Lirebha
Nono narere lisuubila liange mu Yesu…lilindi aba sina?
Likobosio
Wateka! Nono wabukuule engila endayi ekalukhasia imenya lioo!mbaara onyala khuba ne wireba, “nono aba sina? Enyala ndiena nanja lukendo lwange nende Wele?” chipoiinti chirano chilakhwekesia chingila khwamana nende Ebangeli chili amwalo awoo. Noli nende kamareba mu lukendo lwoo,nosima kendelela: www.GotQuestions.org/Bukusu.
1. Khaka mu bung’ali omanye buonia.
1 Yoana 5:13 Ese ndikho mbandika kano khwinywe mu mwasuubila mu mwana owa Wele nio mwole khumanya muli, muli ne bulamu bwa mindali.” Wele yenya khumanye buonia. Wele yenya ebwe khube nende bunyindafu bwe khumanya mu bung’ali mbo khwaonisibwa. Mu bwimbi , khakhuche khu chipoiinti chili nende busiro che buonia:
(a) Fwesi khwakhola bubwoni. Bakhola bibiindu bikhasimisia Wele tawe (Baromani 3:23).
(b) Sikila khulondekhana ne bubwoni bwefwe, khwenyekha khwanyola siiukuumo, ne khuba aleeyi mindali khwama khu Wele(Baromani 6:23).
(c) Yesu afwila khumusalaba khurunga siiukuumo sie bubwoni bwefwe (Baromani 5:8; 2Bakorinto5;21). Yesu kakhufwila , ne khubukula siiukuumo nisiio khwakwanibwa. Khulamukha khwewe khwekesia mbo lifwa lia Yesu lianyala khurunga bubwoni bwefwe.
(d) Wele aana khubeelwa nende buonia khwabo boosi baara lisuubila liabwe mu Yesu – Khusuubila mu lifwa liewe khuba kumurungo kwe bubwoni bwefwe (Yoana 3:16; Baromani 8;1).
Obuno buli burume bwe buonia! Kaba bali waarere lisuubila lilioo mu Yesu Kristo enga Omuonia owowo, wabonisibwe! Bubwoni bwoo bwoosi bwa nyolile khubeelwa, ne Wele akhulaka alii salikhulekha namwe akhwibilile tawe (Baromani8:8-39;Matayo 28:20). Khebulila , buonia bwoo bulindwa mu Yesu Kristo (Yoana 10:28-29). Kabali asuubila busa mu Yesu yeng’ene enga omuonia owowo, onyala waba nende bunyindafu mbo olimenya mindali ne Wele Mwikulu!
2. Weenja ekanisa endayi eyekesia Ebangeli.
Okhakanakana ekanisa enge eenju tawe. Ekanisa eeli babaandu. Siili sie nganga mbo aabo basuubila mu buambaani bwa Yesu Kristo nende buuli mulaala. Esiio sili sifuno sie khuranga sie kanisa. Nono kabala warera lisuubila lilioo mu Yesu Kristo, khukhuramo kumooyo lukali khuli nyola ekanisa esuubila mu Ebangeli mu ngongo yoo mala olomelome nende omwilwaji . lekha amanyekho lisuubila lioo mu Yesu Kristo.
Sifuno sie lwe khabili sie kanisa siili khukhwekesia Ebangeli. Onyala weika khurumikhira kamalaka ka Wele mu limenya lioo. Khumanya Ebangeli khuli khwe nganga mu khumenya limenya liio omukristayo lie khuendeleya lili lie kamani poo. 2Timoteo3:16-17 aboola, “Kamaandiko koosi kama khu Wele lundi ke bukhalamu khwekesia bung’ali, khukaania kamakhikha, khuluungisia kakhali ng’ali tawe ne khuanalikaambilakhuloondekhana ne limenya lie buluungi, nio omundu okhalabanila Wele abe ne bioosi nibio enya nioakhole buli siindu siili silayi.”
Sifuno sie lwa chitaru sie kanisa siili khusaaya. Khusaaya khuli khusima Wele khu koosi niko akhukholele! Wele kakhuonisie. Wele kakhusima. Wele akhukelekela lundi akhuluungisia. Khubela sin khukhamusima tawe? Wele ali omutakatifu , omuluungi, owa busime, owe siisa, lundi we kumwalaalo. Lifuunulo 4:11 sibola kano,”Omwami wefwe lundi Wele wefwe, ewe wolaana , oeebwe luyali, lukoosi ne bunyali, sikila ewe wabuumba bibiindu bioosi, ne khulwe lilienya liowo biaebwa limenya ne bulamu.”
