مذہب کے بارے میں کہہ سکتے ہیں کہ وہ خطا واری سے مبرا ہے جس کا کوئی مطالبہ نہ ہو، تقاضا نہ ہو۔ کئی ایک آوازیں ہمارے دھیان کے لئے کانوں میں گونجتے ہیں کہ محمد یا دو خیالات کے حامی، بدھ یا چارلس ٹیز رسل یا جو سف اسمتھ ان سب سے زیادہ ایک شخص کو یعنی یسوع پر کیوں توجہ دیناچاہئے؟ آخر کار کیا یہ تمام راستے جنت کی طرف رہنمائی نہیں کر تیں؟ بنیادی طور سے کیا تمام مذاہب ایک جیسے ہیں؟ حقیقت تو یہ ہے کہ تمام مذاہب جنت کی طرف نہیں لےجاتے جس طرح تمام سڑکیں انڈیانہ (امریکہ کا ایک مشہور شہر) کی طرف نہیں لے جاتیں۔

یسوع اکیلا خدا کے اختیارکے ساتھ کلام کرتاہے کیونکہ صرف یسوع نے موت پر فتح پائی۔ محمد ، دوخیالات کے حامی اور دیگر اب تک اپنی قبروں میں زائل ہو چکے ہیں۔ مگر یسوع اپنی خود کی قوت کے ذریعہ ایک ظالمانہ رومی صلیب پر مرنے کے تیسرے دن قبر سے نکل آیا۔ کیا کوئی ایسا شحص ہے موت پر قدرت کے ساتھ ہمارے دھیان کا حقدار ہو؟ کوئی ایسا شخص موت پر قدرت کے ساتھ سننے کا حق رکھتا ہو۔

یسوع کے جی اٹھنے کے لئے جو ثبوتیں مددگار ثابت ہوتے ہیں وہ زبردست ہیں۔ پہلا ہے کہ وہ پانچ سو سے زیادہ اشخاص جو مسیح کے جی اٹھنے کے آنکھوں دیکھی گواہ ہیں! اس کے علاوہ او ربھی لوگ آنکھوں دیکھی گواہ تھے۔ ان پانچ سو اشخاص کی آوازوں کو نظر انداز نہیں کیا جا سکتا۔ پھر ایک اور ثبوت ہے اس کی خالی قبر۔ یسوع کے دشمن اس کی موت سے زندہ ہونےکے معاملات کو لے کر اس کی مردہ لاش کو خراب کرکے آسانی سے دبا سکتے تھے۔ مگر ثبوت کے لئے ان کے پاس یسوع کی مردہ لاش نہیں تھی کیونکہ وہ مردوں میں سے جی اٹھا تھا! اس کی قبر خالی تھی اور آج بھی خالی ہی ہے!

دشمنوں نے افواہ پھیلایا کہ اس کے شاگرد یسوع کی مردہ لاش کو چرا کر لے گئے۔ کیا رومی حکومت کے سخت حفاظتی انتظام کے تحت کبھی ایسا ہو سکتا تھا؟ یہ بہت ہی مشکل تھا۔ اس طرح کےاتفاقی واقعہ کو روکنے کے لئے ہتھیاروں سے لیس رومی سپاہیوں کی سخت پہرے داری میں یسوع کی مردہ لاش کو رکھا گیا تھا۔ قبر کے منہ کو بند کر کے اس پر رومی سلطنت کی مہر لگا دی کئی تھی۔ اس کے نزدیکی دو شاگرد کو چھوڑ دیگر شاگرد خوف کے مارے اس کی گرفتاری اور مصلوبیت کے وقت اس کو چھوڑ کر بھاگ گئے تھے۔

یہ بالکل سوچنے سے باہر ہے کہ یہ پھٹیچر خوفزدہ مچھوارے ایک تربیت شدہ پیشہ آور رومی سپاہیوں کا مقابلہ کرسکیں گے اور نہ ہی یہ امید کی جا سکتی تھی کہ یہ اپنی جانوں کی قربانی دے کر شہیدوں میں شمار کئے جائیں گے جیسےان میں سے اکثر سازش اور دھوکے سے مار ڈالے گئے۔ ایک سیدھی سادھی سچائی یہ ہے کہ یسوع کے جی اٹھنے کی بابت سمجھایا نہیں جا سکتا۔

