Praśn
Kyā anant surakṣā pāap karne ke lie anugyāaptr arthāt "lāīsens" hai?
Uttar
Anant surakṣā ke dharm siddhānt ke prati ek sabse adhik samay kī jāne vālī āaptti yah hai ki yah kalpit rūp se logon ko jaisā ve chāhate hain vaise rahane kī aur phir bhī vah bach jāne kī anumati detī hai. Jabki yah ‘‘taknīkī’’ rūp se sahī ho sakatā hai, kintu yah vāstav men saty nahīn hai. Ek vyakti jiskā vāstav men Yīśu Masīh ke dvārā chuṭakārā ho gayā hai to vah nirantar jānbūjhakar pāap karne vāle jīvan ko vyatīt nahīn karegā. Hame kaise ek Masīhī ke rūp men jīnā chāhie aur ek vyakti ko uddhār prāpt karne ke lie kyā karnā chāhie ke madhy men antar spaṣṭ karnā chāhie.
Bāibal spaṣṭ batātī hai ki uddhār keval anugrah se, viśvās ke dvārā, Yīśu Masīh men hai (Yūhannā 3:16; Iphisiyon 2:8-9; Yūhannā 14:6). Jis pal koī vyakti sacchāī se Yīśu Masīh par viśvās kartā hai, vah uddhār men surakṣit ho jātā yā jātī hai aur uskā uddhār surakṣit ho jātā hai. Uddhār viśvās se prāpt nahīn hotā parntu kāryo ke dvārā banāe rakhā jātā hai. Paulus Prerit is viṣy ko Galātiyon 3:3 men sambodhit kartā hai, jab vah kahtā hai ki, ‘‘Kyā tum aise nirbuddhi ho ki Atmā kī rīti par ārambh karke ab śarīr kī rīti par ant karoge?’’ Yadi ham viśvās ke dvārā bache hain, hamārā uddhār bhī viśvās ke dvārā surakṣit aur banā rahatā hai. Ham hamāre uddhār ko kamā nahīn sakate hain. Isī tarah se, ham apane uddhār ko banāe rakhane ko bhī kamā nahīn sakate hain. Yah Parmeśvar hai jo hamāre uddhār ko banāe rakhatā hai (Yākūb 2:4). Yah Parmeśvar kā hāth hai jo hame apanī muṭṭhī kī pakaḍa men rakhatā hai (Yūhannā 10:28-29). Yah Parmeśvar kā prem hai jisse hame koī alag nahīn kar sakatā hai (Romiyon 8:38-39).
Anant surakṣā kā kisī bhī tarah se inkār, iske sār men, yah viśvās karnā hai ki ham apane uddhār ko acche kāryo, aur prayāso se banāe rakhen. Yah pūrṇtayā anugrah ke dvārā uddhār ke viparīt hai. Ham apanī nahīn, parntu Masīh kī yogytā ke kāraṇ bache hain (Romiyon 4:3-8). Yah dāvā karnā ki uddhār ko banāe rakhane ke lie hame Parmeśvar ke vachan ko mānanā yā dhārmik jīvan ko jīnā āvaśyak hai yah kahne ke barābar hai ki hamāre pāpon ke prāyaśchit ke lie Yīśu kī mṛtyu paryāpt nahīn thī. Yīśu kī mṛtyu hamāre pūrv, vartamān aur bhaviṣy, uddhār pāne ke pūrv aur uddhār pāne ke bād ke sabhī pāpon ke lie pūrṇ aur paryāpt thī (Romiyon 5:8; 1 Kurinthiyon 15:3; 2 Kurinthiyon 5:21) .
Kyā iskā arth yah hai ki koī Masīhī jaisā chāhe vaisā jīvan yāapn kar sakatā hai aur phir bhī vah bach jāegā? Yah āvaśyak rūp se ek kalpanā kiyā huā praśn hai, kyonki Bāibal spaṣṭ kartī hai ki sacchā Masīhī ‘‘Jaise bhī vah chāhe’’ aise nahīn jīegā. Masīhī naī sṛṣṭi hote hain (2 Kurinthiyon 5:17). Masīhī Atmā ke phalo ko pradarśit karte hai (Galātiyon 5:22-23), na ki śarīr ke kāryo ko (Galātiyon 5:19-21). Pahalā Yūhannā 3:6-9 spaṣṭatā se ullekh kartā hai ki ek Masīhī nirantar pāap men jīvan vyatīt nahīn karegā. Is ārop ke uttar men ki anugrah pāap ko baḍhaāvā detā hai, Paulus Prerit pragaṭ kartā hai, ‘‘To ham kyā kaheṃ? Kyā ham pāap karte rahen ki anugrah bahut ho? Kadāpi nahīn! Ham jab pāap ke lie mar gae to phir āge ko usmen kaise jīvan bitāen (Romiyon 6:1-2).
Anant surakṣā pāap karne kā anugyāaptr arthāt lāīsens yā adhikār nahīn hai. Apitu, yah ise jānne kī surakṣā hai ki jo Masīh par bharosā karte hain unake lie Parmeśvar ke prem kī gāranṭī dī gaī hai. Parmeśvar ke mahān uddhār ke upahār ko jānnā aur samajhnā pāap karne ke lāīsens yā adhikār dene se viparīt hai. Koī kaise, Yīśu Masīh ke dvārā hamāre lie chukāī huī kīmat ko jānne ke bād bhī, pāap kā jīvan vyatīt kar sakatā hai (Romiyon 6:15-23)? Koī kaise viśvās karne vālon ke lie Parmeśvar ke binā śart aur gāranṭī men die hue prem ko samajhne ke bād bhī, us prem ko lekr aur use Parmeśvar ke cehare par phenk sakatā hai? Aisā vyakti use dī huī anant surakṣā kā pradarśan nahīn kar rahā, parntu iskī apekṣā usne Yīśu Masīh dvārā die gae uddhār ke anubhav ko vāstav men nahīn samajhā hai. ‘‘Jo koī usmen banā rahatā hai, vah pāap nahīn kartā. Jo koī pāap kartā hai, usne na to use dekhā hai aur na usko jān hai (1 Yūhannā 3:6).
English
Kyā anant surakṣā pāap karne ke lie anugyāaptr arthāt "lāīsens" hai?
