Lirebha
Bukristo buli siina?
Likobosio
Sitaabu siaana khumenielesia khwe kamakhuwa siekesia omukristo khuba siindu silala who “omundu olomaloma khwisubila mu Yesu enga Kristo namwe mu diini khuloondekhana nende kamekesio ka Yesu.”Enge aano nanyala aaba abundu abulayi khurekikha, enge khumenielesia khubirira mu bitaabu bibiasuta bumenielesi biiba ne bipungukhibwa mu khuelesia mu bung’ali bwe Ebangeli enga lienyekha liamenielisibwa enga omukristo ne lili. Likhwaa omukristayo liarumikhwa khataru mu ndakano empiakha (sitaabu sie Bikholwa11:26);26:28;1Petero4:16). Baloondi ba Yesu Kristo baaba ba khuranga khulaangwa “bakristo” mu Andioka (Bikholwa 11:26) khubeela kimiima kiabwe, nibio baaba ne bakhola ne lilomaloma liabwe liaba enge Kristo. Likhwaa “Omukristo”mubusomi limaanisia “khuba noli mu aabo bali musipupu sia Kristo”namwe “omuloondi wa Kristo”.
Khabi ne eembi mbo bise enge biendeleya khubira, likhwaa “omukristayo”liabele ne litibia bulayi bwa lio, non liabeele ne lirumikha khu oyo oli mu diini namwe khu oyo oli ne liiba lilayi ne kakhali se ali omuloondi wa ng’ali wa Yesu Kristo tawe. Babaandu bakali bakhasuubila mu Yesu Kristo tawe bebona khuba bakristo khubeela busa betubaanga mu kanisa namwe ba menya mu lirambo/sibala sie “Bakristo”. Ne kakhali khuucha/ khwiitubaa mu kanisa, khuyeta aabo bakhenyala enga ewe tawe, namwe khuba busa omundu omulayi se likhukhola ewe khubaa omukristo tawe. Khuucha mu kanisa se khukhola ewe khuba omukristo lukali leelo khutuma khuucha mu Karachi ekhukhole khubaa ong’ona bimocha lugongo. Khuba mulala mwaabo bali mu kanisa, khubaa mwibukana biili ndalo, ne khuwana khu milimo kie mu kanisa se khukhola ewe wabaa omukristo tawe.
Ebangeli yekesia eli ako kamalyi niko khukhola se kakhukhola khwafukilibwa khu Wele tawe. Tito 3:5 liboola lili, “aakhuonia efwe, se kaba khulwe bikholwa bilayi bioosi bioosi nibio khwakhola fwabene tawe, ne kakhali sikila siisa siewe omwene, khubirira mu Roho Omutakatifu, okhuelesianga efwe lisaalwa liya ne bulamu buyia khulwe khukhusiinga efwe.” Nono, omukristo ali omundu osaalibwe buyia khwamana ne Wele (Yoana 3:3;3:7; 1Petero1:23) lundi kareere lisuubila liewe mu Yesu Kristo. Baefeso 2:8 Sikhuboolela siili, ”sikila khulwe kumwalaalo kwa Welemwaonisibwa khubirira mu lisuubila- lundi se lili khubeela mwabene tawe ne kakhali khusiaanwa sia Wele.”
Omukristo wa ng’ali ali omundu oreere lisuubila mumundu ne kimilimo kia Yesu Kristo, ne lilimo lifwa liewe khumusalaba khuba kumurungo kwe bubwoni nende lilamukha liewe khu ndalo ye khataru. Yoana 1:12 Siboola siili, “Khwabo boosi bamwakaanila ,mala basuubila mwisina liewe abaelesia bunyali bwe khuba babaana ba Wele.”Sisindu siibofu khumukristo wa ng’ali siili busiime khubaandi ne liria khu elomo ya Wele (1Yoana2:4,10). Omukristo wa ng’ali bulayi bwene ali omwana wa Wele, lubekakho lulala khu family ya Wele, ne mulala nio baelesie bulamu buyia mu Yesu Kristo.
Wakholile burobhosi khu Kristo khulondekhana nende niko wakhasoma ano? Ne kali kario, nosima minakho “neyamile Kristo luno” amwalo.
English
Bukristo buli siina?