Xamol
Zume woni Kiristaajo?
Nooto
Haalayeere tinndinirii Kiristaajo huunde bano nihi, “nezzo nuzzinzo e Yesu yo Masiifu malla diina tiggaaka dow kollitooje Yesu.” Wi’ugo non zum fuzzoode woozunde, bano no Kaalaayeeje zuuzze tinndiniri, ngam ze laavinaayi boozzum ko linjiila wi’I dow zume woni kiristaajo. kilimawol “Kiristaajo” nde tati naftiraa nder Alkawal Kesal ((Kuuze Nulaave 11:26; 26:28; 1 Biturus 4:16). Tokkuve Yesu to arti innireeki “Kirista’en” Antioch (Kuuze Nulaave 11:26) ngam ngikku mavve e kuuze mavve e bolle mavve nanndi e ze Yesu. Kalimawol “Kiristaajo” e holla to yaasi, “wona nder moofgal Masiifu” malla “tokkoowo Masiifu.”
Nder jamanuuji mettuzum, kalimawol “Kiristaajo” dullii bote muuzum ngam non e ngol naftiree ngol holla nezzo tokkuzo diina malla nezzo eltaazo amma o laatoo malla naa o tokkoowo Yesu e goonga. Yimve zuuzze nuzzinaayi e Yesu kadin ve ngalaa iimaanu dow maako nden e ve mbi’a ko’e mavve ve Kirista’en ngam tan e ve njaha Haykaliiru malla e ve nder “Lesdi” Kirista’en. Amma yahuki haykliiru, yurminanki wonve les muum, malla laatoo nezzo kakkilzo laatinaayi nezzo Kiristaajo. Yahuki haykaliiru tan wartirtaa nezzo Kiristaajo no annduzaa yahuki to wo’’inirde mootaaji wartirtaa nezzo mootawal. Kadin laataaki nder himve wonve to haykaliiru, tawee nder dewe sarde fuu, nden e huuwa ngal haykaliiru wartirtaa nezzo Kiristaajo.
Linjiila hollitii dow kuuze boozze ngazataa Jawmiraawo java-en. Taytus 3:5 wi’i, “O seetake-en, naa ngam kuuze meezen boozze, amma ngam yurmeende maako. O seetirii-en lootol danyiteeki e hesitizineeki ki Holy Spirit.” Ngam maajum, kanko Kiristaajo o gozzo danyitaazo (Yohana 3:3; Yohana 3:7; 1 Biturus 1:23) kadin e nuzzini nder hoolaare Yesu. Efiisiyankoore 2:8 wi’i-en inke “…ngam yurmeende seetazaa, dow laawol iimaanaaku—kadin naa ngam moozon, zum dokkal Jawmiraawo.”
Kiristaajo mo goonga yo nezzo nuzzinzo kadin nder hoolaare Yesu e kuuze maako, hawti e mayde maako ngam lootuki junuubaaji e fintuki maako nyannde tatavre. Yohana 1:12 wi’i-en, “Fuu e javuve-mo, e nuzzinve e innde maako, o hokkive baawal laataago vivve Jam.” Ko hollata Kiristaajo goongaajo kanjum woni enzaaki wovve e kadin tokkuki Haala Jawmiraawo (1 Yohana 2:4, 10). Kiristaajo mo goonga kanko woni vii Jawmiraawo, o zon nder iyaalu maako ngu goonga, nden o hokkaama ngeendam kesam nder Yesu.
A havvii niyya dow Yeesu ngam ko njannguza zo’o? To non, kusu nyo’’u dow "Mi javii Yeesu Almasiihu hannde " dow pezel to les.
English
Zume woni Kiristaajo?