3. Baakho nende bise buli endalo oore chinganakani khu Wele.
Buli bulayi khubaakho nende bise buli ndalo khura chinganakani khu Wele. Baandu balaala balanaga bise bino bali “bise bikhali nende luyoka tawe”. Babaandi balaanga bali “bise byee khwiruma khu masaaya,”khubela biili bise nibio khwiruma fwabene khu Wele. Balaala baabona bali baabenende bise bino mabwibwi, babaandi baabona bali buli baabe nende bise bino akoloba. Likhakhunania nge ne onyala wa laanga bise bino tawe, namwe nge nonyala wakhola tawe. Lie nganga lili mbo obe ne bise nende Wele buuli ndalo. Bindu sina bikhung’onela bubweyangu ne Wele?
(a) Lisaba. Lisaba lili busa khulomaloma ne Wele. Looma ne Wele khu biindu bikhunania nende buutinyu bwowo. Reeba Wele akhuelesie Limanya ne liliekesia. Reeba Wele eerusilie khu biindu nibio wenya. Boolela wWele enga ne wamuusima, lundi enge nosangalila koosi niko akhukholela. Kanon niko lisaba liokesia.
(b) Khusoma Ebangeli. Khutasakho , enyuma we khunyola kamekesio ke Ebangeli mu kanisa , kamekesio ke babaana endaluo ya libukana. Nende mukhumenielesia Ebangeli - wenyekha waba noosoma Ebangeli wamwene. Ebangeli eli nende buli siindu niisio wenya khumanya nobe nomenya limenya litulungifu nge ewe omukristayo. Eli nende liebaasia nge nonyala wakhola burobosi bwe limanya, nge nonyala wamanya lilienya lia Wele, nge nonyala warumikha khu baandu babaandi, lundi nge nonyala wa khula mu Roho. Ebangeli eli elomo ya Wele khwifwe. Ebangeli mu bulaayi eli sitaabu sie likaambila liaa Wele nge khunyala khwamenya limenya mu ngila eemusiimisia mala lie bubwichufu mwifwe babeene.
4. Khusia busiime nende babaandu baanyala bakhuyeta mulimenya lie Roho.
1 Bakorinto15:33 sikhuboolela, “Mkhasilwaasibwa tawe: ‘Kumusuumbu kumubi kwonaka kumwiima kumulayi.”Ebangeli eli ne kamakaambilo kamakali nga “kamabi” babaandu banyala bakhukholela. Khuba ne bise bikali nende aabo babeetuba mubwoni banyala bakhola khwakhakibwa nende eebio biee bubwoni. Kimiima kiaabo baali eembi naafwe banyala baakhola kiaakhuamba . Nono buli bulayi khuba eembi nende aabo babaasiima Omwami mala babeerusia khu Omwami.
Khaka onyole omusale namwe babiili, banyala baaba khurura mu kanisa mwoo, banyala bakhuyeta lundi bakhwaa kumooyo (Baebrania 3:13; 10:24).Boolela baasale baabe na bamenielesia mu bise bioo bie khuba nosilile, niko ooba nokhoola, nende likenda liio ne Wele. Barebe boosi nonyala wabakhoolela orio.elino se liiba mbo nono olekhane nende basaale boosi bakhamanyile Omwami Yesu enge Omuonia wabwe tawe. Ewe baa busa omusale wabwe mala basiime. Mu bwimbi lekha bamanye bali Yesu kakalukhasie limenya liio nono sonyala waba no khola biindu bioosi enge wakholaanga tawe. Reeba Wele akhue bubweyangu bwe khuba ne busaangi khu Yesu nende basaale.
5. Ba ne Obatiiswa.
Babaandu bakali se bali nende limanya khu libatiisia tawe. Likhwaa batiisia limaanisia “khu khwisikha mumeji.”Libatiisio eli engila ye Ebangeli ye khuboola busa abuwaanga liiba lie lisuubila liyakha mu Kristo nende khukhwiruma khwoo mu khumuloonda niye. Siikholwa sie khukhusikha mumeji siekesia khuba nosikhwaa ne Kristo. Sikholwa sie khuba ne waama mumeji sikholwa siino siekesia khulamukha khwa Kristo. Khuba nobatiiswa lili khuba ne wimanyilisia wamwene khu Lifwa, lisikho, nende khulamukha khwa Yesu (Baromani 6:3-4).
Libatiisio se lili likhuonia tawe. Libatiisia se lili likhusinga bubwoni bwowo tawe. Libatiisiaa lili busa engila ye khuba nende liiria, khuboolela abuwaanga lisuubila lioo mu Kristo yeng’ene khu buonia. Libatiisia lili lie nganga khubeela eli engila ye khuba nende liiria. Khura abuwaanga lisuubila mu Kristo nende lieruma lioo khu niye. Noli bwerekekhe khubatiiswa , onyala walomaloma nende Omwilwachi.
English
Nono narere lisuubila liange mu Yesu…lilindi aba sina?