Bia halnak
Kan Thlarau Lam A kan Hmuhsaktu Lam Pali Hi Zeidah An Si?
Bia lehnak
Thlarau lam hmuhsaktu pali hna cu a tanglei bantuk in an si hna. Biakam Thar nih zeitin dah a chim ti mi kan zoh lai.
A pakhatnak thlarau lam hmuhsaktu cu Pathian nih a kan dawt i khuaruahhar in a `hami khuakhannak a kan ngeihpiak. Johan 3:16 nih, “Cuticun Pathian nih vawlei hi a dawt hringhran caah a Fapa ngeihchunte kha a pek, cucaah amah a zummi paoh cu an thi lai lo, zungzal nunnak an ngei lai” a ti. Johan 10:10 nih Jesuh Khrih vawlei a ratnak a ruang a kan chimh, “Mifir cu fir duh le thah duh le hrawh duh lawng ah an ra. Kei cu nunnak kha an ngeih i duhdim tein an ngeih nakhnga ca ah ka ra,” a ti. Pathian dawtnak coting kho lo in zei nih dah a kan kham? Nun duhdim tein kan um khawh nakding ah zeidah kan tuah a herh?
A pahnihnak thlarau lam hmuhsaktu cu minung vialte hna hi sualnak cirik nih a kan kai dih cang mi kan si i, cucaah cun Pathian he `hen kan si. Cu ruang ah cun Pathian he kan i hlat. Pathian nih kan ca ah khuaruahhar in a `hami khuakhanpiaknak a kan ngeih mi zong kan hngal kho lo. Zungzal in a tlau cang ding mi bantuk in kan um hna. Rom 3:23 nih, “Zei caah tiah mi vialte an sual dih cang i Pathian sunparnak cu an chambau dih ko,” a ti. Rom 6:23 nih kan sual man hitihin a chim, “Zei caah tiah sualnak man cu thihnak a si, sihmanhsehlaw Pathian laksawng cu kan Bawipa Khrih Jesuh thawng in zungzal nunnak a si,” a ti. Pathian nih minung a ser ah hin a lotlau ding in a ser lo, hawikomh awk ah a sermi a si. ~uanvo ngei ding in a ser. Sihmanhsehlaw, minung nih sualnak tu kha vawlei ah an rak chuahpi i Pathian he cun `hen an si. Pathian he pehtlaihnak kha an hrawh. Cucu zeitin dah an ser `han khawh lai?
A pathumnak thlarau lam hmuhsaktu cu Jesuh Khrih hi kan sualnak hlohter awk ah Pathian nih a kan pek mi a si. Pathian he pehtlaihnak kan ngeih khawh `hannak ding ah Jesuh Khrih hi remnak sertu a si.” Rom 5:8 nih a chimmi cu, “Sihmanhsehlaw misual kan si lio thengte ah Khrih kan ca ah a thihnak in Pathian nih a dawtnak kha kan sin ah a langhter,” a ti. 1 Corinth 15:3-4 a chim bantukin Jesuh Khrih hi kan hngalh zong a herh i kan zumh zong a herh, “Zei caah tiah keimah zong nih ka rak cohlan cang i a hmasa bik ah nan sin i ka rak in chanhchinmi hna cu: Cathiang nih a rak chim ningte in, Khrih cu kan sualnak ca ah a thi, cun amah cu an vui, i Cathiang nih a rak chim ningte in ni thumnak ah a tho ṭhan,” tiah a ti. Jesuh Khrih nih fiang tein a chimmi cu keimah lawnglawg hi khmahnak lam cu ka si a ti. Johan 14:6 ah Jesuh nih, “Keimah hi lam le biatak le nunnak ka si; keimah sin in ti dah lo cun aho hmanh Pa sin an phan kho lo,” a ti. Zeitin dah khamhnak laksawng hi ka cotin khawh ning a si lai?
A palinak thlarau lam hmuhsaktu cu, Khamhnak laksawng kan hmuhnak ding ah cun Jesuh Khrih hi a ka khamhtu le ka Bawipa a si tiah kan zumh hrimhrim a hau. Johan 1:12 nih hitihin a chim, “Sihmanhsehlaw amah a cohlang i a min a zummi paohpaoh cu Pathian fa sinak nawl kha a pek hna,” a ti. Lamkaltu 16:31 nih fiang tein a chim `han, “Bawipa Jesuh kha zum law, khamh na si lai,” a ti. “Zei caah tiah vel an ngeih hna caah zumhnak thawng in khamh nan si i khamh nan si cu nanmah tuahnak thawng in a si lo, Pathian laksawng a si. Thilṭha tuahnak in nan hmuh mi a si lo caah, aho hmanh nan i porhlawt awk a si lo,” tiah a ti (Ephesa 2:8-9).
Jesuh Khrih hi a ka khamhtu a si tiah cohlan na duh ahcun, a tanglei bia bantukin Pathian sin ah chim ko. Hi bia chim menmen in cun khamhnak cu na hmu lai lo, na zumhnak kha khamhnak an petu taktak cu a si lai. “Pathian, na hmai ah kei cu misual ka si. Zungzal in a thi ding mi ka si, asinain Jesuh Khrih hi ka ca ah na thihter. Nihin thawk in na cung ah ka zumhnak ka chiah cang. Na dawtnak le na velngeihnak ruang ah kaa lawm. Amen.
GotQuestions.org ah Pathian thawng`ha na relnak thawngin Jesuh Khrih na zum maw? Na zumh ahcun, a tang ah aa `ial mi “Nihin in Jesuh Khrih ka zumh cang” timi kha hmet ko.
English
Kan Thlarau Lam A kan Hmuhsaktu Lam Pali Hi Zeidah An Si?