Spurning
Hvert er hjálpræðið?
Svar
Hungrar þig? Ekki líkamlega, heldur hungrar þig eftir einhverju meira í lífinu? Er eitthvað djúpt innra með þér sem aldrei virðist hægt að fullnægja? Sé svo, þá er Jesús svarið! Jesús sagði: „Ég er brauð lífsins. Þann sem mun ekki hungra, sem til mín kemur,, og þann aldrei þyrsta sem á mig trúir” (Jóhannes. 6:35).
Ertu ráðvilltur? Geturðu aldrei fundið rétta braut eða tilgang í lífinu? Virðist þér sem einhver hafi slökkt ljósin og þú getir ekki fundið kveikjarann? Sé svo, þá er Jesús svarið! Jesús kunngerði: „Ég er ljós heimsins. Sá sem fylgir mér, mun ekki ganga í myrkri, heldur hafa ljós lífsins” (Jóhannes. 8:12).
Finnst þér stundum sem lífið hafni þér? Hefurðu gengið í gegnum svo margar dyr til þess eins að skilja, að það sem að baki þeim býr er auðn og markleysa? Ertu að leita að inngangi að innihaldsríku lífi? Sé svo, er Jesús vegurinn! Jesús sagði, „Ég er dyrnar. Sá sem kemur inn um mig, mun frelsast. Hann mun ganga inn og út, og finna haga” (Jóhannes 10.9).
Bregðast allir þér ávallt? Hafa sambönd þín verið yfirborðskennd og innantóm? Virðist þér sem verið sé að reyna að hafa gott af þér? Sé svo, er Jesús vegurinn! Jesús sagði: „Ég er góði hirðirinn. Góði hirðirinn leggur líf sitt í sölurnar fyrir sauðina ... Ég er góði hirðirinn og þekki sauði mína, og mínir þekkja mig.“ (Jóhannes 10:11,14).
Veltirðu fyrir þér hvað verði eftir þetta líf? Ertu þreytt eða þreyttur á að lifa lífinu fyrir hluti sem rotna eða ryðga? Efastu stundum um, hvort lífið hafi nokkurn tilgang? Langar þig að lifa eftir dauðann? Sé svo, er Jesús vegurinn! Jesús kunngerði: „Ég er upprisan og lífið. Sá sem trúir á mig, mun lifa, þótt hann deyi. Og hver sem lifir og trúir á mig, mun aldrei að eilífu deyja” (Jóhannes 11:25-26).
Hver er vegurinn? Hver er sannleikurinn? Hvað er lífið? Jesús svaraði: „Ég er vegurinn, sannleikurinn og lífið. Enginn kemur til föðurins nema fyrir mig” (Jóhannes 14:6).
Hungrið sem þú finnur fyrir er andlegt, og verður aðeins satt af Jesú. Jesús er sá eini sem getur aflétt myrkrinu. Jesús er hliðið að innihaldsríku lífi. Jesús er vinurinn og hirðirinn sem þú hefur leitað. Jesús er lífið – í þessu lífi og því næsta. Jesús er vegur frelsisins!
Ástæða þess að þig hungrar, ástæða þess þú virðist týndur í myrkri, ástæða þess að þú finnur ekki innihald í lífinu, er sú að þú ert aðskilinn frá Guði. Biblían kennir okkur að við höfum öll syndgað, og erum þess vegna aðskilin frá Guði (Prédikarinn 7:20; Rómverjabréfið 3:23). Tómið sem þú finnur í hjarta þér er fjarvera Guðs í lífi þínu. Við vorum sköpuð til að hafa samband við Guð. Vegna synda okkar erum við aðskilin frá honum. Það sem verra er, synd okkar veldur því að vera aðskilin frá Guði um alla eilífð, í þessu lífi og því næsta (Rómverjabréfið 6:23; Jóh. 3:36).
Hvernig er unnt að leysa þetta vandamál? Jesús er vegurinn! Jesús tók syndir okkur á sig (Seinna Korintubréf 5:21). Jesús dó fyrir okkur (Rómverjabréfið 5:8), tók á sig refsinguna sem við áttum skilið. Þremur dögum síðar reis Jesús upp frá dauðum og sannaði sigur sinn yfir synd og dauða (Rómverjabréfið 6:4-5). Hvers vegna gerði hann það? Jesús svaraði því sjálfur, „Enginn á meiri kærleik en þann að leggja líf sitt í sölurnar fyrir vini sína” (Jóhannes 15:13). Jesús dó svo við mættum lifa. Ef við trúum á Jesúm, trúandi því að með dauða sínum gjaldi hann fyrir syndir okkar – eru allar syndir okkar fyrirgefnar og þvegnar burt. Þá munum við fá hungur okkar satt. Ljósin munu kvikna. Við fáum aðgang að innihaldsríku lífi. Við munum þekkja sanna vininn okkar besta og góða hirðinn. Við munum vita að við öðlumst líf eftir að við deyjum – endurreist líf á himnum til eilífðar með Jesú. „Því svo elskaði Guð heiminn að hann gaf son sinn eingetinn, til þess að hver sem á hann trúir glatist ekki, heldur en hafi eilíft líf” (Jóhannes 3:16).
Hefurðu valið Krist eftir lestur þennan? Sé svo, þá vinsamlega ýttu á hnappinn hér að neðan „Ég hef tekið við Kristi í dag“
English
Hvert er hjálpræðið?
