Pangutana
Unsa nang kerubin? Ang mga kerubin ba mga manolunda?
Tubag
Ang kerubin/mga kerubin mga anghelikong linalang sa pagsimba ug pagdayeg sa Dios. Ang kerubin unang nahisgotan sa Biblia sa Genesis 3:24, “Human Niya gipapahawa ang tawo, Iyang gibutang sa sidlakang bahin sa Tanaman sa Eden ang kerubin ug ang nagdilaab nga espada nga nagbalik-balik ug kidlap aron pagbantay sa dalan paingon sa kahoy sa kinabuhi.” Sa wala pa ang iyang pagsupil, si Satanas usa ka kerubin (Ezekiel 28:12 – 15). Ang tabernakulo ug templo uban sa mga butang adunay daghang mga representatsyon sa kerubin (Exodo 25:17 – 22; 26:1, 31; 36:8; Unang Hari 6:23 – 35; 7:29 – 36; 8:6 – 7; Unang Cronicas 3:7 – 14; Ikaduhang Cronicas 3:10 – 13; 5:7 – 8; Hebreo 9:5).
Ang kapitulo 1 u 10 sa balasahon sa Ezekiel nagsaysay sa “upang ka buhing mga linalang” (Ezekiel 1:5) isip mga samang linalang sa kerubin (Ezekiel 10). Ang matag-usa adunay upat ka mga nawon – sa usa ka tawo, sa usa ka leyon, sa usa ka baka, ug sa usa ka agila (Ezekiel 1:10; ug 10:14) – ug ang matag usa adunay upat ka mga pako. Sa ilang panagway, ang kerubin “adunay pagkamay-on sa usa ka tawo” (Ezekiel 1:6, 11, 23). Ilawom sa ilang mga pako ang kerubin nagpakita nga adunay hulag, o kamay-on, sa kamon sa usa ka tawo (Ezekiel 1:8; 10:7 – 8, 21).
Ang paghulagway sa Pinadayag 4:6 – 9 daw naghubit usab sa usa ka kerubin. Ang kerubin nagsilbi sa katuyoan pagpadako sa pagkabalaan ug gahom sa Dios. Kini ang usa sa ilang nag-unang mga kaakohan sa tibuok Biblia. dugang sap ag-awit sa mga pagdayeg sa Dios, nagsilbi usab silang makita nga pahinumdom sa kaharianon ug himaya sa Dios ug sa Iyang nagpabiling presensya sa Iyang katawhan.
English
Unsa nang kerubin? Ang mga kerubin ba mga manolunda?