Khamhnak Hmuhnak Ca Ah Rom Lam Timi Hi Zei Dah A Si?

Khamhnak hmuhnak caah Rom Lam timi cu Rom cauk in thawng`ha hrilhfiahnak lam pakhat a si. Zei ruang ah dah khamhnak kan herh timi hrilfiahnak lam a `ha ngaimi pakhat a si, zeitindah Pathian nih khamhnak hi a kan pek, zeitin dah khamhnak hi hmuh khawh, cun khamhnak nih zei dah a chuahpi timi fianternak a si.

Khamhnak hmuhnak ca ah Rom Lam timi cacang a pakhatnak cu Rom 3:23 a si, “Zei ca ah tiah mi vialte cu kan sual dih cio ko i, Pathian sunparnak cu kan chambau dih cio ko hna.” Kan zapi in kan sual dih. Pathian nih a duh lomi thil kan tuah dih. Mithiang mi pakhat hmanh kan um lo. Kan nunnak ah sualnak hi zeidah a si timi hi fiang tein Rom 3:10-18 nih a kan chimh. Khamhnak hmuhnak caah Rom Lam cacang a pahnihnak cu Rom 6:23 a si, hi nih a kan cawnpiakmi cu kan sual ruangah zeidah a chuahpi timi a si. "Zei ca ah tiah sualnak man cu thihnak a si, asinain Pathian laksawng cu Jesuh Khrih thawngin nunnak a si," ti. Kan sual ruang ah kan hmuh dingmi cu thihnak a si. Taksa lawngin si loin thlarau zong in a si chih.

Khamhnak hmuhnak ca ah Rom Lam cacang a pathumnak cu Rom 6:23 a si, "Sihmanhsehlaw Pathian laksawng cu Jesuh Khrih thawng in zungzal nunnak a si." Rom 5:8 nih a chim `hanmi cu "Asinain Pathian nih kan sin ah a dawtnak kha a vun langhter, cu ah cun kan sual cuahmah ko lio ah cun Jesuh Khrih cu kan ca ah a thi." Jesuh Khrih cu kan ca ah a thi. Jesuh Khrih a thihnak nih kan sualnak man kha a cham dih cang. Jesuh Khrih a thawh`hannak nih a langtermi cu Jesuh Khrih a thihnak hi kan sual ruang ah a si ko timi Pathian nih a cohlannak a langhtertu a si.

Khamhnak hmuhnak ca ah Rom Lam cacang a palinak cu Rom 10:9 a si, "Jesuh Khrih hi Bawi a si ko tiah na kaa in na cohlan i na thinlung in Pathian nih thihnak in a thawhter tiah na zumh ahcun khamh na si lai." Jesuh Khrih hi kan ca ah a thih bantuk in, kan zumh hrimhrim a hau, kan sual ruang ah a kan thihpiak timi hi kan zumh awk a si. Cuticun khamhnak kan hmuh lai. Rom 10:13 nih a chim `hanmi cu, "Bawipa min a aumi paoh cu khamh an si lai," a ti. Khamhnak hi mikip ca ah a um ko. Jesuh Khrih hi ka Bawipa le ka khamhtu a si tiah kan zumh ahcun khamhnak kan hmu ko lai.

Khamhnak hmuhnak ca ah Rom Lam a donghnak bik cu khamhnak nih a chuahpimi a phi a si. Rom 5:1 nih cun, "Cucaah zumhnak in thiamcoter kan si cang ca ah Kan Bawipa Jesuh Khrih thawng in Pathian he daihnak kan ngei cang," tiah a ti. Jesuh Khrih thawng in Pathian he a daimi pehtlaihnak kan ngei cang. Ral kan si ti lo. Rom 8:1 nih a chimmi cu, "Cucaah Jesuh Khrih ah a um cangmi hna ca ah cun sualphawtnak a um ti lo," a ti. Sual phawt awk kan um ti lo. A donghnak ah, Pathian nih a sunglawi tukmi bia a kan kamh. Romans 8:38-39, "Zei caah tiah thihnak siseh, nunnak siseh, vanmi si hna seh, uktu si hna seh, huhamṭhawnnak siseh, atu thil si hna seh, a ra laimi thil si hna seh, a sangmi thil si hna seh, a thukmi thil si hna seh, sermi thil zeihmanh nih si hna seh kan Bawipa Khrih Jesuh chung ah a ummi Pathian dawtnak he cun a kan ṭhen kho lai lo ti kha fiangte in ka hngalh."

Rom Lam cacaang nih a kan cawnpiakmi hi zulh na duh maw? Rom cakuat chung ah khamhnak kong a kan chimhnak kha a si. Pathian sin ah hitihin thlacam ko. Khamhnak na hmuhnak cu Jesuh Khrih ah zumhnak na ngeihmi kha a si ko. Pathian, na hmai ah kei cu misual ka si, thih ding aa tlakmi ka si. Asinain na Fapa Jesuh Khrih ka ca ah na thihter timi ka zumh i a ka khamhtu le ka Bawipa a si tiah ka cohlang cang. Na dawtnak le na vel ruang ah kaa lawm. Amen.

GotQuestions.org ah Pathian thawng`ha na relnak thawngin Jesuh Khrih na zum maw? Na zumh ahcun, a tang ah aa `ial mi “Nihin in Jesuh Khrih ka zumh cang” timi kha hmet ko.

English

---

Hakha holh in leh mi ahramthawk ah vazoh than

Khamhnak Hmuhnak Ca Ah Rom Lam Timi Hi Zei Dah A Si?