Xana Se U Byi Kumile Vutomi Lebyi Nga Heriki?




Xivutiso: Xana Se U Byi Kumile Vutomi Lebyi Nga Heriki?

Nhlamulo:
Bibele yi hi komba ndlela yo olovo yo kuma vutomi lebyi nga heriki. Xo sungula, hi fanele hi tiva leswaku hi dyohele Xikwembu: "Hikuva hinkwavo va dyohile, naswona va kayivela ku vangama ka Xikwembu" (Varhoma 3:23). Hinkwerhu hi endlile swilo leswi nga xi tsakisiki Xikwembu, leswi endlaka hi faneriwa hi nxupulo. Tanihi leswi hi dyoheleke Xikwembu xa hilaha ku nga heriki eka swidyoho swa hina hinkwaswo, hi faneriwa hi xigwebo lexi nga heriki. "Hikuva hakelo leyi tisiwaka hi xidyoho i rifu, kambe nyiko leyi nyikiwaka hi Xikwembu i vutomi lebyi nga heriki ha Kreste Yesu Hosi ya hina" (Varhoma 6:23).

Hambiswiritano, Yesu Kreste, N’wana wa Xikwembu hilaha ku nga heriki, wo pfumala xidyoho (1 Petro 2:22), u ve munhu (Yohane 1:1,14) ivi afa leswaku a riha nandzu wa hina. "Kambe Xikwembu xi tiyisekise rirhandzo ra xona n’wini eka hina, hileswi Kreste a hi feleke loko ha ha ri vadyohi" (Varhoma 5:8). Yesu Kreste u fele exihambanweni (Yohane 19:31-42), a susa xigwevo lexi hi fanelaka (2 Vakorinto 5:21). Endzhaku ka masiku manharhu u pfukile eku feni (1 Vakorinto 15:1-4), a kombisa ku hlula ka Yena xidyoho ni rifu. "Hikwalaho ka tintswalo ta xona letikulu xi hi veleke hi vuntshwa eka ntshembo lowu hanyaka hi ku pfuxiwa ka Yesu Kreste eka lava feke" (1 Petro 1:3).

Hi ripfumelo, hi fanele hi cinca langutelo ra hina malunghana na Kreste – leswaku i mani Yena, U endle yini, naswona hikwalahokayini – leswaku hi ponisiwa (Mintirho 3:19). Loko hi veka ripfumelo rerhu eka Yena, hi tshemba rifu rakwe exihambanweni leswaku ri ta riha swidyoho swa hina, hi ta rivaleriwa ivi hi kuma xitshembiso xa vutomi lebyi nga heriki etilweni. "Hikuva Xikwembu xi rhandze misava swinene xi kala xi nyikela hi N’wana wa xona la tswariweke a ri swakwe, leswaku un’wana ni un’wana loyi a kombisaka ripfumelo eka yena a nga lovisiwi kambe a va ni vutomi lebyi nga heriki" (Yohane 3:16). "Hikuva loko u ri vula erivaleni rito leri nga enon’wini wa wena n’wini, leswaku Yesu i Hosi, ni loko u kombisa ripfumelo embilwini ya wena ra leswaku Xikwembu xi n’wi pfuxile eka lava feke, u ta ponisiwa" (Varhoma 10:9). Ndlela yin’we yo kuma vutombi lebyi nga heriki i ku kombisa ripfumelo ntsena eka rifu ra Yesu exihambanweni! "Hakunene, hi musa lowu lowu nga faneriwiki, mi ponisiwile hi ripfumelo, naswona leswi a swi vangiwanga hi n’wina, I nyiko ya Xikwembu" (Vaefesa 2:8-9).

Loko u lava ku amukela Yesu Kreste a va Muponisi wa wena, hi lexi xikhongelo xa xikombiso. Tiva leswaku ku vula xikhongelo lexi kumbe xikhongelo xihi ni xihi a swi nge ku ponisi. I ku tshembela ka Kreste ntsena leswi nga ku ponisaka exidyohweni. Xikhongelo lexi xo va ndlela yo komba Xikwembu ripfumelo ra wena ni ku xi khensa hi ku ku ponisa. "Xikwembu, ndza swi tiva leswaku ndzi ku dyoherile naswona ndzi faneriwa hi xigwevo. Kambe Yesu Kreste u suse xigwevo lexi ndzi fanelaka leswaku hi ku pfumela eka Yena ndzi kota ku rivaleriwa. Ndzi veka ntshembo wa mina eka wena leswaku u ndzi ponisa. Ndzi khensa nsovo wa wena lowunene ni ndzivalelo wa wena – nyiko ya vutomi lebyi nga heriki! Amen!"

Xana se u xi endlile xiboho xo amukela Kreste hikwalaho ka leswi se u swi hlayeke laha? Loko swi ri tano, tshikelela batheni la hansi leyi nge "Se ndzi amukele Kreste namuntlha."



Tlhelela eka tluka nkulu ra Xitsonga



Xana Se U Byi Kumile Vutomi Lebyi Nga Heriki?