دوبارہ سے وہ جو موت پر قدرت رکھتا ہے وہ سننے کا بھی حق رکھتا ہے۔ یسوع نے موت پر اپنی قدرت رکھنے کا ثبوت پیش کیا۔ اس لئے وہ جو کہتاہے اسے سننے کی ضرورت ہے۔ یسوع نجات لئے ایک ہی راستہ ہونےکا دعوی پیش کر تاہے (یوحنا 14:6) وہ ایک راستہ نہیں ہے۔ وہ کئی ایک راستوں میں سے ایک راستہ نہیں ہے۔ بلکہ وہی ایک راستہ ہے۔

یہی یسوع کہتا ہے "اے سب تھکے ماندے اور بوجھ سے دبے ہوئے لوگو! سب میرے پاس آؤ، میں تمہیں آرام دوں گا"۔ (متی 11:28)۔ یہ دنیا جس میں جی رہے ہیں وہ بہت سخت اور مشکلوں سے بھری ہوئی ہے۔ ہم میں سے بہت سے ہیں جو خون سے لت پت ہیں، خون سے سنے ہوئے ہیں۔ لعنتی ہیں۔ کچلے ہوئے ہیں۔ شیطان سے جنگ ہار کر زخم آلودہ ہیں۔ کیا آپ اسے مانتے ہیں؟ ایسی حالت میں آپ کیا چاہتے ہیں؟ بحالی یا اور زیادہ مذہبوں کے چکر میں پھنسنا؟ آپ کو ایک زندہ نجات دہندہ کی ضرورت ہے یا بہت سے مرےہوئے پیر پیغمبر اور نبیوں کی؟ آپکو ایک پر معنی رشتہ کی ضرورت ہے یا رسم پرستی کی جو ظاہرا اور دکھاوےکے علاوہ اور کچھ نہیں ہے؟

یسوع کئی ایک چناؤں میں سے ایک چناؤ نہیں ہے بلکہ یسوع ہی چناؤ ہے اگر آپ معافی کی امید کر تے ہیں تو یسوع ایک "صحیح مذہب" ہے۔ صحیح دین الہی ہے (اعمال 10:43)۔ اگر آپ خدا کے ساتھ ایک پر معنی رشتہ کی امید کرتےہیں تویسوع ایک صحیح مذہب ہے (یوحنا 10:10)۔ اگر آپ جنت میں ابدی مکان کی تلاش میں ہیں تو یسوع ایک صحیح مذہب ہے (یوحنا 3:16)۔ یسوع مسیح کو اپنا نجات دہندہ بطور قبول کرتے ہوئے اس پر ایمان لائیں۔ آپ کو اس سے کبھی پچھتاوا نہیں ہوگا۔ آپ اپنے گناہوں کی معافی کے لئے یسوع مسیح پر بھروسہ کریں آپ کبھی بھی نا امید نہیں ہوں گے۔ اگر آپ خدا کے ساتھ ایک صحیح رشتہ رکھنا چاہتے ہیں تو یہاں ایک نمونہ کی دعا پیش کی گئی ہے: یاد رکھیں کہ اس دعا کو یا کسی اور دعا کو کرنے سے آپ بچائے نہیں جائیں گے۔ صرف اور صرف مسیح یسوع پر بھروسہ کرنے سے ہی آپکو گناہوں کی معافی مل سکتی ہے۔ یہ دعا محض خدا پر آپ کے ایمان اور شکر گزاری کو ظاہر کرتا ہے جو اس نے آپکے لئے معافی کا انتظام کیا ہے۔ "اے خدا میں جانتا ہوں کہ میں نے تیرے خلاف گناہ کیا ہے اور سزاکا حقدار ہوں مگر جس سزاکا میں حقدار تھا اس کو یسوع مسیح نے اٹھا لیا ہے تاکہ اس پر ایمان رکھنے کے وسیلے سے میرے گناہ معاف ہو سکتے ہیں۔ نجات کے لئے میں تجھ پر بھروسہ کرتا ہوں۔ تیرے اس عجیب فضل اور بخشش کے لئے تیرا شکریہ! آمین"۔

جو بھی کچھ آپ نے یہاں پڑھا ہے اس کی بنیاد پر کیا آپ نے مسیح کے لئے فیصلہ لیا ہے؟ اگر آپکا جواب ہاں میں ہے تو برائے مہربانی اس جگہ پر کلک کریں جہاں لکھا ہے کہ آج میں نے مسیح کو قبول کر لیا ہے۔



اردو ہوم پیج میں واپسی



میرے لئے صحیح مذہب کونسا ہے؟